انت الوحيد ال في الفلورز اون لاين عشان كدا بعتلك حاسه اني مخنوقه جدا بغباء وعايزه احكي ال جوايا لحد معرفوش وخلاص مش بقول كدا عشان شفقه والله بس انا محتاجه كدا جدا حتى لو مش هترد او مش هتقول حاجه تسمعني؟

اتفضلي ابعتي برايفـت واحكي

طيب انا بس مش عايزه ابين اليوزر ينفع احكي ف اسأله كتير طيب ومش مهم ترد عليها او لو عايز ترد هبعتلك سؤال فيه🌸 وترد فيه؟

احكـي اللي عندك

عارف لما تحس انك انسان ملكش لازمه ف الدنيا؟ ال هو مش قادره احكي حتى بس محتاجه كدا ..انا فاشله فاشله ف كل حاجه ف الدنيا دايما بابا وماما يقولولي كدا تعرف اني فاشله حتى ف الكلام بخاف اتكلم اجرح ال حوليا بقيت بكره نفسي وفشلي مش بعرف اعمل حاجه حلوه ف حياتي ابدا كل حاجه بحاول اعملها حلوه بحسن نيه بخربها

مفـيش انسـان فاشل علي وجه الارض لـكل شـئ بدايـه ولكن فينا اللي بيبداء صـح وفينا اللي بيبداء غلط لو اتكلمنا عن اللي بيبداء غلط في ده بيرجع لتفكيره ف الحاجه من الاسـاس عشان كدا في كل بدايه لازم نفكر صـح وندي لنفسنـا طااقه ايجابيـه عشان نحقق الحاجه دي ونثبت لنفسنـا اننا مش فاشلين اما بالنسبه لولدك وولدتك المفروض ان دول اقرب الناس ليكي ولكن للاسف انا مش شايف كدا حاولي تتغلبي علي نفسك وتفكري صـح قبل ما تبدائي ف الحاجه وانجحي واثبتلهم انك ناجحه ومتخديش بكلام حد انتي ادرا بكل شئ بتعمليه اكتر من اي حد ✋🙂

اوقات بحس اني غبيه غبيه ف تصرفاتي وف فهمي ف كل حاجه حتى ف دراستي دايما يقولوا عني غبيه ماما قالتلي كلمه يمكن تحسها سهله بس هي بالنسبالي صعبه جدا قالتلي عمرك ما هتتحسني وهتعيشي وتموتي غبيه بقيت حاسه بالعجز وبالغباء حاسه اني مش عارفه اعمل حاجه وكل حاجه بعملها بردو بخربها من غبائي فكرت كتير هو انا مهمه

انتـي كلام ولدتك مأثر عليكي ومخليكي محبطه ومستسلمـه .. طب ليـه متثبتيش العكس وتنجحي في حياتك وتحاولي علي قد ما تقدري تتجاهلي اي كلام يحبطك . تجاهلي كل كلمـه تحبطك لانك لو استسلمتي للكلام اللي من النوع ده هتموتي بالبطيئ اتعلمي التجااهل اكيد جواكي حاجه حـلوه

بس لا انا مش مهمه ف حياة حد معنديش صحاب اهلي بيفتكروا ان عندهم بنت بالعافيه دايما لواحدي كل حاجه بعملها لواحدي كل خطوه كنت باخدها لواحدي عمري ما لقيت حد جمبي ولا مهتم بيا ابدا! كل ال بيدخل حياتي بيمشي ف عرفت اني انسانه مش مرغوب فيها حاولت الانتحار مرتين بس عشان هو حرام رجعت عنه بعيط لواحدي بفرح

الفكره هيا ان مفيش حد بيفضل معاك للاخر كله هيسيبك الوحيد الهيفضل معاك وسندك لاخر نفس وحتى بعد متموت هو انت هيا روحك الوحيد البيسمع ويتناقش معاك ومبيسخرش حتى من افكارك التافهه هو انت البتحملك فى غمك ونكدك وعصبيتك انت مفيش حد هيفضل جنبك غيرك انت دى الخلاصه عشان كده بستمرار لازم تتعلم تحب نفسك وتتصالح مع نفسك ومتتعلقش باى شخص او شئ لان كلها اشياء قابله للزوال .. وتنتحري ليـه حاولي تتصالحي مع نفسك

عارف لي بسمع لكلامهم المحبط؟ لان مفيش كلام يشجعني مفيش حد واقف معايا اه بحاول مع نفسي وخطوه بخطوه بس ممكن كلمه من شخص تيجي تدمر كل دا برغم انها لو كانت كلمه حلوه كانت اثرت معايا كتير

طب وليه يبنت الناس اقل كلمه من حد تحبطك ما طظ فيه وفي كلامه المحبط ما لو هو خايف علي مصلحتك مكنش قال كلمه تحبطك متسمعيش لكلام الناس لو سمعتي لكلام الناس مش هتقدري تعيشي حياتك صـح خليكي واثقه في نفسك وامشي بمبداء نفسي ثم نفسي 👍

منا ياما حاولت انجح بس كل مره بفشل اكتر طول عمري بعمل كل حاجه غلط وبفشل اكبر

وليـه تعملي كل حاجه غلط فكري في الحاجه قبل ما تعمليهـا فكري مره واتنييين واكيد هتوصلي للقرار الصـح متتسرعيش في قرارك

انا حكيتلك كل الجوايا وانت سمعتني ف شكرا ليك جدا💙+ كلامك شجعني الحقيقه اخيرا لقيت حد بيقولي اي حاجه تحسسني ان في امل حقيقي شكرا بغباء💙+ انت سمعتني وسيبتني اتكلم وعيطت براحتي ف شكرا خالص بردو ربنا يفرحك يارب ♥

ربنـا يوفقك في اللي جاي ان شاء الله نصيحـه اخيره اختاري صاحبه ليكي بس اختاري صـح علي الاقل هتقف جمبك في محنتك ووقت زعلك هتعرفي تحكيلها عن اللي جواكي بس اختاري صـح ..

معذرةً ع التدخل..بس ليه ي حبيبتي الإحباط د ومستسلمة اوي ل كلام الناس كده ع اساس مثلا إن كلام الناس د هو ال هيخليكي ناجحة أو فاشلة ؟ انتحار اي وناس إي ال تخسري دنيتك وآخرتك عشانهم ! وبجد طول م إنتي ال بتقولي ع نفسك فاشلة وغبية عمرك أبداً م هتعرفي تتقدمي خطوة ناجحة..دوري ع الحلو ال جواكي واستغليه

🌹

وربنا اخد منك هتلاقيه معوضك بحاجة غيرها أحلي بكتير بجد الفرق بين واحد ناجح وفاشل ان د عرف يستغل القدرات ال ربنا ادهاله كويس ومبيسمعش للناس زي حضرتك .. انما لو ع كل خطوة بنعملها ونستني تقييم م ال حوالينا ولو حلو نكمل لو وحش نقف ونحبط نفسنا ونرجع م الصفر تاني !

🌸

قربي من ربنا أكتر وحاولي تثقي ف نفسك شوية بس كمان .. شوفي كتب كويسة اقريها تفيدك .. شوفي هواياتك حاولي تطوريها وتستغلي كل حاجة ربنا ادهالك وبجد بجد متبصيش وراكي ولا تسمعي لحد إطلاقاً .. ربنا يهديكي للخير ي جميلة ويسعد أوقاتك ياارب 🌸💜

الله يهديها ويصلح حالها 🌹
جزاكي الله خير 🌹

اللهم آمين جميعا 🌸💜

امـين 🌹🌹

عايزة اقولك ان مامتك بتحبك ، عايزة اقولك ان كلامها المحبط ده مفكراه.هيشجعك هو بس قلة خبرة عندها فإن الاولاد كلهم مش بينفع معاهم اللوم و العتاب الشديد ، سامحيها ، و كلنا اخواتك بجد ،وحقيقي نصيحه مني اسمعي محاضرات للشيخ.محمد راتب النابلسي و عمر عبدالكافي ، هتقربي من ربنا وتحبيه قوي ، ربنا يحبك ويرضيكِ

🌹❤