طيب .. انا حابب اتكلم عن شخص .. كنت محتار و متردد جدا و كنت عاوز اخليها بعد الفاينال بس لسا بدري اوي اوي .. حابب اتكلم عن واحد صحبي واحد اتعرفت عليه من 6 ابتدائي و تحديدا اولي اعدادي.. مكانتش تربطنا علاقة قوية بس كان بيننا علاقة ود و من الناس اللي بحبهم و اللي كنت مستني اقرا اساميهم ف اوائل جمهورية الثانوية جدا .. واحد عارف اد ايه ان الحاجة مبتجيش بالساهل و اتحط ف اختبار صعب ساعتها و تفوق و قدر و عمل مجهود و دخل الكلية اللي بيحلم بيها ف حين لو غيره اتحطو ف مواقف مشابهة كان ممكن ميوصلوش للي وصله .. اتعرفت عليه ف اولي و فضلنا مع بعض من ساعتها بنختلف كتير بس مبنفترفقش .. بنشوف الماتشات سوا شوفتا نهائي 2017 و 2016 سوا و كل مرة بيتعكنت عليه البرشلوني التيت و ان شاء الله 2018 نشوفه سوا .. مهما كان اللي ورانا بننزل نشوف الماتشات .. شخص من ساعة مدخلت الكلية و هو بيساعدني من اولي و هو بيساعدني و عمره متاخر عني ولا عز عني حاجة و منساش فرحتي ساعة اما عرفت درجته ف اولي و ترتيبه ولا كاني انا اللي نجحت و تانية ساعة اما كنت واثق انك قدها حتي التيرم الاول ربنا العالم درجتك هونت عليا حجات كتير لاني شايف و عارف اد ايه بتتعب .. تساله ف اي وقت يرد و فاكر الحجات اللي كان بيفهمهالي شرحا قبل منلجا لموضوع الفويس ده ايام البيو شرح المواصلات ولا الاناتومي ولا الهستو و لا وقفته معايا و يحددلي المهم و مراجتعه معايا للبارا ليلة الفاينال تيرم اول و تعبه و وقفته معايا ليلة الفارما اما شرحلي البلود ساعتين و حفظهولي و خلاني حليته و انا قاعد معاه ولا عملي تيرم الاول و لا حتي عملي التيرم التاني (ولنا هنا حديث مطول ❤❤)..اي درجة هجيبها ان شاء الله فليه الفضل بعد ربنا فيها .. ربنا العالم انا بحبك اد ايه و ربنا بيكرمك و بيديك مش عشان تعبك ف مذاكرتك بس عشان تعبك معانا و قفتك جمبنا و حرصك انك تسال علينا ف عز ان انت اللي محتاج وانا عارف كده .. و بزعل اني مش بقدر اوفيك حقك ربنا يكرمك يسطا.. انا فخور بجد ان ليا صاحب زيك يابخت اللي صحبك بجد و انا سعيد ان الكلية دي فيها واحد زيك .. ربنا يكرمك و يديك علي اد تعبك و يكرمك بفضله و يرزقك من حيث لا تحتسب .. حاجة بتروح و بتيجي قدامها حاجة يا صحبي و ان شاء الله نخلص السنادي و احنا بكامل قوانا العقلية و نخلص علي خير ايا كانت النتيجة .. وربنا يوفقك ويكرمك دايما