انا فى طريقه عملتها بداية من الترم التاني ومشيت معايا كويس ... اجنده كبيره وتقسمها ... كل درس تذاكره تكتب قوانينه فيها بس بنضافه كدا وتستخدم قلم لونين تشتغل بيهم فى الاجنده كلها وتمشيها بستايل منظم يعنى القوانين بالاسود مثلا والتعريفات بالازرق (ممكن يكون الكلام ده شكله عبط بس الحقيقه ان ده بيساعد اكتر عالتذكر) وبعدين بقى تحل فى التيست بانك واى سؤال متعرفش اجابته ا تحسه جديد اكتبه باختياراته وعلم عالاختيار الصح واكتب تحتها ليه (معظم التيست بانكس متجاوبه على النت بالسبب ) ولو مسائل ماث اعمل نفس الكلام ... الاجنده دي شيلها معاك زى الموبايل كده فى المدرسه والسكن بحيث اى معلومه تقابلها فى اى وقت تكتبها وكل فتره والتانيه وانت فاضى اقعد اقراها قرايه ... الكلام ده عالمواد علميه او ادبيه مفيش فرق
اى تيست بانك حل منه فى تيستات لزودمال وكامبل وهاليداى وحاجات للماث ... حل كتييير وحل نفس التيست كذا مرا فى اوقات مختلفه من السنه عشان متنساش الافكار
ذاكر طول الشهر واعمل اسبوع فى النص مراجعه ... حط جدول لنفسك كل اسبوع او اتنين .. انا فى الترم التانى كنت بذاكر كل يوم درس عربى ودرس اى ماده علميه .. ولما ازهق من العربى .. درس انجلش ودرس اى حاجه تانيه
اجنده كمان بقى تكون معاك فى الفصل غير الاولانيه ... تحل فيها الاسئله وتفكر فيها وتكتب القوانين وكده وبعدين تنقلها بنضافه فى الاجنده التانيه
المسابقات بقى حطلها جدول زى المذاكره وزى الكبستون ... ساعه كل يوم لو اولمبياد مثلا وقبل المسابقه نفسها خد الاسبوع كله اللى قبلها ليها عشان تركز وتحقق
انا كنت ماشى عشوائى جدا فى الترم الاول الصراحه وتقريبا ضيعته .. حاولوا متغلطوش نفس الغلطه ... قدموا على منح او جامعات او ذاكروا وكده يعنى
وبالتوفيق ??

Liked by: SalMa nabila alshahawy 3bhady

+3 answers in: “3oloom wala reiada?”

ليه بقي؟؟?

July 13, 2018

انا فى ستيم محسيتش خالص بضغط الاعصاب بتاع الثانويه ... وحوار انى اقفل الفيس والسوشيال ميديا وابقى رايح جاى على دروس ومراجعات حاجه دمها تقيل الصراحه ???
كل اللى عملته انى كنت بذاكر وبحل كتير وبراجع وممشى نفسى على خطه بحطها اول كل اسبوع للى هعمله باقى الاسبوع ... والحمد لله اهو الدنيا بيس وزى الفل وربنا يسهل فى التنسيق ?

Liked by: osama ahmed Mai Yasser Manga

+3 answers in: “3oloom wala reiada?”