@lovlad

AHMED Abd Elrahaman

Ask me anything Follow
Ask @lovlad

Sort by:

LatestTop

Previous

شكرا يااستاذ احمد ان شاء الله هحاول نتكلم مرة تانية وابقى موضحاله تفكيرى وحمدلله ع السلامه وجود حضرتك بيفرق جدا انا شخصيا كنت باخد رأيك فى حاجات كتير مهمه بالنسبالى

الشكر لله وانا تحت امرك .. الله يسلمك يارب وبإذن الله موفقة وتحت امرك فى اى وقت تانى
لو تفكرينى سألتينى على ايه قبل كده هبقى شاكر :)

تمام بس يعنى حضرتك مش شايف ان ممكن فعلا لو اتقابلنا دا يشجعه ويديله دفعه للموقف دا قدام مامته ؟

لاء الحقيقة انا مش شايف كده خالص بالعكس انا شايف حاجة تانية وقولتها فى نهاية الاجابة اللى فاتت ولو انتوا لسه بتبدأوا مكنتش هقولها بس بعد كل ده فلاء

بقيت بتسيب اسئله عندك

لاء برد على الكل حاليا بس فيه ناس بتبعت اكتر من سؤال والاجابة على اخر واحد فيهم ففيه حاجات بتتوه منى :)

People you may like

Mohamed_Elgaded22’s Profile Photo Mo7amed Elgaded
also likes
MohamedAlaa366’s Profile Photo Mohammed Alaa™
also likes
alfnaan’s Profile Photo Hasan Mohamed
also likes
OsmanHanymmm’s Profile Photo ََبَليغٌ
also likes
alialswedy’s Profile Photo • ؏ـل ــ͜ـ͡وشہ 93┆
also likes
asmaahmed9’s Profile Photo Asmaa Ahmed (❤بدرية طلبه)
also likes
genyDaAna’s Profile Photo الّسٙمْآآآنٰ
also likes
anahkr1’s Profile Photo مفسر الاحلام
also likes
dinahashem2’s Profile Photo Dina Hashem
also likes
mohamedhemdanragab16’s Profile Photo محمد حمدان
also likes
Abeersamyemara’s Profile Photo abeer emara
also likes
khaldfareed’s Profile Photo khaldfareed
also likes
maitarek555’s Profile Photo Mairoze Tarek
also likes
Elherbity’s Profile Photo Ahmed Elherbity
also likes
Gehaadmahmouud’s Profile Photo جهاد رزق عوض.
also likes
salmaqattawy’s Profile Photo Salma Qattawy
also likes
Mohamed_victory’s Profile Photo محمد نصر ليله
also likes
rahmaeslam2’s Profile Photo Rahma Eslam❤
also likes
alaaammar99’s Profile Photo Alaa Ammar
also likes
Hatemmahdy’s Profile Photo Hatem El Mahdy
also likes
kareem91ahmed’s Profile Photo Kareem Ahmed Mohamed
also likes
Arwaezzat4’s Profile Photo أروىٰ عزت
also likes
sarakhedr831’s Profile Photo سارّة إبراهيم
also likes
hager3105’s Profile Photo ȞÄĠËŖ
also likes
ShehabEldoc’s Profile Photo Shehab Alrewady {Eldoc}♡
also likes
Want to make more friends? Try this: Tell us what you like and find people with the same interests. Try this:
#ahlawy #realmadrid #football #amrdiab #friends #zamalek #amr_diab #tamerhosny #zamalek #alahly
+ add more interests + add your interests

جاوب هنا لو انت مكانه هتعمل ايه ***

هو اخوه ده خاطب يعنى ولا لسه بيدور ولا ناوى على ايه ! لأن لو لسه مفيش حاجة فهيبقى الموضوع صعب وهيطول كده
بس سواء اخوه مرتبط او لسه مش ناوى .. فاخوه اكتر حد هيقدر يساعده فى الموضوع ده انه يكلم اهله معاه ويقنعهم ان مش مشكلة اخوه الاصغر يرتبط حتى لو بخطوبة طويلة ولو الكبير مرتبط بالفعل فالزواج يكون بعد زواج الكبير بسنة مثلا لو الموضوع يسمح عندهم وعندك انتى طبعا
يحاول برضه يدخل اخواله واعمامه اقربهم له واقربهم لوالدته ووالده
مش هتيجى الا بالشكل ده

لقيت عندك سؤال قدام بيقولك تعمل ايه لو فتاة أحلامك او البنت اللى بتتمناها تكون مرت على الاكونت بتاعك او شافتلك بوست او حتى سالتك سؤال وعدت وخلاص وانتوا كل واحد فيكم كان بيتمنى التانى لكن محدش فيكم يعرف ان التانى هو اللى عاوزه فعمرك فكرت فى الخاطر ده تانى ؟

لاء محاولتش الحقيقة لانه تفكير مرعب جدا ومتعب جدا جدا وفيه كمية حسرة لا بأس بها فخلينا زى ما احنا لما نشوف اخرتها ايه
بس اه وارد جدا .. حصل معايا مرة واتاكدت منه مؤخرا بس اهو زى ما بنقول كان نصيب رغم انى مقتنع او شبه مقتنع ان الزواج مش نصيب اكثر ماهو فرص وجانب توفيق

عندك انستجرام ؟

لاء ومفكرتش اعمل حتى الأن رغم ان انا بشتغل ديجتال ماركتنج عموما فلى شغل عليه بس بيبقى من اكونتات العملاء

ان احنا نخرج ف الخطوبه يعنى معرفش هو ليه فاكر أنى عمرى مااتفسحت وعاوزاه هو يفسحنى ?? لسه محتارة جدا ..

كان فيه من كام يوم تقريبا نفس الموضوع ده وكانت دكتورة برضه D:
انتوا الاثنين مش عارفين توصلوا لبعض وده اكيد مش هيحصل من اول مرة وبرضه مش كويس ان من اول مرة تختلفوا كده وان كان انتى بترجعى ده لسبب انك متوترة وملبوخة وده طبيعى برضه :)
محتاجين تتكلموا تانى اكثر من مرة بهدوء وبكل عقل وهيبقى سهل فى المرات الجاية ان شاء الله .. بلاش تسيئ الظن بيه لان طبيعى ان اى حد يفكر فى مستقبله والبيت اللى عاوز يقيمه ان شريكته تكون برضه لها دور وفى نفس الوقت يديلها كيان وده كويس مش وحش لانك برضه هيبقى عندك وقت فراغ وانتى هناك والبلاد دى فى الصباح بتبقى مملة بشكل لاتتخيليه فكويس انه يضيع فى شغله ومرتب كويس فايه المانع بالعكس كتر الفلوس معاكم هيوفرلكم حياة كريمة سواء عندكم او فى مصر .. فمتخافيش من النقطة دى
احنا بس فى النقطة الأساسية هنا : دينه - أخلاقه - طبيعته - قبولك له وارتياحك من ناحيته وتقبلك للارتباط بيه
دول اللى انتى تفكرى فيهم هيحصلوا ازاى وهتوصلى لهم ازاى وهتتأكدى من كل واحدة فيهم ازاى
- الدين : إساليه عن صلاته والتزامه بيها وبيعمل ايه فى يومه .
- الأخلاق : دى هتيجى من اسلوبه معاكى واللى انتى بتستشفيه منه من تصرفاته او اللى بتقرأيه له
- طبيعتة : جزء منها بان لما حكيتى عن إخواته وده الحقيقة شئ جميل يطمنك له
- قبولك وارتياحك : وده اللى هتطلع عنينا معاكى علشانه بس ربنا يكرم ويحصل ان شاء الله
عندك الوقت فمتتسرعيش .. ووالدك عنده حق وانا معاه فى رأيه بس برضه مش دائما بيكون ده سبب قوى للرفض لو الشخص اللى قدامك كويس ويستحق ويستاهل .
- بالنسبة للحاجات اللى هو مش فاهمها :
اقعدى مع نفسك واكتبيهم نقطة نقطة ووضحيهم له .. ياريت ياريت متتكلموش اصلا كتابة ده فى حد ذاته مصيبة كبيرة تبدأوا بيها انسوا الكتابة واتكلموا صوت ده افضل ولو صورة كمان انا بفضل ده بمعرفة الاهل مفيهاش مانع بالعكس ده ممكن يكون سبب للتآلف
وماشى خليه يعملك اللى انتى عاوزاه .. وتقررى فى الأخر ينفع ولا لاء .. واطلبى الوقت الكافى للخطوبة وانه يبقى هنا قدامك فيها .. هو برضه بيتكلم عن الخروج اليومى مش انه فسح وانما علشان تكونوا مع بعض اكبر وقت ممكن فتقدروا وقتها تعرفوا بعض اسرع
وزى ما قولتلك فى الاجابة اللى فاتت .. خدوا وقتكم وخدى وقتك وارجعى تانى اقراى الاجابة السابقة برضه

View more

ايه الصفه الاساسيه اللى المفروض تكون موجوده فى البنت ؟

الأنوثة والدين

لا يا عم ندعيلك ان ربنا يكرمك ويجوزك واحده يرتاح لها قلبك وعقلك

يا سيدى مش فارقة فعلا جات او مجاتش الحياة عموما مريحة كده نوعا ما :)

ما اتجوزتش ليه لدلوقتي ؟

مفيش نصيب على سوء حظ على تضييع فرص على ظروف كانت بتلغبط معايا فى اوقات
لو عندك ترشيح كويس انا مرحب D:

تعرف اخبار عن سارة رضا ؟

لا والله هى اختفت من 2015 وظهرت تانى من كام شهر ومعرفش هى فين دلوقتى وكل اللى اعرفه انها تزوجت فربنا يصلح حالها ويكرمها فى حياتها
انسانة عظيمة الحقيقة وتستحق كل خير

كمان بتوضح الصورة انك هادي وذكي

هادى .. اه جدا الحقيقة
ذكى .. مظنش D:

الصورة دي مش باين فيها انك حاازم

مش شرط يبان شئ اصلا وهو ولو متصور بضحك يبقى انا مبسوط مثلا او مرح D:
انا عموما انفعالاتى مش بتبان على من ثانوى تقريبا ووشى جامد فى اى مناسبة او حتى وانا فى الشارع فللسبب ده مبعرفش اتصور اصلا

كاسلوب حضرتك ناشف شويه فتوقعت انك عصبي ف الشكل رفيع مثلا

انتوا شايفين حاليا اى صورة .. اللى انا فيها مبتسم ولا اللى انا فيها ساكت D:
عموما الاثنين فيه فرق ما بينهم 7 سنين و7 سنين مقولكش زى الفل -_-
انا مش عصبى عموما فى حياتى وهنا على الاسك ببقى حازم ممكن لكن اوقات بفكها شوية وعموما الصورة الاخيرة احد اقرب الناس لى لما شافها دخل بيقولى ايه كمية الغضب اللى طالعة منك دى D:
وانا مش تخين برضه D:

هو حضرتك اول مرة تنزل صورتك

اول ما فتحت الاكونت ده من 2012 تقريبا كانت موجودة وشليتها لاسباب معينة بعد فترة شهور لما الاكونت بدأ يتعرف .. حاليا الأسباب دى معدش لها لازمة ومعدتش موجودة فبقيت شايف ان من حق الناس تشوف مين بتكلمه

دعواتك ربنا ييسر لنا جوازنا

ربنا يهديكم ويصلح حالكم ويتمم لك على خير

عندك حق بس الفكرة اننا متعودين ع حضرتك

حسن ظنكم ومن ستر ربنا على وكرمه :)

استاذ أحمد ، هنيئا الرجوع ، نفع الله بك و أعانك و هدأ سرك.. :)

ربنا يكرمك :) .. مش رجوع هو وقت فاضى جه بشكل غير متعمد .. دعواتك الفترة دى أحسبك على خير
هو تقريبا أنا افتكرت حد تانى اللى باعت السؤال ده :) وحاليا ظنى فى حد أخر فنفس الاجابة موجهة برضه :)
عموما جزاكم الله خيرا :)

ف حد هنا بيرد علينا غير حضرتك ؟

لاء اقصد على الاسك عموما بقى فيه ناس كتيرة اوى الحقيقة بيردوا وبيساعدوا ده اللى اقصده

حضرتك ليك سنتين متغيب لعلك بخير

كانوا خير فى اولهم ولكن للأسف النهاية مكانتش خير !
ومكنتش قادر ارد على حد او اتكلم فى شئ وخلاص بقى فيه ناس كتيرة هنا اوى يقدروا يردوا ويساعدوا

ربنا يكرمك ويرضيك ويرزقك خيري الدنيا والاخرة ويجازيك عنا خير الجزاء

مش عايز من الدنيا كفاية كده .. شكرا

رأى حضرتك ايه بقى ؟

انتى عندك حق فى كل مخاوفك وفعلا فيه ناس بتندم بعدها
فعلا شهر مش كفاية ولا خطوبة طول السنة كلها على النت
وفعلا بيحصل بسببها مشاكل وخلافات بسبب جمودية الكلام وعدم وضوح المشاعر !
بس فيه ناس بتطلع منها برضه بجوازت كويسة لو الاشخاص اللى معاهم كويسين !
الفكرة برضه هنا انك مش متقبلة الموضوع ده اوى ومش حابه انك تبدأى حياتك بخطوة شكلها كده واللى مخليكى مترددة توافقى او ترفضى هو انك مرتاحة وحابه شكله وسمعته ويمكن حبيتى طريقته كمان :) واكيد هو شخص كويس ده اللى حسيته من كلامك
بس لو كان نبى منزل من السماء وانتى مش مرتاحة له فهقولك بلاش طبعا !
مشكلتك الوقت والسرسعة ودى للأسف ظروفه الله يكون فى عونه عليها مش بتبقى هينة على اللى بره بس برضه ظروفه دى لو مكانتش مناسبة معاكى ففيه غيره اللى يناسبك !
انتى قررى هل انتى شايفة ان العلاقة اللى هتبقى بالشكل ده معاكى انتى هتبقى فيها مرتاحة او متقبلة شكلها كده !
هل فيه مميزات هتعود عليكى وهو خطيبك وزوجك زى احلامك واللى بتتمنيه سواء فيه او فى حياتك عموما !
هل قدام هتكونى مبسوطة بالشكل ده بعد سنة مثلا !
هل اسبوع كافى انك تقررى انه هو ده ؟ وللعلم بس فيه ناس بتخطب بس للارتياح المبدئى وفى الخطوبة بيعرفوا بس انتى بتقولى ان الخطوبة حتى بالنسبة ليكى بالشكل ده هيبقى صعب تعرفيه فيها وتكلميه وتشوفى منه اللى يريحك !
فأنا رايي إسألوا عنه الأول ( عنه هو ) مش أهله ودققوا أوى فى النقطة دى حاولوا تعرفوا من تحت الأرض هو ايه ظروفه .. لفى شوية انتى عنده فى الاكونت حاولى تعرفيه اكثر وتفهميه .. الناس على فكرة بشكل عام بيبقوا واضحين جدا على الفيس والسويشال على الأقل بالنسبة لى فلو هو شاب كويس فعلا ومفيهوش عقد ولا كلاكيع ولا صايع مثلا ومناسب كشخص فاظن قربكم من بعض باى وسيلة هيخليكى تعجبى بيه مدام عجبك مبدئيا !
اعملوا كل ما بوسعكم الاول قبل اى خطوة وخدى وقتك وخدى راحتك على الأخر هو مسافر ومش هينزل الا لما خلاص تتفقوا وانتى مش مضطرة تجاوبى فى اسبوع او حتى شهر للعلم .. لما ترتاحى تماما وممكن اصلا تعتبرى الفترة دى من الخطوبة كمان ان شئتى ومدام هما متمسكين بيكى فهيدوكى الفرصة دى .. كلميه اكثر من مرة وبالراحة المرة دى وبكل هدوء انتى مش فى موقع اختبار بالعكس هو اللى فيه دلوقتى وانتى اللى ليكى اليد العليا هنا :)
واعرفى والدك رافض ليه برضه ايه اسبابه ؟ لان مفيش اب بيرفض عريس كويس زى اللى قولتى عليه ده الا لما بيكون فيه سبب قوى جدا !

View more

السلام عليكم استاذ احمد كنت عاوزه اخد رأيك فى حاجه ممكن ؟

وعليكم السلام .. اتفضلى طبعا

..

ارفضيها ملهاش داعى ولا اى لازمة .. وممكن اقولك انا شايف هو مصر عليها ليه بس جايز اكون غلطان وفى نفس الوقت هتزعلى من اجابتى على ده
بس فيه احتمال انه محتاج يا اما " طاقة تخليك يتحمس .. وده سبب مايع الحقيقة فى نظرى ومش عارف انا قولته ليه اصلا الا بس لحسن الظن وحسن ظن أهبل برضه "
او لو هو حابب وقتها اصلا يقرر او يقارن بينك وبين حد او يشوف هو لسه مشدود ليكى ولا لاء

أحمد وايوه انا اعرفك مالك يابنى ! انت مبتجيش هنا بالكترة دى الا لما بتكون تعبان مالك بجد ؟؟؟؟؟؟؟؟؟؟؟

لو انت اللى فى بالى رغم انى اشك فى انك تفكر تبعت حاجة تانى !
فانا على أخر مرة بعت لك فيها اللينك اياه تقرأه فكل اللى فى اللينك ده وزيادة عليه وكل اللى سمعته منى أخر مرة مضاعف وخلصان تماما فحتى مش قادر اقولك دعواتك

..

والله صاحبتك دى عاقلة فعلا :) وانا مع رأيها ده من البداية وكويس جدا انك وصفت ليكى احساسك .. طيب تمام انا رايي زى ماهو برضه مغيرتوش والاجازة الجاية تحسمى الموضوع ده للنهاية لان فيه مشكلة دلوقتى انتى بتقولى انك متجاهلة حاجات كتيرة انتى بتتمنيها ! طيب وبعدين ما اكيد بعد زمن هتتغيرى وهتندمى انك رضيتى وقبلتى باقل من اللى انتى عاوزاه !
واخر حاجة هكرر ليكى الجملة دى " فوقى واعرفى انتى مين "

قالى حاضر .

ثوانى ! .. هو انتوا مشوفتوش بعض خالص ! ولا ايه !
يعنى شافك اخر مرة كانت امتى تقريبا ؟
وليه لازم يعنى يشوفك لو كان شافك قبل كده !
عموما .. كويس انكم وصلتوا للنتيجة دى .. المرة دى انا مش مرتاح له الحقيقة ! لكن كويس انه ادالك معاد فالزميه الإجازة الجاية انه يتكلم .. وإرفضى موضوع المقابلة ده تماما !
بالنسبة للشغل اه بيدى مركز قوة .. بس مش شرط تقعدلك شهرين تلاتة مثلا علشان تتكلم
وبما ان والدته بتقوله شوفلك فالماديات مش هتفرق كتير .. وبرضه هو جابلك أخر الموضوع لما قالك هيحصل ايه فى النهاية !
انا رايي بس متتعبيش نفسك وحاولى تبعدى من دلوقتى وتطلعيه من دماغك شوية بشوية لانى متوقع اللى هيحصل بعدين !
بس اعرفى انك مش هتخسرى شئ والله انا بس مكمل معاكى على انك تحاولى معاه بس علشان انتى عاوزاه لكن غير كده من البداية كنت هنصحك ان بلاش تكملى !

هو بيتاخر دا عشان السكر طبيعى تتابع بس مع الدكتور وتاخد الأنسولين بانتظام وطبعا تظبيط الاكل وكل ما يتحسن النتيجه هتتحسن ان شاء الله متقلقش ان شاء الله خير

كل ده بيتعمل بس المشكلة ان والدتى فوق ده عندها مشاكل صحية تانية وحساسة لدرجة كبيرة جدا فالموضوع متعب لها فربنا يسهل وتخف اسرع ان شاء الله

لا والله انت عندك ال يكفيك اكيد ربنا يقدرك بس ع مساعده الناس دى ويرزقك براحتهم

ربنا يكرمك وتحت امرك برضه

بتعمل حقن ولا ايه ؟

لاء جراحة واتعملت بالفعل واغلبها خف بس بقالنا 3 شهور فى جرح مش راضى يلم

هى عامله عمليه ف عظام او حاجه ولا ايه ؟

دوالى ساقين وعندها سكر وده اللى مخوفنى اكثر

كنت بتخليها احلى ازاى ؟

بعمل اللى يبسطنى وبختار حاجات انها تبسطنى لما اعملها حتى لو مكانتش كده
وطبعا الهدوء الخاص بالاوقات دى ممتاز ومحبب للى زيي
فيه حاجات كتيرة خاصة بى عموما والموضوع مجاش كده من يوم او يومين بس بقى اسلوب حياة من وانا فى ثانوى

انا والله نفسى اجى اشتكى همومى بس وقت تانى عشان حضرتك والمشاهدين ممكن تلمولى تبرعات :D انا ربنا كرمني وبقيت ببص على خيبات املى والعب معاهم خيبه خيبه

يا فندم تحت امرك .. الوقت ده مناسب على فكرة والنت عندى كويس وسهران ورايق شوية ودى فرص مش هتكرر D:
مفيش احسن من اللعب على الحاجات دى انا عن نفسى بقعد اسف على نفسى كتير والموضوع حلو D:

انا مبعرفش اتخطى اى مرحله بسهولة انا وقتها كنت عاوزه هو يجى يعديها معايا ربنا يسهل .. ان شاء الله لو حصل جديد هبعت لحضرتك والدة حضرتك لسه تعبانه ؟

المرحلة دى بالذات تخطيها مش سهل لكنه ممكن بالتناسى ودفن الماضى ده فمش هتبقى صعبة عليكى ان شاء الله - لاقدر الله يعنى - والمشكلة برضه اننا بنحط لنفسنا قواعد واشتراطات وبنقنع نفسنا اننا مش هنعيش من غيرها فى حين اننا نقدر عادى من غيرها نعدى بس بنتعب نفسنا وبس - انا اكتر حد بيعمل كده او كنت بعمل كده قبل ما اندم D:
ابعتى طبعا تحت امرك فى أى وقت .. للأسف أيوه الالتئام عندها ضعيف جدا وشكل الموضوع مطول

مشكلتي بدات لما حبيت قلبي حسيته اتغير ما بقاش حاسس بالايمان بقي عادي يكسل عن الصلاه والاذكار اعظم حاجة حصلت عملت كبيرة ف رمضان غش وكبر وذنوب خلوات

طيب مش سمعتى ان التوبة تجب ما قبلها برضه ؟
وان " لو جئتنى بقراب الأرض خطايا غفرتها لك ولا أبالى " او كما قال !
طيب ليه تاعبك نفسك بس والموضوع سهل مدام انتى ندمانة اوى وتعبانة من اللى حصل فتوبى وان شاء الله أحسبك على خير فهتبقى نصوحة وربنا يتقبل منك اومال سمى نفسه الغفور الرحيم العفو ليه !
- انتى بتمرى بتغيرات بس فمحتاجة تعودى لقواعدك سالمة .. محتاج تبدأى من نقطة أساس عندك ودى انتى اللى تحدديها ممكن تبقى " التزامك بس بالصلاة " الميزة انكم ملكمش صلاة جماعة فسهل تلتزمى بالصلاة فى وقتها المتاح ما بين كل أذان وقبل الأذان اللى بعده
مش شرط تداومى على كل الأذكار حافظى بس كبداية على " اذكار النوم " ولما تقومى من النوم وكفاية لفترة !
المجاهدة شئ صعب بس الايمان مش سهل لازم تتعبى علشانه بس فى الأخر هتقدرى
اهم حاجة اعتبرى نفسك ليه مولودة بعد التوبة وانسى اى حاجة فاتت متحاوليش متحاوليش متحاوليش تفكرى فى اى حاجة عدت لانها مش هتزيدك إلا عبء وثقل على النفس بدون ادنى فائدة
واقراى اللى كنت بعته ليكى فى السؤال اللى فات ده طريق مجرب وممتاز الحقيقة :) وتحت امرك برضه

View more

1
Liked by: AHMED Abd Elrahaman

ايوا ماهو دا بؤس بعد الساعه ١٢ تلاقى من ١٢ الفجر كده الوقت الاكثر بؤسا ف العالم :D

والله اهى ناس مهمومة بتشكى لناس مهمومة زيها :) .. لفترة من الزمن ودى كانت سنين كنت نجحت اخلى الوقت ده احسن اوقات حياتى والله :D

..

تصرفه على فكرة سليم وصح وده اللى المفروض يتعمل برضه لو محصلش حاجة الفترة الجاية .. زى ما قولتلك احنا بنقدر ننسى بسرعة او بنحسبها اسرع وقلة بس اللى بيتمسكوا بس حتى تمسكهم ده بيبقى متعب وغلط عليهم لانه بلا طائل

لا دا انا كنت معدية لقيت ماشاء الله ناس بتتكلم على المستقبل والارتباط وفى دكاترة برده اهو ومستشفيات وانوثه قولت اهزر وامشى وبلاش بؤس الساعه ١٢ دا والله كفايا ?

اه انتى بتسألى فيه ايه عن اسئلة الأسك يعنى ؟
الساعة دلوقتى 3 الفجر حضرتك D:

ما هو ليه نسبته اكبر عند كتير من الشباب بما انك مثلا جزء من تفكير الشباب ؟ ايه اللى يخلي دى الحاجه السايده ؟

ما انا قولتلك ثقافة عصر وتصدير لافكار مكانتش معروفة لهم وان كان من زمان يعنى من 70 سنة مثلا الكلام ده برضه كان موجود أتذكر اول ما خالى قرر يتجوز كان جدى بيحكى لى كانت ملكة جمال مرات خالك يا احمد ومفيهاش غلطة وكان من صفات جمالها الموضوع ده !
فبالنسبة للولد ( ثقافة عصر ومجتمع - اعتياده على حاجات معينة سواء مشاهدات او افكار - تفكير جنسى له علاقة بشكل الجسم ورغباته الجنسية - قبوله عموما )
ولكن بتلاقى ناس بترتبط ببنات مش كده خالص وحبهم لهم بيبقى غريب مثلا لما تشوفيه
وبتلاقى ناس بترتبط ببنات يمكن البنات نفسهم يشوفوهم مش حلوين نهائى بمقاييسهم !
وبتلاقى برضه البنات دلوقتى فى اغلبهم زى ما احنا بنشوف عاوزين واحد تركى بدقن او كمال أجسام وطويل او طويل حتى !
فكلها هراءات بندخلها فى نفوسنا وبتكبر مع الوقت لحد ما بتغطى على افكارنا وبتخلينا مقيدين فى الحياة فى اختيارتنا

اكدب يعنى ?? هى الانوثه كده أفعالها كتير وكلامها قليل

لاء لا سمح الله كدب ايه بس .. ايوه طبعا عندك حق فى دى :) أفعال فعلا مش كلام

..

بالضبط هيتقفل منهم فترة وبعد زمن هيضطر يواجه الحقيقة !
الموضوع ملوش علاقة بالرجولة والله .. الموضوع ظروف مادية نوعا ما وغباء أهل وفى نفس الوقت انتوا حطيتوا نفسكم من البداية فى أمر صعب بدون تفكير سليم وترقب للمستقبل ودراسة له .. فالكل شايل جزء من الأسباب اللى تخلى حاجة زى دى متكملش
بس الحياة فعلا مبتقفش قدامك مثالى عملى أهوه D: الحياة بتستمر غصب عنك فإرضى وكمل فيها

سبحان الله الخالق الناطق انا كانك بتتكلم عني ??

D: احنا نكلم المأذون بقى

ليه جسم البنت الرفيع هو مقياس الاختيار كعروسه واعجاب الناس واختيار الشباب ؟

ممكن تقولى ظروف واقع ومتطلبات عصر !
كان فيه فيلم روسى أمريكى بيتكلم عن تاثير الإعلام والتسويق على النقطة دى لدرجة ان كبار الشركات قرروا يغيروا ثقافة العالم أن الرفع ده حاجة وحشة وان التخن هو الجمال الحقيقى والموضة الجديدة ونجحوا فى ده علشان يرفعوا مبيعات شركات الأغذية
وفى نفس الوقت الموضوع له علاقة أكثر بثقافة العصر الحالى المصدرة من بره فى الافلام والمسلسلات ونجمات السينما
وممكن يكون له علاقة برغبات داخلية لان جزء كبير من الموضوع له دوافع جنسية برضه وهتلاقى ناس تحب البنت المليانة مثلا او اللى لها شكل معين
فالامر مختلف ومش عام اوى وان كان نسبته اكبر طبعا فى القبول عند كتير من الشباب

يعنى قصدك اهتمامها بنفسها وشكلها ؟

دول ممكن تسميهم نضافة وذكاء حياتى وحب نفس محبوب ومرغوب
بس الأنوثة هنا كلمة كبيرة تحتها هتلاقى " رقة الأنثى - الاحتواء والسكن - عارفة وفاهمة يعنى ايه راجل محتاج اللى معاه تديله الإحساس ده وتشبعه فيه ومتخليهوش يموت جواه من ناحيتها - تفرق ما بين انها تكون جدعة وتقدر تشيل مسئولية زيه برضه وبين انها تكون مسترجلة وفيمنست مثلا ! "
الأنوثة صعب تتوصف والله هى تتحس وبتبان :)

..

انا شوية عملت كده معاكى بالفعل فى اغلب ردودى عليكى من اول ما بداتى تسألى
بس انا براعى شوية انى من 8 سنين كنت فى نفس مكانه كده بالضبط ! وكنت شايف نهاية الموضوع وكنت بقاوح برضه !
مش هفترض سوء النية بس المشكلة انه لو زى ما انا متوقع فهو بيأخر بس علشان تبقى معاه وقت اطول ويأجل اللى ممكن يحصل لما يكلم والدته وترفض ساعتها مش هيعرف يتصرف فسايب الامور كده
بس بالنسبة ليكى صعب ومش هينفع

لالا طب اطفال

طيب كويس بالتوفيق ان شاء الله ^^ على كده دلوقتى كنتى قولتى انك فى امتياز او فى التكليف تقريبا يعنى على حسب علمى فى مستشفى اطفال حاليا ؟

Next

Language: English

4.1

1,266,418 reviews
© Ask.fm 2024