غيابهُم لما بيطوّل بيعوّدنا على الوحدة، بيعوّدنا نتجاوز ونفرح ونزعل ونكتئب لوحدنا، وبنبدأ نهئ نفسنا إننا خلاص لوحدنا وهنفضل لوحدنا ومَفيش قُدامنا حل غير إننا نتعايش مع الوِحدة، وعلى أد ما غيابهُم في شدتنا وجعنا لكنه قوّانا، تجاهلهُم للحظات ضعفنا خلانا نبطل نضعف، ما بقيناش نستنى حد ولا بنكمل بحد، بقينا مُكتفيين بنفسنا وبس.. فَشُكرًا لكُل غياب كان سبب في إننا نعتمد على نفسنا ونقوى.
احمد ربنا دايماً، في نعَم كتير حواليا إحنا مش مقدرنها، وغيرنا بس بيتمنى ربعها، بس إحنا للأسف مش واخدين بالنا من ده، أول ما تصحي من النوم وتفتح عينك احمد ربنا علي أنك صحيت وربنا ردلك روحك من تانى، احمد ربنا أنك قدرت تفتح عنيك وبتشوف بيها، احمد ربنا إنك قادر تتنفس، احمد ربنا انك قادر تمشي علي رجليك، احمد ربنا انك بصحتك وقادر تعمل كل حاجه بنفسك، احمد ربنا علي حاسه الشم والأستطعام، احمد ربنا دايماً على كل حاجه عشان في حاجات كتير اوي غيرنا محروم منها واحنا في إيدينا النعم دي ومش بنحمد ربنا ..🤍 #الحمد_لله_دائماً_وأبداً 🤍