الحب من طرف واحد ده أكبر ظلم ممكن تظلمه لنفسك ، وأن مهما كان اللي بتحبه ده فظيع ومايتسابش ، بس أنت أكيد أهم وأغلي ، وماتستاهلش تعيش وأنت حاسس أنك قليل أو مش كفايه ، نصيحه أعملوا control ع نفسكوا ، وماتسمحوش لنفسكم تحبوا حد مش متأكدين أنه هو كمان بيحبكم !
لو رجع بيا الزمن تانى كنت هتمنى انى مقابلش ناس كتير او حتى اشوفهم صدفه، كنت همنع نفسى من اى حاجه عملتها بحسن نيه واتفهمت غلط، كنت هتحكم اكتر فى حاجات عملتها من قلبى ومتقدرتش زى ما كنت متوقعه، كنت هتمنى فعلا لو انى ابقى فاهمه امور كتير ومضيعتش وقتى فى حاجات استهلكت من روحى عالفاضى
لما تفكر تدخل في علاقة مع حد سواء حُب أو صداقة ، أختار شخص ناضج فكرياً ، فاهم إن الخصام والجدال شيء طبيعي وساعات بيكون صِحي كمان مش معناه نهاية اللي بينكم ، يفضل جنبك ميغلطتش فيك ، ميطلعش سرك ، ويفهم أنها فترة قلق والمياة هترجع مجاريها أبعد عن قليلين النُضج علشان صحتك النفسية😊.