انا جايبة 95دخلت زراعة كان متاح تربية وما تحتها كنت علمي علوم دلوقتي انا حاسة بخنقة من الدراسة حاسة اني بجاهد وبتعب في كلية مهما تعبت فيها هتسمي خريجة زراعة فلاحة زي ما بيقولوا لما أقولهم زراعة بيبصولي كأنى قليلة كنت عاوزة كلية احسن ودلوقتي بتعرض لتنمر رهيب أحول تربية ولا اعمل ايه
حبايبنا كلهم زرعاوين😍 وجيرانا كمان🙈😂 ومش فلاحين ولا حاجه اوعى تسلمي سمعك للناس.. ببساطه مش بيعملوا حاجه غير أنهم ينتقدوا اي حاجه وأي حد لمجرد أنها مكانه هما مش فيها!
الدراسة في زراعه ثقيلة فعلا.. لكن اتركي كل شئ ع جنب وشوفي هتقدري تكلمي ويكون لك تأثير ولا ﻷ.. او بمعني أصح حاولي تحبي المكان اللى انت فيه (ومتسمعيش للناس.. متسمعيش للناااس)
الناس السلبية طبعا.. التحويل هيضيع سنه من عمرك.. لكن لو مش لاقية شغفك في زراعة حولي -بس مش تحويل لكلية شكلا و اسما يكون لايق وخلاص- شوفي شغفك أي وفين وامشي في طريقه..
-زراعة كويسة
-متسمعيش للمحبطين!
صلي واستخيري الله و ان شاء الله يهديك للصالح يا جميلة.
وابشري😍
أولًا لازم يكون عندك ثقه في نفسك و قدراتك
ثانيا كليه زراعه مش فلاحين و الفلاحين مش وحشين بس انتي هتكوني مهندسه زراعية و اعتقد ان مجالها واسع و كويس و مطلوب ولكن يبقي السؤال الأهم انتي ليه دخلتي زراعه!
بصي لو انتي حابة زراعة اكتر من تربية خليكي فيها وملكيش دعوة بكلام حد.
مفيش حاجة اسمها فلاحة انتي طالبة جامعية مهندسة دارسة عشان تاخد بكالريوس وحتى الفلاحين مش وحشين ولا ناس صايعة
كل واحد ليه رزقه وبلاش سماع للناس الناس لاتقدم ولاتأخر الناس اغبية دايما بيشوفوا الكلام السلبي بس ويقولوه
حبي اللي انتي فيه
ليكي رزق في الصحة والمال والعلم والمكنة كده كده هتاخديه بس
وليس للانسان الا ماسعى
بلاش زعل من حاجة مش موجودة يعني بلاش زعل من كلام انك قليلة وده مش موجود
bosi sebek mn kalam ay 7ad enty el ht3eeshy 7ayatek msh homa elhy3shoha fa matbosesh l kalam had begad w eh y3ny kharegt zera3a? howa msh btt3by feha w btzkre? Kol wahed byakhod elhaga el ahsn lee wtbe3y ykon fe nas fe magalat mokhtlfa ela lw kda makntsh et3mlt, 3momn mtkhlesh kalamhom da ydy2k homa aghbya asasn wmbyfhmosh wklmhom da wala yfr2 m3aki wmsh hyfedk momkn dol yfshlo b3den wenty eltng7y bs lw enty 7asa en elkolya msh 3gbaki enty yeb2a 7awly tarbya, w aham haga mtdy2esh nafsek wmafesh haga esmha olyla, bas law enty ms merta7a feha 7awly w good luck ♥️♥️
استاخيرى الله
بصي لو شايفة تربية كويسه بالنسبالك و هترتاحى فيها حولي 💗
بس في حاجة المتنمرين موجودين في كل مكان بدرجات مختلفة و احنا ساعات كتيير بيبقي لينا دور في أنهم يتعدوا علينا بالكلام
فمن دلوقتى اتعلمى ازاي اللي يقولك كلمة مش علي مزاجك تديله بالجزمة علي بقه ✋
لكده لهتتعبي وتفضلي تاخدى كل كلمة من كل حد وتزعلي و تهربي بدل ما تواجهى 🏃
وربنا يصلحلك الحال 💗
زراعه حلوه جدااا ع فكره و مستقبلها احسن من تربيه مليون مره ..
و كلمه فلاح والكلام ده ، كله كلام فاضي!
علي فكره كويسه و شدي حيلك و شويه مذاكره و في تعيينات و مستقبلها حلو
