ما شاء الله عليك كيف قدرت تشوف هالكم الهائل من المسلسلات .. انا المسلسل الواحد بالعافية اخلصه ياخي حلقات ومواسم لليل , مع اني ابي اتابع بس مافيه وقت يا دوبك الحق
انا استغليت هالكم وقت الثنوية ، الأن انا مثلك تماماً باليالله الحق على سيزون ولا سيزونين من مُسلسل واحس اني حققت انجاز عظيم ، .. تباً للجامعة !!
ماهي الاستراتيجية التي تتبعها عن متابعت المسلسلات .؟
والله بالنسبة للمُسلسلات الي اتحمس لها .. اخليها تنقع لين يخلص الموسم ، زي مثلاً مسلسل جيم اوف ثرونز له طقوص خاصة ، خليت الموسم الأول يخلص ، بديته يوم الإثنين بوقت إجازة، بعد العشاء طلبت دومينوز بيتزا !! وخذلك جلسة إلى الصبحية مع فاصل لصلاة الفجر طبعاً . ليييين انهيت الموسم ، والموسم الثاني نفس الموضوع ، وعاد انوي بالثالث الوضع نفسه !!
اما كذا تزبيد !! لا يخوي طايح من عينك والله اروح الجامعة وانا واحد كبير وحركات كذا والله صدق !! ههههههههه ياشيخ طير بس ، سيارتي فورد تورس 2011
وش تسوي آخر الليل انت ؟
هاه ؟ وش اسوي ياخي يا نايم يانايم والله ما اسوي شيء ياخي :(
من متى بديت بالأفلام ، وعطني قصتك معها .. وتذكر اول فيلم شفته ؟
يمكن 2006 ما اذكر تقريباً ، بس من 2006 إلى 2007 كان وضعي عادي مُشاهدات بمُستوى طبيعي ويمكن اقل ، بديت ياطويل العمر مع اول فيلم شفته كنت اعتقد بالابتدائي على ايام فيلم قودزيلا الي نزل باواخر التسعينات ، شفت هالفيلم عند خالي الله يذكره بالخير ، وطبعاً كان اقوى الأفلام واقوى شيء بالنسبة لي .. لأني صغير والفيلم ديناصورات ، والتقنية ذاك الوقت بالنسبة للفيلم كانت جبارة وبطلة !! والفيلم جاب لي رُعب واثارة قوية جداً .. من يومها حبيت هالافلام وموضوع سردية القصص عن طريق شريط سينمائي مُمثل من قبل فنانين .. تعرف كنت بزر وهذي طريقة نظري للموضوع ، واول فيلم شفته زي ما قلت لك قودزيلا .. ومرت السنين وصرت اشتري اشرطة فيديو بالبداية ، واجمعها بدولاب .. بعدين صارت السالفة استئجار بس ، اتابعه وارجعة واقل تكلفة ولا ياخذ مني مكان احطه وابلش فيه ، بعدها صار الموضوع متطور اكثر شوي إلى ديفيدي اشغلها على البلايستيشن 2 الشيخ ذاك الي استخدمته بكل شيء العاب وافلام ، وبعدها تطور الوضع إلى الكمبيوتر والتحميل .عاد بعديييين بعد فتره طويلة يوم تعمقت بالأفلام ورجعت في 2009 تقريباً او 2010 حملت فيلم قودزيلا لاعادة الذكريات .. وعاد ماكملت فيه ربع ساعة الا وقفته وسحبت عليه ولا كملته الى اليوم .. ما قدرت كانت التقنيه فيه جداً سيئة بالنسبة للتطور الي حصل في الألفية ، هذي اعتقد قصتي
قلة دراستي على كثر ما اتعب فيها ذهنياً وافكر فيها حتى بوقت وناستي وتنكد علي حياتي .
لما يتكلم عنك شخص بدون علمك وش تسوي ؟
وشلون وش اسوي !! حلوة ذي ، تكلم عني وانا ما ادري اذاً ما ادري انه تكلم عني وانتهينا .. xD
وش مشروبك المفضل ؟
والله مدري مسكات احياناً يعني مافيه شيء مفضل .. مرات افضل على المود اذا نعسان كود ريد ، مرات ببسي ، مرات اذا شيء خفيف اخذ حمضيات ، يعني على حسب طبيعي الواحد يشتهي شيء مختلف ما بين فتره وفترة
للأمانة موقعك من أفضل المواقع لكن احس انك ما عملت له الدعاية الازمة
الله يجزاك خير ، طيب انصحني .. وجهني ، وش الطريقة التسويقية الأفضل لإشهاره ؟ سوينا له رتويت دائماً ، سوينا له حسابات بتويتر والفيس .. ونشرناه مع بعض الأخوه بالبلاك بيري ، حطينا اعلان في احدى المواقع الجيمزاوية لكن للأسف غير معروف الموقع هو الأخر ، وهذا الي حاصل للأن مالقيت الإقبال الي يرضيني على قدر العمل الي نعمل عليه والله .
سؤال بطل ، بأحذر نفسي من شغلاتن واجد ، بروح للمراية واقول :1-"اسمع ترى دكتور قصد بيقلب عليك وبتحمل المادة انننننننتبه منه !! " 2-"ذكر نفسك ما عاد تطلب بروستد وعليك اختبار بكرة ، ترى حرقان وشغل مب طيب !! " 3-" لا تفتح صفحة آسك !! لا تفتح صفحة آسك !! لا تفتح صفحة آسك !! " 4- " وأيه ما قلت لك ترى وضعك اوكيه خلك على ما انت عليه بأسلوب ومنهجية .. ووضعك اوكيه ." بس :)