شكرًا مره مره الله يسعد قلبك.💖

January 22, 2016

💜💜💜

جوسي كم يجلس على ما يوصل الطلب 🙊

January 22, 2016

اسبوع ونص تقريباً ممكن تزيد او تنقص كم يوم..

صباح الخير انا ابي اشتري اغراض من دريس لينك عادي اشحنها ع البريد الصيني الي برقم تتبع و مضمون يوصلني الطلب باقل من شهر ؟؟ وهل لازم يكون عندي بريد عشان يوصلني ..حطيت الشحن ع ارامكس وطلع قيمه الشحن اكثر من قيمه مشترياتي 😐💔 معليش كثرت كلام بس خايفه تضيع علي الاغراض ومو كلها لي

January 22, 2016

ماراح تضيع عليك لأنها برقم تتبع.. والشحن حسب وزن الاغراض.. ولو أرسلتيها لعنوان شوب اند شيب الصيني ممكن يطلع لك الشحن أغلى من الموقع.. فأنصحك تشحنين عبر الموقع أفضل..

طلبت ميك اب وكم غرض قزاز وبشحنه عند فيشزفاست ينفع اشحنه بدون ما احط خيار الحامي ٥ دولار لان بيكلفني مرا وخاصه ان الخيار لكل منتج لحال راح يتظرر القزاز؟

January 22, 2016

خيار الحماية حطيه على الشحنة النهائية اللي بعد التجميع.. يعني لما تجمعين كل الشحنات تظهرلك خيارات من ضمنها الحماية اختاريها..

يعني مايحتاج تدفعين على كل شحنة 5 دولار فقط الشحنة النهائية

النوري الله يسعدك عنوان الشيبنق والبيلينق لازم يكون متطابقين ?

January 22, 2016

ايوا ولو الموقع من النوع اللي يدقق بالفيزا خلي عنوان البيلينق هو عنوانك السعودي بينما عنوان الشيبنق هو العنوان اللي راح تنشحن له الطلبية ..

النوري حبيبتي بسألك عن موقع ioffer هو تقليد ماركات لو اخذت شنطه بتبين انها تقليد ؟والموقع مضمون واخر سؤال المقاسات مو موجوده ولا المقاس الاوربي نفس مقاس السعودي؟؟!❤️❤️

January 22, 2016

على حسب درجة التقليد والكوالتي.. شوفي تعليقات الناس عشان تعرفين اذا تقليدها ممتاز او لا..

واذا تبين مواقع تبيع تقليد فراح تلقين بالرابط اللي في البايو تبعي مجموعة مواقع.. بس ترى اسعارها مش رخيصة زي آي اوفر..

آي اوفر عبارة عن مجموعة بائعين، بشكل عام مضمون لكن احياناً تضيع الشحنة فلازم انتي تعرفين انو كل موقع يوفر حماية للمشتري لكن لمدة معينة فقط مثلاً شهر او شهرين.. فلو ضاعت شحنتك لازم تتواصلين مع الموقع وتبلغينهم بهالشي وقبلها توضحين للبائع انك راح تتواصلين مع الموقع بخصوص الشحنة لأنها ماوصلت فأما يرسلك وحدة ثانية او يوضح لك وين الشحنة وليش تأخرت..

مقاساتهم يكتبون بالأمريكي والأوروبي ومقاساتنا تبع الشوزات مثل 37 و38 والملابس M وL

ي قلبي الله يسعدك طولتها معك 🙃 طيب فتحت حساب في فيش فاست وعميله تبغاني اجمع لها من كذا متجر واشحنها عادي اشحنها ع فيش فاست وهل بتكلف الشحنه ! وكيف اقدر اخسب لها قيمة شحن مشترياتها

January 21, 2016

اكيد بتكلفك لان شحنها مو مجاني (: وأسعارهم مش رخيصة مرا لكنها أقل الموجود حالياً.. ممكن فيه اقل؟ ممكن لكن هذا اللي اعرفه..

تعرفين قيمة الشحن لما توصل كل الشحنات وتطلبين تجميعها في شحنة واحدة.. وقتها يطلع لك قيمتها شحنها للسعودية..

موقع allcosmeticswholesale الشحن عندهم كيف ثابت بسعر معين ولا حسب الوزن ؟ ومنتجات ماك لو طلبتها منهم تجي بشكل مباشر من غير مشكال؟ وشكرامقدما ويعطيك العافية 🌹

January 21, 2016

قيمة الشحن حسب وزن الأغراض..
مافهمت شنو قصدك بالمشاكل؟!

شحن ذا بالم بس ع البريد السعودي

January 21, 2016

ايوه..

الشحنات اللي تنرسل ع البريد السعودي توصل ولا تضيع زي مثلا موقع ذا بالم وعند نصيحه قبل م اسحن ع البريد ماعندي واصل ولا صندوق بريد يعني عادي يشحنوها

January 21, 2016

اذا لها رقم تتبع زي شحنات ذا بالم ماراح تضيع 👍
انا اطلب واختار الشحن ع البريد السعودي وماعندي واصل وعادي توصلني.. لكن اذا مافيه رقم تتبع راح تضيع اكيد..

لو سمحت المكافاه مالت جولي شيك كيف استخدمها لان ماتطلع عندي الخيار الي نزلتيه بصفحتك ؟

January 21, 2016

معناه ماعندك مكافأة او انتهت صلاحيتها..

نوري اقدر اشحن ع شوب اند شيب لعناوين مختلفه ومتى ادفه حق الشحن

January 21, 2016

اي تقدرين، بس لازم توصل الشحنة لمدينتك ثم يرجعونها لمدينة فيها فرع لأرامكس وماعاد يوصلونها لباب البيت فيضطر اللي بيستلمها يروح لهم بنفسه..

قيمة الشحن اما تدفعينه بالفيزا او كاش لما يوصلونها لبيتك..

النوري موقع مورفي يشحن مباشر للسعوديه

January 21, 2016

لا

النوري ممكن اعطيك رقم الطلب حقي وتاكدين لي الطلب لأَنِّي والله ماعرفت أكده 💔

January 21, 2016

اوك..

ايش يقصد وضع الشحنة SMS Sent to Consignee

Aisha

January 21, 2016

بعني ارسلوا رسالة للرقم اللي مكتوب في عنوان الشحنة عشان المستلم اما يجي يستلمها او يعطيهم وصف البيت عشان يوصلونها له 👍

نقاط المكافات اللي بفيزا الراجحي اذا جيت بصرفها يطلع لي عبدالصمد القرشي وانا مابيه ابي اكسترا او جرير .. عادي اروح للبنك واختار اللي ابي ويصرفونه لي؟

Noofshopping

January 21, 2016

كلميهم عبر خدمة الهاتف اولاً وشوفي شنو الخيارات المتاحة عندهم..

النوري حبيبتي موقع جوسي كوتور مضمون ؟ و كم تكاليف الشحن و على اي شركه يشحنونها

January 21, 2016

اي مضمون.. تكاليف الشحن 80 ريال واذا طلبك فوق 1000 ريال يصير الشحن 40 ريال.. والشحن عبر ارامكس..

حبيبتي بسألك موقع روموي موثوق لاني قريت عنه كثير يقولون يضيع الشحنه ويحطون مقاسات من كيفهم واحيانا ناقصه الاغراض😩

January 21, 2016

كل المواقع تصير فيها اخطاء من المواقع الصينية للأمريكية للبريطانية.. مافي احد مثالي 100%

في حال صارت لك مشكلة بموقع تواصلي مع الموقع وعطيهم كامل بيانات طلبك + توضيح لمشكلتك وصورة لها اذا يحتاج وراح يردون عليك ويحلون مشكلتك..

لكن بعض اللي يشترون من يوصلهم شي غلط خلاص مايتابعون الموضوع مع الموقع ويسبون الموقع!! طيب جربتوا تتواصلون معهم ولا مالكم خلق؟ خلاص مالكم خلق فالمشكلة فيكم انتم مش فيهم!!

موقع روموي طلبت فيه لعدة بنات وكلهم وصلت طلباتهم كاملة ونفس المقاسات وكانوا سعيدين فيها 👍

بالنسبة للمقاسات.. المقاسات الصينية اكبر او اصغر من مقاساتنا فلما تطلبين تأكدي من جدول القياسات تبع المنتج.. وايضاً احياناً تطلبين سمول ويوصل ميديم فعادي لأنهم يكتبون بالموقع مقاساتنا اللي متعودين عليها لكن يرسلون اللي يقابلها من مقاساتهم هم..

مرحبا ..وش رايك بموقع دريس لينك من ناحيه الجوده وماعندي باي بال عادي ادفع بالفيزا ..ومشكوره حبيبتي تعبناك معنا 😿💜

January 21, 2016

الباي بال افضل لك.. لكن براحتك ادفعي بالفيزا..
جودته جيدة وممكن كم شغلة جودتها يعني.. بالنهاية هو موقع صيني وجميع منتجاته صينية (:

اهلين.. ابغى اسوي بريد أمريكي تنصحيني بالوردشيب ولا شوب اند شيب؟

January 21, 2016

اثنينهم.. لان شوب اند شيب يعطيك عنوان في 15 دولة وتقدرين تشحنين فيه الشغلات الخفيفة اللي ممكن شحنها مع شركات التجميع يكلفك 100 وشوي بينما في شوب اند شيب 68 فقط!

وولد شيب راح تحتاجينها في حال حبيتي تطلبين شغلات مختلفة وتبين تجمعينها في كرتوت واحد لتخفيض الوزن وبالتالي تقليل قيمة الشحن..

وولد شيب تعتبر أغلى من غيرها.. ماي يو اس (عضوية بوابة الديجتال) وفيش از فاست وغيرهم يعتبرون اقل فيه قيمة الشحن منها..

قبل ماتسجلين في هالشركات ابحثي عن كوبونات تخفيض او عضويات مخفضة..

حبيبتي النوري موقع نوردستروم يشحن الميك اب مباشر الى السعوديه او يرفضون ؟

January 20, 2016

حسب المنتج نفسه.. يكتبون تحت المنتج نفسه اذا ينشحن دولي للسعودية أو لا..

طيب كيف اتواصل معهم استنى يدقون عشان اقولهم و الا قبل 🙊؟

January 19, 2016

انتي تتبعي الشحنة عبر موقعهم واول ماتشوفينها وصلت فرع مدينتك دقي عليهم وقولي خلوها عندكم لا توصلونها.. أنا بجي وأستلمها..

طيب عادي اقولهم اني ابغى ارسل احد يستلمها من الفرع مو هم يوصلونها لبيتي ؟

January 19, 2016

اي عادي.. بس بلغيهم اول ماتوصل الفرع عشان مايطلعونها مع سواق التوصيل.. لأن أحياناً توصلهم وبنفس اللحظة تطلع للتوصيل.. فكذا بتضطرين يرجع سواق التوصيل آخر النهار ويحط الشحنة بالفرع بعدها تروحين لهم وتستلمينها..

ابغى اعرف رقم ارامكس عشان لما يدقون علي اعرف انه هم و ما اطنش 🙊

January 19, 2016

يدقون من أرقام فروعهم اللي تكون نفس أرقام البيوت مش من الرقم الموحد 😂 وغالباً اللي يتصل هو السواق تبع التوصيل وراح يتصل من رقم جوال.. فلا تطنشين اي اتصال لما تستلمين شحنتك😂

مانقو م يرسلون رقم التتبع يرسلون link و اضغط عليه و الاقي صفحة ارامكس و فيه رقم التتبع و وضع الشحنه صح فهمي 😩؟

January 19, 2016

اي صح هذي هي صفحة التتبع 👍

Al Noory ™

Nothing here yet