انا تعبت طول عمري كنت اتمنى صديقات وصلت للجامعه وللان مالقيت لي صديقات نفسي اصير مثل اي بنت لها صديقه تمشي معها تكلمها تقعد معها انا لحالي واحس بنظرات الشفقه من حولي نفسي اتعرف لكن حاولت التعرف وبالأخير تركوني بدون اي سبب يسحبون ومايهتمون ?? ليش انا شفيني ?
يقلبي ياخخ ليش كذا التعبير حزين ع الليل
محد يضيع بدون صاحب و دامك جامعيه ف اكيد اوقات الفراغ قليل
انشغلي ف جوالك او كتاب جيبيه معاك و اقريه امشي طول الوقت و خلي معاك سماعاتك روحي المكتبه
واذا على كيف تكونين صحبه يرجع لشخصيتك
/فويف
والزق بالناس.. مو لازم يكون عندك صحبات انا عندي واهرب منهم
أولا : انتِ ادخلي مع الناس سولفي سلمي لا تكوني منعزله وبيصير عندك صديقات .
ثانيا : مو شرط يكون عندك صديقات يمكن خيره لك إلى الان ماتعرفتي عليهم يكونو مو كويسات او يغيرونك او يتعبونك، لكن لسى قدامك وقت وكل شيء يجي بوقته
تقدرين تكونين صديقة نفسك ما تحتاجين ناس خصوصا بالجامعة ، بالدوام كوّني علاقات سطحية مو اكثر من كذا لانه اغلب الناس صايرين مصلحة لا اكثر وخصوصا بالجامعة 🌞
خليني انا صديقتك ودزي لي أي حساب لك أضيفك فيه ونتواصل هناك
صدقيني الوحدة أحسن من ونس كدّاب
غيري شخصيتك
مافيك شي ياقلب ، لاكن مو كل واحد لازم يكون معه شخص
بعض الاشخاص ينكتب انهم يعيشون بالوحده ، ..
عادي يمكن تكون خيره لك!
ممكن اذا تعرفتِ على احد ينقلب عليك السالفة! تصيرين كل يوم ترجعين للبيت متضايقة!
وبعدين صدقيني عن تجربة ..
انا كان عندي صديقات ثانوي - مصلحه -
كنت اجلس معهم واجبر نفسي عليهم وهذا غلط بس ما فيه احد كان عندي يوعيني اني اتركهم !
كنت كل يوم وبدون مبالغة ارجع البيت ضايق صدري!
هذا وانا اساعدهم واجيب لهم واعطيهم وكل شيء اسوية لهم !، حتى تخليت عن سمعتي قدام الاستاذات عشان رضاهم !
وتركوني او بالأصح انا تركتهم لانهم ما يستاهلون نص اللي كنت اسويه لهم !، وعشان ما يحسسون أنفسهم بالذنب سوو قروب ودخلوني ع أساس اني صديقتهم وهم عندهم قروب من دوني!! ويسولفون ف حقهم وهذا اللي ضايفيني فيه مخلينه شكل فقط!
ف قلت مب لازم صديقات، والحمد لله رزق ربي قريب??♀️?
صدقيني بيجي يوم بيرزقك الله فيه خلق لطيفين يستاهلونك وتستاهلينهم??????
بس ادعي بصلاتك " سخر لي يالله من عبادك الطيبين من حولي وارزقني من حيث لا أحتسب "?
وبعدين ترا احيانا الوحدة أفضل من اني اجلس مُهانه مع ناس ما تقدر ثمني، أجلس بكرامتي أفضل??View more
ماتدرين ممكن هالشي خيره لك، وطالما انك بالجامعه اكيد دايماً تنضمين لأنشطه جماعيه حاولي تكونين فيها علاقات مع البنات اللي بنفس مجموعتك وتاخذين وتعطين معهم وتثبتين وجودك بالمجموعه واتفقي معهم تكونون قروب واحد بكل المواد علشان تعرفون بعض اكثر وتصير علاقتكم اقوى وتستمر، وابداً مو شي يثير الشفقه انك انسانه لوحدها بالجامعه، اذكر مرات كنت اطفش من قروبي واحب اجلس لحالي بالجامعه، وكانوا كثثثير بالجامعه اشوفهم لوحدهم وعلى جوالاتهم وعادي يعني?، وأول مادخلت للجامعه جلست وقت طويل لوحدي وماتعرفت على قروبي الا بمستوى رابع، يعني قعدت سنتين بالجامعه لوحدي ما أعرف أحد، وبعدين ربي سخرلي الصحبه اللي استمرت معي لمّا تخرجت، وحالياً مع الجوال مابتحسين نفسك وحيده بالجامعه، حملي لك مسلسل تتسلين فيه وقت البريكات او كتاب او برامج تتسلين فيها، ودايماً ادعي ربي يسخرلك الصحبه الصالحه وان ماكتبها ربي لك فتأكدي ان الخيره باللي اختاره لك ربي?.View more
