تتفقوا ولا لا فى إن البنت تاخد ال first step فى أى علاقة؟
هو مفيش أكيد علاقة شرعية بنت هتاخد فيها خطوة ف البداية.. فمنرخصش نفسنا عشان محدش يستاهل..
الچيم ممكن يحسن نفسيتي؟
اه
خطيبي شوفته بيكلم وحدة تانية وبيقولها انا بحبك بجد، اتصرف اززاي؟! بليز دونت سكيب هقرأ كل رد🥺
لسه بتقولي خطيبك ؟؟!
سبب creative لتطفيش عريس مفهوش غلطة؟
القبول أول شئ في فقه الزواج.. فلو مفيش قبول مفيش زواج..
حد كان حاببني شات واول ما شاف صورتي قال كلام جارح المفروض اعمل ايه 😢 نفسيتي زي الزفت
توبي لله ومتعمليش كده تاني.. واحمدي ربنا إنها جات ع قد كده..
اسم أنس ولا عمر ؟
عمر ❤️
لو رسيت ع جواز صالونات لازم تتجوزي واحد غني غنا فاحش واحزني ع شبابك كل تلات شهور ف اي حته ف أوروبا ولا ف اي مصيبه
ولو جواز حب مش إسمه جواز شوارع برده ولا اسمه إية ؟؟ هو لازم تمشي معاه 10 سنين وبعد كده تتجوزيه وتتطلقي بعد سنة ؟! بترخصوا نفسكم وترجعوا تقولوا ياريتني..!
لو دلوقتي انا معايا مبلغ يشتري شقة ١٠٠ متر نص تشطيب بس يدوب يشتري الشقة بس ومش هيبقي فيه فلوس اشطبها ولا اشتري العفش فايه الاحسن اني اوفر الفلوس واسكن ايجار ولا استني واحوش واشتري الملك احسن علما اني ٢٥ سنة
اشتري الشقة وهتتدبر بإذن الله..
انا بنت وطولي ١٨١ سم
داخلة علي ٢٦ واي عريس بيعرف طولي بيتصدم ومبيجيش حتي الطول رغم اني جميلة و علي خلق وبنت ناس ومهندسة
حاسه بدات اعنس ومكتئبة
أكيد ف واحد تقي نقي طوله ١٩٥ مش لاقي القمر اللي تملأ حياته ومستنيكي ❤️
هل ينفع اخد مصروف من خطيبي وأنا الي اطالبه بالفلوس بنات كتير أعرفهم بيعملوا كدا
هو مش جوزك ولا أبوكي ولا أخوكي.. وملوش أي صفة أصلا غير إن في بينه وبين باباكي وعد بالزواج.. غير كده زيه زي أي حد معدي ف الشارع
لو لبست هيلز مفتوح علي كوت طويل هيبقي شكله بايخ ؟؟
هيبقي مش لبس شرعي..
التلميحات حلوه...؟💜
إنه يكون راجل وقد تلميحاته ويدخل البيت من بابه ويراعي ربنا فيكي ويحترمك أحلى..
بعد تخرج وشغل وكارير وسني ٣٠ ووحيدة اقول ان الست ملهاش غير بيتها و لما اشوف بنت معاها زوجها واولادها بتحسر على خسارة عمري
أولا خلينا نقول سنك مش مليون سنة.. وف قدك كتير لسه متزوجوش وبمزاجهم وهيتزوجوا اما ييجي الشخص المناسب لهم.. وخلينا نقول برده كل اللي عملتيه من تعليم او شغل فهو خبرة لكي في الحياة هتنفعك جدا حتى لو قررتي تقعدي ف البيت بعد الزواج فده هينفعك ف تربية ولادك وفهم الحياة عموما والتصرف ف المواقف الصعبة.. والزواج مهم اه والأطفال رغم كل تعبهم أكيد نعمة اه برده.. بس هل تعلمي النعمة دي نقمة عليكي ولا نعمة بجد؟؟ ماهو سيدنا الخضر قتل طفل بأمر من الله عشان كان هيبقي نقمة على أهله فده كان رحمة لهم.. فلا يعلم الغيب إلا الله.. ولو اتعاملنا بالمبدأ ده ف كل شئ هنلاقي كل الابتلاءات بتعدي بهدوء ورضا نفسي.. وكل النعم بنقول عليها الحمد لله برده بهدوء ورضا نفسي.. وكل نعمة عند غيرك هتقولي اللهم بارك لانك متعرفيش هي نعمة فعلا ولا نقمة.. وكل ابتلاء عند غيرك هتقولي الحمد لله الذي عافانا.. ويوم ما ييجي الشخص المناسب لكي اللي ترضى دينه وخلقه وشكله ومستواه بكل انواعه تزوجي و استعيني بالله بنية بناء أسرة مسلمة بحق وانجاب أطفال يكونوا عزة للإسلام ونصر للمسلمين.. وحتي لو مجوش هتؤجري على النية.. وربنا يسعدك يارب ويرزقك بالزوج الصالح المصلح اللي يكون عون لكي على الدنيا وعلى نفسك ويكون رفيقك في الفردوس الأعلى.. ❤️
مامتي مش راضية تخليني افسخ خطوبتي ..عشان كدا هتكون الخطوبة التانية ليا تتفسخ..هل هي عندها حق و اكمل الخطوبة و اهي جوازة و السلام!!! ولا اصمم ع موقفي ؟
صممي ع موقفك عشان هتقولك نفس الكلام اما تفكري تطلقي.. يبقى فسخ الخطوبة احسن..
عادى ان واحده تبقى حلوه جدا وعيلتها كويسه ومعاها كليه وتوصل سن ٢٧ ومش بيجيلها حد مناسب؟؟
اه عادي ماهو مش أي حد بيملى دماغ ولاد الناس مش هيعكوا أي حاجة يعني عشان حضرتك تقتنع..
اشكي لمين لو مليش حد اروحله بجد مش هزار ؟؟؟
لربنا.. صلي ركعتين وقولي فيهم كل اللي ف نفسك وبعدهم اقعدي قعدة كده اتكلمي وفضفضي وقولي اللي ف نفسك كله كله.. واطلبي كل اللي انتي عايزاه.. اي حد ممكن يردك إنما هو لا ❤️
هل ممكن نغير شخصية حد؟
لا
أنا حاسة أخلاقى باظت أعمل إيه؟
اعرفي اية باظ وصلحيه..
تفتكر في حب سوشيال انك تحب شخص من كلامه وصورته بس على السوشيال ولا ده هبل
هطل
البنادول ينفع مسكن ؟
اه ينفع
عايزة ورد لونه ايه
اي لون متفرقش..
لو معجبه بواحد وعاوزه ألفت نظره اعمل اي فيدوني يشباب
واما تلفتي نظره تستفيدي اية.. كل الحكاية هترخصي نفسك.. هو لو بيحبك وراجل بجد هيدخل البيت من بابه..