أيش الوظيفه اللي على مودك
ومايزعجونك الناس ليش ماتوظفتي الا الان ؟وايش ردك عليهم !!!!
الا يقولو ويقولو درستي ع الفاضي بالذات خريجات الثانوي يقولو اهو زينا زيك !! استغرررب منهم الجامعه مادرستني بس الجامعه علمتني اشياء اكثررر من المحاسبه جد جد الجامعه غير اللي كذا ماارد عليها مو لازم كل واحد يعرف خططي واحلامي والشهاده ضروريه مو لازم تشتغلي فيها دحين بس ممكن بالمستقبل والوظيفه اللي علي مودي الفاشن والبيوتي والاشياء هذي ولقيتها بالبلوج ومبسوطه حتى لو بدون مقابل بس انا في اشياء واهداف براسي مو جالسه بالبيت كذا !! وان شاء الله ربي يحققها لي :))
ميرو ليش ما تنقلي للشمال كل الاشياء بالشمال
وغلطتكم تبنون بيتكم بالجنوب !!!!
من ججججد والله دايم هناااك بس ايش نسوي بابا مو مقتنع هنا اصحابو وناسو وكذا غير انو في كم واحد من اصحابو نقلو للحمرا وندمااانين فهوا خلاص مررررا مقفل ع الشمال وكنا ناويين ع الشرق بس للاسف الارض الي كان حاط عينو عليها بابا اخدتها الدوله شي زي كذا فمالنا الا الجنوب :(((
اكثر انسانه تسوي عزايم وخرابيط انا احب جمعات البنات وبالذات لو بنات احببهم بس من فتحت البلوج انشغلت حتى قبل كم اقول لااريج اريج انتي فاضيه سوي عزومه ههههه
يارب ياكررررريم يرزقك بطفل عاجلا غير اجلا واقلك نصيحه دوري وحده قريب بتولد وتحبك ووصيها تدعيلك بولادتها جد جد دعوات الولاده غير انا كل الادعيه اللي دعيتها تحققت والله العظيم يااارب لك الحمد اووولها اريج حبيبه قلبي كانت نفسسسها تحمل وكنت اكثررر شي ادعيلها بولادتي انو ربي يرزقها تخيلي وانا بنفاسي طلعت حامل ماشاء الله يارب لك الحمد واشياء غيرها جد اللهم لك الحمد حتى ترضى ولك الحمد اذا رضيت ولك الحمد بعد الرضا