احبك الله الذي احببتني فيه ، وانا بعد احببت احترامك لي ياطيب وشاكر لك الله يخليك ،
عزوز ايش معنى أوفر مثلن اقلك أنت أوفر أو زي وحده من صديقاتي لما اشترت هيدفون جديدة قالته هدي غالية لأنها أوفر
اوفر بعنى اوفريتد .. يعني مُبالغ فيه .. لما اشتري سيارة بسعر عالي جداً ، ويجي شخص يقول ، ياخي على مواصفاتها العادية اشوف ان سعرها اوفر اوفر ( مو بمعنى ارخص .. ارخص هذي لما تقولها بالعربي ) اما اوفر ( يعني مُبالغ فيه ، وبمثالنا يُقصد بأن سعر السيارة مُبالغ فيه مُقارنه مع مواصفاتها الي هي عادية ) بمثالك ( هدي غالية لأنها اوفر ) المثال غلط وصاحبتك غلطانه ، كأنها تقول ( هذي السماعة غالية لأنه مُبالغ فيها !!!!!!!! ) وهالشيء غير منطقي باللُغة العربية .. لذلك الصحيح ان وحدة من صديقاتك مثلاً تشوف سماعة فستان اياً كان .. وتقول مثلا مثلاً ( يالله شوفي سعرة !! والله اوفر ! ) يعني ما يستاهل سعرة اسف طولت ، بس حبيت اوضح بشكل كامل المعنى ، واذا ما فهمتي عادي . شكراً .
رأيك في The Walking Dead ؟ وهل تنصحه به وتراه مسلسل قوي ولا ؟
والله بالنسبة لي يعجبني جداً ، وحبيته مرة باول موسمين ، الثالث خلاص خلص الأن ، وبأتابعه على هالويك اند بإذن الله . من ناحية انصح فيه ايه والله انصح وبشده
واحد بمثل قوتك باللغة وش ناقصه من مقومات ليصبح مترجم ؟
ناقصه ( فضاوة .. صح اني فاضي لكن اذا فضيت قعدت اتابع خخخ ) ومشوار والله التعلم على طريقة التوقيت وكذا ، مالي نفس :(وفيه ترى مترجمين يكفون ، يعني ما اشوف اننا نعاني من نقص بالترجمة حالياً ، يمكن ايام 2008 - 2009 بس من ايام 2010 واشوف الوضع كويس صراحة وفيه مترجمين ابطال امثال ( براد بيت ، وهاش 137 ، وقبل دن فور ايفر ، وباك فاير ، والأن كيلر سبايدر وهيرو كون .. كثير المترجمين الكويسين ) عبود ومومي ستار واونلي مي بعد مترجمين ممتازين :) يعني فيه نُخبة جالسة تترجم وكافيتنا وشوله اشغل نفسي ، خلني اتابع واريح اطلق :d
لأني ما البس الشماغ الا بالمُناسبات ، ولأن المُناسبات عندي قليلة - او هذا على ما يبدوا - فما حصلت لي فرصة ارسم واشخص واصور ، لكن فكرة مش بطالة وبإذن الله مُستقبلاً . شكراً .
الجمال ثم الجمال ثم الجمال ثم حسن الخلق ، ثم الإحترام والهيبة من الزوج . ابيها دلوعة لنفسي ورزينة لغيري ، لها كينها بين النساء .. مرحة وقت المرح هادئة وقت الجد .. تعي ما تقول ولا تثرثر بما لا يُفيد ، هذي مرأة أحلامي اذا لقيتها عطني خبر تكفى :)