بعتذر عن التأخر في الرد كل المدة دي.
بخصوص سؤالك، اه عادي جداً بالعكس أنتي ممكن تضيفي بهوايتك لمسة فنية لشغلك في الويب ، ومهتم أعرف وصلتي فين من ساعة ما بعتي السؤال ده ، هل دورتي على مصادر تتعلمي منها ولا عملتي ايه ، منتظر ردك إن شاء الله.
للأسف مش عارف
آسف على التأخير ..
بخصوص شغل الفري لانس في الويب ديزاين.
- بداية محتاجة تحددي ايه الحاجات اللي بتشتغليها كويس وعلى أساسها هتشتغلي بيها فري لانس.
#أفضل المواقع اللي ممكن تشتغلي عليها :
1- Upwork.com
- بيمشي بنظام الـProposal ، يعني العميل بيكتب هو عايز ايه والناس بتبعت له وبتحتاجي تكتبي Cover Letter علشان يقبل إنك أنتِ اللي تعملي الشغل.
- كل ما كان إلتزامك مع العملاء كويس ، كل ما كان الـ Rate بتاعك عالي ، وفي البداية مش محتاجة تعلي من سعر الساعة بتاعتك وبعدين ممكن تزوديها تدريجي لما تكتسبي ثقة العملاء.
- سعر ساعة الكود في الموقع بيكون بمتوسط محترم نوعاً ما ، 15$ وأعلى ، ممكن تبدأي بيه وبعدين تعلي الRate كل فترة.
2- peopleperhour.com
بتحطي خدمة وليكن عمل تطبيق Android ، وبتحطي لها سعر وبتحددي مدة للتسليم واللي عايز الخدمة بيدخل يكلمك.
3- toptal.com
من أفضل مواقع الفري لانس وبيختاروا الناس اللي بتسجل ، بيحددوا ميعاد لإنترفيو على سكايب وبعدين بتدخلي تتعاملي ، متاح للمصممين والمبرمجين بجميع تخصصاتهم وخصوصاً الويب والموبايل.
4- fiverr.com
النسخة الأصلية من موقع خمسات ، قائم على فكرة عمل خدمة بمبلغ 5$ أو يزيد ، خدمات بسيطة ومطلوبة.
5- khamsat.com
النسخة العربية من Fiver.
6- mostaql.com
موقع للعمل الحر بس عربي ، زي Freelancer.com.
7- themeforest
ممكن تعمل تصميمات وتبيعيها من خلاله وفيه ناس كتير بيكتبوا عن تجاربهم وايه الحاجات اللي تراعيها علشان يتقبل ا
محتاجة تاخدي فكرة عن كل موقع من دول ، ادخلي عليهم واعملي account وجربي.
# بخصوص التحويلات من برا :
بتكون على Paypal أو Western Union ، ولو من دولة عربية فيه طرق كتير ، أهمها Western Union, Moneygram أو حوالة بنكية بتكون بالإسم وبتسلميها بالدولار.
# نصائح في الفري لانس بشكل عام غير مرتبطة بمواقع الفري لانس :
1- خدي down payment قبل البدء في أي شغل، مع الحفاظ على جزئية إن الدفعة النهائية تكون قبل تسليمه كامل الشغل.
2- التحويلات لو من الخارج تكون حوالة بنكية بالإسم أو ويسترن يونيون وطبعاً بالدولار، وما تخليش التحويل على حسابك البنكي مباشرة لو كان بالجنية و لو هتحولي على الحساب يبقى تعمليه بالدولار.
3- خلي كل الكلام عن طريق الإيميل ولو تم عمل online meeting يتكتب كل ما تم في الإجتماع ده ويتبعت ميل للعميل للتأكيد عليه.
4- ممكن تقسمي الفلوس على2، أو 3 أو 4 دفعات ، والدفعة الأولى تكون الأكبر و الباقي بالتساوي ،مثل 50/25/25 أو 40/30/30
5- اشتري دومين وهوست وارفعي عليهم شغلك وخلي الموقع ك demo بحيث العميل يشوف الشغل عليه، بدل الرفع مباشرة على موقع العميل.
6- الportfolio ممكن تعمليه على Google drive لو ديزاين، ولو كود ممكن تستعيني ب github أو bitbucket أو ممكن ترفعيه على موقعك لو شغل backend.
7- اعملي بوستات عن شغلك واعرضي أعمالك بشكل منظم ومرتب، وموقعك ظبطيه واعرضي عليه شغلك هيفرق معاكي جداً ومش عيب تقولي للناس إنك بتشتغلي كذا وخبرتك كذا ولو حد عايز شغل ممكن يتواصل معاكِ .
8- اهتمي جداً بـ LinkedIn علشان هيفرق معاكِ جداً سواء في الفري لانس أو الشغل عموماً ودائماً اكتبي عن مشاريعك ولو تعرفي حاجات معينة ممكن تشاركيها مع الناس علشان يعرفوكي أكتر وبالتالي هيجي شغل.
9- نمّي مهاراتك من خلال medium.com ، و القراءة على Issuu.com
10- النصيحة الأهم : عادي إنك ممكن ما تاخديش شغل في الأول ، بس ما تحبطيش ، ده عادي ، شوية شوية الشغل هيجي ، واشتغلي على نفسك كتير وقوي من مهاراتك هيفرق معاكِ جدا.
وبالتوفيق :)View more
جميل ما شاء الله،
لا عادي مش غلط ولا حاجة دي مرحلة مش أكتر و بعدين جربي حاجات مع نفسك وحطي تحديات، واتعلمي منها، وجربي كتير مع نفسك واقرأي واتعلمي الجديد، هاتي مثلاً أي حاجة معمولة ديزاين وحاولي تنفذيها بالكود، ولو فيه حاجة وقفت قدامك اسألي فيها وما تمليش من التجارب، وحطي لنفسك هدف كل فترة إنك تنقني تعلم حاجة، وأنصحك تذاكري Javascript هتفرق معاكي جداً، وبالتوفيق إن شاء الله.
استأذنك تراجعي الإجابات.
خبراتك ايه يا ياسمين ، ياريت تبعتي لينكدن بتاعك .
وعليكم السلام
شوف مواقع التورنت أو ابحث عن
adobe photoshop cc offline installer
جزاك الله خيراً، بس أنا بنسي بسرعة، فما بالك بالمحتوى المرفوع ده كله.
بنفنش في البيتا حالياً وإن شاء الله يكون على Store قريب؟
بصراحة معنديش فكرة، حاول تسأل الشركات اللي في جروب TheGreek Campus على الفيس بوك، وتابع LinkedIn هتلاقي كتير، وربنا يوفقك.