@JayAlN

Jameela Alnakkas

Ask me anything Follow
Ask @JayAlN

Sort by:

LatestTop

Previous

ليش مو من الاول رحتي بيطره ؟

لانه اول شي اهلي كانو خايفين علي زيادة عشان صغيرة وانا احس ماكنت مستعدة.
1

بغيت اسال بما ان انتي طبيبة بيطرية بالمستقبل انشاءالله ... هل انتي نباتية او عادي وبعد ما عرفتي طرق الي يعذبون الحيوانات بس عشان يكثرون انتاجهم ويمتنونهم ما حسيتي انج بتقطعين اللحوم ؟؟

انا مو نباتية ولما كنت نباتية مو عشان الحيوانات كان شي عشان صحتي. طول عمري ماحب افكر بالحيوان المذبوح الي آكله بس لما درست هالشي زيادة صج ضاق خلقي. بس هالشي خلاني انقي اكل بدقة واقرا المكتوب واحاول كثر ما اقدر اني ابتعد عن الاشياء المشبوهة الي ممكن تكون الحيوان فيها متعذب. ان شاءالله اصير نباتية ههه بس مادري انا مفترسة احب اللحم xD
1

هل كونتي صداقات هناك باستراليا؟

اي بس حالياً بالبلدة الي انا فيها بس زملاء وزميلات
1

Related users

yaz89’s Profile Photo Yazied Khalid
fatmq
JoJo Almarhoon
Legendary
Tareq AlKhudhari ♪
Batol dashti

هل لازم تعتنين بحيوان اذا كنتي بتدرسين طب بيطري؟

لا مو لازم في طلبة ماعندهم حيوانات
1

تحبين المكياج ؟ ولا مو من اهتماماتج

ما "احب" المكياج بس عادي احط اذا لي خلق
1

اشلون كانت دراسه الكويت عن علم الحيوان؟

زينة بس مملة، ما تخصصت فيها ف ما اشتغلت وايد عملي. المحاضرات عادية، الطلبة والطالبات يلوعون الجبد خصوصاً بالمختبرات. يعني الي حاط بباله انه يحب المادة و مهتم فيها راح تلوع جبده من الناس الي معاه لانه ما يساعدون. الدكاترة بعضهم ممتازين و بعضهم مافي اردى منهم. كلية العلوم تقمت النفس من الزحمة والضيج.
1

انتي درستي بجامعه الكويت سنه بعدين حولتي بيطره ولا شنو !

درست بجامعة الكويت سنة ونص تقريباً (علم حيوان) بعدين سحبت اوراقي وقدمت على بعثة خارجية حق علوم بيطرية.

وين بالضبط مكان ملجأ paws ??

آسفة مادري. دقو عليهم يوصفونلكم.

انتي قدمتي على قدرات

قدمت قدرات اي لاني درست بجامعة الكويت

اتمنى تقوليلي اذا هالمعلومه صح او غلط لاني سمعتها و حيل نضايقت ، هل صحيح ان الشلتر الي بالوفره عندهم امر من الحكومه ان اي حيوان سواء كان قطو او كلب يذبحونه ؟ لان الاعداد وايد و المكان ما يكفي ؟

اووول شي الي بقوله مو اكيد ١٠٠٪ بس الي اعرفه يعني ف لا يتناقل وبعدين منو قال والله جميله الي قالت. هالسوالف يفضل انكم تدقون عالملجأ وتسألون عن سياستهم. اذا هالشي موجود ماعتقد انه بأمر من الحكومة.
ملجأ kspath يذبحون الحيوان في حالتين فقط على حسب الي اعرفه:
١- انه يكون مريض مرض الأفضل له اهو قتله.
٢- انه يكون خطر عالمجتمع (فيه شراسة او شي جذي) ويقررون عقب امتحان تقييم سلوك.
ملجأ paws مايذبحون حيوانتهم على حسب الي اعرفه بس هالشي مسبب عندهم مشاكل وايد (على حسب الي اشوفه) انه عندهم وايد حيوانات مايقدرون يوفرون لها و حيواناتهم فيها مشاكل سلوكية وصحية.

شنو تتوقعين بعد ١٠ سنوات جدام مستوى رعايه الحيوان بالكويت يكون ؟ بصراحه ( تتوقعين مو تتمنين :p )

Saleh•M•Busalha
اتوقع انه يتحسن اكثر من الحين. قبل اقل من ١٠ سنين مستوى الطب البيطري بالكويت كان اقل من الحين ف هاذا شي يثبت انه في تطورات ايجابية. هالشي غير انه الناس بدت تبحث وتسأل وتهتم بالرعاية الصحية لحيواناتها. المشكلة بالهبات والناس الي ماعندها سالفة ولا من الناحية الحيوانات انا اشوف انه الكويت زينة وقاعدة تتعدل.
2
Liked by: Legendary Saleh•M•Busalha

آنا ب11 علمي وابي ادخل كليه الطب ابي اعرف هل لازم اقدم قدرات واذا ماقدمت عادي! و شنو فايده القدرات ياليت تفيديني :\

بهالسواااالف روحو التعليم العالي يعطونكم الملخص (بعد ما يلوعون جبودكم). بس امتحانات القدرات حق جامعة الكويت يعني اذا بتدش او بتدشين كلية الطب بالكويت هني تحتاج او تحتاجين امتحان القدرات. اذا بتقدمون على بعثة ما يحتاي قدرات بس على حسب الدولة اتوقع لازم امتحان يا آيلتز او توفل حق الانقلش. و ماتذكر الباجي آسفة هههه
1
Liked by: Legendary

What books do you plan to read?

There are currently 24 books on my to-get list. Probably 6 books on my shelves waiting to be read. You do not want me to write the whole list down lol.

انا اماراتيه عادي اتبنى جانس و اوعدج اني اهتم فيه اكثر عنج بعد و متى ماتبين اتزورينه زوريه و بطرشلج صوره متى ماتبين

كلميني كيك alphawolfa

عندي مضاد حيوي عطاني اياه الطبيب مره حق الابو كانت عينه ملتهبه ، اهوا مرهم .. اقدر احطله منه شويه ؟

ماقدر اقولك اي او لا هههه لازم الطبيب البيطري يفحص ويقرر يمكن يحتاج نفس العلاج او يمكن غيره.

عندي قطوه قبل اسبوع ولدت و البيبيات صحتهم زينه و بادين يفتحون عينهم ، بس واحد منهم عنده عين مفتوحه و عين مسكره عليها وصخ لونه اصفر فاتح ، يبت قطنه و ماي دافي مسحت عينه لما راح و عقب مده رديت اجيك رد الوصخ .. هل هالشي طبيعي ؟ ويلا لازم الطبيب يشوفه؟

اذا حاولت تنظفها وماكو فايدة ممكن تحتاج مضاد حيوي. وده الطبيب

chulbch mdrb 3 shu goulely btf9eel almml

مالي خلق ههههه بس يالله نحاول
Sit* يقعد
Relax* (lay down) ينسدح
Wait* (stay) ينطر
No اذا سوا شي غلط
Heel عشان يمشي يمي
Shake* يسلم
Watch me يطالعني
Chance, you can eat لازم اقول اسمه عشان ياكل اذا ما قلت اسمه وقلت الجملة ما ياكل لانه اذا اكيليس موجود ماياكلون الا اذا قلتلهم بالاسم
Drop it عشان يهد شي اذا حاطه بحلجه
Get in bed يقعد بفراشه
Go in* يدش القفص
Get your toy يشيل لعبته من الأرض
الي يمهم * لهم إشارات معينة اذا سويتهم بإيدي يفهمها.
هذيل الي اذكرهم ههههه
2
Liked by: JoJo Almarhoon Tareq AlKhudhari ♪

سؤال عندي مشكلة انه حامل و مو راضين اشتري قطو بسبب مشكلة الطفيليات .. هل يفضل أن اقدر اربيها من بعد الولاده يكون عندي قطوه عشان لا يأثر للجنين لا سمح الله؟

اذا تبين تقدرين تربين وانتي حامل اهم شي انه تنقين عدل ويكون القطو نظيف وتفحصينه عشان تتأكدين. لو انا بمكانج اربي وانا حامل عشان مناعة الياهل تكون متعودة من اول ما ينولد عشان ما تحوشه حساسية او شي بعدين.

مشكورة يا قلبي ريحتيني و بخلي امي تقرأ ردج يارب تقتنع و تغير رأيها لاني مستحيل اطلع اقطاوتي

ما سويت شي حياج الله :) ان شاءالله تقتنع هههه عادي ادري الأمهات اذا دشت فكرة ببالهم صعب يغيرونها

مشكورة حبيبتي على الرد ♡ بس ممكن توضحين كيف نعرف اذا القطه مصابه بالطفيلي اش هي الاعراض الي تضهر على القطه المصابه و هل هذا النوع من التحاليل متوفرة بالخليج انا من البحرين

غالباً الحيوان ما تبين عليه أي اعراض الا اذا كان فيه خلل بالمناعة. غير جذي ممكن تتغير الأعراض على حسب مكان الطفيلي بجسم الحيوان او حدة المرض ف الأحسن انه دام انتي شاكة او مو متأكدة انهم مافيهم شي سويلهم فحص عند البيطري.
اتوقع موجود بالبحرين لانه فحص بسيط ما يبيله ارسال للخارج ولا شي ف ان شاءالله تلقينه وان شاءالله قطاوتج مافيهم الا الصحة والعافية.
لا تحاتين! حتى لو فيهم عادي ما يضر دام انه اختج ما تغير ترابهم. واذا انتي محاتية صحتج لا بغيتي تغيرين التراب لبسي كمام ودسوس وعقمي كل شي عدل.

Next

Language: English

4.1

1,266,418 reviews
© Ask.fm 2024