Ask @zeyad_ahmed43:

Space ?

*صاحبك تعرفه لما تُقع، لما الدنيا تبهدلك وتحتاج حد يستحملك، لما يقف قدام الدنيا كلها علشان محدش يشوفك وأنت مكسور، لما تحس أنك محتاج حد يسندك، يقولك إنه هيبقي معاك لحد ما كل حاجة تبقي أحسن، بكلمة يطمنك، لما يشد علي ايدك* *ويشجعك في أي خطوة لأنه واثق أنك قدها، لما يبقي حافظك، مش محتاج كتير علشان يفهمك، بيكمل كلامك اللي مبتقدرش تقوله، وبيدور علي سعادتك دايمًا، لما يكتشف حاجة جديدة تبقي أنت أول واحد يجربها معاه. لما تتخانقوا، وبكلمة تتصالحوا.. لما تروح له وهو مش طايقك، وتحط رأسك علي كتفه وينسي أنتوا زعلانين ليه!*
*صاحبك لو معرفتش تبقي معاه علي طبيعتك، بدون زيف، بدون مكياچ لشخصيتك علشان يتقبلك يبقي - إنذار - انت مع شخص غلط!*
*ربنا يرزقنا الصُحبة اللي تنور طريقنا، ويبعد عننا الناس اللي كلمة "صاحب" مش علي مقاسهم.*

View more

Next