@JayAlN

Jameela Alnakkas

Ask me anything Follow
Ask @JayAlN

Sort by:

LatestTop

Previous

مثلا اذا وكلتها الصبح و بالليل ناشف و بس الظهر معلب يكون احسن؟ و يقولون في تريتس اقدر اشتريها حق القطوه وبين الوجبات اقدر اعطيها

اي جذي تمام، حتى بنوع الاكل والماركات غيرو بين فترة و فترة. والتريتس زينين
2
Liked by: JoJo Almarhoon

قطوتي بصير عمرها ٤ شهور، قام اوكلها اكل ناشف ماركة ويسكاس مكتوب عليه "جونيور" من اول ما يبتها ليلحين، متى اقدر اغيره؟ واذا غيرته شنو ايب؟

اهم شي بالاكل انه ما تعتمدون على نوع معين. وكلوها كل شي مفيد لها، يعني اي نوع، يعني مطبوخ، يعني نيي، اي شي بس مو نفس الاكل يومياً على كل وجبة.

انزين وقت النوم انا اصكر الليتات عادي بعد ؟ يعني لو بيقضي حاجته شلون

عادي. و دام حاطته بدارج حطي الصندوق بدارج بعد. لازم يقدر يروح الحمام متى ما بغى و لازم الصندوق يكون بعيد عن الاكل كثر ما تقدرين
3
Liked by: SaadMardin JoJo Almarhoon

Related users

yaz89’s Profile Photo Yazied Khalid
fatmq
JoJo Almarhoon
Legendary
Tareq AlKhudhari ♪
Batol dashti

توني ماخذة قطو ، بس امي ما ترضى يطلع من داري ، فلمن بطلع برا شنو اسوي؟ اهو ينط علطاولات اخاف يتعور وانا مو موجودة او اذا بقعد تحت ؟

ينط عالطاولات، يندعس بمكان عادي هاذي طبايع القطو لا تمنعينه منها و وفري له اماكن يصعدها بدون لا تحاتينه مثل الشير او ارفف. الافضل انه ما ينحكر بمكان واحد يعني حاولي تطلعينه شوي لو مرة باليوم. و أهم شي لعبي معاه و طلعي الطاقة الي فيه.
3
Liked by: SaadMardin JoJo Almarhoon

did yu know? Ask.fm is a social networking website based in Riga, Latvia, created by "Ali Baig". The site launched on June 16, 2010, and now has over 10 million users. it was accused for being the cause of many suicides due to cyber bullying.

Tareq AlKhudhari ♪
very interesting! I'm way over that "I'm gonna kill myself" phase so tough luck to all the haters xD
3
Liked by: Tareq AlKhudhari ♪ JoJo Almarhoon

عندي ليت ليزر لمن اشغله القطو يركض وراه بسرعه عادي العب معاه هاللعبه ولا خطر عليه ؟

عادي بس لا تحطون الليزر بعينه
2
Liked by: JoJo Almarhoon

يعني اذا مطعمينه عادي ما اغسل ايدي صح

اي بعد مطعم ومافيه امراض عادي شتخافون منه. طبعاً هاذا اذا كان بس عايش داخل البيت واكله نظيف
3
Liked by: SaadMardin JoJo Almarhoon

اذا القطو عضني عالخفيف مايعور و لعابه صار بيدي عادي ؟ مايضرني؟

مايضر. غسلو ايدكم اذا القطو مو مطعم طعموه. و لا تجاملونه و تتحملون العض.
3
Liked by: SaadMardin JoJo Almarhoon

اختي قطوتي عمره سنه و خمس شهور وقبل شوبي كان يكح و مره وحده رجع، شنو ممكن اللي خلاه يرجع؟

الترجيع عرض من اعراض وايد امراض ماقدر اعرف بالضبط شنو. بس اذا حالته الصحية زينة و تصرفاته طبيعية و مو مرجع غير هالمرة يمكن كرة شعر :)
1
Liked by: Tareq AlKhudhari ♪

وهل اقدر اسبحه انا بروحي ولا لازم اوديه مكان مختص

اذا تعرفين تسبحين انتي سبحيه، أنظف من المحلات ولا غيرهم.
1
Liked by: JoJo Almarhoon

جم مرة لازم اسبح القطو ؟ قالولي اذا بخليه بالبيت بس مرة كل ٢ او ٣ اشهر ، هل هذا صحيح؟

تقدرين تسبحينه كل ٣ شهور او كل شهرين او كل شهر. مو مرتبط بشي معين. في قطاوة جسمهم يفرز وايد دهون ويحتاجون يتسبحون كل شهر، و في قطاوة جسمهم ناشف و السبوح ينشف شعرهم زيادة.
شخصياً ما اسبح قطاوتي الا اذا توصخو او قبل العروض. القطو نظيف ماله داعي يتسبح وايد.
2
Liked by: Tareq AlKhudhari ♪ JoJo Almarhoon

القطو ماينمع الحمل حق الحريم؟ لان سمعت اذا شعر القطو راح بالرحم خلاص يصير فايروس وماتحمل المرة للابد

واي لا لا لااااا!!
مرض التوكسوبلازموسيس يحوش الحامل وممكن يسوي لها اجهاض او تشوهات للجنين. الطفيلي يكثر بالقطاوة بس ممكن ينتقل للانسان من الاكل الملوث. اذا حاش وحدة مو حامل تتكون لها وحق جنينها اذا حملت بالمستقبل مناعة. ثلث العالم فيه الطفيلي و هالشي عادي مو چايد. في فحوصات وله علاج و الوقاية منه سهلة.
2
Liked by: Tareq AlKhudhari ♪ JoJo Almarhoon

ضروري : كل يوم معلومة طبية/ تعرف على أضرار تربية القطط في المنزل وكف تتجنب تلك الأضرار #صحة #طب http://nabdapp.com/t/11532158 تم نشر هذا الخبر عبر تطبيق "نبض" للآندرويد و الآيفون. http://bit.ly/1e9lzDy هل صحيح هذا الكلام او انه فيه مبالغه ؟

كلام معقول، مادري اذا النسب صحيحة او لا.
الحيوانات تنقل امراض حق الانسان. الانسان ينقل امراض حق الحيوانات. شي طبيعي سواء قطاوة او طيور او حتى سمج الزينة. و اغلب هالامراض ممكن تنتقل بين البشر او للبشر من الاكل.
الي يهتم بحيوانه ما يحاتي هالسوالف. واغلبها لها طرق وقاية سهلة وحتى علاجها سهل. ماله داعي خوف بدون سبب و هستريا على ولا شي.
1
Liked by: JoJo Almarhoon

ههه مشكورة اختي ❤ انا بتبناه يوم اليمعة فماعندي وقت لازم اتعلم بسرعة

بييييه في وقت، ما يبيلها شي ترى. بس اشترو الاغراض و جهزو المكان.
1
Liked by: JoJo Almarhoon

السلام عليكم اختي .. بتبى قطو بس ماعندي خبره كبيرة ممكن تعطيني لنك موثوق عشان اتعلم عنه وعن تربيتهم

وعليكم السلام و الرحمة!
http://www.vet.cornell.edu/FHC/health_resources/NewCat.cfm
http://www.icatcare.org/advice/cat-care/helping-your-new-cat-or-kitten-settle
http://www.aspca.org/pet-care/cat-care/general-cat-care
يعجبوني الي يسالووون و يقرون قبل لا يتبنون!! الله يوفقكم و اذا محتاجين مساعدة بأي شي انا موجودة بكل مكان هههههه
1
Liked by: JoJo Almarhoon

ليش ما تكتبين كلاب ليش جلاب بالجيم؟ و كتبي عزكم الله....

والله عاد كاف جيم كيفي. مو قاعدة اكتب بالفصحى، انا زين مني نجحت بالعربي xD
و "عزكم الله" و "تكرم" هاذي ماتمشي عالحيوانات عندي. اعتبرهم نعمة وأحمد ربي عليهم، ما اعتبرهم فضلات او وصخ.

اخوي عندي استفسار بسيط ! عن طير البادجي بعده صغيرونوو الوانه ما طلعت عدل .. كان هادي و اطلعه من القفص ايلي على طول .. فجأة صااار عنيف ويعض ما يبي احد يقرب يمه و يطق منقاره بالقفص بقووة :( :( :( !!!! شنو الاسباب و الحل ؟؟؟

والله اني بنت :') المهم، اي تغير بسلوك الحيوان يفضل انه اول شي ينعرض عالبيطري عشان يستبعد اي اسباب صحية. وآسفة بس ماعندي خبرة مع الطيور.

السلام عليكم جميله، انا عندي قطوه و قريب بتولد و ما اقدر اخليها عندي تولد لانها مو مالتي اصلا ، دقيت على ملجأ الوفره kspath قالولي اذا بناخذها لازم نجهضها !!! و حرام اهيا واصله حدها مو باول حملها،، وين اقدر اوديها؟

اهلا! اسفة حالياً ماعرف احد عنده امكانية ياخذ قطوة حامل بس أسأل. عندكم كيك تويتر انستغرام اي شي؟
1
Liked by: JoJo Almarhoon

Next

Language: English

4.1

1,266,418 reviews
© Ask.fm 2024