كان غداء عمل :) .. بس متمش للأسف كنت معول عليه حاجات كتيرة تانية غير العمل وآمال وطموحات وأحلام :)) لكن طلعت بخسارة .. الله المستعان :)
تعرف اجابات.كتير ليك بتخلينى افقد الثقة تماما فى حاجه معينه مش مهم تعرف ايه هى ... ربنا معاك :)
:)) .. ما انا برضه مش لازم حياتى تبقى مشاع على الناس ومش شرط اديلك تفاصيل عنها او حتى اخليك تفهم ايه هى .. وعادى لو حابب تقول الحاجة دى بشكل فيه خصوصية وهرد عليك فيها .. بس المهم ان انت مستحيل تعرفنى ولا تفهمنى من هنا لازم وجها لوجه ! لانك هتفهم غلط خاصة لو انت متحيز لحاجة معينة وبتحاول تفهم على اساسها وممكن فهمك يخونك .. لو انت حد من اللى انا اعرفه عن قرب فاحكم على من القرب ده مش من هنا والا هيبقى خسارة اننا كنا قريبين ومقدرتش تفهمنى وتحكم على من اجابات عامة :) .. تانى حياتى مش مشاع واجاباتى دائما هنا فيه لف ودوران اجابات زئبقية :)
انا بعبد ربنا وقريب منه ومفوتشى صلاة بس بيبقى جوايا خوف لا ارادى كدا من اى حاجة ومن الغيبيات يعنى مبعرفشى انام غير لو النور مفتوح وبخاف من ااقل حاجة واقل خضة ؟؟؟ عندك فككرة ؟؟
اظن اخصائى او طبيب نفسى فى الامور دى يقدر يساعدك اكثر منى ومش عيب ان يبقى عندك فوبيا بالشكل ده وفيه بحث كويس http://tabibnafsany.com/phopia_treatment.html اقراه بالتفصيل ونفذ اللى فيه هيفيدك .. وانا كان بييجى لى احيانا موضوع الخوف من الغيب ومعرفش انام الا والنور شغال بضع مرات جاتلى الحالة دى .. بس الخوف ده كله لما تدركه وتشوفه على حقيقته انه لا شئ وملوش سبب الا اوهام انت بتصنعها بنفسك . ولازم تدرك انك محتاج تواجه نفسك بالاسباب .. متصنعش اوهام وتكبرها فى عقلك وتزيد عليك لحد ما تقدرش تقاومها وتخليك تخاف وتبقى مش عارف ليه اصلا !المواجهة هى الحل .. اعمل اجندة كبيرة ليك واكتب كل حاجة لوحدها .مثلا الخوف من النوم فى غرفة مظلمة :- إسال نفسك ليه بتخاف ! .. مين إيه ؟! .. خايف من عفريت مثلا أو جن ! .. مفيش يابنى الكلام ده محدش بيشوفهم الا حالات نادرة ومدام انت بتنام وانت محصن نفسك بالقرآن وأذكار النوم وياسلام لو توضأت كمان محدش فيهم هيقرب لك .. يبقى ليه تخاف وليه تطفى النور ! . اظن ده السبب الرئيسى فيما اعلم بالنسبة لنا كمصريين مسلمين فى مسالة النوم دى .. اما لو الموضوع يتعدى ده لحاجات تانية زى الضيق وعدم الراحة فزى ما قولتلك طبيب نفسى ! - مثلا الخوف من الغيب :- إسال نفسك ورد عليها .. مين اللى فى إيده رزقك ! .. مين اللى فى إيد النفع أو الضر ليك ! .. مين اللى إنت لو ماشى فى حياتك متوكل عليه - مطيع له - عابد وقريب منه .. هتبقى مطمئن وواثق ان كل اللى هييجى لك خير حتى لو هيبان شر ليك فى بعض الاحيان ! .. يبقى ليه انت مدام بتعبد ربنا وقريب منه ومش بتفوت صلاة متبخليش نفسك تنتقل لنقطة الاطمئنان بالله .. الثقة فى الله .. اليقين فى الله إن لن يصيبك ضرر ! بالاضافة انت ليه تخاف من مجهول اصلا محصلش لسه .. ليه تستبق الاحداث وتعيش نفسك فى وهم وتضيع اوقاتك فى خوف ! .. - وهكذا .. خليك عقلانى .. خليك متجاوب ومفكر ورد على نفسك وإبحث فى كل مشكلة عن سبب لها وازاى تقضى على السبب ده وتمنعه إنه ييجى لك ..وكله بالمحاولة .. مفيش نجاح من اول مرة .. ممكن تنجح مرة وتفشل الثانية .. بس المهم تفضل تجاهد نفسك وتحاول وهتوصل ان شاء الله للى انت عاوزه وهو الاطمئنان عامل الايمان بالله مهم جدا فى انك تعتمد عليه انك تخف من الحالة دى .. وده محتاج انك تقرب اكثر بعبادات ازيد من اللى انت فيه وخاصة " قــلــبــك " ..- اما مسالة الخضة فدى معرفش لها حل :)
في فترة الفتور لما بمر بيها كل ما أحاول أدعي ربنا أبقى ببكي وأروح أسجد وجوايا كلام كتير أوي هقوله وفجأة ألاقيني مش فاكرة أي شئ من اللي كنت هدعي بيه فأسجد شوية وبعدين أقول يا رب يا رب وبس
ببقى موجوعة اوي في الحالة دي لأني وانا رايحة عارفة انا عايزة أقوله إيه بس ليه بنسى كل حاجة لما أسجد ده طبيعي ؟؟
ايوه طبيعى .. ويارب من قلبك باحتياجك له وبوجعك وطلبك بتوصل وتكفى :) .. يارب بتكفى :)
مين اكتر حد محتاجله؟
اعلان كوكاكولا بيفكرنى دائما باقرب حد لى من اخر كنتاكى دخلناه سوا فى وسط البلد :) .. انا محتاج الحد ده فعلا دلوقتى ... والسؤال ده اجابته صعب انها تطلع
هو انا لو فيه ناس مش بحبها بمعنى اوضح لا بحبها ولا بكرهها بس مش بستلطفهم مثلا (فاهمنى) بس لما بنشوف بعض كل فترة بنسلم على بعض و نضحك فى وش بعض عادى كده ، كده انا منافقة معاهم ولا مفروض اتصرف ازاى
السلام مفيش فيه مشكلة .. الضحك مجرد مجاملة للموقف مش اكثر خاصة انك لا منتظره منهم مصلحة ولا منفعة ولا شئ .
سواء ف سري او ع لساني مش ربنا عارف ومطلع ! لما حد يوصيني ادعيله مبعرفش بيبقى ف نفسي ادعيله كتير بس بلاقيني اكتفيت بالاسم يارب فلان وانت اعلم مني
ايوه عارف ومطلع بس الدعاء مفيش فيه تقيد بشئ معين .. يعنى نفسك تنجحى مثلا اكيد بتفكرى جواكى بكده فقولى الكلام ده :) .. اتعلمى مخاطبة الله بكل تقدير له وبراحتك برضه وباللى فى قلبك بدون تكلف منك .. قولى اللى بيدور فى خاطرك خليه على لسانك لو تقدرى :)
هو لو بقرأ قرآن عشان اختمه لازم بترتيب المصحف ؟ ممكن افوت سورة عشان اقرأ بيها ف التراويح واكمل قراية دا صح ؟
مش شرط الموضوع مفيهوش فرض مثلا علشان ينفع او مينفعش براحتك :) المهم النية والتدبر
بأذن الله .. شكرا جداً لحضرتك
الشكر لله
انت انسان محترم جدا ربنا يعزك :-)
انت اللى طيب وقلبك ابيض :)
البقاء لله وحدة .. ان شاء الله هحاول دعواتك ليا
شوفى .. مفيش حد بيحاول بجد وبجهد ونية صادقة .. إلا وبيوصل وخاصة لو بيشتغل على نفسه :) .. فثقى فى الله ثم فى قدرتك على انك تعرفى :) .. باذن الله
لا مفيش هي ماما متوفية بس وانا حزينة بس دا مش ممكن يخليني استمع بالعبادة :((
البقاء لله .. المشكلة مش فى العبادة المشكلة فى الضيق اللى فى قلبك والحزن اللى مخليكى كده فوقت ما يخف عندك بصبرك ودعائك واستعانتك بالله وانك تعرفى ان عبادتك فى ميزان حسناتها بكل سجدة تسجديها وان كل خير بتعمليه تحطى نية لها فيه هيفرحها ان شاء الله وهيرفع درجتها فى الجنة ده هيخليكى تتقبلى اكثر موتها ويخف الضيق .. ادعى لحبيبتك وركزى فى عبادتك لان ده اللى هينفعك .. ضيقك وحزنك مش هينفعوها ابدا :) .. يلا ورى والدتك ازاى بنتها الجميلة هتخليها ان شاء الله وبتوفيقه فى درجات اعلى فى الجنة :) .. صلاة الفجر كمان :)
طب اضرب طبق رز بلبن
باين عليك فاضى
فية صدري ضيق شديد ولم اتمتع بالعبادة مثل الصلام والصوم الصدق.. وبتخنق لما بدعي لدرجة اني ممكن ادعي من داخلي بالعكس لساني بشئ وقلبي بشئ اخر
ومش عارفة دا من اية :((
عندك مشكلة تانية فى حياتك ! .. حاجة مش عارفة تحليها .. او حاجة مسببة ليكى ده ؟ .. او ذنب بتعمليه ؟! .. اى شئ ! دورى كده .
طب قوم اشرب عصير :-D
مبحبش السكريات لانها بتعطشنى اكثر فى الوقت ده
استاذ احمد اذا انقطع الحيض بعد الفجر وتطهرت هل اصوم ..؟
لو قبل الفجر وجب عليها الصوم .. اما بعد الفجر فلا صوم عليها وتقضى اليوم مع باقى الايام التى فاتتها بعد رمضان ان شاء الله
طيب من فضلك وضح السؤال اكثر لانى مفهمتش وافتكرته لاحق للى سبقه
قلبي في ضيق صدر رهيب ااستغفر اصلي اتصدق اعمل كل شئ ولم افرح بية ولا ابكي في صلتي ؟
الصبر .. الصبر .. الصبر - متستعجلش على نفسك .. وبلاش تنخرط فى عبادات كثيرة تزحم بيها نفسك ومتستفدش بحاجة .. ركز بس فى الصلاة الاول زى ما قولتلك واعمل اللى قولتلك عليه فى اللينكات اللى حطتها لك .. والصبر
قوم اشرب ميه :-D
وليه أقوم ما الميه جنبى :D .. قوموا إشربوا إنتم :) .. بلدياتنا ولا ايه ؟!
عايزه ادرس الاسلام اكتر
عايزه اروح مكان ادرس فيه
اروح فين انا مش عارفه ؟؟
وفى مكان كده انا بشوفه جنب نادى الشرطه مكتوب عليه دراسه البحوث الاسلاميه
تعرفه ؟؟ هو ده بيدرسوا فيه برضو ولا ده لناس معينه بس ؟
اصلى بلاقى الناس هناك كلها مش مصريين :"D
بس بحس ان حياتهم كلها لله وبس جايين دروس علوم شرعيه وبس
شوفى اقرب معهد اعداد ليكى وروحى شوفى ايه شروط التقديم وقدمى فيه
اللى عمل معصية بس مش ندمان عليها وشايف انه مغلطش يعمل ايه فى قلبه ؟
ازاى استفيد اقصى استفاده من كتاب يعنى بقرأ كتاب عن الصحابه لو دخلى على صحابى جديد بنسى اللى فات كان مين :\
نوتة - اجندة - جنبك وانت بتقرأ عن صحابى منهم .. إكتب إسمه وإكتب أهم حاجة استفدتها من قصته والمميز فيها مع بيانات اساسية بس .. وهكذا فى باقى السير .أكيد وإنت بتقرأ بييجى على خاطرك فوائد أو إلهام أو إسقاط من القصة اللى بتقرأها علي نفسك أو حياتك أو أى شئ وده فى حد ذاته مفيد .. فإكتب الحاجات دى جنب قصة الصحابى ده .. واللى بعده بقى :)
ينفع لما أطلب طلب من حد أقوله "عشان خاطر ربنا" عشان ينفذه؟
خليها اعمل كذا لوجه الله .. وبلاش ندخل ربنا فى الحاجات اللى زى دى لان الناس سهل تخلف وعودها ! .. اما حكم الكلمة فلا أعلم ولكن لم أسمع من قبل عن " خـاطر الله " كلفظ او مسمى او اى شئ يتعلق به عز وجل
الإنسان اللي عنده فتور في العبادة اليومين دول لكن قبل رمضان كان تمام مفروض إن الشياطين متسلسلة دلوقتي يعني الغلط فيه
طيب إيه اللي حصله؟
أنا مش فاهمة
وأنا بقرأ قرأن بيجيلى افكار كده عن ربنا متنفعش :(
من الاخر انا بيجى عليا اوقات بشك فى ان هيبقى فى فعلا يوم قيامه !! :(
انا فى مرحله خطيره فعلا رغم انى بحاول الالتزام الحمد لله
بس معرفش ليه بيجيلى الافكار دى وتساؤولات كتير عن الله
الموضوع ده مشكلة بتيجى لكتير مننا ومعرفش ليه بييجى بالذات للى بيحاولوا يلتزموا .. حصلى قبل كده لفترة اول التزامى برضه وكنت زيك بس كان اسوا من اللى انت بتقوله بمراحل :) .. كنت تعبان وبقول ليه كده وازاى اصلا وايه الحل ؟ كنت وقتها فى 3 ثانوى وكان الانترنت بسيط ايامها .. بس مكنتش بدور .. لما دورت بعد فترة من العصر والتعب لقيت ان الحالة دى معروفة ولها اسم مش فاكره حاليا ولها ردود كمان من مشايخ كتير وريحنى وقتها بس مش فاكره برضه :))- الموضوع بسيط على فكرة .. وساوس شيطان .. حديث نفس .. طبيعى انك تسالنى عن ربنا .. العقل بيقول كده .. اى بنى ادم عقله شغال لازم يعمل كده .. بس هنا دور الايمان بيظهر مع برضه إعمال العقل .. بص لنفسك .. خلايا مخك .. نظام اجهزتك الحيوية .. شرايينك اللى بيجرى فيها الدم واللى بيقدر طولها بالكليومترات .. صنع جسم الانسان لوحده الا يكفى على وجود الله ! طيب النظام الطبيعى للارض تعرفيه .. هقولك عليه بسرعة " الشمس بتجيب حرارة .. الحرارة بتتوزع حسب زاوية الشمس مع الارض .. ففيه مناطق تبقى حارة ومناطق متوسطة ومناطق باردة .. المناطق الحارة بيسموها منطقة ضغط منخفض والباردة منطقة ضغط مرتفع .. طبعا في هواء فى الكوكب بيتاثر بدرجة الحرارة .. فالهواء بيتحرك تدريجيا من مناطق الضغط المنخفض اللى الهواء الساخن فيها بيطلع لفوق وبيروح لمناطق الضغط المرتفع بيبرد هنا وبينزل لتحت ويرجع تانى لمناطق الضغط المنخفض .. فيه منطقة ضغط منخفض رئيسية على الكوكب وهى على طول خط الاستواء ومناطق ضغط مرتفعة على القطبين ودى دورة الرياح والامطار والسحب والحرارة والرزق فى الكوكب كله .. مين اللى عمل النظام ده :) لو فيه اختلال فيه بيغير شكل الحياة على كوكب الارض .. طيب شوفت حتى طبيعة البشر اللى فى كل المناطق دى .. طبيعتهم الجسمانية مهيئة للتعامل مع الظروف دى ودرجات الحرارة المختلفة دى .. مين اللى خلق الكواكب دى كلها بمخلوقاتها اللى نعرفها واللى منعرفهاش .. طيب شوفت الشكل المنتظم لذرة الثلج ! .. اما الدين .. فشوف كل اديان الارض الى الان .. اما موضوعة من اصحابها باعتراف تابعيهم .. او اديان كانت من الله ثم تغيرت والتغير موجود وظاهر ومعلوم ويُدرس إلى الأن .. اما كتابك وقرآنك فمحفوظ بإعترافهم .. دينك دين محكم .. دين متين .. دين حافظ .. متخافش من الوساوس دى اطردها من دماغك لما تيجى ليك .. اعمل لنفسك طريقة معينة تحفظ بيها نفسك لما تيجى ليكى زى استغفار او تسبيح او افكار تانية بحيث ترددى بلسانك وبعقلك برضه فى نفس الوقت .. تدبر فى نفسك وفكر وتسائل عن الله كما تشاء .. بس خليك بصير وشوف آيات ربنا فى خلقه .. آياته اللى تدل على وجوده .. والمثال المشهور الكمبيوتر اللى قدامك دلوقتى زى ما انتى يستحيل تصدق إنه إتصنع لوحده من غير حد .. فبص لايدك اللى قدامك او تامل فى نفسك او فى الكون كله .. مين اللى عمله بالدقة دى ! .. اخر حاجة .. " ان الله تجاوز عن أمتى ما حدثت به نفسها ما لم تعمل " ده حديث عن النبى صل الله عليه وسلم :) ... يعنى متخافيش من الوساوس دى ملهاش تأثير ولا اى شئ ولا ذنب ولا حاجة :) لان دى عوارض مجردة ولا يتبعها اعتقاد ولا ايمان فى القلب بيها ولا عمل حتى فى الظاهر حتى بقول اللسان .. وحتى لو تكلمت بالاسئلة دى مفيش حرج العقل مطلوب بس البصيرة برضه مطلوبة .. ربنا يثبت قلبك وفؤادك .. والموضوع ده انا بقولك انا مريت بيه وغيرنا كتير وبيعدى متخافش .. هتلاقى نفسك نسيته حتى من غير ما تدرك
يعنى مثلا خلينا نتخيل مشهد .. " تخيلى يا حبيبتى انا وانا شاب قبل ما اتجوزك كنت بعمل كذا كذا كذا " .. يعنى ايه اللى يخليك تقولها كده اصلا وتفتح موضوع زى ده ! .. ايه اللى يدفعك انك تتكلم فى حاجة زى دى ما انت خلاص اتجوزت :) .. وكذلك بالنسبة لها برضه معاه .. المشكلة فى تقبل البعض للموضوع ده .. وحتى لو هيتقبلوه عادى لانه فعلا عادى وطبيعى بس انا شايف ان مفيش داعى لكل ده اصلا .- الشيطان ابعده بالطاعة - النبى اوصى ايضا بالصيام - وابنى نفسك من جديد ايمانيا زى قولتلك
انت الناس ما شاء الله كلها بتحبك ربنا يزيدك :)
والله ده من جميل فضل ربنا يا بلدياتنا :D .. الحمد لله على نعمه :)
هنا بسيط ومريح جدا رغم وجود شوائب من بعض المتطفلين المزعجين بس برتاح هنا اوى وبلاقى اللى بحبهم هنا كمان :)
ربنا يعزك ويريح قلبك زى ما ريحت قلبى وادعيلى ان ربنا يثبتنى على طريقه ولا ابعد عنه ويبعد عنا الشيطان وادعيلى انى مش اخاف لتحصل تاني .. طيب انا لو فى المستقبل اقول لزوجتى او ل امراءه تقول لزوجها ولا هو مالوش انه يعرف والله حليم ستار انت ايه رايك ؟
ربنا حليم ستير :) .. لاء محدش يقول حاجة لحد :) .. ملهمش انهم يعرفوا