أنا صاحب سؤال البنت الأمريكية وعلى فكرة أنا عارفك في الحقيقة وبحبك بس بتكسف أكلمك
حبيبي، متتكسفش هبقى سعيد لو كلمتني :)
أنا مسلم الحمد لله وعارف شوية في ديني بس للأسف ليا علاقة بواحدة أمريكية مسلمة وحاولت أسيبها عشان حرام بس بتصعب عليا إنها عايشة في مجتمع ضاغط عليها جدا ومبتلاقيش حد يشجعها في الدين غيري كلمتها قبل كده في الموضوع ده واتفقنا منتكلمش تاني بس مع ضغوطات المجتمع بترجع تشتكيلي حياتها وتطلب نصيحتي أعمل إيه؟
السلام عليكم :) ، جميل جداً إنك واخد الموقف بجدية وبتبصله بطريقة صحيحة ومبتبررش الوضع، والبنت دي ربنا ييسرلها أمرها ويوفقها للخير، لاشك إن الحياة في المجتمعات الغربية بتكون صعبة لكتير من المسلمين خاصة الملتزمين .. بس مش علشان هيا بتلاقي صعوبة تقوم ترتكب خطأ أو تخليك ترتكب خطأ، وأنا على العموم استشرت صديق طالب علم في الموضوع ده وقالي إن الصح إنك تنصحها ترتبط بمركز إسلامي في أمريكا ويكون ليها صحبة طيبة وده موجود هناك والحمد لله .. وبعدين تقطع الكلام معاها .. ولو رجعت واشتكت تقول لها تروح تشتكي لحد كويس في بيئتها علشان هيكون فاهم الوضع أفضل .. مركز إسلامي زي م قلنا .. مكنش ممكن تشتكي لحد من البنات عادي مفيش مشكلة :)ودي بعض الفتاوى اللي ممكن تفيد في توضيح المسألة بشكل عام حتى لو فيه اختلاف في تفاصيل الأسئلة: المحادثة بين الرجال والنساء عبر برامج المحادثة ( الشات ) http://islamqa.info/ar/34841 المراسلة بين الجنسين http://islamqa.info/ar/26890ربنا يوفقك يا بطل :)
قال رسول الله -صلى الله عليه وسلم- (من كانت الآخرةُ همَّه جعل اللهُ غناه في قلبِه ، وجمع له شملَه ، وأتته الدُّنيا وهي راغمةٌ ، ومن كانت الدُّنيا همَّه جعل اللهُ فقرَه بين عينَيْه ، وفرَّق عليه شملَه ، ولم يأْتِه من الدُّنيا إلَّا ما قُدِّر له) صححه الألباني في صحيح الجامع 6510 وقال -صلى الله عليه وسلم- (و ارْضَ بما قسم اللهُ لك تكن أغنى الناسِ) حسنه الألباني في السلسلة الصحيحة 930
انت حد كويس بس بتزعل بسرعه :)
بالنسبة للنص الأول: جزاك الله خيراً ده من ذوقك :) بالنسبة للنص التاني: بصراحة مخدتش بالي من الموضوع ده، إيه المؤشرات طيب؟ :)
ما هو الخطأ الذي تكرره باستمرار؟
ممكن يكون عدم تحقيق أفضل استفادة من الوقت، والتقصير في بعض الواجبات، وارتكاب بعض الحماقات
السؤال كبير ، وأنا هجاوب على إنه سؤال عن أفضل كتب قرأتها أو قرأت بعضها وأنصح بقراءتها ..- "علو الهمة" للدكتور . محمد إسماعيل المقدم - "صور من حياة الصحابة" للدكتور . عبدالرحمن بن رأفت الباشا - "الطريق إلى القرءان" ل . إبراهيم بن عمر السكران