Ask @tottywaheab12345:

ما هو أفضل فلم شاهدته على الأطلاق؟

مش عندى خبرة بالافلام بس انا بحب اى فيلم اكشن وخيال علمى وبيكون بالنسبالى افضل فيلم عالاطلاق😂❤️
avengers
Bloodshot
Captin America
Fast and furious
Jumanji2019
افلام نهاية العالم اللى اللى جت الفترة اللى فاتت هى فيها شوية رهبة بس عجبتنى ❤️
مش فاكرة تان بس عموما انا مش من هواة الأفلام اوى يعنى ومعدوين اللى شوفتهم 😅

View more

صف نفسك 🌼

اكتر حاجة انه انا انسانة بيتوتية جدا جدا من الدرجة الأولى بحب البيت جدا بستمتع بالجو الهادى ❤️
علشان كدة مبنزلش بنها كتير وفالدراسة كنت ممكن اقعد اسبوعين منزلش الكلية واغيب من الراوندات وحاجة آخر روقان يعنى
مش هوصف نفسى اكيد يعنى بس النقطة اللى ذكرتها دى اكتر حاجة طاغية
وحقيقى مش عارفة ف المستقبل هتعامل ازاى انه اشتغل وأنه بحب البيت ف نفس الوقت 😢❤️

View more

تحدث💙

اما حد يقولى انا حسيتك من الكلام انه انتى اللى باعتة الكلام ده بفرح اكتر
انه شخصيتى بتبان ف كلامى أو أنه فى حاجة ف كلامى بتوضح للى حواليا انه انا اللى كاتبالهم الكلام ده ودى بتتقالى كتثر ❤️

View more

Space..

اى حد ياخد باله من اى تفصيلة ف حياتى أو ف شخصيتى أو أى تغيير بحاول اعمله بياخد قلبى فعلا وبحط الناس دى ف عينى
يعنى اما واحدة صاحبتى كلمتها امبارح وقالتلى انتى اتغير فيكى كذا وكذا وكذا
انا بقيت فرحانة بيها انها واخدة بالها انا بحاول اعدل ايه واوصل ل ايه وبفرح اوى إجمالا بالتفاصيل لأنه مش اى حد يقدر ياخد باله من تفاصيلك ❤️

View more

أفضل برنامج عندك

كان الفيسبوك
حاليا الأسك لأنه الواحد بيحس انه واخد المساحة الكافية فيه وف نفس الوقت مفيش عيون قاعدة مترصدالك زى الفيس
يعنى بحسه مجتمع منغلق على نفسه كدة ومريح اكتر وانا بعبر فيه عن حالى اكتر ❤️

View more

ولد معجبة بيه بكراش عليه بفكر اكلمه ممكن نصيحتكم قبل مااعمل حاجة وأندم عليها 😞

طيب مش هدخل ف اتجاه التعنيف
بس انتى مدركة كم المشاكل اللى هتدخلى فيها الشيخ محمد عطية بيقول كلمة عظيمة فعلا [غلى نفسك] لازم تخلي قلبك غالى ومش بالسهل كدة تفرطى فيه وتكونى انتى الطالبة والراغبة خصوصا انه احنا فطرتنا نكون مرغوبات ومطلوبات مش العكس
زائد انتى متعرفيش اصلا الشاب ده موقفه ايه تجاهك ممكن تكونى مش ف دماغه اصلا وساعتها هتكونى رخصتى قلبك وتم رفضك وتعيشى ماساه مع نفسك وهتفضلى فاكراها طول عمرك ده غير أنه ممكن يكون مش امين اصلا ويحكى فيخلى شكلك مش حلو أبدا وهتعيشى ف ندم طول عمرك
الحب عمره ماكان بيتم تسوله والحب مينفعش يكون فيه طرف زاهد وطرف مقبل ومتمسك وانتى كدة هتحطى نفسك ف معادلة غلط وف الغالب هتبربطى قلبك بالشخص ده وهترفضى اى فرص تانية ممكن تتعرض قدامك واحسن منه ف ليه نحط نفسنا ف الحالة دى انتى تقربى من ربك اكتر وتقطعى اى وسيلة تربطك بيه
الحب رزق زى اى حاجة ف الدنيا فوضى أمرك لربك ولو ليكى نصيب فيه هيجيلك من غير اى جهد ولو ملكيش حتى لو اتشقلبتى خلاص مفيش نصيب
فارجوكى نصيحة من اخت ليكى ابعدى عن اللى هتعمليه ده علشان متندميش بعد فوات الأوان
ده فيديو للشيخ محمد بيتكلم عن نفس حالتك ابقى اسمعيه ❤️https://www.facebook.com/m.atiia.soliman/videos/1305808432832332/

View more

Next