اكثر شي ماحبه ف التمريض ان نسبة كبيرة من الشغل تعتمد ع العمل الجماعي وطبعًا النسبة تختلف ع حسب القسم، لكن تخيل تكون شخص تحب تخلص شغل بسرعه بس معاك شخص بطيء وانت شغلك يتاثر عشانه😀
الواحد وده يعيش يوم هادي بس هذي مستحيله مع شفت الصبح. ارجع البيت والمود لكم عليه وابغي هدوء بعد ازعاج القسم وللابد لايعه جبدي لاني مو ماكله عدل من الكرف…
أنا كنت دايمًا اشوف ابوي اقوى ريّال بالدنيا، جبل. قوي قوي الله يحفظه. ماشفت هالقوه انهزت الا من سنين لما توفى يدي الله يرحمه وكان اقسى شي اشوفه بحياتي. ان هاللقطه تنعاد مره ثانيه على فقد اخته، هذا كسر ثاني غير كسرة الفقد. الله يصبر قلبه ويرحم عمتي (خديجة ابراهيم)، دعواتكم لها ولنا.
لما تشوف شخص دايمًا قوي، وتحس بطريقة ما قوته تزيدك انت قوة. بس بلحظة فقد تبدا تشوف هالقوة تضعف والشخص اللي دايمًا تشوفه قوي اصلًا مو قوي لكن يستقوى، كيف تصير تكون انت قوته بعد ما هو كان قوتك اساسًا؟