@yasmen29

Yasmen Tarek

Ask @yasmen29

Sort by:

LatestTop

Related users

Space 🍒♥︎

mariampasuony420751’s Profile PhotoMariam♡
- "وجود بعض الأشخاص ف حياتك قادر.."، الجُملة دي سبق وقرأتها زي م هيّ كدا، وكانت مكتوبة بنفس الشكل ده وكان الّي كاتبها سايبها كدا عشان يشوف كُل واحد هيكملها ازاي، وطبعاً اختلفت الإجابات ع حسب كُل واحد بيمُر بأيه ف اللحظة دي، وأنا كشخص مردش ع السؤال ساعتها وحابب يرد حالياً ف هرد، وجود بعض الأشخاص ف حياتك قادر إمّا يملاها ويكفيك ويعفيك وينوّرك ويجعلك إنسان سوي ذو مشاعر فيّاضة ونفس راضية بتحب وبتشوف الدُنيا بنظرة حلوة ، إما هيجعلك شخص فاضي سودوي ومبتشوفش الدُنيا غير وحشة وكاره تعامُلاتك الاجتماعية وكاره دُنيتك كلها كمان، وفي الحقيقة كُلنا مُعرضين نكون الشخص الّي وجود الأشخاص عملت فيه كدا، طب هل الحاجات دي بتدوم؟! هل المشاعر ونظرتنا للحياة بتفضل زي م هيّ؟! هل فعلاً هنعيش دايماً متأثرين بوجود او عدم وجود أشخاص ف حياتنا؟!، الصراحة آه ، احنا كائنات اجتماعية واحتكاكنا مع غيرنا بيأثر فينا وعلينا وبيشكلنا كمان، عشان كدا لازم نختار مين يكون ف حياتنا ومين يستحق نتعامل معاه ونتأثر بيه ونسمحلُه يأثر فينا كمان، لازم يكون لينا نظرة ف مين يدخل حياتنا، لازم نحط اختبارات وحواجز لأغلب الأشخاص ف حياتنا عشان ميتبقاش غير الّي فعلاً يستحق ده.. احنا بشر، يعني عايشين بحاجتين واغلبنا بيمشي ورا حاجة فيهم ومالناش غيرهم.. قلب وعقل، ف اعمل الّي يخلي عقلك مبيفكرش ف ازاي الشخص ده ممكن يأذيني واعمل الّي قلبك يخليك مرتاح.. مرتاح وبس.

View more

بمناسبة اللى بيحصل حوالينا واللى بنشوفه دا ف قول الدعاء دا.. -اللهم اخرجنا منها سالمين آمنين غير مفتونين اللهم لا تجعلنا من القاسية قلوبهم يا الله اللهم ارنا الحق حقا وارزقنا اتباعه وارنا الباطل باطلا وارزقنا اجتنابه لا اله الا انت سبحانك انى كنت من الظالمين.

rokiaelkoomy’s Profile PhotoRokia M. Elkoomy
يارب

Space..🌿

- مش كُل الأوقات بتكون مناسبة للكلام المترتب أو الكلام عموماً، ساعات بتجيلنا حالة عدم الرغبة ف الكلام أو الرد على حد _حتى القريبين مننا_ وبنكون قاعدين ف حالة "سكون خارجي" بغض النظر عن "الصراع الداخلي"، حالة مبنكونش عايزين نعمل اي حاجة غير السكوت، آه اون لاين وآه بنشوف استوريز وبنريآكت على بوستز كمان بس كرد على حد ف مبنردش، يمكن تكون الحالة مُبررة أو غير مُبررة بس احنا بنستجيب للحالة وخلاص، ويمكن لو اتكلمنا ف بنقول كلام مالوش علاقة ببعضه، كلام يمكن بعد اما نخلصُّه نقول "هو ايه الّي انا قولته ده" أو "سيبك.. انت عامل ايه"، وفي حالة السكوت أو الكلام الملغبط ف أنت سيب صاحبُه على راحتُه ومتديش رد فعل ليه غير لمّا يطلب عشان ميحسش بعدم راحة ف السكوت يزيد.

Next

Language: English