طول عمري بدخل في دواير ناس وبخرج منها برسايل ربنا بس بإختلاف مدة وجودي فيها، الناس بيوت وربك مش هيسيبك تايه في بيت مش بيتك، هيدلك وياخدك من إيدك ويخرجك منها بسلام برسايله وإشاراته هو بس 💛.
الحمد لله علي نعمه العلاقات الخفيفه ..بتاخد من طاقتك أه لان أي علاقه لازم تبذل فيها طاقه بس في علاقات بتجدد طاقتك دايما ..بتحسسك إنك مش مستهلك علي طول ..الحمد لله علي كام شخص يفهم كلامك المكلكع يفهم شعورك اللي مالهوش سبب مقنع ..العلاقات الخفيفه والمريحه بتجدد طاقتك من غير ما تحس بتجدد فيك حاجه انت مش فاهمها بس دايما هتكون أحسن ..أنجح ..أقوي ..شخص إيجابي راضي عن نفسك وعن تصرفاتك شايف كل حاجه ليها حل ..الدنيا كلها ممكن تكون حلوه في عينك بس بعلاقاتك الخفيفه الحلوه اللي ترتاح فيها ..العلاقات الناجحه شئ مهم لنجاح كل حاجه في حياتك 💚
صباح الخير:" أنا مبسوطه وسعيده، أنا كويسه، انا واثقه من نفسي، مفيش حاجة تقدر تهِزني، إيماني قوي، مطمنه م الي جاي، عندي أمل، انا مرتاحه وراضيه .. أنا كدابه.
ساعات بنبقي عايزين نختفي ونكتئب ومانكلمش حد، وفي نفس الوقت عايزين ناس معينة ياخدوا بالهم إن إحنا مختفيين ومكتئبين ومابنكلمش حد، علشان إحنا كائنات تعبانة في دماغها وناقصة رباية..!