هل الإنسان مُحاسب على الشئ اللي بيفكر زي أحلام اليقظة دي هي مش هتتحقق بس هو بيحلم بشئ مش حلو
لاء مش محاسب عليه
Ask @lovlad
Previous
بعتذر يا فندم وشكرا لحضرتك ..
صدقينى الاسلوب كان صعب .. واسف لو ردى فيه شدة .. حضرتك على العين والرأس .. جزاكى الله خيرا وياريت لو نفصل قليلا فى الكلام خاصة فى الحلال والحرام حتى لا نضيق الدنيا فى كل شئ .. جزاكى الله خيرا واحسن الله اليكى وادامكى داعية الى دينه واسبغ عليكى من الصبر وقوة الحجة :)
لو بنت بتلبس بنطلونات واسعة وهي في الكلية ممكن تصلي بيها على أساس إن ده شئ واسع ثم عرفت إن ده مينفعش يبقى تعمل إيه في كل اللي فات؟
الله اعلم
Liked by:
BC_PIC - شرطات -
People you may like
طيب ادعيلي بالثبات بقى :)
يسر لك الله وثبت قلبك :)
طب لو نشيد ديني بس بموسيقى وعجبني أوي انا برضه الحمد لله مش بسمع بس أوقات بحب الأنشودة أوي فبحاول أركز في الكلام ومركزش في الموسيقى حرام؟
لاء مينفعش :) مدام انت شايفها حرام يبقى مينفعش :)
أنا أقصد إني أوقات بلاقيني برددها غصب عني وممكن تكون أغنية لأي حد مثيرة للشهوة لكن أنا بغنيها لكونها حاجة كنت زمان بحب أسمعها وبس مش مثيرة يعني بالنسبالي وده بيحصل نادرا بس بيحصل عشان كده سألت عشان ببقى عايزة أسكت ومش عارفة بلاقيها على لساني :((
مجرد عارض وهينتهى ان شاء الله لا تخافى :)
حرام إن الانسان يغني أغاني هي مش هتُثير شهوته لكنها أغاني مع إنه مش بيسمع؟
الاغانى اكثرها عبارة عن كلمات اشعار او كلمات مجردة كخواطر .. الكلام مدام مفيش فيه حاجة غلط شرعا فمفيش فيه مشكلة بالنسبة لك .. بس انت ممكن فى وقت ضعف تروح تسمعها ! .. فيه خلاف طبعا كون الموسيقى جائزة ام لاء وانا بميل لعدم الجواز بس عموما لى راي اخر فى الاغانى وهى انك مش محتاجها فى حياتك وممكن تعيش من غيرها وممكن السلام اللى بيلاقيه البعض فى انواع من الموسيقى وليس الاغانى يلاقوه فى تلاوة القرآن .
زوج الأخت محرم مؤقت فهل يجوز إني أقابله من غير نقاب لو أنا منتقبة؟ وهل يجوز السلام باليد؟ من الآخر يا أستاذ قولي إيه حدود التعامل معاه وربنا يجازيك الجنة :)
اولا مفيش خلوة بينك وبينه .. ولاء مدامتى ترى ان النقاب فرض وواجب فلا يجوز انك تكشفى وجهك امامه . هو اجنبى عنكى وغريب مثله مثل اى واحد فى الشارع .. الفرق الوحيد هنا بس انه لايجوز له انه يتزوجك طول ما هو زوج اختك لكن فى اى شئ تانى زى الغريب من ناحية السلام باليد وكشف الوجه " باعتبارك منتقبة " .. فمش محتاجة توضيح كانه غريب :)
غض البصر مش بس فى عنينا ..لافى كل حاجه يا استاذى الفاضل ازاى ولد يكلم بنت اويسالها ! اترضاه لاُمك ..اترضاه لاُختك !! ناصح فقط
يجوز له يسألها .. مدام فى ده منفعة ومفيش تجاوز فيه وعلى اد السؤال .. وبلاش حكاية اترضاه دى خليك فى حالك انت لو سمحت مدام انت بتفكر فى كده .. الصحابة يا استاذ كانوا بيتعلموا من عائشة رضى الله عنها وكانت تروى عنها الاحاديث على لسانهم ! .. تيجى انت تقولى مينفعش ! .. فيه حاجة اسمها اه ينفع ومش حرام بس بضوابط .. علشان كده مبحبش اجاوب على الاسئلة دى .
والكلام فى الشات
معدتش بدخل فى تفصيلات الردود على الاسئلة دى .. اعمل اللى انت شايفه صح !
Liked by:
دي أم.
معلش بس رأيي يعني لو حضرتك مجاوبتش من الاول هما هيملوا ومش هيسألوا إنما لما بتجاوب بيفتحوا في الاسئلة أكتر :)
جائز برضه :)
بتضايق من الاسئلة الشخصية؟ ولو اه لية بتجاوب؟
غالبا بتضايق منها .. بجاوب علشان ميسالوش تانى :))
حلال ولا حرام ان بنت تسال ولد وولد يسال بنت
لاء مش حرام
كل انسان اكيد فيه عيوب ومميزات ليه حضرتك دايما شايف نفسك وحش اوي رغم ان حضرتك ربنا يبارك فيك انسان ملئ بالخير ودي مش موجودة عند كل الناس اللى في ايديهم يساعدوا غيرهم؟
كل واحد فينا عارف نفسه كويس .. وكثرة المديح والثناء من الناس بتجلب الكبر والغرور وزيادة حظ النفس والبعد عن الاخلاص فلازم ده :)
علاج العصبية ؟
هتقولى حااولى اعملى راعى ربنا بعمل كل دة وعارفة انة حرام بس انا مش عارفة وبحاااول وبنمنع علاقتى بالانسااان التانى عشن خاطر ربنا بس برجع تاانى بردو مش بقدر وجوزى بيحبنى واهلى عايزينونة وانا مش خلفت اصلاااا ومش زعلانة عااارف انا من كتر الهم والقرف قولت انا مش هصلى ولا اصوم ولا اعمل حاجة صح
هل من جديد ؟
انا رقم كام
السؤال ده اتسألته من فترة ومعرفتش ارد عليه بايه ولا صاحبه يقصد ايه ؟ .. تقصد ايه ؟
موضوع الشغل ده للمستقبل حاليا هي بتحدد هدفها والمفروض تختار هتدرس إيه فطبيعي تشوف بعد الكلية هتشتغل إيه فلما تتعلم عبري وراد جدا تتعامل مع حد كده ده على حد ما سألت هي وقالتلي هي مُقترح عليها من قرايبها وأنا بقولها لا بلاش عبري
والله الموضوع مش غلط سيبيها تختار اللى هى تشوفه مناسب لها :)
مش أنا اللي بفكر اتعلمه هي صاحبتي وبصراحة بقولها لا مش مشجعة الفكرة خالص وقلبي مقبوض من يوم ما قالتلي لانه طبيعي انها لما تتعلمه وارد جدا تتعامل معاهم وانا مش مطمنة مش عارفة ليه مش تقليل من شأن البني آدم لأني بحترم أي نفس بشرية زي ما حضرتك قلت بس الفكرة نفسه مش مطمنالها اقنعها تغير وجهة نظرها ولا لأ
هتشتغل معاهم فين اصلا ؟ وهى عاوزة تتعلمه ليه ؟
عادي اني اتعلم عبري وبعدين لو اشتغلت أتعامل مع يهود؟ ...
هو ضرورى تتعلمه لانها لغة عدوك .. هتشتغل فين مع يهود فين ؟ .. واليهودى غير الاسرائيلى طبعا امره معاك مختلف فى الشغل يعنى هو بنى ادم زيك زيه مدام مضركش فى شئ فعامله على نفس معاملته ليك بل خليك احسن فى المعاملة .. احنا متخلنقاش للكره او البغض ولا دين ربنا بيقول لنا كده
عن أبي هريرة(أن رسول الله صلى الله عليه وسلم مرعلى صبرةطعام فأدخل يده فيهافنالت أصابعه بللافقال ما هذايا صاحب الطعام قال أصابته السماءيارسول الله قال أفلاجعلته فوق الطعام كي يراه الناس من غش فليس مني)مبادرة النهاردةممنوع الغش ممكن يكون فى المعاملات زى البيع والشراءالامتحانات مش هتكون منه خلى بالك^ ^
:)
مش ده شبهك ؟ :D
لاء شبه عصام زميل الابتدائى :) ..
ممكن اعرف رأيك ف داعش والبغدادي معهم ام لا انا مشتت بصراحة من الي بسمعه بس بجمع اراء الاشخاص الي بثق ف دماغهم كمساعدة لتكوين الرأي .
اى مسلم على وجه الارض بيدفع الصائل وبيرد العدوان عن اعراض المسلمين وبيقاتل فى سبيل نصرة المسلمين المستضعفين فده مجاهد ومش واحد زيى اللى يقول رايه فيه .. لكن اللى بيحصل حاليا اكبر من انى اقدر اعلق عليه لكن اقدر اقولك اللى بيتعمل ده لا تخطيط ولا عقل يؤيده .. بناء الأمة لن يأتى بسلاح على قلوب رعية لا تفقه فى دينها شيئا .. رعية لا تحسن الصلاة .. رعية لا تعرف ربها .. رعية لاتعرف معنى شهادتها .
عشان معظمها كانت اسئلة ف الدين والفقه اما دلوقتي بقى ف تطفل واسئلة شخصية كتير لكن بردو بنستفاد ^^
لاء من الاول كان فيه تطفل اكثر من دلوقتى واسئلة شخصية اسالينى انا انا اللى كنت بجاوب :D
سامح الشجيع في مسلسل ونيس :D هاااااااا عاوز توضيح أكتر ؟
هو اكيد جه على بالى اول ما قولته .. بس انا مش فاهم ايه علاقتى بيه ! ..
عز الدين :D الاسم ده مش بيفكرك بحاجة أو حد ؟
مش مجمع دلوقتى ادينى معلومات اكثر :D
Liked by:
mula
لأ حضرتك انا مجرد متابعة من فترة وفقط وبالمناسبة زمان الاسئلة كانت افيد من دلوقتي .. بس باجي هنا تعود مش اكتر :)
ليه كانت افيد زمان ؟
فرحان :D اصل مش انا الي سأل السؤال انا باجي اتابع هنا كل يوم ف صمت فقولت اشارك بحاجة اعرفها :)) تقريبا طرف رابع او عاشر هنا :D
هههههههههههههههههههههههههههه انتوا مين يا جدعان ! .. والله انا مش مهم للدرجة دى ولا استاهل حتى ! .. رجاءا اللى شايف انى هفيده فى حاجة يستفيد ويخلع :)
قرأتها مرتين قبل كده واستفدت كتير أوي ربنا يجازيك خير :) الضغط ده مش ناتج عن مشقة القيام بالعبادات لأ هو من البداية تكاسل عن العبادة فأنا تايهة ما بين أرجع تدريجي وخايفة بكده التكاسل ده يزيد وبين إني أضغط على نفسي زي ما قلت وأمشي عكس التكاسل وده هيبقى صعب على نفسي اللي اتعودت على التكاسل ده فترة :((
بلاش تتعاملى على انها ضغط ! .. إعملى تهيئة لنفسك قبل أى عبادة او طاعة .. من ناحية الاستعداد النفسى .. من ناحية حتى فوقان العقل وتركيزه .. يعنى اشربى حاجة منعشة قبل الصلاة تفوقك :) .. مش قهوة طبعا ! .. شمى هوا بارد نقى لو ينفع :) .. اى حاجة ممكن انتى تشوفيها تساعدك على تهيئة نفسك قبل العبادة هتفيدك وبلاش تتعاملى على انها ضغط .. وبلاش التدريجي وبلاش الشدة برضه خليكى فى النصف مع سعى وسنة مجاهدة وضغط زى ما قولتلك يعنى لا نسيب الجهاد كله ولا نعمله كله نصه وزيادة :)
لألألأ انا مش أحسن من حد .. الله أعلم بالسر ... ربنا يستر و يغفرلنا تقصيرنا و يوقظنا من غفلتنا ... دعواتك لأهلنا في غزة :)
ياعم واحنا مالنا بالسر .. لينا بالظاهر اللى مفيد :) .. امين يارب .. ربنا يفتح لهم أبواب الخير ويرزقهم من فضله ويسدد رميهم ان شاء الله :) .. الانتفاضة الجديدة صحية جدا وكويس انها حصلت لان القضية كانت ماتت للاسف عند الكثيرين وتطورات القسام جميلة جدا :)
Liked by:
عبدالرحمن بدر
شكرا جزيلا لحضرتك ... حضرتك نفعتنى ف حاجات كتير ربنا يرضى عنك :)
الشكر لله :)
ربنا ينفع بيك و يستعملك :)
ادى بس لنفس شوية وهتبقى احسن منى بكتير اكتر ما انت احسن منى دلوقتى :)
مش يأس والله هي الفكرة بتيجي لوحده وبطردها بس بخاف غصب عني مجربتش أتحط في الموقف ده ومش عارفة رد فعلي هيكون إيه بس مؤمنة بقضاء الله وعارفة إن هيجي يوم وهواجه حاجة زي دي وعارفة إن ربنا زي ما هيدي الابتلاء هيدي معاه الصبر أكيد وعقلي بيقولي نفس كلام حضرتك وده اللي بيسهل عليا إني أطرد الفكرة من دماغي لم
متحاوليش بس تفكرى فيها وهى مع الوقت هتروح بس لما تيجى ليكى فكرى فى حاجة تانية .. اى فكرة جميلة .. اشغلى نفسك بحاجة تفرح .. اى حاجة المهم او لما تيجى ليكى متنخرطيش فيها وتستغرقى فى التفكير لاء على طول انشغلى عنها :)
دي تكملة السؤال السابق .. خايفة أسيب نفسي ترجع تدريجي فترجع للفتور مش للطاعة وبردو خايفة أضغط عليها وأحاول أداوم على نفس العبادات اللي كنت بعملها قبل رمضان ومش هقدر أعمل كده فبردو هتعب أوي وخايفة رمضان يضيع مني :((( أعمل إيه ؟
التوازن .. خليكى محافظة على الصلاة .. السنن .. صلى التراويح لانها فى رمضان بس .
كنت عاوز اناقشك اكثر من كده علشان افهم اكثر عن طبيعة الضغط اللى بتحسى بيه ناحية العبادات المختلفة .. بس انتى شوفى لنفسك حد تقدرى عليه مع سنة مجاهدة نفس :) ..
https://www.facebook.com/media/set/?set=a.10152784500340582.1073741827.379081760581&type=3
ادخلى هنا واقرايها واحدة واحدة واستكشفى نفسك من خلالها .. هتستفيدى ان شاء الله .
رمضان استغليه اكثر فى القران وتدبره .. وفى القيام .
- الاهم انك تحافظى على ايمانياتك اكثر من اعمالك .. علشان ميحصلش الفتور ده تانى .
كنت عاوز اناقشك اكثر من كده علشان افهم اكثر عن طبيعة الضغط اللى بتحسى بيه ناحية العبادات المختلفة .. بس انتى شوفى لنفسك حد تقدرى عليه مع سنة مجاهدة نفس :) ..
https://www.facebook.com/media/set/?set=a.10152784500340582.1073741827.379081760581&type=3
ادخلى هنا واقرايها واحدة واحدة واستكشفى نفسك من خلالها .. هتستفيدى ان شاء الله .
رمضان استغليه اكثر فى القران وتدبره .. وفى القيام .
- الاهم انك تحافظى على ايمانياتك اكثر من اعمالك .. علشان ميحصلش الفتور ده تانى .
درست اداب جغرافيا :D :D :D :D
:D مبسوط اوى .. ما انا قولتها قبل كده :))
ازاى تغض بصرك ؟
~ ازاى تغض بصرك !
والكلام ده للأولاد والبنات بس بدايةً هيبقى موجه للاولاد .
مشكلة كبيرة احنا بنعانى منها وخاصة مع الازياء الحديثة والتبرج اللى بقى مليان فى بلاد المسلمين وللاسف بنات المسلمين غرقانين فيه الى النخاع .
~ لكن تعال انت كده نتكلم شوية ونفضفض بصراحة :)
بتستفيد ايه لما تبص لواحدة ماشية وتفضل تبص على تفاصيلها
اعصابك بتتعب ! ... شهوتك بتزيد ! ... ومفيش أى متنفس ليكى طبيعى وشرعى وحلال .
طيب شكلك ايه قدام نفسك وانت عارف ان ربنا مطلع عليك وانت بتستحل النظر للبنت اللى معديه قدامك دى ؟!
نظرة ربنا ليك فى الوقت ده ياترى نظرة رضا ؟!
ولا غضب .... غضب منك وإنت بتخالف أمره الصريح ليك " قل للمؤمنين يغضوا من أبصارهم " .
طيب ما انت ليك أخت برضه .. ترضى حد يبصلها كده !
ترضى حد يبص لها ويشتهيها جواه زى ما انت بتعمل مع بنات الناس ؟!
اكيد لاء ... على الاقل جواك لسه نخوة وشرف يخلوك مترضاش بحاجة زى دى
والمفروض ان قبل النخوة والشرف ان يكون عندك دين وتكون بتخاف ربنا وبتراعيه فى نفسك وفى بنات المسلمين .... لان كما تدين تدان !
~ طيب ايه رايك لما تطهر قلبك ؟!
ماهى النظرة دى بتدخل الشيطان لقلبك وبتضعفك وبتبعدك عن ربنا
وبتاكل فى ايمانك زى السوس ومش بتسيبك الا وفى قلبك نقطة سودا وكل نظرة بتسيب لحد ما تضعف
طيب مش ربنا احسن من اى شئ ؟!
طيب مش لو عصمت نفسك من الحرام ده هيبقى احسن ؟
طيب مش لو صبرت نفسك ان ربنا هيرزقك لما تغض بصرك وتستنى كرم ربنا ليك وتعرف وتقول لنفسك ان رضى ربنا افضل من شهوة لمدة ثوانى هتخسر فيها قلبك وايمانك .
~ فكر نفسك بزوجتك اللى ربنا على قدر طاعتك ليه وعفتك لنفسك وغضك لبصرك عن الحرام ربنا هيرزقك بيها وهيعوضك على صبرك .
~ فكر فى الجنة واللى منتظرك فيها .
~ فكر فى رضى ربنا عليه وفكر انه قريب ناجيه وكلمه واطلب مساعدته انه يقويك ويعينك على انك تعصم نفسك .
اعرف واحد كان لما تيجى بنت تعدى من قدامه كان يمسك ايده اليمين بالشمال ويبص فى الارض ويقول لنفسه ... الجنة فيها حور عين يابنى ورضى ربنا عليك ونظرته ليك الوقتى وانت بتبص لها هتبقى ازاى ؟!
هتعصيه طيب هتستفيد ايه لما تبص ماهى هتمشى هتروح تكلمها طيب هتكلمها ليه وهتقول ايه وهتعمل ايه ؟
ولا اى حاجة ابعد عن الحرام واعصم نفسك ربنا هيعوضك .
هاه مين هنا هيجرب يبقى زيه ؟!
والكلام ده للأولاد والبنات بس بدايةً هيبقى موجه للاولاد .
مشكلة كبيرة احنا بنعانى منها وخاصة مع الازياء الحديثة والتبرج اللى بقى مليان فى بلاد المسلمين وللاسف بنات المسلمين غرقانين فيه الى النخاع .
~ لكن تعال انت كده نتكلم شوية ونفضفض بصراحة :)
بتستفيد ايه لما تبص لواحدة ماشية وتفضل تبص على تفاصيلها
اعصابك بتتعب ! ... شهوتك بتزيد ! ... ومفيش أى متنفس ليكى طبيعى وشرعى وحلال .
طيب شكلك ايه قدام نفسك وانت عارف ان ربنا مطلع عليك وانت بتستحل النظر للبنت اللى معديه قدامك دى ؟!
نظرة ربنا ليك فى الوقت ده ياترى نظرة رضا ؟!
ولا غضب .... غضب منك وإنت بتخالف أمره الصريح ليك " قل للمؤمنين يغضوا من أبصارهم " .
طيب ما انت ليك أخت برضه .. ترضى حد يبصلها كده !
ترضى حد يبص لها ويشتهيها جواه زى ما انت بتعمل مع بنات الناس ؟!
اكيد لاء ... على الاقل جواك لسه نخوة وشرف يخلوك مترضاش بحاجة زى دى
والمفروض ان قبل النخوة والشرف ان يكون عندك دين وتكون بتخاف ربنا وبتراعيه فى نفسك وفى بنات المسلمين .... لان كما تدين تدان !
~ طيب ايه رايك لما تطهر قلبك ؟!
ماهى النظرة دى بتدخل الشيطان لقلبك وبتضعفك وبتبعدك عن ربنا
وبتاكل فى ايمانك زى السوس ومش بتسيبك الا وفى قلبك نقطة سودا وكل نظرة بتسيب لحد ما تضعف
طيب مش ربنا احسن من اى شئ ؟!
طيب مش لو عصمت نفسك من الحرام ده هيبقى احسن ؟
طيب مش لو صبرت نفسك ان ربنا هيرزقك لما تغض بصرك وتستنى كرم ربنا ليك وتعرف وتقول لنفسك ان رضى ربنا افضل من شهوة لمدة ثوانى هتخسر فيها قلبك وايمانك .
~ فكر نفسك بزوجتك اللى ربنا على قدر طاعتك ليه وعفتك لنفسك وغضك لبصرك عن الحرام ربنا هيرزقك بيها وهيعوضك على صبرك .
~ فكر فى الجنة واللى منتظرك فيها .
~ فكر فى رضى ربنا عليه وفكر انه قريب ناجيه وكلمه واطلب مساعدته انه يقويك ويعينك على انك تعصم نفسك .
اعرف واحد كان لما تيجى بنت تعدى من قدامه كان يمسك ايده اليمين بالشمال ويبص فى الارض ويقول لنفسه ... الجنة فيها حور عين يابنى ورضى ربنا عليك ونظرته ليك الوقتى وانت بتبص لها هتبقى ازاى ؟!
هتعصيه طيب هتستفيد ايه لما تبص ماهى هتمشى هتروح تكلمها طيب هتكلمها ليه وهتقول ايه وهتعمل ايه ؟
ولا اى حاجة ابعد عن الحرام واعصم نفسك ربنا هيعوضك .
هاه مين هنا هيجرب يبقى زيه ؟!
Liked by:
عبدالرحمن بدر
كان فيه سؤال عن غض البصر من كام يوم وحضرتك قولت هتعيد اجابته بالتفصيل -:)
اول كل غلطة بتبقى فكرة ... انت بتفكر تبص للبنت دى او الولد ده فى الاول وبعدين بتطول فى نظرتك ليها والتفكير بيبدا يشتغل ممكن يخليك تروح تكلمها ولو كلمتها ممكن الامر يتطور وهكذا .
يبقى من البداية تمنع نفسك من التفكير فى حاجة زى دى ... كذلك الشهوة تقطع الطريق عليها سواء بالتفكير و بالحاجات اللى ممكن تثيرها
و تتجنب المؤثرات اللى بتوصل للغلط ده وبتخليك تبدأ فيه . وتمنع نفسك حتى من انها تفكر من البداية فى جمال واحدة او حتى تفكر انه تشوف صور لبنات والتسلسل بييجى من الفكرة .. امنع الفكرة من البداية .. متفكرش مثلا انك تكلم بنات لان التفكير هيزيد جواك وهيخليك تتحول الى فعل بعد وقت .. كذلك الاغانى لو انت عاوز تبطلها يبقى تبطل تفتكرها وتبطل تدندن بيها بحجة ان مفيش موسيقى فى صوتك مع الوقت هتسمعها تانى لانك هتضعف وهييجى وقت وتشتاق للمعصية أيا كان نوعها وطبيعتها فلو قفلت عليها الباب من البداية مش هتلاقى لها ارض ولا مكان جواك لو انت ضعفت
- حديث النفس : تتناقش مع نفسك وتكلمها وتواجهها بالصح والغلط ورضى ربنا وغضبه والثواب والعقاب والنظرة المستقبلية لحال نفسك مع الطاعة ولو انت استمريت على الخطأ ده هتكون فين من ربنا وموت الفجأة وقصر الدنيا ومقارتنا بالاخرة وتذكر الجنة ونعيمها وتقديمه على ما فى الدنيا من شهوات فانية زائلة
- إشغل نفسك بشئ تانى بفكرة تانى تكون مجهزها وقت ما الغلط ييجى على بالك بفكرته تواجهها بالفكرة التانية مثلا زى الاذكار تكون محدد ذكر معين ليك ذكر واحد بس مش مجموعة علشان متكسلش او تنسى او تمل ...
- تعمل لنفسك حاجة معينة انك تخرج تمشى فى مكان لوحدك او مع حد والافضل لوحدك لان محدش هيبقى متاح ..
- تكون محدد لنفسك ايات من القرآن بتتكلم عن الاخرة وعن الثواب والعقاب جمع الايات دى من مختلف سور القرآن وحطهم فى مكان واضح عندك كل ما تيجى الافكار دى فى دماغك تمسكهم وتقرا فيهم وتتدبر فيهم ...
وطبعا الاهم والاولى والاساس انك تفتكر ان الله يراك ومطلع عليك فانت تحب تخليه يشوفك على معصية ولا على طاعة ؟!
واعرف ان من العيوب الداخلية : " التفكير فى المعصية " ... إنك بتسمح لنفسك إنها تفكر فى الغلط وبتقول لنفسك " مش هيضر إنى أفكر طالما أنا مبعملش " وللأسف بتسمح لنفسك إنها تفكر فى حاجات غلط كثيرة من باب الخيال لكن إنت أفعالك بتبقى إنعكاس لما فى داخلك .. لما تفكر فى حاجة غلط الفكرة بتنغرس جواك وبتكبر وبتنمو مع كل مرة بتتخيلها ومع وسوسة النفس الأمارة بالسوء ومع الملهيات اللى موجودة حوالينا فى كل مكان وفى اوقات ضعفك وبعدك عن ربنا هتلاقى نفسك بتعمل الحاجة اللى كانت فى الآول عبارة عن فكرة وخيال
وبعد ما كنت بتقول لنفسك " مش هيضرنى التفكير طالما مبعملش " هتلاقى نفسك بتقولك " مش مشكلة أهى مرة وهتعدى " .. " ربنا غفور رحيم " .. " بس هى المرة دى وهستغفر وأتوب بعد كده "
وكل ده علشان إنت من البداية غرست فى نفسك التفكير فى الغلط واقنعت نفسك إن عادى لما تفكر فى شئ مش هتعمله وبرضه لما جيت تعمله لسه بتخدع نفسك وبتقول مرة وهتعدى لكنها مبتعديش لآنك بتفكر غلط
لآنك بتستهل المعصية والذنب وشايفها هينة .. لكن متعرفش حديث النبى لما إتكلم عن المعاصى وشبهها بالنار وإن النار بتبدأ بشرارة صغيرة كذلك المعاصى بتبدأ بحاجة بسيطة لو إنت شوفتها هينة هتكبر أكثر وأكثر
يبقى من البداية : خد قاعدة إنك تمنع نفسك من إنها تستسهل وتستحل التفكير فى الغلط وإنها تعتبره مجرد خيال مش هيضر لآنه هيضرك على المدى البعيد ولآنك هتضعف وهتسمع حديث نفسك الآمارة بالسوء
يبقى من البداية تمنع نفسك من التفكير فى حاجة زى دى ... كذلك الشهوة تقطع الطريق عليها سواء بالتفكير و بالحاجات اللى ممكن تثيرها
و تتجنب المؤثرات اللى بتوصل للغلط ده وبتخليك تبدأ فيه . وتمنع نفسك حتى من انها تفكر من البداية فى جمال واحدة او حتى تفكر انه تشوف صور لبنات والتسلسل بييجى من الفكرة .. امنع الفكرة من البداية .. متفكرش مثلا انك تكلم بنات لان التفكير هيزيد جواك وهيخليك تتحول الى فعل بعد وقت .. كذلك الاغانى لو انت عاوز تبطلها يبقى تبطل تفتكرها وتبطل تدندن بيها بحجة ان مفيش موسيقى فى صوتك مع الوقت هتسمعها تانى لانك هتضعف وهييجى وقت وتشتاق للمعصية أيا كان نوعها وطبيعتها فلو قفلت عليها الباب من البداية مش هتلاقى لها ارض ولا مكان جواك لو انت ضعفت
- حديث النفس : تتناقش مع نفسك وتكلمها وتواجهها بالصح والغلط ورضى ربنا وغضبه والثواب والعقاب والنظرة المستقبلية لحال نفسك مع الطاعة ولو انت استمريت على الخطأ ده هتكون فين من ربنا وموت الفجأة وقصر الدنيا ومقارتنا بالاخرة وتذكر الجنة ونعيمها وتقديمه على ما فى الدنيا من شهوات فانية زائلة
- إشغل نفسك بشئ تانى بفكرة تانى تكون مجهزها وقت ما الغلط ييجى على بالك بفكرته تواجهها بالفكرة التانية مثلا زى الاذكار تكون محدد ذكر معين ليك ذكر واحد بس مش مجموعة علشان متكسلش او تنسى او تمل ...
- تعمل لنفسك حاجة معينة انك تخرج تمشى فى مكان لوحدك او مع حد والافضل لوحدك لان محدش هيبقى متاح ..
- تكون محدد لنفسك ايات من القرآن بتتكلم عن الاخرة وعن الثواب والعقاب جمع الايات دى من مختلف سور القرآن وحطهم فى مكان واضح عندك كل ما تيجى الافكار دى فى دماغك تمسكهم وتقرا فيهم وتتدبر فيهم ...
وطبعا الاهم والاولى والاساس انك تفتكر ان الله يراك ومطلع عليك فانت تحب تخليه يشوفك على معصية ولا على طاعة ؟!
واعرف ان من العيوب الداخلية : " التفكير فى المعصية " ... إنك بتسمح لنفسك إنها تفكر فى الغلط وبتقول لنفسك " مش هيضر إنى أفكر طالما أنا مبعملش " وللأسف بتسمح لنفسك إنها تفكر فى حاجات غلط كثيرة من باب الخيال لكن إنت أفعالك بتبقى إنعكاس لما فى داخلك .. لما تفكر فى حاجة غلط الفكرة بتنغرس جواك وبتكبر وبتنمو مع كل مرة بتتخيلها ومع وسوسة النفس الأمارة بالسوء ومع الملهيات اللى موجودة حوالينا فى كل مكان وفى اوقات ضعفك وبعدك عن ربنا هتلاقى نفسك بتعمل الحاجة اللى كانت فى الآول عبارة عن فكرة وخيال
وبعد ما كنت بتقول لنفسك " مش هيضرنى التفكير طالما مبعملش " هتلاقى نفسك بتقولك " مش مشكلة أهى مرة وهتعدى " .. " ربنا غفور رحيم " .. " بس هى المرة دى وهستغفر وأتوب بعد كده "
وكل ده علشان إنت من البداية غرست فى نفسك التفكير فى الغلط واقنعت نفسك إن عادى لما تفكر فى شئ مش هتعمله وبرضه لما جيت تعمله لسه بتخدع نفسك وبتقول مرة وهتعدى لكنها مبتعديش لآنك بتفكر غلط
لآنك بتستهل المعصية والذنب وشايفها هينة .. لكن متعرفش حديث النبى لما إتكلم عن المعاصى وشبهها بالنار وإن النار بتبدأ بشرارة صغيرة كذلك المعاصى بتبدأ بحاجة بسيطة لو إنت شوفتها هينة هتكبر أكثر وأكثر
يبقى من البداية : خد قاعدة إنك تمنع نفسك من إنها تستسهل وتستحل التفكير فى الغلط وإنها تعتبره مجرد خيال مش هيضر لآنه هيضرك على المدى البعيد ولآنك هتضعف وهتسمع حديث نفسك الآمارة بالسوء
Liked by:
منّــة
عبدالرحمن النجار ☪
عبدالرحمن بدر
http://ask.fm/allahraby4/answer/115838778727 (( قدوة 8 ))
:)
دايما بيجي في بالي إن حد من أهلي هيموت وممكن كمان بتخيل شخص معين وبتخيل رد فعلي وقتها بلاقي الحياة مستحيلة وبفوق من التخيل ده مش قادرة أعيش وخايفة أوي مش عارفة إزاي أبعد الفكرة دي عن دماغي طالما هما كلهم بفضل الله كويسين؟ وإزاي أتقبل فكرة الموت؟
بلاش تستبقى الاحداث .. ثقى فى الله إنه مش هيتعبك .. إتعلمى الرضا بقضاء الله وان لكل أجل كتاب .. إقرا فى السيرة النبوية واقرا بالذات عن موت الصحابة والاهم موت النبى صل الله عليه وسلم .. الموت حق على كل حى فى الارض والحياة لا تتوقف على موت شخص مهما كانت قيمته او درجته وكل واحد فينا لازم يعيش حياته ويشوف نفسه فلما توقف انت حياتها وتفتكر انها مستحيلة لما حد يموت فده غلط فى حق نفسك وقلة ايمان منك .. لان الشخص اللى مات ده مكانش هو اللى بيخليكى دلوقتى قاعدة او بتاكلى وتشربى او بتمشى او بتروحى تدرسى واقصد هنا اللى بيخليكى تتحركى على رجلك .. حياتك هتسالى عنها لو ضيعتيها ؟ .. لان الباقيين حواليك كمان حياتهم هتمشى .. انتى بتعيشى حالة مش اكثر بس المشكلة ان حياتك هتبقى اصعب بالشكل ده .. لانك بتفترضى المشكلة وبتتوقعى رد الفعل ويتعيشى فيه كمان .. فبلاش تستبقى حاجة محصلتش وبلاش تخافى بالشكل ده .. وبلاش يبقى عندك يأس للدرجة دى
لا المعرفه مش مقصورة على هنا وبس انت مش فاهم وانا صعب افهمك .. بس عامه ماتشغلش بالك ولاتحمل نفسك اى ذنب ولا تشغل بالك بيا انا كنت عارفه كويس انى مستحيل ابقى ضمن اهتماماتك .. يمكن تحتار فيا بس حقيقى ماتشغلش بالك خالص ... وربنا معاك:)
وانا احسب انى عرفت مين معايا هنا .. وهتتفاجئ من ردى .. بس لازم نتكلم !
لما أروح أقرأ قرآن ألاقيني بعد كم صفحة قليلين أوي عايزة أنام مع إني بكون قبلها فايقة أوي ولو سبت المصحف النوم ده يروح وأرجع فايقة تاني إيه المشكلة؟ أنا بعاند نفسي وبكمل قراءة ما دام السبب مش قلة نوم وإن جسمي محتاج للنوم لكن ده بيفقدني الخشوع إيه السبب وأعمل إيه؟
أكثرى من الاستعاذة بالله من الشيطان الرجيم .. واكثرى من الوضوء على مدار اليوم حتى فى غير اوقات الصلاة .. واختارى الوقت اللى انتى شايفة نفسك فايقة فيه علشان تكونى مركزة ..
ربنا معاك يا أستاذ :D لو كنت ولد كنت قلت يا باشا :) بس سؤال تاني معلش بس والله حب إستطلاع مش أكتر دخلت إيه عشان تطلع استشاري مساحة؟
إسال ودور وانت هتعرف :) خليها واجب ليك :)
ولا حاجة يعم المهم عايز اكلمك -_-
تعالى على الفيس وارغى -_-
ربنا ميجيبش خسارة ان شاء الله ويوسع رزقك .. افتكرتك النهاردة ف دعوة الفطار بالرزق سواء الشغل والزوجة وتمام الصحة :)
امين امين امين ... ولكم بالمثل وزيادة :)
مؤمن يا عم
واد يامؤمن انت بقيت طويل كده ليه ! .. وملامحك اتغيرت خالص يابنى ان شايف قدامى واحد داخل على الثلاثين مش لسه مراهق فى الثانوية .. مالك بجد ؟
ممكن اعرف يعني إيه استشاري مساحة؟
بص ياسيدى :) .. فيه نوعين من طبيعة عمل المساح .. نوعين رئيسين :
1- مساح موقع :- ده بيبقى شغال مع شركة مقاولات بتبقى واخدة مشروعات تبع وزارة ما او شركة او اى جهة .. مشروعات زى " طرق - صرف صحى - انشاءات - وخلافه " وده اللى بيطلع عين أهله فى الشغل فى الموقع طول اليوم فى الحر والشمس والتراب والبرد والغبار ومع العمال ومهندس الموقع والسواقين والمواسير والصبة والاستكات والخوازيق " كلمة مش عيب فى شغلنا :)) " .
الاخ ده له وظيفة فى الموقع وبيحضر اجزاء من الانشاءات علشان تتنفذ سواء بالصب للخرسانة او التوصيل للمواسير وغيرها بنود كثيرة او الرصف للطرق .. بعد ما يطلع عينه بقى فى كل ده ييجى دور الاخ التانى :)
2- مساح استشارى :-وده بيبقى الباشا :) .. ده بيبقى شغال تبع مكتب او شركة استشارات بتمسك اشراف على المشروع اللى بتشتغل فيه شركة المقاولات دى والاشراف ده بتديه لها الجهة المالكة للمشروع " سواء وزارة او اى جهة فى الدولة " .. الاخ ده بيروح وقت ما مساح الموقع يخلص الشغلانة اللى فى ايده .. علشان يكلموا اللى بعدها بييجى الاستشارى يستلمها وبيشوفها مطابقة للمخططات التنفيذية للمشروع ولا لاء وهل متنفذة كويس ولا لاء .. كانت كده يوافق ويكلموا .. له ملاحظات يعملوها .. طلعت متنفعش تتهد وتتعمل تانى :) .
- اخوك بقى اتفحت الاول مساح مقاول لما اكلنا التراب :) .. وبعدين بقيت باشا :D
1- مساح موقع :- ده بيبقى شغال مع شركة مقاولات بتبقى واخدة مشروعات تبع وزارة ما او شركة او اى جهة .. مشروعات زى " طرق - صرف صحى - انشاءات - وخلافه " وده اللى بيطلع عين أهله فى الشغل فى الموقع طول اليوم فى الحر والشمس والتراب والبرد والغبار ومع العمال ومهندس الموقع والسواقين والمواسير والصبة والاستكات والخوازيق " كلمة مش عيب فى شغلنا :)) " .
الاخ ده له وظيفة فى الموقع وبيحضر اجزاء من الانشاءات علشان تتنفذ سواء بالصب للخرسانة او التوصيل للمواسير وغيرها بنود كثيرة او الرصف للطرق .. بعد ما يطلع عينه بقى فى كل ده ييجى دور الاخ التانى :)
2- مساح استشارى :-وده بيبقى الباشا :) .. ده بيبقى شغال تبع مكتب او شركة استشارات بتمسك اشراف على المشروع اللى بتشتغل فيه شركة المقاولات دى والاشراف ده بتديه لها الجهة المالكة للمشروع " سواء وزارة او اى جهة فى الدولة " .. الاخ ده بيروح وقت ما مساح الموقع يخلص الشغلانة اللى فى ايده .. علشان يكلموا اللى بعدها بييجى الاستشارى يستلمها وبيشوفها مطابقة للمخططات التنفيذية للمشروع ولا لاء وهل متنفذة كويس ولا لاء .. كانت كده يوافق ويكلموا .. له ملاحظات يعملوها .. طلعت متنفعش تتهد وتتعمل تانى :) .
- اخوك بقى اتفحت الاول مساح مقاول لما اكلنا التراب :) .. وبعدين بقيت باشا :D
Liked by:
منّــة
انا كنت قايلك قبل كدا عاوزك يعم وقلتلى مش فاضى وقولتلى لما تفضى هتكلمنى والكلام دا بقاله يجى شهر -_-
انت مين ؟ فكرنى معلش
بس على الاقل قلبك اتحرك للناس دى حتى لو كنت خسرتها بس سبحان الله فى ناس تانية تتمنى ده وعمرك ماهاتخسرها بس مش هاتقابلهم لانك مش عايز ده :) .. ربنا معاك
تنبيه بس للناس مش ليكِ : مش عاوز حد يعلق على كلامى هنا نهائيا غير مسموح لكم انا اقول االلى انا عاوزه .. مش ناقصة رخامة زى المرات اللى فاتت .
- أنا مكنتش أقصد فى إجابتى حب بس ! .. انا كنت اقصد حتى اصدقاء مقربون جدا كمان .. بس فيه مشكلة هنا أكيد فيه ناس بتتمنى ناس تانية .. بس لما يقربوا منهم يلاقوا الحياة معاهم صعبة فعلا ومتعبة " عن نفسى أنا لا أطاق " .. بالإضافة إن فيه توافق وقبول .. ممكن ميحصلش ! .. مش فكرة إنى مش عاوز ده .. بس أولا أنا معرفكيش دى حاجة .. ثانيا محبش ان حد يطلب منى شئ هنا ! .. مراعى طبعا الاحراج فى الامور دى .. بس دلوقتى إنتى متعرفيش ان كنت هوافق او هتقبل او هيبقى فيه تناسب بينا ! .. يبقى ليه من الأول تتمنى ! .. يبقى متدعيش ان ربنا يرزقك بواحد كويس احسن منى لانى والله مش الكويس اللى ظاهر قدامك .. ممكن لو كنتى قريبة " كشغل - قرابة - اشتراك فى اى شئ " كان هيبقى فيه وسيلة حتى للمراقبة او التعارف وقتها كان ممكن يبقى فيه شكل من اشكال الاعجاب .. لكن هنا انتى لا تعرفينى ولا شوفتينى ولا تعرفى شكلى " ممكن اطلع مشوه ! " ولا تعرفى وضعى الصحى ولا تعرفى وضعى العائلى او المالى حتى .. ولا تعرفى اى بيانات عنى ولا اتكلمنا حتى من قبل ! .. يبقى ليه تعلقى نفسك :( ! .. ارجوكى حبا لله وابتغاءا لوجه ادعى ربنا يرزقك باحسن منى
- أنا مكنتش أقصد فى إجابتى حب بس ! .. انا كنت اقصد حتى اصدقاء مقربون جدا كمان .. بس فيه مشكلة هنا أكيد فيه ناس بتتمنى ناس تانية .. بس لما يقربوا منهم يلاقوا الحياة معاهم صعبة فعلا ومتعبة " عن نفسى أنا لا أطاق " .. بالإضافة إن فيه توافق وقبول .. ممكن ميحصلش ! .. مش فكرة إنى مش عاوز ده .. بس أولا أنا معرفكيش دى حاجة .. ثانيا محبش ان حد يطلب منى شئ هنا ! .. مراعى طبعا الاحراج فى الامور دى .. بس دلوقتى إنتى متعرفيش ان كنت هوافق او هتقبل او هيبقى فيه تناسب بينا ! .. يبقى ليه من الأول تتمنى ! .. يبقى متدعيش ان ربنا يرزقك بواحد كويس احسن منى لانى والله مش الكويس اللى ظاهر قدامك .. ممكن لو كنتى قريبة " كشغل - قرابة - اشتراك فى اى شئ " كان هيبقى فيه وسيلة حتى للمراقبة او التعارف وقتها كان ممكن يبقى فيه شكل من اشكال الاعجاب .. لكن هنا انتى لا تعرفينى ولا شوفتينى ولا تعرفى شكلى " ممكن اطلع مشوه ! " ولا تعرفى وضعى الصحى ولا تعرفى وضعى العائلى او المالى حتى .. ولا تعرفى اى بيانات عنى ولا اتكلمنا حتى من قبل ! .. يبقى ليه تعلقى نفسك :( ! .. ارجوكى حبا لله وابتغاءا لوجه ادعى ربنا يرزقك باحسن منى
Liked by:
منّــة
مكنش قصدى اللى انت فهمته .. كنت اقصد ان اجاباتك واهتماماتك بناس معينه موجوده فى حياتك بتخلينى افهم انك دايما هاتفضل بعيد وهافقد الثقه فى حاجه انا كنت بتمناها وافهمها كويس .. بس فى الاخر بردة بدعيلك ربنا معاك :)
فيه ناس هتعترض على اجابتى اللى بقولها دلوقتى .. بس انا مفيش حد فى حياتى اصلا اهتم بيه :D .. وأى حد فى حياتى بخسره .. ليه تحديدا معرفش .. هل العيب منى انا .. لاء فى الغالب ! .. أما أنتى .. فالتمنى لا يكفى .. ولايفيد .. أى شئ فى الدنيا .. إما بسعى .. أو دعاء .. ولكن بعض الامور الدعاء فيها غير مجدى بسبب طبيعة الأمر نفسه .
سعات لما بقرأ قرآن حاجة مثلاً زى الفاتحه او اية الكرسى بكون قريها كتير اجى مثلاً اقرأها بحس انها مش بتطلع من قلبى يعنى بحس انى بقول اى حاجة بسرعة مبفهماش متعرفش حل
القلب ساعة فى ايمان وساعة فى فتور .. لو ملقتش قلبك فى ده وقتها حاول تلاقيه فى حاجة تانية لحد ما يرق تانى وترجع للقرآن .. او حاول تسمع نفس الايات بصوت يكون فيه خشوع اكثر :) .. وكمان اشتغل على نفسك شوية انك ترقق قلبك اكثر من كده ويكون حاضر مع ربنا بالاذكار كل ساعتين مثلا .. بانك تتدبر .. على فكرة التدبر فى حد ذاته مفيد .. مش شرط تبكى وانت بتقرا .. بس لو بتتدبر فى الايات بتنال ثواب اكبر .. لما بتتدبر فى الايات وتفكر فيها وفى معانيها والمراد منها بتستفيد اكثر
Next