Feal3adalTV

لو سمحت ى دكتر الصداع النصفى بيتعالج ب الحجامة ولا إيه ؟ :)

October 21, 2015

لا نستطيع الجزم إلى الأن بمدى فاعلية الحجامة من عدمها في علاج أي مرض أو عرض إلا بعد خضوعها للدراسات و البحث العلمي المدروس المكثف

---

وحتى يثبت ذلك بشكل إيجابي علميا وده سهل حاليا معرفته فور حدوثه من خلال ثورة الاتصالات

---

حتى ذلك الوقت عليك الاستعانة بطبي تخصص يحددلك العلاج المناسب بعد عمل الفحوصات اللازمة لاستبعاد كل الأسباب الشائعة والمسببة لمشكلة الصداع ...
وألف سلاة لحضرتك :)

---

--------------------------------------------------------------------
نطعم ولادنا ولا لأ ؟؟؟
هنطعم ولادنا ان شاء الله والسبب هنعرفه مع بعض في الحلقة الجديدة من ( في العضل ) على فيس بوك و يوتيوب

---

https://www.youtube.com/watch?v=e-kcaiqxxfQ

16

0

Liked by: Abdullah Alhashem Muhammad A.H خطوات ツღ ebrahimsaleh Ahmed Ramzy Ahmed الزهراء Esraa Salah آية الله Manar Alaa

كنت عايزة اسأل حضرتك في علاج طبي للعصبية أوالغضب ميكونش ليه اثار جانبية؟

October 21, 2015

المهدئات العصبية معظمها بيشتغل على المخ و المراكز إللي بتتحكم في الانفعالات و العواطف وبالتالي لازم هيبقا ليها آثار جانبية مش حلو خاصة في استخدامها على المدى الطويل

---

علاج العصبية و الاكتئاب مع طبيب نفسي متخصص هو الأفضل وهو إللي هيوصف الدوا المناسب بالمدة و الجرعة المناسبة

---

خاصة إن بعض أدوية الاكتئاب لازم يتعمل قبلهاتحاليل كبد و كلى عشان نقدر نوصفها للمريض

---

استعين بالله و ادعي كتير ربنا يهديك و يشفيك و شوف ايه إللي بيعصبك و فكر كويس أوي لوحدك أو مع حد بيحبك وتثق فيه في حلول جديدة مبتكرة لمواجهة المواقف أو المشاكل دي غير الغضب و العصبية :)

---

--------------------------------------------------------------------
نطعم ولادنا ولا لأ ؟؟؟
هنطعم ولادنا ان شاء الله والسبب هنعرفه مع بعض في الحلقة الجديدة من ( في العضل ) على فيس بوك و يوتيوب

---

https://www.youtube.com/watch?v=e-kcaiqxxfQ

5

0

Liked by: Eman gamal ebrahimsaleh Ahmed soly Ali محمد إبراهيم سالم

يا دكتور انا كل فترة بيظهرلى فى منطقة الابط زى حباية كده بتكون بشكل كروى اما بحط ايدى عليها وبتوجع المنطقة دى لحد ما تختفى وتظهر بعدها بفترة دا من الحر ؟ولا ايه انا قلقانه لتكون ورم خبيث

October 21, 2015

بشكل عام الأورام الحبيثة لما بتعمل تورمات ظاهرة للعين عادة مش بتكون بتوجع
ولما بنلاقي كلكوعة في الجسم بتوجع العيان بنقول إنها غالبا هتكون خراج يعني ميكروب هو إللي عاملها

---

لكن دايييييما بنأكد على أهمية الفحص الطبي المباشر عند طبيب متخصص وعدم جدوى الاستشارة الشفهية في الحالات المشابة
ةفي حالتك رجاء الكشف والمتابعة مع طبيب جراحة وهو إللي هيحدد طبيعة الحباية دي حسب الكشف و الفحوصات المناسبة

---

وألف سلامة ليكي يارب :)

---

--------------------------------------------------------------------
نطعم ولادنا ولا لأ ؟؟؟
هنطعم ولادنا ان شاء الله والسبب هنعرفه مع بعض في الحلقة الجديدة من ( في العضل ) على فيس بوك و يوتيوب

---

https://www.youtube.com/watch?v=e-kcaiqxxfQ

4

0

Liked by: ebrahimsaleh Ahmed soly Ali محمد إبراهيم سالم

Related users

reem

Alien

Abdullah Alhashem

Muhammad A.H

خطوات ツღ

Hossam Meto

Ahmed Abd El-Bast

Aisha

L

Eman gamal

ebrahimsaleh

لو سمحت انا بقت تظهرلي في جبهتي وعند ودني نقطه صغيره بني او اسود بعدين تطلع حبايه لو الجلد بعدين تبقى حبايه حمرا ليها راس كده هي ايه دي وازاي ترح عشان بدات اقلق

October 21, 2015

من فضلك تكشف فورا عن طبيب جلدية متخصص
انتشار الحبوب دي بالشكل ده ممكن يكون عدوى جلدية ماينفعش فيها استشارة شفوية
وألف سلامة لحضرتك
--------------------------------------------------------------------
نطعم ولادنا ولا لأ ؟؟؟
هنطعم ولادنا ان شاء الله والسبب هنعرفه مع بعض في الحلقة الجديدة من ( في العضل ) على فيس بوك و يوتيوب

---

https://www.youtube.com/watch?v=e-kcaiqxxfQ

3

0

Liked by: ebrahimsaleh Hebatallah shouman محمد إبراهيم سالم

من شهر كان طلعلى حباية كبيرة تحت دراعى كده و بعدين ظهر بعديها حبوب صغيرة فى دراعى و بعدين فى الدراع التانى و كانوا بيخلونى أهرش و بعدين ظهروا ف منطقة البطن و الحوض و وصلوا لأبعد من كده للأسف.. و أخدت histazine و ما عملش حاجة المشكلة إنى أول ما أقعد لوحدى أحس إنى عايز أهرش و بمجرد ما أهرش باستمر فترة

October 21, 2015

من فضلك تكشف فورا عن طبيب جلدية متخصص

---

انتشار الحبوب دي بالشكل ده ممكن يكون عدوى جلدية ماينفعش فيها استشارة شفوية

---

وألف سلامة لحضرتك

---

--------------------------------------------------------------------

---

نطعم ولادنا ولا لأ ؟؟؟
هنطعم ولادنا ان شاء الله والسبب هنعرفه مع بعض في الحلقة الجديدة من ( في العضل ) على فيس بوك و يوتيوب

---

https://www.youtube.com/watch?v=e-kcaiqxxfQ

3

0

Liked by: ebrahimsaleh محمد عبيد محمد إبراهيم سالم

لو سمحت انا ابني عنده سنه و نص صباعي خبط في عينه خبطه مش جامده تاني يوم طلعله حبايه في جفنه اخد قطره توبركس و مرهم و مخفتش وراح للدكتور كتبله مضاد حيوي شرب و القطره والمرهم برضه و ساعتها طلعت حبايه في عينه التانيه زيها بالظبط عمل تحاليل دم وسكر طلعوا مفيهمش حاجه بس برضه الحبايه مخفتش ايه الحل

October 20, 2015

جفن العين من المناطق الصعبة في وصول العلاج ليها اصبري شوية على الاستمرار في العلاج ان شاء الله هيتحسن
لو ماتحسنش ترجعي لطبيبط ربما يكون عاوز تغيير لنوع المرهم او المضاد

---

وألف سلامة للنونو الجميل :)

5

0

Liked by: ebrahimsaleh Rafat mohammad محمد عبيد Ar Judge

دكتور .. انا اللي سالت عن جرثومه المعده ... ايه الاكل الممنوع اثناء العلاج منها ؟؟؟

Manar Alaa

October 20, 2015

ممنوع كل الأكل الحريف ( البهارات الكتير ) و الدهون و المقليات و الأكل المسبك

---

البقول و البصل و التوم نقلل منها قدر الإمكان

---

المشروبات المعلبة و الأكل المعلب بشكل عام

---

السكريات و النشويات الفاتحة بتزود الإحساس بالحموضة و الحرقان زي العيش الأبيض و السكر و الرز الأبيض

---

نستبدلهم بالحبوب الكاملة زي الشوفان و البليلة ( قمح كامل ) و البرغل و الفريك والسكر البني و الردة

---

شرب المية كتير جدا قدر الإمكان

---

وألف سلامة عليكي :)

7

0

Liked by: ebrahimsaleh مسلمة Rafat mohammad Ahmed Nouran Saied Manar Alaa Ar Judge

لو سمحت عايزة إجابة سريعة ان بنتي عندها 10 اشهر و ظهرلها مؤخرا بقع بيضاء في وشها عل شكل نقط مش بتبان اوي الا في ضوء قوي الدكتور بتعها بيقول دي صبغات جلدية بتظهر و بتروح لوحدها بس انا مش واثقة في الكلام ده هل الكلام ده صحيح و لو مش صحيح ممكن يكون ايه?

October 16, 2015

اديها دوا يكون فيه مجموعة فيتامينات و حديد لمدة شهر أو اتنين على الأقل وشوفي بعدها هل البقع دي بتروح ولا لأ

---

أحيانا نقص بعض العناصر الغذائية من أكل الطفل بتسبب في بعض الأعراض الجلدية

---

لو فضلت موجودة فالأفضل استشارة طبيب جلدية يشوفها بشكل مباشر

---

وألف سلامة للنونو الجميل :)

4

0

Liked by: ebrahimsaleh Mo.hussein Nouran Saied

دكتور هل وجود التهاب بين ننطقه المهبل و فتحه الشرج ده طبيعي ، بيبقي محسوس اوي و انا قاعده وجامد ؟

October 16, 2015

لا طبعا ده شيء مش طبيعي ولازك تروحي لطبيب نسا متخصص يكف و يقرر خطة العلاج و ايه الفحوصات اللي هتحتاجيها الأول قبل ما يكتب العلاج

---

وألف سلامة ليكي :)

1

0

Liked by: ebrahimsaleh

لو سمحت يا دكتور هي ايه جرثومه المعده دي واسببها وععلاجها ...

October 16, 2015

جرثومة المعدة الحلزونية هي نوع من أنواع البكتيريا المدية بتنتقل من لعاب الشخص المصاب بها لشخص آخر

---

البكتيريا دي بتقلل إفراز الحاجز المخاطي للمعدة إللي بيحمي المعدة من الحمض و عصارات الهضم القوية
وأيضا الجرثومة دي بتتسبب في عمل فجوات في الجدار الحاجز للمعدة اللي بيحميها من عصارات الهضم

---

فابالتالي جدار المعدة بيتأثر سلبا بحمض النعدة و عصارات الهضم شديدة الحمضية و تسبب تأكل جدار المعدة و القرحة اللي بيشتكي منها كثير من الناس

---

علاجها سهل جدا نوع معين من المضادات الحيوية بيتاخدلمدة محددة بعدها بنعمل تحليل تاني عشان نشوف هل الجرثومة دي اختفت ولا لسة

---

وأيضا بندي مع المضاد علاج للقرحة عشان نحمي المعدة

---

شكرا لسؤال :)

5

0

Liked by: ebrahimsaleh مسلمة Rafat mohammad Ahmed Manar Alaa

دكتور انا طالبة في امتياز دلوقتي 6 شهور ماتعلمتش حاجة لاني في محافظة صغيرة ومستشفى الflow فيها قليل جدا واهلي مش راضيين اروح القاهرة .. اي اقتراحات عشان نفسي ابقى دكتورة ناجحة؟

October 16, 2015

مش لازم القاهرة طبعا المهم حاولي ترتبي مواعيد نبتشياتك بحيث يكونوا ورا بعض ومش كتير عشان يكون فيه أيام فاضية كل إسبوع تقدري تروحي فيها أ] مستشفى تعليمي قريبة منك تتعلمي فيها

---

أو اطلبي نقلك استشفى تانية تعليمي او جامعي تتعلمي فيها وربنا يوفقك :)

2

0

Liked by: Mo.hussein

هو مفيش اي علاج لصلع خالص ؟؟ جربت كل حاجه و مفيش اي فايده ؟ :(

mohamedahmed

September 30, 2015

عذرا يا أستاذ محمد ده سؤال متخصص جدا ولازم إجابته تكون عند طبيب جلدية متخصص بعد مايكون عمل كشف طبي مباشر و أخذ التاريخ المرضي
لحضرتك بالكامل مع الفحوصات اللازمة وأيضا معرفة العلاجات اللي حضرتك أخدتها قبل كده وفشلت معاك عشان مايكررهاش و يبدأ معاك غيرها ....

---

وألف سلامة لحضرتك :)

3

0

Liked by: Rafat mohammad Mo.hussein Sarah (Sue)

دوك ماما عندها 52 سنه كم مرة تصحا من النوم تلاقى نفسها سورى عملت حمام على نفسها ؟ دا سببه ايه ممكن الزعل يعمل كده ولا ايه الاسباب ؟

September 30, 2015

لا غالبا ده سبب عضوي ان شاء الله

---

بعد سن انقطاع الدورة بتقل هرمونات الأنوثة وإللي بتساعد على قوة عضلات منطقة الحوض وصمامات القناة البولية
وأيضا المهبل

---

وبالتالي فنقص الهرمونات دي ممكن يضعف العضلات دي و يتسبب في حالات من التبول اللا إرادي بكذا شكل

---

أيضا حالات الالتهابات الشديدة المزمنة في المثانة و مجرى البول ممكن تتسبب في نفس الأعراض تقريبا

---

الحل ؟؟
لازم الكشف و المتابعة مع طبيب نسا متخصص أو طبيب مسالك بولية متخصص مع عمل الفحوصات اللازمة

---

وألف سلامة للوالدة ان شاء الله :)

3

0

Liked by: مسلمة Rafat mohammad حط لايك ويجيك دبل *موزع هدايا*

دكتور انا مواليد 1994 يعنى المفروض خدنا تطعيم فيروس B من التطعيمات الإجبارية هل أخده تانى على اساس انى فى رابعة طب دلوقتى وهنزل المستشفى ؟

September 30, 2015

ممكن تاخده طبعا مافيش مشكلة واللي أعرفه إن طب عين شمس و القصر العيني بيدوا جرعات إجبارية للطلبة من أول سنة خامسة
مش عارف لسة بيعملوا كدهولا لأ

---

خده مافيش مشكلة خالص ان شاء الله

---

وشكرا ليك :)

3

0

Liked by: مسلمة Rafat mohammad Ana Azaarana

سلام عليكم كنت طلبت حلقة عن مشروبات الطاقة وحضرتك وعدت انها قريبة وفى دماغك بس اتاخرت شوية :D

September 30, 2015

الحقيقة المادة العلمية للحلقة جاهزة من فترة طويلة يمكن شهور لكن دعواتك نتغلب على العقبات اللي قدامنا

---

جزاك الله خيرا على السؤال و المتابعة :)

0

0

السلام عليكم امتي اقدم طفل انه متاخر في الكلام يعني هو عنده سنتين لكن بيقول كلمات بسيطة خالص هو انتباهه وسمعه كويس يعني بيلتفت للصوت وبيفهم لما نتكلم زي روح تعالي غلط كده لكن مش بيتكلم الا قليل هل كده متاخر

September 28, 2015

متأخر شوية لكن عادي

---

المهم يكون بيسمع و منتبه و بيفهم الككلام و الأوامر

---

مهم جدا يختلط بأطفال كتير من سنه و أكبر و أصغر منه زي الحضانة و أماكن اللعب بتاعة الأطفال ويندمج معاهم

---

مهم ياكل أكل مليان أوميجا 3

---

وممكن ياخد الأوميجا 3 مكمل غذائي موجود في الصيدليات حضرتك بتطلبه من الصيدلية المكمل الغذائي أوميجا3 للأطفال ياخد منه 3 سنتي بالسرنجة في الفم كل يوم أو يضاف للأكل بتاعه أو المشروبات زي اللبن

---

ونتكلم معاه كتير و نكرر كلامنا ونأكد عليه مانعملوش اللي هو عاوزه غير لما ينطقه حتى لو رمزيا

---

وهكذا ...

0

0

تكملة باقى حلقات الإسعافات الأولية

September 28, 2015

ان شاء الله قريبا دعواتكم نتغلب على العقبات اللي بتواجهنا :)

---

جزاك الله خيرا يارب

2

0

Liked by: Hebatallah shouman عبدالرحمن السيد

الطلب عمل حلقات عن فيرس سى

September 28, 2015

ارجو متابعة الحلقات التالية أرجو تستفيد منها ان شاء الله :)

---

https://www.youtube.com/watch?v=e0mxuswVBzE

---

https://www.youtube.com/watch?v=Zsdqt6HMPqc

1

0

Liked by: عبدالرحمن السيد

السلام عليكم أولا بشكر حضرتك على مجهودك و كل العاملين على رفع الواعي و ثانيا عندى سؤالين و طلب السؤال الأول :_ اختى رجلها يتعلق عليها كتير فى منطقة الساق و القدم من أسفل و مش عارفين إيه السبب و لا بنعرف إيه المفروض نساعدها بيه لما تتعب السؤال التانى :_ لو طفل حدثت له نوبة الصراع المفروض نسعفهازى

September 28, 2015

جزاك الله خيرا الله يكرمك :)

---

بالنسة للسؤال التاني أرجو متابعة الحلقة التالية عشان اتكلمنا فيها عند الصرع عند الأطفال أرجو تفيدك ان شاء الله

---

https://www.youtube.com/watch?v=BSmofVZT8yw

---

بالنسبة للسؤال الأول معلش مافهمتوش أنا أسف :)

0

0

السلام عليكم هل فعلا شرب الشاب مع البن بيخلي البن مالوش فايدة و ايضا الجبنة مع الجرجير?

September 28, 2015

مش هقدر أفيدك لكن عمرنا ما سمعنا الكلام ده في كلية الطب

---

لكن الشاي عموما بيقلل امتصاص الحديد و المواد الغذائية المفيدة عموما فبنننصح دائما شربه بعد آخر وجبة بساعة أو أكتر

3

0

Liked by: Hebatallah shouman Rafat mohammad Nouran Saied

امتى حانحف يا دكتور انا قتلت نفسي رياضه واكلي كله صحي وقليل .. وبنقص حاجه بسيطة انا وزني مش مره زايد بس انا انسان حساس عاوز اخف باي طريقة عرسي قريب #ولد

September 28, 2015

هل ممكن تعمل نحاليل هرمون الغدة الدرقية ؟؟؟

---

أحيانا كسل الغدة أو نقص هرموناتها بيقلل عمليات الحرق و العمليات الحيوية بالجسم و بتجعل الخلايا كسولة

---

وألف سلامة لك :)

0

0

انا بنتي عندها 9 شهور بالنسبة للاكل بتعها عايزة اعرف ممكن اخلط ايه بايه علشان كل نوع يحتفظ بفيديته للجسم و يمتص او ميبقاش فيه حاجة بتمنع امتصاص حاجة

September 28, 2015

كل يومين أو تلاتة تدخليلها نوع أكل جديد واحد فقط يعني مرة كوسا مسلوقة مرة تفاح مسلوق ومهروس مرة جزر مسلوق ومهروس
مرة بطاطس ... إلخ *

---

لما يعدي عليها يومين أو تلاتة بنفس نوع الأكل وماظهرش عندها أي مشاكل حساسية يبقا الأكل ده غالبا مش هيعملها حساسية ان شاء الله *
الأكل اللي ماعملهاش حساسية ممكن تخلطيه ببعضه*

---

صفار البيض مهم جدا وممكن تضيفيله رشة كمون أو قطعة نستو *

---

شرب المية مهم جدا ولااااااازم تكون مغلية و تتحط في زجاجة مصنوعة من الزجاج مش البلاستيك ولا المعدن و تبرديها و تغطيها حتى لو كانت مياه معدنية !! *

---

العصائر الفريش خالية من السكر أو العسل مهمة و كويسة ماعدا الفروالة و المانجا و الموز

1

0

Liked by: Nouran Saied

دكتور ابيض العين عندي اصفر شوي ماعنديش مرض و لا حاجه شوية نقص حديد بسبب سوء التغذية هل عندك لي نصائح

September 28, 2015

أرجو متابعة إجابات الأسئلة السابقة :)

---

وألف سلامة ليك :)

1

0

Liked by: Aisha

لو سمحت عندة انتفاخ صغير فى اسفل منتصف الظهر خالص عند نهاية العمود الفقرى اشبه بانتفاخ الكيس الدهنى بس مش بيتحرك لما تضغط عليه زى الكيس الدهنى ولما تضغط على الانتفاخ ده بيبقى فيه الم بس بسيط جدا ده ايه ؟ولو عايز اكشف اروح دكتور تخصص ايه؟

September 28, 2015

طبيب جراحة مخ وأعصاب من فضلك أو جراحة عامة

---

وألف سلامة ليك :)

0

0

نصائح لزيادة التركيز ؟

September 28, 2015

اقرأ إجابة السؤال السابق :) :)

0

0