أنا خاطب بنت..هي فيها سمات كويسة جدا..بس أنا حاسس إن شكلها مش مقبول أوي بالنسبة لي..في البداية ماكنتش واخد بالي من ده أوي .. بعد كدة بان ده ليا جدا .. نصيحتكم أعمل ايه.. وازاي أقولها مثلاً بشكل لطيف إني محتاجها تنزل في الوزن شوية إني محتاجها تجمل شكلها شوية فيما بعد عشاني.. الموضوع مهم محتاج اجباتكم
استرجل تعرف تسترجل وبلاش مياعة النسوان دي منت شفتها من الأول معجبتكش كنت ارفض متبهدلش بنات الناس معاك خطبتها ليه لما انت مش مقتنع.
لو مكملين الله يعينها ع واحد بشخصيتك وعادي ممكن تقولها انت حاببها تعمل أيه وهي لو بتحبك هتعمل ده لو فيك حاجة تتحب بشخصيتك دي بالتوفيق.
ولو مش مقتنع اسأل نفسك الأول لو مش مقتنع بمتبهدلهاش معاك وتطلب انها تغير من نفسها وفي الأخر تسيبها زي ما خطبتها وبتقول مش عجباك دلوقتي أصل دي بنت ناس واللي انت بتعمله ده اسمه هبل اعقل كده الرجالة مبتعملش كده.
سبها هي مش مضطرة تغير من نفسها عشانك
.. هي لو هتغير من نفسها يبقى علشان هي حابة ده في حد تاني بيحبها او هيحبها فالصورة دي او اي صورة تانية
البنات كتير شوفلك حد تاني بس خليك انسان وانت بتنهي الموضوع متسببلهاش أي أذى نفسي وانت بتمشي
كلمها
اي لازمة سمات كويسه ال ف الاول بقي....
طالما مش متقبلها زي ماهيا سيبها غيرها هيقدرها ويعرف قيمتها....
مافيش حاجه اسمها تجمل نفسها شويه
تسيبها للي يستاهلها ويحبها زي مهي
بكل عيوبها ومميزاتها
انت نفسك مليان عيوب هي تغاضت عنها فمش مطالبه تغير من نفسها عشانك ونصيحه طالما عايش بالمقارنات مش هترتاح فحياتك
لو حاببها فعلا مش هيهمك شكلها خالص لان الشكل بيروح لكن الصفات و الأخلاق دايمة مع الايام هي هتتغير و اكيد هتغير ف شكلها يمكن هي لسه مش واخدة عليك او لسه محبتكش ف اديها وقتها و ب اذن الله كل حاجة هتتعدل
سيبها ومتقرفناش ، مترحش لبنات الناس تقلل ثقتهم ف نفسهم وتقرفهم
لمح لها ولو عدم القبول استمر سيبها
القبول شرط أساسي للزواج
بس انت حبيتها وهي كدا !!
ايه ال اتغير بقا
اكيد شوفت الاحلي منها....
ف دا معناه انك مش بتحبها 🤷🏻♀️
ي صاحبي الشكل مش كل حاجة أهم حاجة اللي في القلب ممكن تاخد واحدة شكلها حلو وطين عيشتك
