اميرة جبت نوته وفتحت على الاسك مي تبعك ونزلت لابعد حد وسجلت كل حاجه استفدت منها بالنوته
بس في كم سؤال
اضاءات التصوير اقدر انقلها معاي بكل مكان سهلة النقل يعني ؟ للدوام عشان اصور فيها ؟ تنفع تصوير الاطفال ؟
بوكس الكاميرا هو مخصص لكام ولا بوكس عادي ومن فين ؟
البدي اللي تككلمتي عنه للقمصان ابي اشوفه
ههههههههههههههه طيب كويس انو الاسك مفيد :) اذا تبغي شي كويس وخفيف وينفع للاطفال مالك الا الفلاشات اللي تتركب بالكام ترا مرررررا بطله http://www.youtube.com/watch?v=uWSktjmVODY وتقدري تركبي ع نفس الفلاش سوفت بوكس وهوا مركب ع الكاميرا وتلاقي عن الحارثي وكام فور سيل والبدي اللي بزارا يجي جوسيه على قطن معرررروف
امورة انا غفران سبق قلت لك حابة اتعررف عليك و اتواصل معك . و عطيتيني الانستغرام بس انا مو كثير على الانستغرام . عادي اتواصل معك واتساب و اذا عادي كيف اخذ رقمك ؟احببك ربي يسعدك
امورة .. انت من قبل قلتي كأنو إذا موغلطانة انك انت اللي عاملة المانيكان ؟ ممكن تقولين لنا كيف عملتيه ؟ لان مررة نفسي بواحد مثلووو و لو بشتريه ماعرلف وين يبيعونه و بكم
لا لا ههههههههه صح سويت اسواره السبايكي اما المنيكان لااا بس هوا كان له رقبه طويله وانا قصيتها بس مو سويتو ههههه ويبيعو بشارع السويلم عند محلات تجهيز المعارض ب ٢٢٠ وفي ارخص ب ١٢٠
الانسقرام
عادي اسجل فيه من الاب توب مابغى انزل شي حاليا مابغى انشغل بس ابتفرج وكذا
وياليت ي قلبي تنزلين طريقة يف اسجل فيه بمدونتك او هينا على راحتك
لا ماتقدري للاسف لازم من ايفون او ايباد
تعرفين احد راح فرع المملكه لانه ب العاده اخف بكثير واهدا من غرناطه ؟
انا روحت ع اساس امر باث اند بودي بس طلع مقفل وكان الوضع اهدا بس الكميه اقل بكثير من غرناطه وكانت مخلصه الاشياء تقريبا بس سيري مو خسرانه شي
ايش هو الفاونديشن؟
كريم الاساس
غريبه اميره انت ملاحظتك كثير تساعدين الناس وكل شي تقولينه ليش اليوم لما جيتي تروحي للكوليكشن ماقلتي ل احد علشان اللي حاب يروح يقدر الصباح و ماقلتي الا متأخر استغربتها منك !!!!
ماكتبت لاانو كككككل العالم كاتبه ويعدو وزحمه فخوفت اكتب واهايط ومااروح هههه + كنت مسويتها مفاجاه قلك لوووول ولا ترا انا من الاسبوع اللي راح داريه اني راح ادخل قبل البنات وكل شي فماراح اخسر شي اصلا
مرحباً اميره كيفك حبيت أنصحك لوجه الله لأني حابتك وخايفه عليك لا تنزلين أغراضك وملابسك ومشتريآتك بالاقلاع نزلي بس بالبلوق الخاص فيك لانه الاقلاع عالم واسع وكبير عكس البلوق واللي يحبك و ويبغاك راح يدورك ويبحث عنك ويلاقيك بالبلوق تبعك وموفقه
مرحببتيين صح كلامك اقلاع عالم وسيع بس ترا كثير مايحبوني ويتابعو البلوج تبعي فماتفرق وشكرا ع النصيحه ياعسل
مره معجبتني الشنطه حقتك البلاستك تبيعينها علي ب٣٠٠ والله أنا جاده ؟؟؟؟بليز وافقي وفرجي عن مسلمه ههههه يفرج عنك الله كرب من كرب يوم القيامه ههههه وقعت في غرامها
هههههههه من جدك دحين اروح الصباح وحوسه وبعدين ابيعها !! وافرج عليك واقعد انا بحسرتي يعني هههههههههههههه
انا بشرتي مو سمرا ولا بيضا والبلاشر حقي فيه لمعة خفيفة ايش رايك فيه في المناسبات العادية لو خرجة عصرية لانهم يقولولي استعمل اللي بدون لمعة .. ايش اللون اللي يناسب بشرتي وشكرا
لا لا حلو للخرجات اللي بالعصر اللي يكون في شويه لمعه اصل اغلللب البلاشرات يجي فيها شوي شيمري اللي هيا اللمعه البسيطه حتى لو بالصباح لاانها ماتبان قويه يعني زي مثلا بلشرات بنفيت كلها فيها شيمر ومرررا حلوه للصباح وبشرتك احس الالوان المشمشي يطلع مرا حلو عليها عاد المشمشي درجات يجيك ع بينك ويجيك ع برونز انتي ممكن بعد الفاونديشين تحطي برونز خفييف والله البرونز يحلي الوجه ويحدد ملامحو وبعدين حطي البلاشر :)