Ask @totahamed1999:

Space ... 👀

الناس اللي أذتنا ما ينفعش نحملهُم كُل الذنب لوحدهُم، إحنا كمان شُركاء في وجع قلبنا وفي كُل اللي وصلنا له، إحنا اللي عظمناهُم في نظرنا وشوفناهم كويسين أكتر من اللازم، إحنا اللي اِتغاضينا عن عيوبهم كتير، إحنا اللي رسمنا ليهم سيناريوهات في دماغنا وشوفناهم من خلالها وحطيناهم في مكانة أكبر بكتير من اللي يستحقوها، وبعدين فتحنا عينينا وشوفنا حقيقتهم فقولنا إنهم اتغيرو وبقو وحشين.. لكن الحقيقة إنّهُم وحشين وإحنا بس اللي بالغنا في حُبنا ليهم وكنا مُغفلين ومعميين عن الحقيقة.. فربنا يسامحنا بقى على اللي عملناه في حق نفسنا.

View more

People you may like

Space 🦋!

حاول الفترة الجاية في حياتك تكون أهدى من كدا، دوّر على راحتك واِبعد عن الضغط، بلاش زحمة حواليك واكتفي باِتنين تلاتة يكونو بيحبّوك وفاهمينك، ومش مُضطر تبرر لهم كُل كلمة بتقولها ولا توضح قصدك ونيتك كُل شوية، الحياة أصلًا بتضغط عليك من كذا إتجاه فيا ريت إنتَ كمان ما تزوّدش الضغط دا على نفسك، وخُدها قاعدة الشخص اللي بيضغط عليك ويشكك في نفسك ويوصلك لمرحلة تكون كاره فيها الناس والحياة عُمره ما هيكون الشخص المُناسب ليك ولا عُمرك هتدوق طعم الراحة معاه.. اِعتزل كُل حاجة بتضغط عليك وكفاية أوي لحد كدا.

View more

Space 🦋

اللي على طول ساكت، باهت، ومبقاش يتكلم زي الأول، إيه ممكن يكون السبب؟
ج/ فيه نوعية ناس لما بتزعل مبتتكلمش!
بتسكت خالص، بتحل مشاكلها بالسكوت لحد ما سبب المشكلة ده يمشي.
مش علشان هو جامد جدًا وهيحلها لوحده، هو أصلا مش عارف يحل أو يربط، هو كل اللي عنده السكوت!
ومبيبقاش عنده طاقة إنه يحكي - مش علشان خايف إنه يتخذل،لا - هو فعلًا معندوش طاقة يعافر ويحفر في بطن المشكلة اللي سكتته ويتكلم عنها، فبكل بساطة (بيسكت).
الناس دي بتبقى عرضة لحاجتين، للأذى من فرط السكوت ولمهاجمة أصحابهم ليهم إنهم بيركنوهم على الرف وإن أصحابهم دول ملهمش لازمة في حياتهم!
بالعكس، هو من ضمن أسبابه إنه مش عاوز يشيلك أصلا -وهو عارف إنك عاوز تشيل-، بس لما بيفكر ويقول (أنا أصلا معنديش طاقة أحكي، فليه هو يبقى عنده طاقة يسمع؟)
وبالتالي النوع ده بيحتاج المبادرة، ولو سكت متزعلش منه، لأن خروجه من الروتين ده صعب جدًا، متعافرش معاه يحكي، لكن توهه عن الموضوع، خليه يفكر في أي حاجة تانية، خرجه من المود، وإوعى تزعل منه لأنه مبيحكيش، لأنه والله بيفكر في زعلك قبل زعله أصلًا، فَمتزودش الطين بلة وتشوف نفسك قليل، لأنك مش كده، وأقف جنبه لأنه محتاجلك.

View more

تجربتك في الجامعة سيئة، لا تخبر صديقك المستجدّ عن ذلك، زواجك انتهى بالانفصال، لا تخبر الآخرين أن الارتباط كابوس لا خلاص منه، زميلك يشعر بالإمتنان لوقوعه بالحُب، لا تفترض فشله في العلاقة .. لا تُطلع الآخرين على توقّعاتك لحياتهم تحت مسمّى -النصيحة- ، لا تفعل ذلك أبدًا.

Next