@lovlad

AHMED Abd Elrahaman

Ask me anything Follow
Ask @lovlad

Sort by:

LatestTop

Previous

يبتلي المؤمن علي قدر ايمانه .. مش فاهماها اوي :) يعني مثلا لو انا الحمد لله معنديش ابتلاءات كتير يبقي ايماني بـ الله مش قوي ؟! .. ممكن توضح لو سمحت ..

ايه تعريفك وفهمك لمعنى الابتلاء ؟! .. الابتلاء قد يكون فى الصحة " بأن ترزقى بصحة جيدة " وقد يكون فى المال " ترزقى بمال وفير " وقد يكون فى اشياء كثيرة لا تنتبهين لها فانظرى فى نفسك جيدا وتدبرى امورك لعلكى فى ابتلاءت وانتى لا تدرين عنها شئ :) ..

هو لو انا مضايقه من حد اووي وحكيت لحد تاني اللي عمله معايا .. بس يعني اثناء كلام مغلطش او شتمت فيه كان مجرد اللي عمله .. كده يبقي حرام واحد ذنب اني اتكلمت عليهم من وراهم ؟

الافضل ان لا تذكرى اسم الشخص وان كان الحكى بهدف اخذ النصيحة فلا باس به والله اعلم

People you may like

Gehaadmahmouud’s Profile Photo جهاد رزق عوض.
also likes
Nora Mostafa
also likes
alfnaan’s Profile Photo Hasan Mohamed
also likes
MohamedGamal175’s Profile Photo Mohammed Gamal
also likes
alialswedy’s Profile Photo • ؏ـل ــ͜ـ͡وشہ 93┆
also likes
wakar1999’s Profile Photo وَقَار
also likes
MohamedAlaa366’s Profile Photo Mohammed Alaa™
also likes
anahkr1’s Profile Photo مفسر الاحلام
also likes
OsmanHanymmm’s Profile Photo ََبَليغٌ
also likes
Elherbity’s Profile Photo Ahmed Elherbity
also likes
genyDaAna’s Profile Photo الّسٙمْآآآنٰ
also likes
Abeersamyemara’s Profile Photo abeer emara
also likes
RokayaAbdElbaki’s Profile Photo Rokaya Abdelbaky
also likes
mohamedhemdanragab16’s Profile Photo محمد حمدان
also likes
Mohamed_victory’s Profile Photo محمد نصر ليله
also likes
salsabeelwahba’s Profile Photo Salsabeel Wahba
also likes
maitarek555’s Profile Photo Mairoze Tarek
also likes
Hatemmahdy’s Profile Photo Hatem El Mahdy
also likes
nadamohamed4468’s Profile Photo ن̀́د̀́ي
also likes
salmaqattawy’s Profile Photo Salma Qattawy
also likes
sarakhedr831’s Profile Photo سارّة إبراهيم
also likes
hamedalmasry’s Profile Photo (7amed sa3ed)
also likes
manaratef00’s Profile Photo Manar Atef
also likes
amanybadwey66ttr’s Profile Photo Amany Badwey
also likes
zozo20000zozo’s Profile Photo ♥️رّحًيًّقَ اُلَّجَنَّةَ♥️⛅️
also likes
Want to make more friends? Try this: Tell us what you like and find people with the same interests. Try this:
#zamalek #amrdiab #realmadrid #friends #amr_diab #tamerhosny #football #ahlawy #alahly #zamalek
+ add more interests + add your interests

لو تم تاخير صلاة الغشاء بعد الساعه 12 باليل .. هيبق ساعتها ينفع اصلي السنة بتاعتها ولا لا ؟

لا اعلم
1
Liked by: .

لو سمحت اثناء الصلاه لو طولت في السجود احيانا بنسي اذا كنت سجدت مره او اتنين .. ايه الحل ساعتها ؟!

الاصل عندك ايه .. يعنى بتبقى فعلا سجدتى مرتين وبتشكى بعدها ولا بتبقى مرة واحدة ! .. الاصل انك تبنى على اليقين هل يقينك يميل اكثر انك سجدتى سجدة واحدة فان كان كده فاسجدى سجدة ثانية وان كان يميل الى سجدتين فلا عليكى .. والافضل والاولى ان تسجدى سجدة اخرى ان جائكى ذلك الشك

إذا انتصف شعبان فلا يجوز الصيام .. ايه صحة الكلام دا حتى لو الواحد متعود ع صيام الاتنين والخميس ؟

المقصود انك متبدأش الصيام من بعد نصف شعبان لو انت مكنتش صومت قبل النصف او متعود تصوم يوم اه ويوم لاء او اثنين وخميس فلو مكنتش بتعمل اى من دول يبقى متصومش من بعد نصف شعبان وتستنى لحد رمضان
وهنا توضيح وتفصيل كويس للمسالة دى
http://ar.islamway.net/fatwa/3436/%D8%A7%D9%84%D9%86%D9%87%D9%8A-%D8%B9%D9%86-%D8%A7%D9%84%D8%B5%D9%8A%D8%A7%D9%85-%D9%81%D9%8A-%D8%A7%D9%84%D9%86%D8%B5%D9%81-%D8%A7%D9%84%D8%AB%D8%A7%D9%86%D9%8A-%D9%85%D9%86-%D8%B4%D8%B9%D8%A8%D8%A7%D9%86

هو الاحتلام مع الحيض يوجب الغسل

للاحتياظ كل منهما حدث منفصل يوجب الطهارة منه فالنية تكون للطهارة منهما عقب الانتهاء من الحيض او فى اثناء الحيض

يمكن تحويل الخيال الى حقيقه! اذا لما لا تتحول الحقيقه الى خيال؟؟

t7lel_sh5sya
ايه تعريف الحقيقة عندك وتعريف الخيال .. وازاى اصلا بتعرفهم من بعض ! .. إدراكك ايه للمكنونات وهل معنى إحساس اللمس أن ما دونه لايتحقق ! .. فكيف هى الروح .. فكيف هو البرزخ .. فكيف وكيف !

ما هو المشكلة انه فى الفترة الاولى كنت متأكدة ان المشاعر دى حب ومن قبل ما يفتح وضوع الزواج ,, لكن دلوقت مبقتش قادرة احكم اصلا على المشاعر دى لانى بادور عليها جوايا مش لاقياها ومش عارفة احكم على طبيعتها , وخايفى ان تمسكى بيه دلوقت يكون بدافع العطف بس او الاعجاب بوقفه ,, ازاى احدد طبيعة المشاعر دى ؟

خدى فترة بعيد عنه شوفى نفسك فيها عاوزة ايه .. احكمى بعقلك شوية هل هو يحصل ليكى كزوج وترتضيه لنفسك ولا لاء .. هل الفتور اللى حصلك بسبب المشاكل والحاجات اللى اهلك عملوها ورفضهم فده خلاكى تزهدى فيه - وارد على فكرة - شوفى نفسك كويس وهتخرجى ان شاء الله بالنتيجة المرجوة الصالحة ليكى ان شاء الله واما قولتلك قبل كده اديله محاولة لانك مدينة لمشاعرك بكده فانا مازلت عند رايي ده لكن الاول اعملى اللى بقولك عليه فى انك تستخيرى وتختلى بنفسك فترة

وقت العذر الشرعى لو عندى ختمة اكملها عادى ؟!

ايوه كمليها عادى بدون مس للمصحف

خلق اﻻنسان على عجل ينفع فى تفسيرها نقول انه بيستعجل كل شئ سواء الفرج او الفرح او كده يعنى !!

" خلق الانسان من عجل " وايوه ده من تفسيرها

انا كنت قعدت يومين مصلتش وبعدين جيت صليت كل الصلوات اللي فاتتني في اليومين دول ورا بعض عادي هل ده يجوز ؟

مفيش حاجة تمنع بس غلط انك تتركى الصلوات بالشكل ده !

هو لو كنت بقرا بسوره معينه في بعض الاحيان وكان في ايه حاسه انها خطأ وكل لما اجي اتاتكد منها بنسي .. وفي الاخر اكتشفت انها غلط فعلا .. كده ايه الحكمـ .. يعني حرام عليا ولا لا ؟

لا شئ عليكى ويغفر الله لكى خطأكى ولكى أجر ان شاء الله
1
Liked by: °•°•Forgotten Promises•°•°

هو انا لو رفعت شعرى فى البيت بشكل عالى كده من الصنف الملعون رؤسههم كأسمنه البخت ؟! وﻻ ده بره بس ؟!

دول اللى بيخرجوا فى الشارع ووسط الناس بشعرهم وهن سافرات .. انما جوا بيتك اعملى اللى نفسك فيه لو حتى تقعدى فوق الدولاب مفيش مشكلة براحتك
3
Liked by: mo2a °•°•Forgotten Promises•°•° منّــة

في مقولة لمارك توين" اذا وجدت نفسك في صفوف الأغلبية فاعلم انه قد حان الوقت لاعادة التفكير" ... هل الأغلبية *دائماً* علي خطأ؟

RadwaMahmoud415’s Profile PhotoRadwa
فى دين الاسلام غالبا القلة هى المحقة وإخبار النبى صل الله عليه وسلم عن عودة الاسلام غريبا ! وأشار اهل العلم ان طريق الحق لا يعنى ان يكون فى صف الاغلبية فغالبا تكون الاغلبية فيها الهلاك .. ودراسة التاريخ تحقق هذا الامر وربما بنى مارك عليها استقراء التاريخ تلك المقولة .. دعينا ننظر الى التاريخ الحديث فقط فى المائة المنصرمة .. الثورة الروسية وبداية البلاشفة وصعود نجم ستالين والحزب الشيوعى " باختصار ثورة مدبرة استغلت معاناة الشعب لتولى الحكم وكانت تحكم وتدار وتمول من أخرين " .. المانيا النازية .. ايطاليا الفاشية .. الولايات المتحدة وحلف الناتو .. حلف بغداد .. الاتحاد السوفيتى .. وغيرهم ..
الاساس هنا ومربط الفرس فى .. الفئة التى تحكم تلك الاغلبية ففى الغالب يكون السواد على نية صادقة او رغبة فى التحرر والعيش بكرامة واكتفاء ولكن من يتحكم هو من يحكم على كون تلك الفئة على صواب أم خطأ .
وشعبنا المصرى خير دليل على تحديد على الاغلبية دوما على صواب أم خطأ .. لا يوجد دوام مطلق كل حدث ينظر إليه بكل مقتضاياته وكل ما فيه ويحكم عليه .. ولكن فى الغالب تكون الاغلبية على خطأ بسبب من يتحكم فيهم .

View more

1
Liked by: ذات الأحلام

انا بحب المذاكره جدا نفسي احقق حجات كتير بس لما افكران ممكن اجوز بحس ان مش هعمل حاجه او خلاص بقي انا مش بيتقدملي حد واهلي عمرهم مافكروا اني هجوز وجهاز و كده انا طالعه 3 كليه وخايفه حبي للدراسه نيتي تكون غير لله خايفه يكون فخر او حب للنجاح

مدام انتى خايفة يبقى ماشية فى طريقك صح .. ومدام بتسالى نفسك عن نيتك لسه وبتتحققى منها يبقى اعرفى انها نية سليمة لان اللى نيته فاسدة او نية لغير الله مش هيسال نفسه زى ما انتى بتعملى كده :) .. فكل المطلوب منك تجددى نيتك كل فترة وبس :) .. وان شاء الله موفقة والزواج لا يتعارض مع كونك عاوزة تحققى احلام ليكى وتبنى شخصيتك وكيانك من حقك ومحدش يقدر يمنعك من ده بالاضافة انك اكيد متختاريش الا الشخص اللى يكون مستعد لتقبل ده وكمان يقف جنبك فيه وده برضه لا يعيب اللى عاوزك تبقى فى البيت هى اراء متباينة ومختلفة وكلها صحيحة بس الفرق فى التقبل والتناسب والقبول فاختارى اللى يناسبك انتى :)
1
Liked by: منّــة

....سبحان مقلب القلوب ! هو ممكن يكون انصراف قلبى عنه ده بسبب دعوتى ؟؟ المشكلة ان تمسكه الشديد بيا مخلينى حاسة اوى بالذنب ومتوقعة ان ربنا يعاقبنى بزوج ميحبنيش لانى فرطت فى انسان حبنى وتمنانى رفيقته فى الجنة وكان كل هدفنا فى الديا اننا نساعد بعض لحد ما نوصل مع بعض للجنة ..

المشاعر دى يمكن قلت من الفتور وده طبيعى وخاصة بسبب رد فعل الاهل بس انتى فى رايي لازم تديله فرصة ولازم هو يحاول برضه من الاهل وانتى حاولى تساعديه معاهم وتتمسكى بيه لو تقدرى لو خلاص الامور مفيش فيها مجال او نصيب تانى يبقى مفيش شئ ومفيش شئ عليكى من الموضوع ده وانا مش بكلمك فى المحاولات دى انها لازم او حرام متعمليهاش له .. لكن انتى مدينة له بكده بحكم مشاعرك وفى رايي ان ده اللى صدق مشاعرك يحتم عليكى انك تعمليه والا يبقى مشاعرك ناحيته من الاول كانت لا شئ !

ضروري ياأستاذ احمد لو صومت الجمعة بس ومش هينفع السبت حرام !!

لاء مش حرام ومفيش دليل صحيح على حرمانية ده

لو انا شغاله في صيدليه وفي حاجات بيجي عليها عروض زي مثلا تمن اتنين صابونه ارخخص جنيه ...فا ال شغال معايا بيبيع كل صابونه وحدها بحيث يكسب اكتر ...ده حرام ولا لا ؟؟، علي اساس اننا بنكدب ع الزبون ان تمنها مش كدهوانها علبها عرض ؟؟؟؟

مدام انت عارف انها كذب وغش فاكيد غلط الشركة المصنعة مطلعة المنتج ده مخصوص بالسعر المحدد ليكم وعليه العرض فده غش ليهم هما لانك بتبيعه بغير الشرط بتاعهم وكمان خداع للزبون

تمام هحاول اعمل كدا

نص ساعة كافية اختارى ابشع صور ممكن تتخيليها .. واختارى اجمل صور للاخرين ممكن تشوفيها ومتتعرضيش لهم الا بعد ما تشوفى لمدة نص ساعة الصور البشعة دى .. مع الوقت والتعرض هتلاقى نفسك بتنفر وفى نفس الوقت ده حاولى تقللى من خروج مع صديقاتك بحيث تخففى المؤثرات الخارجية عنك شوية وتحت امرك فى اى شئ

بقالي 3 ايام ماخره الصلاه كنت برجع من الامتحانات بنام وبصحي متاخر فغالبا بيضيع مني المغرب والعصر اصليهم ازاي فروض ال3 ايام دول ؟!

من اهل العلم من يقول لا تصليهم وصلى من السنن ما يساويهم فى العدد لكن مفيش برضه دليل واضح على الكلام ده فصليهم زى ما تحبى بالترتيب او من غير الترتيب صليهم كلهم ورا بعضهم او قسميهم يعنى كل صلاة مغرب صلى بعدها صلاة مغرب من اللى فاتوكى وهكذا

انا مشكلتي غريبة شوية وانا في سن المراهقة كدا كنت اشوف صحباتي يشوف ولد شكله حلو يقعدوا يقولوا واو ويتأملوا في جماله وكدا والمسلسلات التركي ومهند و..و.. انا بقا عمري ما شوفت واحد وعملت كدا مبحسش بحاجة يعني،في الثانوي حبيت واحد بس علاقتنا كانت علاقة مشاعر متخطتش كدا

اول مرة يتعرض لى الموضوع ده وان كنت شوفته فى ناس تانية بس انا فعلا معنديش حل له لان علمى قاصر فى المسالة دى والافضل طبعا طبيبة نفسية تقدر تساعدك فى تحديد توجهاتك النفسية بس هقولك حاجة مسالة الاعجاب دى موجودة بس بدرجات متفاوتة عندك انتى اعلى وتقدرى انتى تتحكمى فيها بانك تنفرى من المشاعر اللى انتى بتحسيها دى وتوجهيها ناحية المشاعر الطبيعية اللى المفروض على الفطرة
فى رايي انك محتاجة صدمة فى المسالة دى ومش هقدر استفيض اكثر هنا لو حبيتى تكلمينى على البيدج تحت امرك
عندى طريقة وهقولك عليها هنا
جربى انك تشوفى صورة بشعة لهم بحيث تكرهيهم .. وبعدها تشوفى صور جميلة للاخرين :) بحيث انك تلعبى على عقلك لانه اكيد هيتأذى من الصور البشعة دى وهيكرهها واول ما يشوف صور جميلة للاخرين دول اكيد هيحبها وهيقبل عليها وتعرضيه للمسالة دى كذا مرة بحيث يبدا يستجيب ويتجاوب مع الميل للاخرين .

هو لو انا مضايقه من حد اووووووي وحبيت اسامحه عشان احنا ف ايام مينفعش حد يبقي شايل من حد لازم اعرفه اني سامحته !! ولا ممكن اشيل الي ف قلبي من ناحيته وخلاص ؟!

لاء مش لازم
1
Liked by: ♛معاذ ♛ (كنق صعلوك)

سؤال البنات اللى اتكلمو عنك فى محاضرة دينية مجرد دعابة يا محب :-)

دى رخامة يا اخ انت .. اما ان حد يتكلم عنى بشكل سئ ففعلا ميفرقش معايا :)

انا فرحي بعد العيد بس معرفش ايه مفروض يتعمل احم قصدي في اللي هو ليلة الزفاف وكدا معرفش اصلا مفروض ابقى عارفة ولا ايه ومحدش اتكلم معايا في موضوع دا قبل كدا وكنت بخاف اعمل سيرش عشان مبقاش بعمل حاجة حرام مش عارفة اعمل ايه بقا يا ريت تنصحني

اسالى والدتك او اختك الكبيرة او صديقة ليكى مثقفة مثلا ومفيش حرمانية انك تدورى على النت بس انا هقولك حاجة مختصرة اوى .. اكيد النظافة الشخصية ضرورية .. الاستعداد النفسى مطلوب .. غير كده هقولها حاجة تعمليها " إسمعى الكلام اللى زوجك هيقولك عليه واللى يعمله اعمليه معاه بس كده "

ايه دماغ الناس اللى تعجبك يعنى تحب فى اللي قدامك دماغه وتفكيره ازاى ؟

مثقف .. مطلع .. عقل سليم بيعرف يفكر .. عنده قابلية وسعة صدر .. مناظر او قابل للنقاش .. روح طيبة ورقيقة .. وحاجات كتير :)

http://ask.fm/lovlad/answer/113062782562 انا اسفة مقصدش اتدخل نهائيا والله طب حضرتك ازاى مفيش علاج كل حاجة ولها علاج متفقدش الامل ربنا موجود

لو اخدتى بالك من السؤال انا بقول " اشطه " انا لا زعلان ولا فارق معايا الحمد لله وعايش حياتى عادى جدا بالعكس بقيت نفسيا هادئ عن الأول ومفقتدش الأمل اكيد وكل حاجة ولها حل وفيه حاجات ملهاش الا نهاية فربنا يكرم ويعجل بس نكون عملنا حاجة الاول نستاهل ندخل الجنة بيها .. وده دور وعى :)
سيبك من ده وتعال هنا .. https://www.facebook.com/wa3e4all

مهو اللى مضايقنى انهم اهلى ولما اجى احكيلهم على اللى بيحصل فى الجامعات بيسكتونى ومش بيرضوا يسمعوا واخدين الموضوع كانه صراع بينى وبينهم وفرحانين بده فى حين ان قلبى متقطع على زمايلى المعتقلين واهالى اللى بيموتوا ... حقيقى الوضع صعب انا مع اختلاف الراى طبعا باحترام بس ده شىء جوايا شىء نفسى ازاى اتغلب ع

يبقى متتكلمش معاهم فى الموضوع ده وادعى لهم .. والتغلب عليه مع اللى انت حكيت عنه ده بيبقى بالتجاهل .. التجاهل هو اللى يريحك لان غير كده بص للى بيحصل مجرد حكى وهرى فى الفاضى ومش بتخرج بنتيجة لانهم اختاروا انهم ميصدقوش يبقى علي ايه تتعب نفسك !

سؤال! هل يمكن للشر ان يكون نافعا؟؟

t7lel_sh5sya
إنظر إلى النتائج التى تترتب على إحداثه فإن كانت تأتى بوعى وهمة وحث للقضاء عليه فهو نافع لايقاظ القلوب والنفوس .. ولكن لا يعنى هذا أن نأمل به أو نسمح به أو أن نفعله
2
Liked by: Nes Rina miral

لو حد غصب عنه مش طايق ناس من اهله بسبب انهم بيشجعوا السيسى بطريقة مستفزة جدا... الموضوع ده مضايقنى جدا لانهم اهلى بس انا دم صحابى قدام على ايديا فى الجامعة ايه الحل؟

كان أبو هريرة أمه كافرة وتسب النبى صل الله عليه وسلم .. وأمره النبى بالدعاء لها :) .
لاتمنع نفسك من برهم بسبب إختلافك معهم فهم اهلك وهم بسطاء وكثيرين من هذا الشعب مخدوعين فلا تبتأس وإدعو الله لهم دوما ولا تيأس فربك يسمع ويجيب :)

حضرتك قولت انك تعبان ومقولتش لنا عندك ايه لو مفيهاش مانع يعنى :)))

-_- .. طيب مزاجى زفت حاليا فاظن ممكن أجاوب .. تشخيص بتليف فى الرئة خاصة الاجزاء السفلية .. ملوش علاج بس إشطه :D نتائجه انه بيزيد بس ببطء او بسرعة على حسب الظروف اللى بتعرض لها من جو او عوامل اخرى .. يا اما يفضل تليف برئ كده يدمر الرئة ببطء يا إما يتحول لكانسر ويدمرها بسرعة :) .. الحمد لله
إرتحت ياروح ماما !

ما هو آخر شيء قمت بتحميله على جهاز الكمبيوتر الخاص بك؟

برنامج افتر ايكفتس .. وطلع بيشتغل بس على 64 -_-

ادعيلى ادعيلى يا استاذ احمد بالله عليك موجوعة أوى ، أول مرة أحس بكسرة ووجع لنفسى كده ، ادعيلى ربنا يجبر كسرى متنسانيش من فضلك !

إن شاء الله :)
1
Liked by: عبدالرحمن خليفه

تكلموا عنه بأسلوب سيء !! طيب مبروك عليك بقى حسنات ببلاش ^_^

وقاعدين فى محاضرة دينية كمان :)) وبيتكلموا عن الناس ! .. عالم مريضة فعلا ! .. بس ده حد بيستعبط عموما وغالبا انا اعرفه

اليوم كنت جالسة مع اخوات لي فى محاضرة دينية وسمعت سيرتك لا حول ولا قوة الا بالله البنات دى تكلمو عنك باسلوب سئ

ههههههه وايه كمان :-)

لو فيه شخص شفته وتمنيت ف لحظة انه يكون نصيبي وبعدين خلاص نسيت الموضوع وطبعا مفيش اي احتكاك ولا شئ بينا وبعد سنتين لقيته بيسأل ع اكتر واحدة صاحبتي بغرض الزواج .. اعمل ايه ؟ :)

اخرجى من الموضوع ومترديش عليه :) ده افضل ليكى
1
Liked by: مہريہم 'ۦ، 'ۦ، 'ۦ،

مش بعرف احكي للأسف :( بس ممكن تقول بقيت احس ان كل الناس عكسي لدرجة شكيت ان انا اللي غلط ومبادئي غلط .. ادعيلي من فضلك :)

طيب ما تحاولى تحكى :) .. يعنى قوليلى مواقف ايه اللى بتحسى ان الناس عكسك فيها ؟ .. هدعيلك بس احكى متقلقيش انا عندى استعداد اسمع واقرا :)

من وجهة نظركك | هَل الشوقْ مُؤلِم أم أنة أحساسَ جمِمِيلْ ؟!

خرآفي .
على حسب الحالة التى يتواجد فيها .. ومؤلم ان كان لما ليس بيدك ولن يكون !

نعم قولي

هتزعل لانى هغلط .. فمن الافضل تمشى فى هدوء وسلام

الاعشاب المنلوخية ، هي اعشاب مدموجة بالزنخلوناتيسي والملنوخيانتا والفيتامين C وغني بالفيتامين D ويحتوي على استشعارات مضادة للخلايا الغيرطباعية للمادة الخبيثة ، ويساعد على تقوية اضعاف العمل الطبيعي للجهاز المناعة ويعمل على انتاج خلايا بيضاء بشكل مستمر ، هل برأيك الاعشاب سوف يكون دواء معالج للسرطان ؟

اقولك ما تزعلش -_-

Next

Language: English

4.1

1,266,418 reviews
© Ask.fm 2024