حكايتي كنت للاسف بلبس بنطلونات و طرحة قصيرة ومكياج وكدا بس الحمد لله ربي تاب عليا و لبسي بقا جيبات و فساتين و طولت الطرحة وبنزل من غير نقطة مكياج و بلتزم بصلاتي و قيام ليل .. للاسف الفترة دي عندي فتوور 😢 ومش بحس بخشوع نهائي 😭وعندي ميول للمكياج والاغاني بقول جملتين واستغفر ..خايفة جدا اعمل اي 😔
طبيعي جدا كل مانقرب لربنا خطوه يزيد الشيطان من وسوسته لينا وانه يبعدنا عن الطاعه اثبتي واستعيذي بالله من افكاره وكل تيجي فبالك الفكره اطرديها بركعتين صلاه او ذكر او انشغلي فاي حاجه ووقت وهيعدي والهمه هتعلي اكتر ربنا يثبتك ياااارب
انا اتخطبت لشخص من شهر لكن من مواقفه باين انه بيحبنى جدا وبيحاول يرضينى باى صورة اتخطبت وانا مش مقتنعة بيه اوى لكن كل اللى حواليا بيحسدونى عليه بسبب تعامله الحلو واخلاقه.مش حاسة انى عارفة احبه زى ما بيحبنى او مش قادرة.ايه الحل !!
اطلبي منه يبعد عنك فتره عشان تقيمي جواكي ايه ليه .... ولو انتي حاسه انك مش مقتتعه بيه اوي طبيعي في كل البنات بتبقي شايفه عيوب وخايفه تكون اتسرعت وان لسه الفرصه قدامها والكلام ده فاصبري شويه ومتتسرعيش ومع الوقت هتتأقلمي مقدرش اقولك سيبيه الا لو كان الحال جواكي كره له فالحاله دي لازم تسيبيه فورا
قريت دلوقت العبارة دي : ربي إني مسني الشوق وأنت جامع المتباعدين .. هل فيها حرمة ؟؟
من ناحيه الحرام فأنا لا اعرف لكن لا أحبذ الدعوات الي بالطريقه دي فربما يكون فيها شبهه .... وكمان القلب ميقدرش يقولها نظرا لعظمه دعاء سيدنا أيوب عليه افضل الصلاه والسلام فيها ايه لو قال رب قرب بيني وبين فلان .......مثلا