واجبة برضو..، حضرتك بتكلم واحدة مش واحد فأكيد هتقول اني بقول كدة عشان مرأة لكن القرآن ساوى مابنهم فحاجات وحاجات لأ بس كدور فالمجتمع..، فالمرأة ليها دور كبير وتمثل نصف المجتمع فعلا
فكرة البرنامج حلوة لكن لو هنتكلم عن يوسف ذات نفسه فبلنسبالي شخص عادي مع اني بلاقي بنات كتير معجبة به كشكل يعني..، إلا انا D: بس أكيد يعني الشكل مش مهم لكن المشكلة اني بحس ان شخصيته ضعيفة فأدائه في البرنامج بس فأول حلقة كان حاجة وبعد ما اتعود عالشغل بقى حاجة يعني اسلوبه فالأداء اتحسن
تعملي ايه لو لسه في شباب بتأيد السيسي وهي شايفه كل اللي بيحصل ده
مهو فعلا لسة في ناس كدة فعلا دي حقيقة بس الناس الأمية دول أنا عن نفسي شايفة ان ليهم عذرهم لأن الإعلام المصري بيخطفهم ذهنيا ودي حقيقة إنما الناس المتعلمين اللي عايشين فالمدن أو اللي بيشوفوا كل حاجة بعنيهم وبيقدروا ينزلوا دوول اللي غلط مدام في إعلام وإعلام مضاد يبقى صعب ان حد يقدر يصدق حد فيهم لأن الاتنين بيكدبوا بعض فمن الآخر مافيش غير ان الناس تنزل الشارع تتفرج بعينيها
ممكن تغيرى صورتك دى احسن ما اى حد يسرقها ويستغلها ضدك او يتكلم بيها ع لسانك ومن ناحيه تانيه هتحافظى ع الامانه للى ربنا وهبك اياها دى نصيحه مش تدخل ف شخصيتك
أمم وجهة نظر أحترمها..، بس ان حد يتكلم بصورتي على لساني أو يجسد شخصيتي دي معتقدش انها تحصل يعني غير الناس المشهورة مش أنا أنا واحدة عادية وبعدين مكرهتش حد فيا لدرجة ان حد يستغلها غلط..، أنا فاهمة وجهة نظر حضرتك وبابا رأيه كدة بالظبط..، بس أنا شايفة ان مش غلط وإلا مكنش أي ولد بقى حط صورته عشان محدش يجسد شخصيته مثلا وحكاية انها تستغل غلط دي حاجة مش بحطها فبالي مش عارفة ليه..، بحسها مش ممكن تحصل يعني!