اخاف من كثرة حسابات الملحدين والجامية والشيعة والليبراليين يحسسوونك ان الدنيا خلاص بأي لحظة ممكن تنخسف ياررب حلمك وعفوك وسترك ولطفك
مشكلة حقيقة ، كثير منهم مخدوع .. والله يستر
هل تملك الصبر؟
في كثير من المواقع ، وبالمقابل مواقف اخرى لا اصبر واتعجل
تستخدم برنامج الفيجول بيسك؟
لا والله .
i am not in danger. i am the danger - walter white
صح لسانك هايزنبرق =)
مين شخصيتك المفضلة بمسلسل الموتى السائرون ؟
ديريل وريك !
هل تمتلك حس فكاهه عالي ؟
ايه =)
آخر جزء من السلسة كان جميل جداً
كلها كويسة بس الأول هو الي عجبني يعني .. لكن هي عموماً كمشاهدة بالنسبة لي قابلة للمشاهدة ، ولو بينزل جزء جديد ايضاً بتاعبه ماوراي شيء =(
رأيك في سلسة
Final destination
وأفضل جزء منها إذا شفتها
الجزء الأول .. تدري ليه ؟ لأن الفكرة كانت جديدة بالنسبة لي وتوقعت فعلاً ان فيه احد بينجو من الموت ، لكن بعد الجزء الثاني خلاص عرفت ان السلسلة فكرتها اصلاً انها توريك ناس يموتون بطريقة بشعة ولا مافيه امل واحد يعيش ، فعلشان كذا عجبني الأول بس لأني كنت اجهل هالفكرة يوم شفته .
اذا احد قفل صفحته وش تزين
قفل صفحتي هذي يعني ؟ كيف يقفلها يخترقها يعني ولا وش الوضع بالضبط !! .. وش ازين يعني بالله ! لو اخترقت خلاص مع نفسها بأقول بتويتر ترى الصفحة اخترقت والي فيها ماهو بأنا وانتهى الوضع
رأيك ب
Seven pounds
حق ويل سميث ! لا والله ما شفته للحين ، افضل افلام ويل هو السعي وراء السعادة "The Pursuit of Happyness" اذا كنت ما شفته فلا يفوتك .. وهالفيلم ان شاء الله بشوفه اكيد بس مب قريب .
وش رايك بسلسلة Die Hard ؟
سلسلة سعة صدر ومتعة ، تستاهل المتابعة
معقولة !!
وش المقعول ؟
ادخل فقدناك
قصدك هنا ؟ .. موجود انا بس مافيه اسئلة مهمه تستحق الإجابة عليها فأحذفها =)
ماني راعي كورة ابد ابد ابد ، فاز خسر اياً كان الفريق ما اهتم حقيقة .. خصوصاً العربية والخليجية والسعودية كذلك . ممكن اجلس بدوري اسباني مع شباب اتفرج عادي ، بس عدى ذلك لا .
سمعت انهم جابوا الحصان اللي بالفيلم في حفل الأوسكار في تلك السنة , صح ؟
والله ما عندي علمك بهالشيء حقيقة ما شفت اوسكار ذيك السنه .
تتابع أبيض-أسود ؟
فيه ابيض واسود متوفر له بلورية .. بس قليل ، لذلك للحين ما تابعت شيء ابيض واسود الا السامراي السبعة تقريباً
ما مفرد "سبانخ" ؟
ما تجمع هي مفرد وهي جمع ، يعني تقول للجمع مثلاً لدي مجموعة من السبانخ ! وايضاً تقول للمفرد مثلاً اكلت للتو قطعة من السبانخ ! زي مثلاً ( عسل ) ما يجي عسلة او عسلات غلط .. هنا الأمر نفسه
المسلسل اثارة قوية جداً خصوصاً الموسم الأول يتكلم عن جندي امريكي حارب بالعراق واختفى لمدة اعتقد ثمن سنوات ناسي كم بالضبط والله ، المهم الكل حسب انه ميت واعلنو موته اصلاً وسوو له جنازة وكلش .. فجأة بغارة امريكية مرة من المرات ، لقو اسير تعبان جداً قال لهم ( لا تقتلوني انا امريكي ، لا تقتلوني انا امريكي ) وعرفوه ورجعوه للوطن بترحيب ومكافأت وو..إلخ بنفس هالوقت الإستخبارات ومكافحة الإرهاب شاكين وجايتهم معلومات على انه فيه امريكي قالب عليهم !! ، هل هو هذا بطل المسلسل هو الأمريكي الي قلب عليهم ؟ .. او انه ضحية وشخص عادي ؟ هنا اثارة المسلسل والجواب انعرف حالياً ، لكن للأسف نهاية اخر موسم ما اعجبتني الي ما احبه بالمسلسل هذا وغيره من المتعصبين 1- اظهار الإسلام بصورة سيئة 2- سب اشياء معينة بالإسلام كـ ( تلقيبنا بالجاهلين لأننا ما نوافق على الشواذ ، ونعت الحريم عندنا بالمساجين واننا جهله لأننا نغطيهم بغطاء اسود .. وغيرها من السبات الي جت بالمسلسل) لكن الحق ينقال المسلسل بطل بالإثارة وحماسي ، بس نهاية الموسم الأخير ما عجبتني .. وايه ناوي اكمل المسلسل لو حاب تسألني هالسؤال .
لا ياخي اتكلم عن حصان الحرب ههههههه , الفتى أ شايفه
اهاا ، اعذرني والله انلحست، اما حصان الحرب ما شفته ! حرام عليك .. فلم مجنون جداً يالله استممممممممممتع !!
هل الإنطوائية تتوارث عبر الأجيال ام انها تُكتسب .. وكيف يمكن للمرء ان يتخلص منها ؟
تتوارث نعم ، اذا اهل منعزلين وما علموك الثقة بالنفس والحديث مع الناس ! اذاً اكيد بتكون انطوائي زيهم ، لكن فيه شيء جداً جميل بالحياة وهم الأصدقاء ، لما ينجح الإنطوائي بتكوين صديق واحد على الأٌقل ، هالصديق بيطلعه من الإنطوائية الي هو فيها ، فتلاقيه يعرفه على ناس ، يقوله تعال معنا / ترى والله عادي / وش المشكلة لما ما تعرفهم طيب تعرف عليهم / ياخي وش بيضرك ان ما صلحو لك اتركهم ...إلخ ! يعني ممكن الأصدقاء يطلعونه من الي هو ورثة من ابوه وامه واخوانه الي هي العزلة والإنطوائية .