Ask @yasinmarei:

إِنَّا نَحْنُ نَزَّلْنَا عَلَيْكَ الْقُرْآنَ تَنزِيلًا (23) فَاصْبِرْ لِحُكْمِ رَبِّكَ وَلَا تُطِعْ مِنْهُمْ آثِمًا أَوْ كَفُورًا (24) وَاذْكُرِ اسْمَ رَبِّكَ بُكْرَةً وَأَصِيلًا (25) سورة الإنسان #حتى لا يهجر القرآن _اللهم ارحم موتانا وموتى المسلمين أجمعين 🌸💫 _استغفر الله العظيم 🌸

SaYed M. Sudy
💜💜💜💚💜💜💜

View more

شعر

في قلبي حنين يدفعني
لعناق حبيب أهواه
أشتاق إليه. وفؤادي
أفقدت الاشواق صباه
ماذال فؤادي يسألني
ويدوي في الأذن صداه
أين المحبوب؟ برفقته
فرحتنا تلتمس خطاه
هل حقا آتي كي افرح؟
أم بت ماضي ينساه
هل ضل طريقه في السفر
أم ذلي شئ يرضاه
قد وعد ان نبقي سويآ؟
فالآن جهلت مرساه
وظلام الليل يعانقني
فنهاري قد ذهب ضياه
والشمس عني قد غربت
لن تشرق حتي ألقاه
أنهار دموعي قد جفت
لفراق حبيبي تنهاه
أن يبعد أكثر . ترجوه
ليعود بخير أرعاه
ليت حبيبي يسمعني
فيلبي لفؤادي نداه
كي نحيا سويآ في فرح
ويموت الحزن وننساه
..............................................................................................ززز
...قصديدة حنين
حد عزيز عليا جدا في مقام اخويا هو اللي كاتبها ...وان شاء الله قريب ننزله بديوان ادعوله بالتوفيق

View more

....

Yassin Marei (Jokerian)
والله العظيم ماكنا نعرف انها فيهاا موت والله العظيم ماكنا نعرف انه هيتاخد منا ناس كده غدر وبالطريقه دي والله كنا بنتجمع وضحك وهزار بعد اي ماتش في السيده مكناش نعرف اننا هنرجع من غيرهم مكناش نعرف اننا هندور في وشوش بعض مين عايش ومين ميت والناس بتحضن بعض وبتعيط والله كنا بنحب الاهلي والكوره وبس ربنا وحده كان يعلم بينا ايه وبنحب بعض ازاي وكنا بنخاف علي بعض اد ايه
كنا قلب واحد ورجاله مع بعض اوي
في الوحش قبل الحلو الكبير كان بيعلم ويوجهه الصغير والصغير كان بيحترم الكبير وبيقدره

ماشين الصبح علي كوبري اكتوبر لحد المحطه الدنيا كلها حمرا كل مجموعه بتضحك وتهزر وبتتكلم ياجدعان والله كنا رايحين ماتش كوره والله كنا بنحضر لماتش الزمالك بعدها ساعتها قلت للي جنبي احلي لحظات وذكري بعيشها وسط الناس دي الهزار اللي كان مالي القطر والضحك مكنش يقول ان في حاجه هتحصل ولا نعرف اللي مستنينا هناك يوم لما ضربت حمو عشان ميجيش وقالي انتو مش بتحبو الاهلي اكتر مننا ولاقيته وحضنته وقلتله حقك عليا انا خايف عليك ويوسف وهو بيلف جنبي في القطر يطمن علي الناس وانس لما كل ماعدي اخبطه علي كرشه😪اما رشدي وهزاره وصوته اللي كان مالي القطر كل واحد فيهم كان ليه معانا ذكريات ومواقف متتنسيش جوا المدرج كانت العيله وبره المدرج صغير وكبير كلنا قاعدين سوا حقيقي كانت حدوته وقصه جمعها القدر ونهاها الغدر
كنا دايما بنقول يوم مااشجع الاهلي هكون ميت اكيد كانت بتطلع من القلب بس منعرفش انها هتحصل وهتبقي حقيقه اللي جري علي مستشفيات يشوف الناس واللي رجع في القطر مع باقي الناس خوف اهالي كل اللي كان هناك دخول القطر محطه مصر والناس كلها بتعيط وبيشيلو اللي راجع كنا رايحين ماتش كوره اقسم بالله رجعنا من حرب ناقصين ٧٢ ناس كل همها الكوره راحت بطريقه اوسخ من اليهود
انا قلتها وهفضل اقلها ال ٨٥٠ اللي كانو هناك عارفين الحكايه من اولها شاهدين علي كل كلمه طلعت مننا عارفين حبنا وخوفنا علي بعض كان ازاي
كنا فاتحين صدرنا وفاكرين اننا هنقدر نجيب حقهم يشهد ربنا محدش قصر ولا فرط بس احنا عايشين في بلد مفهاش حق بيرجع ايوه دي الحقيقه
بتاخدنا الحياه وبتلهينا يوم بعد يوم وسنه بعد سنه بس هتفضل الذكري جوانا ودايما فاكرنكم وسيرتكم بتيجي بكل خير وبندعلكم كتير لان ربنا وحده يعلم الوجع اللي حصل لكتير
اليوم ده مش بس ناس ماتت فيه لا اللي رجع كمان رجع من غير قلب ولا عقل رجعو وخسرو بعض لان كل واحد يعلم بيه ربنا
١-٢-٢٠١٢ هيفضل اسوء واصعب يوم في حياه كتير لحد ماربنا يفتكرهم
في يوم هنتجمع معاكم وهنقف قدامكم نحكي الحكايه لبعض ويارب تسامحونا اننا معرفناش نجيب حقكم
قتلو اغلي الصحاب قتلو حلم السنين
في الجنه ان شاء الله وربنا يصبر اهاليكم ويرحمنا برحمته
اقسم بالله دايما فاكرنكم مهما الدنيا لاهيتنا
😪😪
لو علي الكلام الواحد هيقول كتير
بس اللي شاف غير اللي سمع وبدون مزايده علي حد
كابو التراس كريم عادل

View more

....

Yassin Marei (Jokerian)
أوعوا تنسوا الحكاية .. 1/2/2012
الساعه 1 .. سبورتينج تتحرك
الساعه 2 ونص .. دمياط والسويس تدخل بلد اليهود الرجاله وصلت وجونيور اهو وهاتك ياهزار
الساعه 4 ونص .. غندور يقول للرجالة هنتقسم مجموعات ولو حد من بتوع بورسعيد اتعرضلكم متردوش عليه
في نفس الوقت مصطفي عصام ع مدخل محافظه الموت ..
الساعه 5 الا عشرة ... اللاعيبه بتضرب ف الملعب
غندور : دوس يسطاا الله يخليك
الساعة 5 وتلت .. دخول ملعب الموت
الاهلي جاب جول *غندور منبعدش عن بعض وكله فوق البانر*
بين الشوطين الكلاب نزلت الملعب والضرب اشتغل
الماتش قرب يخلص ..
في ريحه غريبه شكلها ريحة الموت
الماتش خلص .. حكومه تتسحب .. نور يتقفل .. باب ملحوم .. صوت مكتوم .. الحقوا الناس .. تعالوا الممر .. شيلوا معانا .. مصطفي عصام ربنا يرحمه .. انس ضحكته اختفت .. القتل اشتغل .. عسكري طلع راجل وفتح الباب ..
تليفون مصطفي عصام بيرن حضرتك والدته ؟
ايوه يابني .. الله يرحمه يا امي
شريف عبد الفضيل وشديد قناوي هاتوا المصابين بسرعه .. اوضه اللاعيبه اصبحت اوضه كلها دم
متعب بيشتم ولاد الوسخه .. ابو تريكه بيستشهد .. حسام عاشور وبركات مغمي عليهم ..
ارجع المدرج هات باقي الناس ..
الكلاب هربت .. الصحفين رجعوا فتشتموا فمشيوا
عربيات امن مركزي .. يلا هتمشوا .. طالعين بره لسه في طوب بيتحدف .. خرجنا من البلد الوسخه من غير 74 راجل ماتوا غدر .. خلص اليوم
يوم 2/2 مصر كلها جنازات يعني واقع مش كابوس
غندور مات .. ضحكه اختفت .. صوتنا ارتفع .. ايدينا اترفعت نشيل صحابنا لقبرهم .. ثوره قامت .. انزل اعتصم .. محكمه تتنصب .. حكم يتأجل .. *اولتراس اهلاوي يشل حركة العاصمة بالكامل*
مديريات مصر متحاصرة الساعه 4 الفجر
طلع حكم .. بورسعيد بريئه .. صرخه قلب ام بتعلی ..
مسجد يتفتح .. ديفيلز اتحل
تأجيل تأجيل تأجيل تأجيل
الحق لسه مرجعش ومش هنسيبه ✋
حتى لا ننسى 🖤🦅🖤
الحق جاى جاى ✊74✊
بلد البالة مجبتش رجالة 🖕
رحم الله ال74

View more

status comedy ^_^

انا امتحنت فيزيا امبارح وكان اخر امتحان وفيه ناس كانت بتقولي انها مجمعة 80 درجة في الفاينال وناس تقولي 50 وناس 60 اللي 75 و هكذا ف المهم انا روحت زعلان جدا لاني مش مجمع غير 30 درجة وفضلت زعلان لحد م نمت وبصراحة كان نفسي يطلع كابوس ..المهم نمت ف حلمت اني مش عرف احل كلمه وانا بشيل المادة صحيت من النوم وبدون م اغسل وشي حتي ولا اقعد افكر مسكت الكتاب و فضلت اذاكر وبعد حوالي 5 او 10 دقايق افتكرت اني شيلت المادة والي حصل حصل ف كملت نوم عادي
ملحوظه :انا عارف انها مش كوميدي بس انا كنت عايز اكتب كدا

View more

اتكلمو🌸

Joooud_tarekk
انا متفرقش معايا ان صاحبي يشرب سجاير او بيحشش او ...الخ هو حر يعمل في نفسه اللي عيزه مش عليا غير انصحه
لكن الحاجة الوحيدة اللي بتزهقني هي عدم مصداقية صاحبي معايا في كلامة وبالذات في حتة المذاكرة دي ... انا كل يوم جمعة بقعد انا وصاحبي اللي في علوم وانا في هندسة ف بنقعد نتكلم عن ظروف الدراسة وكدا وحرفيا طلبة هندسة وعلوم دول ربنا يكون في عوننا فعلا المهم في كل مرة يقعد يقوللي انا هسقط وانا مبذاكرش وانا مبعملش وانا وانا
لدرجة اني من كتر كلامة بحس اني ببذ مجهود ضعف اللي بيبذله عشروميت مرة
ف اقولة يبني ازاي طيب والامتياز بتاع السنة اللي فاتت دا ايه وكدا يقولي دا حظ وانا مكنتش بذاكر اصلا
المهم صاحبي دا النهارده لقيته بيقولي باركلي يسطا انا جيبت امتياز في مادة ومادة جيد جدا ولسة الباقي مظهرش ...مع انه من اسبوعين بس كان هيسقط ... انا مش زعلان عشان جايب تقديرات والله ابدا ..ولكن انا زعلان عشان بيداري عليا او بيعاملني كأني شخص بحقد عليه او هحقد عليه لما اعرف انه بيذاكر ودي والله عمرها م حصلت خالص وهو بالذات مش هقدر اعمل معاه كدا لان دا اخويا مش صاحبي احنا من قبل اولي ابتدائي سوا .... ف موضوع ان شخص من قرب الناس ليك اللي حرفيا كل اسرارك معاه يفكر فيك بطريقة وحشة كدا ..دي حاجة تزعل..واللي يزعل اكتر بقا انه بيقولي ان نتيجتة بانت وانا لسة مخلصتش امتحانات اصلا

View more

يلا ي شباب صلاه المغرب بالسنن +قراءه ايه الكرسي بعد الصلاه +الحديث اللي بعد الصلاه و اللي عايزه يقولي وانا ابعته تاني وهنقول سبحان الله٣٣مره و الحمد لله٣٣مره و الله اكبر٣٣مره و هنختم المئه ب لا إِلَهَ إِلاّ اللَّهُ وَحْدَهُ لا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَئ قدير

❤️❤️❤️❤️❤️❤️❤️❤️

View more

Next