١- حاولو تاخذون تقييم سلوكي من مدرب ٢- عرضوه حق الاشياء الي تخرعه بس بالتدريج و على فترات زمنية قصيرة. عادي الموضوع يطول بس اهم شي ما تستعيلون. مادري شلون اشرح بطريقة مفصلة لاني مو شايفة الجلب ولا من شنو يخاف و مستوى خوفه بس اذا تبون تقدرون تكلموني كيك او بي بي ام وان شاءالله اقدر اساعدكم
شلون اعرف اذا قطوتي فيها فتق بالسره شلون يكون شكله واذا عندج صوره له يكون احسن
الي اقدر انصحكم فيه انه دام شاكين انه فيها فتاق ودوها البيطري لانها تحتاج تخيص شخص مختص الانترنت ماراح يفيد بشي لانه انواع الفتق تختلف بعضها يعتبر خطر. عالعموم.. هاذي صورة
عندي كتنز مربيتهم من اول ما انولدوا و خليت امهم وياهم لين صار عمرهم ٤ اشهر و مطعمين و حالتهم الصحيه ممتازه ، حاليا عمرهم ٦ اشهر اهما نثيه و ذكر بالفتره الاخيره لاحظت ان الذكر لما يلعب مع النثيه يخشن وياها حيل لي درجه انه يعورها تصرخ هل هالشي عادي ؟ هل اهيا بدايه مرحله البلوغ ؟ هل تصرف مو دايم
تصرف عادي بس بداية مرحلة البلوغ عقموهم قبل لا يتزاوجون.
What is the best dog history and animal behaviour books?
Ah, in this matter I would say no book is. You need to read different books by different authors to get a good idea of what is black, what is white and what they gray area is. I personally recommend 'In Defence of Dogs' by John Bradshaw.
السلام عليكم اختي عندي قطو عمره سنه و نص و ما ياكل الا الدراي فود، هل هاذا مضر بصحته ولا طبيعي ؟ و بشنو تنصحيني ؟ و بالنسبه للحليب، فهالسن ممكن يشرب حليب عادي ولا لازم حليب مخصص لهم؟
شخصياً انصح انه توكلون حيواناتكم كل شي باعتدال و تنوعون لهم. طبعاً كل هاذا بعد ما تستشيرون البيطري الي عارف حالتهم الصحية. بالنسبة للحليب في قطاوة تتحمله وقطاوة لا، ما يضر وايد اذا بكميات بسيطة و مو يومياً
اليوم تعقم قطوي الحمدالله و شفت بيوتيوب نصايح و شلون كانت العمليه استغربت انه ما خيطوا الشق
القطو الحمدالله قام من البنج بس مبين عليه تعبان و ما يمشي عدل بس حبيت اعرف متى يرد طبيعي و يتصحصح و شكرا جزيلا :)
زين تسوون عقمتوه العملية بسيطة حيل ومافيها تعقيدات ولا تحتاج اهتمام زايد. على حسب البنج مادري متى يصحصح بالضبط بس مو اكثر من يوم
لاحظت على شعر القطو قشر ، فبغيت اسال هل يعني لازم اسبحه ؟ واذا ايي شلون ؟ ولازم شامبو ولا لا؟ واذا اي استخدم اي نوع
انصحكم تودونه البيطري اول. اذا قال انه القشرة ينفع معاها انه تسبحونه سبحوه و راح ينصحكم شنو الاحسن له. لانه ممكن سبب القشرة داخلي ف الافضل يفحصه ويقولكم، مو انا اقولكم اي والله سبحوه اخر شي تطلع بشرته جافة و تزيد القشرة.
قطوي واااااايد كسول احاول الاعبه بس ماكو فايده كسول كسول كسول ، شسوي ابي احركه مو زين حق صحته الرباااده:( كلا ينام هالبطه لا ويشوخر بعد
شوفو شنو الالعاب الي تعجبه في قطاوة ما يحبون الكور وفي قطاوة مايحبون نوع معين من البلاستك. في انواع ما تحب الحركة لانه جسمها ما يساعد و نوعها خامل مو كل قطو لازم يكون حركي. اذا فجأة صار كسول او تحسون انه مو طبيعي ودوه البيطري.