Ask @zatter18:

متقدم لي شخص خلوق بس هو طبيب نسا الصراحة أنا مش متقبلة الفكرة ليه رجل ياخد التخصص ده هل ده فعلا سبب كافي إني أرفضه ولا أنا بأڤور زي م أهلي بيقولوا

مش شرط حضرتك يكون هو الي أختاره بالأخص ما بين كل التخصصات ! برضو هما عندهم تنسيق وممكن تنسيقه وداه لتخصصين او تلاتة وهو فضل وشايف إن الأفضل تخصص النسا او أجبره ع التخصص ده بس ..
انا متفهم مشاعر حضرتك ومقصدك ولكن ما دام هو ع خلق فأديله فرصة تانية .. وده في الأول والاخر أكل عيشه .. ولكن لو برضو في نهاية المطاف مش قادرة تتقبلي خالص فمفيش حاجة بالإجبار والأمر راجع لحضرتك .. ولكن أفضل من وجهة نظري انك تديله فرصة تانية ومترفضيش من الأول لعله خير لحضرتك وتتقبلي الأمر ده نتيجة لدينه وخلقه ..

View more

الموضوع حصل غصب عني فعلا أنا هموت من التفكير من إمبارح أنا إزاي وصلت للدرجة دي حقيقي متضايقة جدا ومش عارفه أشيل الموضوع ده من دماغي إزاي &

بصي حضرتك الإعجاب مش بإيدينا فكون ان حضرتك مضايقة جداً من انك اعجبتي وان ازاي ده يحصل فده شيء غلط وكده بتظلمي نفسك .. فيروى ان راجل قال لسيدنا عمر بن الخطاب رضي الله عنه " يا امير المؤمنين رأيت امرأة فعشقتها " ، فقال " ذاك ما لا تملك " ..
من الطبيعي لسن الشباب يجيله مشاعر إعجاب بحد حتى لو عمره ما اتعامل معاه !! او معاملة خفيفة في إطار شغل .. فلا حضرتك متضايقيش نهائي لإن الأمر مش بإيديكي ولكن الي بإيديكي ما بعد ذلك ..
فقط الي أقدر انصح حضرتك بيه إنك تدعي لو في الخير ربنا ييسر إن شاء الله وان ربنا يرزقك بالزوج الصالح .. وبنفس الوقت أشغلي وقتك أذكري الله كتير كل ما تجيلك أفكار متسلميش ليها لا روحي أعملي أي نشاط ومع الأيام هتلاقي التفكير قل إن شاء الله .. وما دام في بينكم شغل فدايما حافظي للأبد الكلام يكون في إطار الشغل وتثبتي نفسك ع ده وربنا يكتبلك الي فيه الخير يارب ..
ولو مقدرتيش تتحكمي في نفسك و في مشاعرك غصب عنك وحسيتي الكلام بيخرج نطاق الشغل فأقفلي باب التعامل تماماً .. و ده هيكون تصرف بطولي في رأيي .. وربنا ياخد بإيدينا .

View more

ادعو اني اموت لاني تعبت من كل حاجة

لو تعرف ايه الي ربنا مخبيه إليك الفترة الجاية إن شاء الله سواء طالت او قصرت ما تمنيت الموت إلا رغبة في الجنة والبعد عن النار ..
اتعلمت طول حياتي إن أي ألم وأي حزن وأي فشل ما هو إلا رسالة من ربنا ليا لو فهمتها لحمدته من قلبك ع الألم والحزن والفشل الي مريت بيه ..
كم واحد عانى وجت عليه الدنيا جامد وفهم الرسالة وبقى بعد كده حد عظيم ومش لازم عظيم الي هو مشهور ولكن عظيم في الوسط المحيط الي حواليه وبقى جواه معنى العظمة وجت من حسن الظن بالله والصبر على أقداره
وكم واحد عانى ومفهمش الرسالة وساب نفسه للأيام ؟
عليك الإختيار .. حط هدف تكون من الناس الأولى دي واسعى في هدفك واصبر وقرب من الله وأحسن الظن بيه وصدقني بإذن الله هتمر أيام وهتقول أنا ازاي اتمنيت الموت بكل السهولة دي ؟!!
قال ابن القيم " ‏لو ﻋﻠِﻢ ﺍﻟﻌﺒﺪ ﻛﻴﻒ ﻳُﺪﺑّﺮ الله ﻟﻪ ﺃُﻣﻮﺭﻩ لعلم ﻳﻘﻴﻨﺎً ﺃﻥ الله ﺃﺭﺣﻢ ﺑﻪ ﻣﻦ ﺃمه ﻭﺃﺑﻴﻪ ،، ﻭﻟﺬﺍﺏ ﻗﻠﺒﻪ ﻣﺤﺒﺔً لله "
وقال سيدنا عمر رضي الله عنه " ‏لو عُرضت الأقدار على الإنسان ، لاختار القدر الذي اختاره الله له " 💙💙
أبشر يا صاحبي وأطرق باب الله واسعى واصبر وبشر الصابرين ❤️

View more

بر الوالدين أعمل إيه تعبت بتعصب عليهم عصب عني وبعدها بتدايق من نفسي جدا جدا بس فعلا بنفعل عصب عني في لحظة كده بس بدرك الأمر وبهدي علي طول أنا خايفة جدا من عقوبة عقوق الوالدين و بحاول كتير بس بنجح في مرة من 20 إني أتمالك أعصابي 💔

نيتك عظيمة جداً إن شاء الله تحصلي عليها ولكن النوايا الصالحة مش كافية ..
حضرتك محتاجة تقعدي مع نفسك .. اقعدي وفكري في كم الي عملوه عشانك وصدقيني أي عمل كانوا بيعملوه وإن كان صغير فهو عن عظيم الحب جواهم لحضرتك .. محتاجة توقريهم أكتر وتصغري نفسك قدامهم بمعنى جربتي قبل كده مثلاً قبل النوم تبوسي إيديهم وتقوللهم تصبحوا ع خير ؟ إن كان لا فابدأي من ده دلوقت وحاجات من القبيل ده ..
عشان تبري بالوالدين وتعامليهم بإحسان دايما فمحتاجة تتغيري من جوه للأفضل .. محتاجة تغيري نفسك وتدركي إن في بعض الأخطاء والتصرفات الغلط جواكي .. مش هنقدر نغير تعاملتنا مع الوالدين ومع الناس بشكل عام إذا احنا متغيرناش من جوانا ..
انصح حضرتك انك تقعدي مع نفسك شوية وقلم ورقة تكتبي ايه العيوب والأخطاء والذنوب الي بتعمليها وبعدين حطي خطط تغيري من ده جواكي للأفضل .. وأدعي كتير في صلاتك إن ربنا يلطف بقلبك فيخليكي لطيفة مع والديكي إن شاء الله .. وحاولي تحافظي كل يوم على الأذكار والتسبيح وده شيء مهم جدًا .. وأخيراً ضيقتك بعد فعلك مش كافي وعشان نقلل من ده فلما تغلطي غصب عنك تروحي تعتذري جداً قدامهم وتستنكري الي عملتيه ليهم وبوسي راسهم .. و إن شاء الله مع الأيام ربنا يعزز الود ويمحي العصببة والإنفعال والمشادات بينكم بإذن الله ..

View more

ابتسم ستموت قريباً😂

مبحبش أرد ع الاسئلة الهزار دي ولكن تعرف انا فعلاً ساعات لما افتكر الموت وكتير بفتكره ببتسم فعلاً !!
طبعاً خايف من الموت ولكن بنفس الوقت عند ربنا رحمة متصورهاش .. بعد الموت في لقاء مع الله سبحانه وتعالى وما أجمله لقاء إن شاء الله إذا احسنت العمل في الدنيا ..
لما يقابلني شيء مؤلم او حزن او فشل بفتكر ان في لقاء مع الله وان اخرها ايه يعني غير اني هموت في الدنيا ولقاء مع الله .. مريحة جدا بالنسبالي ..
ولما حد يستغرب اني متمسك بمبادئي ومن بعض نقاط الإحترام فأقوله ببساطة اصل أنا هموت وعاوز ربنا يقبلني .. الحقيقة لو مكنش في موت فايه الدافع اني ابتسم ايه الدافع اني اعمل اي حاجة صح ايه الدافع اني أعمل اي حاجة اصلا ؟!!

View more

اتعرضت لمواقف خلتني معنتش عارفه اثق ف حد والله، انا كدا صح ولا غلط!!

شعورك ده طبيعي جداً وربنا ييسر ويخفف عن حضرتك ..
ولكن كنت قرأت في علم النفس إن لما الواحد يقول انا معنتش مثلاً اثق في حد معنتش بحب حد معنتش اي حاجة فده بيبقى من 3 ل 9 أشخاص او مواقف سببت ده إليه .. ويبقى 9 من أصل 100 مليون مصر او 8 مليار إنسان !!
شعورك صح ولكن إستمرارك ع حالك ده غلط .. فأنصح حضرتك دايما تذكري وتسبحي الله كل يوم ده هيهون كتير ويبعت رسايل راحة وسكينة في قلبك .. وإذا كان عندك مقدرة تسامحي الناس الي سببوا ده لحضرتك فهيبقى عظيم جدًا ، وقال رسول اللهﷺ " ما زاد الله عبدًا بعفو إلا عزًّا " وده هيخلي حضرتك مع الأيام تنسي الماضي ده .. أخيراً ادعي دايما ربنا يبعتلك ناس في طريقك يكونوا أهل ثقة يكونوا أهل خير تلاقي معاهم الراحة إن شاء الله ..

View more

أنا في كلية طب بشري ينفع أشتغل بجانب الدراسة هقدر أوفق بينهم ولا هيأثر علي تقديري وهل في ناس فعلا بتقدر تشتغل بجانب دراستها في كلية عملية ولا الموضوع صعب جدا مع العلم هيبقي شغل اونلاين حوالي 4 ساعات ، خمس أيام ، و ده بسبب إني مش عايزة اضغط علي أهلي ومصاريفي كترت

ربنا يبارك في حضرتك ع نيتك العظيمة دي ..
بصي حضرتك انا اخويا اتجوز وهو لسه طالب في 6 طب بشري .. يعني عنده مسئولية بيت وزوجة + بيشتغل + بيدرس .. تفتكري كان سعيد ولا لا ومجموعه كان ايه ؟ .. الحمد لله كان سعيد جدًا بحياته وجاب تقدير أحسن من كل السنين الي فاتت وان شاء الله هيتعين في الكلية ..
الفكرة كلها تكمن ان يبقى عندك هدف وتنظيم وقت وغير كده أي حاجة حضرتك تقدري عليها ..
بس تنظمي وقتك وتستبعدي حاجات ما .. كمثال السوشيال ميديا بتقعدي عليها ساعتين تبقى نص ساعة وهكذا ..
فنظمي وقتك بس وتوكلي ع الله .. وربنا يوفقك حضرتك ويعينك .

View more

رد هنا 🍁

طيب .. ربنا يفك عنك ويصلح حالك يارب ويسعدك ..
ولكن انا الحقيقة بعتذر اني مش عايز ارد .. هو من قناعات نفسي ان دي مش مساحة ارد عليها ربنا يقبل بيها .. لإن الأمر تحول لفضفضة وانا شايف ان دوري مع أي بنت هنا اني اجاوب ع سؤالها لو عندي علم بيه وبس ولكن مردش ع فضفضة حتى لو جواه طلب مساعدة وكده .. ولكن انا ممكن أرشح لحضرتك بنات هنا متأكد هيفدوكي أحسن مني إن شاء الله .. وكمان اعرف حسابات هنا لمجموعة ناس منهم بنات بيبقوا مع حضرتك لحظة بلحظة ويسمعوكي ويساعدوكي ويتابعوا مع حضرتك وحرفيًا هيفدوكي عني بكتير جدًا .. فلو حابة ابعتلك الي حضرتك عاوزاه من الحسابات دي فتمام جدًا ..
واتمنى حضرتك تفهمي وجهة نظري وإن الأمر راجع ليا انا .. وربنا ييسر لك الحال يارب

View more

+2 answers Read more

" شغلك طول حياتك مش هيخليك غني انت محتاج حته اثار عشان تعدي "

الحقيقة ده تفكير سطحي نوعاً ما .. والسطحية إن الواحد عاوز يبدأ حياته بإنه رجل أعمال او غني او او .. مؤمن جدًا إن الواحد يسعى ويدور ع شغل ويشتغل ويحاول يطور من نفسه بحيث يترقى او يشوف وظيفة تانية ومن حتة للتانية بيسعى وبيعافر وبيحاول ومن جواه عنده هدف يعيش حياة كريمة له ولزوجته ولأولاده ، عنده هدف انه يبقى غني عشان يلبي احتياجاته وبماله يرضي الله ويتقرب إليه ، فقال رسول اللهﷺ " نعم المال الصالح للعبد الصالح " 💙 .. فهو فقط السعي مع الإيمان بقول الله تعالى { إنا لا نضيع أجر من أحسن عملا } ، { وأن ليس للإنسان إلا ما سعى * وأن سعيه سوف يرى } .. وربنا يفتح ليك أبواب التمنى ويرزقك من حيث لا تحتسب إن شاء الله ويدبرهالك .. وكافي ان المدبر هو الله ❤️

View more

صباح الخيرات 💛

zatter18’s Profile Photoمحمد ممدوح
يا صباح الخيرات 💛
قال رسول اللهﷺ " من كان في حاجة أخيه كان الله في حاجته " ، " والله في عون العبد ما كان العبد في عون أخيه " ..
فبادر بالإحسان والخير للناس .. فقال تعالى {وَافْعَلُوا الْخَيْرَ لَعَلَّكُمْ تُفْلِحُونَ } 💙

View more

بحس اني بصلي تقضية واجب وخلاص ومش حاسة بأي خشوع في الصلاة ، ازاي اشعر ب لذة الطاعة ، وازاي يكون همي هو رضى الله ، ازاي احس فعلا ان في حاجة نقصاني ومخنوقة لو فوت فرض او لو مقرأتش قرآن ، ازاي يبقى همي الاول والاخير الاخرة وان اعمل ليها بحب مش بعمل عشان لازم اعمل ، بحس ان بصلي بس من غير قلبي 💔 ممكن حل

ربنا يحقق لحضرتك الأمنية دي يارب ..
عاوز حضرتك كل يوم كده تقولي " لا إله إلا الله " و الصلاة ع النبي والإستفغار .. كل واحدة منهم 100 مرة .. وحافظي ع ده هتلاقي مع وقت معين إن شاء الله في سكينة وهي هدوء روحاني في قلبك ويكون في صلة بينك وبين الله ..
لو في ذنب معين حضرتك عرفاه فيكي حاولي تقلعي عنه وتجاهدي نفسك فيه
وقت بقى ما حضرتك تصلي او تقرأي قرآن اخلقي كده أجواء .. يعني هاتي مصلية جديدة ، صلي في مكان جديد او اقرأي قرآن في مكان ما معين .. حاولي بالتدريب وواحدة واحدة انك تركزي في الصلاة وفي تدبر القرآن .. بس قبل ما تبدأي حطي النية وتوكلي واصبري مع الأيام وبإذن ربنا يناولك ما تتمني ..
وإن شاء الله ربنا يتقبل منك ومنا يارب

View more

%

انا خلصت النهاردة الحمد لله ..
هو الراجل ده يمكن نيته سليمة وهو أعجب بحضرتك وعاوز يتقدم ولكن كان الإسلوب غلط طبعاً ..
لو حضرتك مش هتعرفي تلتزمي في الدراسة وهتتعبي خلاص خليكي في السكن عادي لو السكن مش في حتة مقطوعة .. ومثلا لو حاجة زي دي اتكررت تاني اصلا متقفيش واطلعي وسبيه ، مش تستني لما هو يمشي يعني ..
لكن الموضوع هين إن شاء الله فاستروحي عن نفسك وانسي ..

View more

السلام عليك أنا داخلة 3 ثانوي وأهلي عايزين علمي علوم وأنا عايزة رياضة ونفسي أدخل هندسة بحب الكلية جدا وبفضل أتفرج علي فيديوز ليها علاقة بالكلية وأقسامها ومجالاتها والمواد اللي فيها وكده يعني 😂 هي هندسة مش مناسبة للبنات زي م هما بيقولوا ؟ وأرضيهم إزاي هما رافضين تماما

وعليكم السلام ورحمة الله وبركاته ..
عظيم جدًا إن عندك شغف وحب وتطلع لحاجة معينة ..
هما قالوا الهندسة والرياضة والعلم للرجال بس ! ولكن أعرف ماري كوري اخدت جايزتين نوبل في الكيميا والفيزيا ! ..
هما قالوا دي كلمة أنا هفضل أبد الدهر ضدها ! الناس عاوزينك تقليدي عاوزينك تعمل الي يعرفوه وبس .. ولكن لو حضرتك تقرأي لقصص نجاح عظماء في أي مجال ولو مجال بسيط فهتلاقيهم نجحوا عشان أختاروا يمشوا ورا شغفهم ويطوروا من نفسهم فيه مش ورا كلام الناس ..
وقال روبرت فروست حكمة عظيمة " وصلت الى مفترق طريقين في الغابة.. فأخترت الطريق الذي لا يسلكه الكثيرين.. هذا الخيار هو الذي غير العالم!! "💙
فمادام شغفك في حاجة ايا كانت ايه هي طالما مش فيها حرام .. فأسعي انك تروحي للطريق ده ، وعشان كده متيأسيش مع عائلتك .. توددي إليهم وحاولي تقنعيهم حاولي تقنعيهم ان حضرتك بتحبي المجال ده وان شغفك هناك وانك هتلاقي نفسك هناك إن شاء الله ومش تشدي معاهم في الكلام تمسكي باللطف دايما والصبر في طلبك .. وأدعي كتير في صلاتك إن كان خيراً فربنا يجعل أهل حضرتك يوافقوا انك تخشي علم رياضة وبإذن الله يوافقوا ..
واتمنى بإذن الله تخشي علم رياضة وتجتهدي وتخشي هندسة وبعدين تختاري القسم الي شغفك فيه وتسعي فيه وبإذن الله تكوني فريدة وسط دفعتك وفريدة وسط كل المهندسين ، وليه لا ؟! فقط تدريب واجتهاد وصبر وإستعانة بالله كل شيء ممكن ..

View more

أخبرنا بتلك الجملة الشهيرة التي تقولها لنفسك عندما تكون في أسوء حالاتك💔

لا إله إلا أنت سبحانك إني كنت من الظالمين 💙
{ فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ*فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ }

View more

أعمل إيه ؟@

الله يبارك في إخلاصك وحبك لأخوكي ..
لكن لا متقوليش لوالدتكم حاجة لإن مش هتعرف تغيره فخلاص هو دلوقت شاب ومحدش هيقدر يغيره إذا كان هو مش عاوز يتغير .. إذا كان ربنا مش هيغيره لو مكنش ناوي يتغير { إن الله لا يغير ما بقوم حتى يغيروا ما بأنفسهم} فهل احنا هنقدر نغيره ؟! بالإضافة إن ساعتها هو هيكرهك وهيبقى بينكم فجوة كبيرة وهتخسروا الأخوة الي بينكوا ..
تاني حاجة إحنا مش علينا اننا نهدي الناس ! فقال الله { إنك لا تهدي من أحببت ولكن الله يهدي من يشاء وهو أعلم بالمهتدين } ولكن إرشادهم ونصحهم بطريقة مناسبة وبس .. ربك قال ل رسول اللهﷺ {فذكر إنما انت مذكر * لست عليهم بمصيطر}
طب نعمل ايه ؟
بصي حضرتك مش تنصحيه كده في أي وقت عشان زي ما قولتي مبيهتمش وخلينا متفقين هو عارف ان الي بيعمله حرام .. فعاوز من حضرتك انك تحتويه ، جميل جدا انه عرفك بالي بيعمله كويس جدا انه كلمك .. جميل لو تحتويه ، بمعنى خليكي قريبة منه .. كلميه كده في حاجات بالدين عادي خارج إطار مصاحبة البنات وكده .. كلميه عن إهتمامته وحياته وخليكي رفيقة بيه ودايما تشجعيه في حياته ومتجبيش سيرة الموضوع قدامه .. خليه يثق فيكي لحد من غير ما تكلميه في الأمر ده هو هيكلمك ، ولما هو الي يكلمك انصحيه برفق من غير ما تشددي عليه وان ده حرام وو .. لا براحة خالص وافضلي ذكي فيه وفي أخلاقه وبعدين تقوليله عن الغلط الي بيعمله ده وفضل الي بيسيب الذنوب وانه هيلاقي السعادة دايما وراحة بال لما يسيب الذنب ده .. وواحدة واحدة بإذن الله هيسمع كلامك ونصحك .. فقط احتويه لحد ما يكلمك ووقتها تنصحيه .. فالنصح وقت ما هو يحب مش وقت ما حضرتك تحبي عشان يستجيب بإذن الله ..
اخر حاجة ادعيله .. ادعيله بالهداية وربنا يفوقه من الأمر ده ويخلق جواه إيمان يصد الشهوة الي عنده دي .. مهم جدًا جدًا تدعيله دوماً بإستمرار في صلاتك واصبري وربنا إن شاء الله يستجيب ..
أخيراً للتأكيد مش تقولي لوالدتك خالص واستريه .. وربنا يهديه يارب .

View more

نفسيتى تتعبنى ونفسى اتوب

انت خلاص خدت نص الطريق بنبتك ورغبتك .. مبروك 🤝💙
حابب اساعدك ؟ لو حابب انا موجود ✋🏻
وربنا ييسرلك الأمور يارب ويسهل عليك كل صعب ويسهل التوبة ويفرج همك وحزنك ويسعد قلبك ويحققلك ما تتمنى واكتر ❤️

View more

حاليا: تفتكر لو عبادة ظاهرية زي الحجاب،البنت بتلبس الطرحة مدركة إن دي عبادة بنتقرب بها لله،ولا ده شيء موروث عيب البنت تبين شعرها؟فنتحرك. وهل ده بيفرق في سلوكيات احتراما للحجاب،يعني لو بنت لابسه الطرحة تقربا لله مش هيكون في ضحك بصوت عالي،مش هيكون في بنطلون قصير.. ولا ده ذنب زي أي ذنب مع وجود طاعة؟

MohamedSalama72’s Profile Photoسُـلامة - عبداللّٰه -
بالنسبة للسؤال الأول
____
للأسف احنا بنمسك فقط في حتة ان البنت تلبس حجاب عشان نظرات الرجالة وعشان العيون الي عليها وبس ! .. ولكن هي الحقيقة في المقام الأول عبادة لله طاعة لله ، سبحانه وتعالى هو الي أمر النساء بيه وربنا ميأمرش بحاجة فيها تضيق او عبء ولكن يأمر للي فيه الخير والسلامة { يريد الله بكم اليسر ولا يريد بكم العسر } .. وأمره فيه حكم كتيرة نعلم ما نعلم ونجهل ما نجهل وهو العليم الحكيم .. و منها انها أميرة أنها ملكة ميشوفش تفاصيلها غير أمير زيها وهو جوزها ..
البنت حاجة عظيمة عند ربنا وعند اي إنسان سوي واحنا من غير بنت ( أم - زوجة - ابنة - اخت ) فحياتنا ينقصها كتير او مفيش طعم للحياة أساساً وما تتعاش .. والعظيم مبياخدش غير المقام العظيم ، لكن الي رايح والي جاي يبص عليها فده يدل انها أكيد خلت عظمتها تقل .. وفي حكم كتيرة جبارة احنا نجهلها وربنا هو أعلم بها ..
تاني حاجة للتوضيح الحجاب مش طرحة ! الحجاب هو الي بيستر جسم المرأة ما عدا الوجه والكفين ولا يشف ولا يصف ولا يلفت الإنتباه .. وإذا مكنش كده فهو حجاب مش صحيح ، ربنا هيقبله ولا لا ؟! الله أعلم .. يعني لو انت بتصلي العصر فصليته ركعتين او صليته من غير ما تتوضى فساعتها اقولك صلاتك غير صحيحة لإنك معملتش بالشروط لكن ربنا هيتقبل ولا لا ؟! الله أعلم ..
وللأسف كتير فاهمين ان الحجاب طرحة ! مع ان البنت الي بشعرها ولكن لبسها حشم أفضل مية مرة من بنت بطرحة ولكن لبسها مش حشم ..
اما اي ذنب وهي لابسة الحجاب الصحيح فهو ذنب تاني ملوش علاقة بالحجاب ، ولكن والله الحجاب الصحيح بيبقى في الأغلب بداية لطاعات عظيمة عند البنات وبداية لحاجات حلوة فيهم مش مدركنها ..
خلينا متفقين الإلترام بالحجاب الصحيح مش سهل خاصة في العصر الحالي ولكن أخيراً خلينا متفقين زي ما قال أبي بن كعب " من ترك شيئاً لله عوضه الله خيراً منه " ، وقال تعالى { ومن يتق الله يجعل له مخرجا ويرزقه من حيث لا يحتسب} .. انك تستجيب لأمر الله وتسيب حاجة بتحبها فوالله هيعوضك اكتر ما كنت تتمنى وتتوقع في دنيتك قبل آخرتك إن شاء الله 💙
وقال مصطفى محمود حكمة عظيمة في كلامه عن القليل الملتزم القريب من الله " القليل في كل عصر شعارهم نقاوم ما نحب ونتحمل ما نكره " ❤️
- معلومة : خلق البنت وتأدبها وخجلها وإحترامها ملوش إرتباط مباشر بالحجاب ..

View more

Next