حَـــسَـــن أحبك في الله و لله و اتمنى من كل قلبي ان ربي يوفقك و يحميك {مشاعر صادقة ليس كعابر سبيل }
وأنا أحب الجميع هنا لأن هالمكان يجمعنا وبالتأكيد يوم من الأيام راح يكون ذكرى لأننا بالأصح كلنا عابري .. دعواتكم الجميلة الله يكتب لكم فيها كل خير وسعادة لأنكم حبيتوا الخير للغير .. أشكرك عزيزي ع الدعوات الطيبة والله يكتب لك كل خير وسعادة ❤️ .
أسوي الأشياء الي يريحني إني أقوم بها مو مجبور .. أنام براحة ، أستمتع باللحظة مع أهلي وأصحابي وحبايبي ، أطلع ، أصلي الصلاة ف وقتها ، أقرأ لو جزء بسيط من القرآن ، م أكلف ع نفسي إني أجلس مع الأشخاص بس عشان فراغ .. والكثير الكثير .
دائما خليني فوق سقف توقعاتكك لا تُحسن الظن لحد الإعجاب ولا تسيئ الظن لحد الكُره ، لا تشوفني شخص نادر وكمان لا تشوف اني شخص عادي ، لا تعتبرني مُنزه و روحي ماكو مثلها ، ولا تتوقع اني مثل اي شخص ، كل شيئ اطرحه هنا أو في موقع يمثلني وكمان أنا ما أظهر إلا الجزء الي حاب أظهره فلا تنصدم بشكل جميل أو سيئ .، استنتاجاتك واستنباطاتك السلبية احتفظ فيها اذا كان مقصدك منها تحبيط أو تشكيك وإذا كانت لأجلي ولأجل أكون أفضل قلبي يرحب فيك .. أنا هنا وفي كل مكان جاي أستمتع باللحظة وأفضفض بشكل يعود ايجابياً على نفسي واضحك لأجل اريح نفسي .. والكثير الكثير ، مو لأحد ترا :Pp : ) .
لأني من جنس آدم أكون قريب من تفكير شباب جيلي ، والمتفق عليه ان البنت أثقل من الولد وأفضل ، والي عارفنه أنا من لما أدركت كَم حاجة آدم لحواء وكيف تتفجر مشاعره لأجل يوصل لحبل بسيط عشان يتقوب لبنت .. والبنت الثقيلة القوية هي الي راح يفكر فيها جدياً من أجل الأمر المقدس إلا هو الإرتباط مو من باب التبرير للشباب ولكن من باب إنو كل بنت جوهرة حرام ترخص من قيمة نفسها وكونها شيئ عظيم وأم في المستقبل .. الغريب إنو البنات هنا وف الغير من المواقع وصلوا ( البعض منهم ) لدرجة الإنحطاط ف الغزل ببعض الشباب .. لو رجعنا للمشاعر بشكل طبيعي ممكن بنت تنعجب بولد و ولد ينعجب ببنت وهالشيئ فطري جميل بس لابد انو يكون بحد معين من الطرفين .. أتمنى بناتنا يكون ك زينب " ع " وشبابنا يكونوا كالعباس " ع "
واقعي و أؤمن .. لأنو كل شيئ جميل نحلم فيه راح نحققه بإيماننا وكل شيئ نسعى نمنعه راح نقدر ما نمنعه .. المستحيل فقط هو منع الموت من الوقع .. ويمكن البعض يشوف عالعبارة مو واقعية .