الضيقه اذا استحلت القلب توجعه وكثير، بس حاول على طول بوقتها أن تبعد الضيقه عنك، اشغل نفسك تصدق أستغفر كثير صل ركعه، أنبسط بأتفه الأمور غير من روتينك سو أي شيء يبعد عنك الضيقه الموجعه،لا تستلم لأي شيء يبعد البسمه عن شفاتك، وترانا عابرين بالحياه هذي فخلونا نعيشها بكل أيجابية وبسّمه
تعاتبه عشان ماتخسره عشان مايكون البُعد حليفكم بيوم من الايام ومطنش رسائلك وغايب ويرد متاخر، وبعدها يجيك بُرود تجاهه وتبدا تكرهه وتشوفه ولاشي، وتمر الايام ويجيك بكل بساطة يقول"اشتقت"عن أي شوق تتحدث؟وانت تركتني يوم كنت أحتاجك بجمبي، يُوم كنت اشوفك الغير وخذلتني، والحين تقول اشتقت؟
عندي قناعة أن الي يبيك مُستحيل يتركك أو يخذلك بيوم من الايام، الي يحبك مايقدر يبعد عنك لأن مو بكيفه لان القلب اذا حّب شيء مُستحيل يخليه أو يبعد عنه، لكن الي صاير الحين"أحبك" حُب كلام وحكي أو بالأصح طقطقه، والي راح يتعب ويتوجع الطرف الي حّب ووفى من كل قلبه لان كان شعوره صادق
شعور أنك تبادر لوحدك مُمل جدا، تسال وتهتم وتخاف وتسوي حاجات للشخص الي تحبه ما سويتها لنفسك بس عشان قلبك يحبه، بس مع الوقت بيتحول الحُب كله لكره ويصير فيك كُره عظيم وبّرود، ووقتها تبدأ يصير فيك تُبلد من الشخص الي تحبه مهما سوى لك وبادر واهتم بتشوفه ولا شيء
تغلط معاي براحتك، تكذب علي براحتك، تخون براحتك، تغيرت علي براحتك، ما تكلمني براحتك، تتاخر بالرد براحتك، تتكلم من وراي براحتك، بس ترجع تلقاني مثل"أول" لا هذي براحتي انا.
مستحيل اتغير على شخص عشان مليت منه او عشان لقيت شخص غيره، انا ماتغير على احد الا اذا حسيت مكانتي تغيرت وحسيت بشعور مو حُلو، شعور أني اهتم وأخاف وأوفى وهُم مو بحاسين"وقتها" يتغير كل شيء لو ايش ما كانت مكانتك عندي
مرات تمّر بفتره تخاف أنك تخش بعلاقه من كثر الخذلان الي قد جاك، حتى لو جاك شخص تشوفه الغير ومستعد يسوي كل شيء عشان عُيونك ما تتضايق، بس فكرة البُعد تضل تتراود ببالك، تخاف أنه ما يفهمك بعدين أو مايتحمل غيرتك أو يتغير عليك، فدائما يجيك شك البُعد بأي علاقة وتخاف انك تنخذل
اخيس شي لما العلاقة تبرد وتشارف على الانتهاء واغلبها مجاملات وردود مختصره ،وتمر الايام وكل واحد ينشغل بحياته ، ويصير الوضع رسميات والشخص اللي كنت تشوفه شي حلو بحياتك صرت اللحين تشوفه غريب من كلامه وردوده المتأخرهه، ويصير كل واحد ما يتحمل الثاني وكلهم يفهمون بعض غلط ، ويبدا ينتهي كل شي كان حلو.
أنا لما اتغاضى عن اغلاطك وتصرفاتك مو معناته مو شايفها، هذا معناته ان العتاب عندي خلص ولما عتاب قلبي تجاه شخص"يخلص"أعرف ان مكانته تغيرت بداخلي تماماً، استمر بأفعالك لين حتى وجودك بحياتي يخلص وما أشوفك ولا أي شيء، ومثل ما أعطيتك غلاه ومُعزه وحُب اقدر اتخطاها مع الوقت وأنساك