لما سيدنا موسى حط ايده فى جيبه وخرجت بيضاء ده معناه انه هو كان اسمر ؟
لاء ده كان نور مش انها بيضاء كلون :)
انا اما بسمع انشودة زي مثلا جهرا دعوتك ببكي بشدة او اناشيد دينية لماهر زين عيني بتدمع كتير وانا مكنتش كده قبل كده لاني رجعت لربنا ومواظبة علي كل حاجة ترضيه والفروض وسبت الاغاني وبقالي اكتر من 5 شهور مسمعتش ولا اغنية مع ان كنت الاول مكنش يوم يعدي الا لما اسمع اغاني هو كده يبقي ربنا قبل رجوعي ليه
ربنا بيقبل رحوع العبد لما العبد يقول تبت اليك يارب بقلبه وبلسانه فابشرى بالخير :) وثقى ان ربنا بيوفقك للصح ربنا يثبتك يارب
hope ..حضرتك بحس انك عندك ثقه جامده فى نفسك بس ازاى بتبقى كده يعنى ازاى الواحد يثق كده
ادى الدنيا باللى فى رجلك ومتخافش منها وتوكل على ربنا واعرف ان اى حاجة بتحصلك هى من قدر الله وان كل قدر الله لك خير وطول ما انت مع ربنا مش هيأثر عليك شئ فى الدنيا وطول ما انت عارف وجواك بتستشعر ان ربنا مطلع عليك وقريب منك لما بتدعوه .. هتبقى مطمئن :)
لو مره حكمت على واحده انها انسانه مش كويسه وبعدين اكتشفت انك ظلمتها مفروض هتعتذر لها وﻻ خﻻص
اعتذر لها واستغفر لها وادعيلها
اعمل اونلاين يا عم عاوزك
مش فاضيلك يا مؤمن :))
ايه علامات حب ربنا للعبد ؟؟؟
التوفيق للطاعة .. تذكر التوبة بعد المعصية والمسارعة اليها .. الاحساس بالقرب من الله .. الاحساس بحلاوة الايمان ولذة العبادة
طب بقولك ايه افتح الفيس
ما انا فاتح الفيس ... خير
ثقتك فى نفسك كبيره اوى مش كده ؟!
i hope :)
استاذى هو الشفع والوتر صﻻه جهريه وﻻ سريه؟
يجوز فيهما الاثنين
ما هى العباده فى نظرك وفروضها
ياريت توضيح اكثر ... العبادة جلها هى ذكر الله سواء باللسان او بالقلب او باداء الفرائض والسنن ... العبادة هى اعلاء ذكر الله فى حياتك ومعاملاتك وحتى فى شربة المياه اللى بتشربها .. العبادة تكون فى برك لاهلك فى رعايتك لابنائك العبادة هى ان تجعل كل اعمالك لله
لو قدامك اختيار تسلم على حد واحد من اهلك ..مراتك ...اوﻻدك هتختار مين ؟ :-)
طيب اولادى دول يبقوا حد واحد ازاى :)) ... كده كده هتعود انا ومراتى ان شاء الله اننا نستقبل بعض على باب البيت والعيال هيبقوا فى غرفهم
طب لو اتهمتك انثى انك اخطأت معها موقفك منها ايه
اخطات معاها ازاى ؟
لو جالك واحد قالك انا ربنا موقفك منه ايه وهتقوله ايه؟
هطبطب عليه واخده من ايده على مستشفى الامراض العقلية فى العباسية هيلاقى هناك ناس بيدعوا النبوة والرسالة يبقوا يقعدوا سوا
لو لسه ليك 5 دقايق وتموت هتعمل ايه فيهم
هسجد واتوب
التشدد فى الدين حاجة حلوة ولا وحشة؟
على حسب تعريفك او انت تقصد ايه بالتشدد ... التشدد انى اقول مثلا لازم تصلى السنن ده تشدد ... التشدد انك تبقى مش قادر تقف فى الصلاة لتعب بيك واقولك لاء لازم تقف ده تشدد ... التشدد انى ماخدش بالرخص اللى ربنا سمح بها فى الطاعات والفرائض ... التشدد ان واحد يقولك حرام ان الواحد ياخد مسكنات او بنج علشان بتخذر الجسم وبتوصله لحالة زى السكر فده اعرف انه جاهل متشدد . لكن فيه تعريف تانى للتشدد فى عصرنا للاسف طلعوه علشان يشوهوا الوجه الحقيقى للاسلام
لو دعيت علي حد ده حرام ؟؟
ان كنت مظلوم فلك ان تدعو لكن الافضل ان تدعو له بالهداية
نفسك تكون فين حالا
هو مش حالا هو فى زمن ماضى ... على صهوة جواد عربى اسود مرتديا زى الحرب كلباس المسودة حاملا راية العُقاب منحدرا نحو جيش اليرموك :) مع بن الوليد
انسان متشائم ازاي تغيره بكلمه؟؟؟
ربنا
قراءة القران من لاب أو موبيل يجووز أثناء الحيض !!!
ايوه تجوز قراءة القرآن سواء من الحفظ او حتى من المصحف بس بشرط الا تمسيه على الراجح
هو صح مفروض فيه سجده شكر ودعاء بعد التسليم ...شكرا على حسن العباده والطاعه وﻻ بدعه مصريين :-)
بدعة مصريين ده احنا علينا حاجات :))
جزاك الله خيرا
عن كل كلمة بتقولها في الصفحة لان ممكن يكون حد محتاجها فعلا
وابتديت افكر في كلامك واحل مشكلتي مع نفسي :)
وجزاكم الله بمثله :)
حقيقه معرفش بتاع اﻻزهر وﻻ ﻻ بس بكتب على جوجل بيطلع ليا التفسير الجﻻلين والميسر وفيه تفاسير صعبه مش بفهمها دى ايه بقا وهل على ذنب انى اقرا ايه مثﻻ ومش فاهماها ومفسرهاش لكسل او نسيان او غير ذلك
طيب جربى تفسير ابن كثير وهما ايوه كويسين الجلالين والميسر وتفسير الاية بيبقى انك تعرفى معناها ايه او الموقف اللى نزلت فيه ايه لكن لو معرفتيش حاولى تتعلمى مسالة الذنب دى الله اعلم بها
كتاب كويس فى شرح الاسماء والصفات ...غير ابن القيم ...ويكون فيه خواطر يعنى مش علمى بحت ؟؟؟
مفيش اسم على بالى حاليا
Hحيانا لما بتامل بتروح دماغى ﻻفكار مش كويسه فبطلت اتامل ايه الحل واوال مابﻻقى نفسى هتدبر فى حاجه بوقف نفسى
حاولى تخلى تدبرك يكون فى احوالك الشخصية وبس حياتك والمواقف اللى بتتعرضى لها وبلاش تفكرى فى حاجات اكبر
لو مثﻻ فيه شئ وعاوزه اقنع اخويا بيه عشان حرام انه يعمله وقلت لماما تقوله بس لو سال انا قلت تقوله ﻻ ده كدب
ايوه كذب
التفسير لميسر ده كويس
بتاع الازهر ؟ لو هو هو بسيط ومناسب على الاقل بيوضح الكلمات ومعانيها
الوقتى حاسه انى تعبانه ...اجهاد يعنى مش مرض ومش قادره اصلى قيام بس اتعودت عليه وبحس ربنا هيزعل منى فاصليه حتى لو تعبانه يعنى انا وقعده مثﻻ او كده
لا يكلف الله نفسا الا وسعها لو مش قادرة متصليش لكن لو عازمة انك تصليه يبقى صليه وانتى قاعدة مفيش مشكلة
ايه الاوقات اللي يستجاب فيها الدعاء غير السجود ؟؟؟
الثلث الأخير من الليل وعند الأذان، وبين الأذان والإقامة وبعد الصلاة مباشرة بعد التسليم ويقال بعد نهاية التشهد وقبل التسليم والساعة التي في يوم الجمعة وقيل ان الساعة دى من اول ما يطلع الامام على المنبر يخطب الى نهاية صلاة الجمعة وقبل ايضا انها اخر ساعة بعد المغرب يعنى قبل اذان المغرب وطبعا بما اننا فى رمضان .. دعوة الصائم عند الافطار مستجابة ان شاء الله وايضا عند نزول المطر
ممكن حضرتك تشرح مكانة الأيتام عند ربنا سواء في القران أو السنة ؟؟
لو دعيت ربنا بدعاوي كتير وكلهم في نفس الوقت وفيه منهم اتحقق ده معناه ان الباقي ممكن يتحقق
الله اعلم لكن ابشر ان شاء الله :)
لما أكون قاعدة مع أطفال في قت صلاه ومش بصلي فيسألوني حضرتك مش هاتصلي؟ فاقولهم هاصلي لما اروح لانهم اطفال وكلامهم كتير في المكان فتجنباً لاني احراج ده يعتبر كذب؟
ايوه حاولى انك تخلى نيتك فى الكلام انك هتصلى لما يروح السبب المانع من الصلاة
لما باجى اقرا التفسير بحس انه كتير اوى ومبكملوش بس مممكن اقرا كتب زى معجزة القران للشعراوى مثلا وكدا ممكن تعوض ؟!
الله اعلم بس على الاقل اقرا تفسير كل سورة لوحدها وهو كتير فى نظرك لانه بيحكى الاحداث وبيجيب الاسنايد لو فيه روايات لكن انا انصحك بانك تقرا تفسير القراءن العظيم لابن كثير مريح ومش بيكتر
اصبر يمكن لسه وقتها مجاش والجا لربنا اساله ينير بصيرتك لكن عليك بالصبر
ايوه ماشى بس ممكن من الميه ذكر دول ماحسش غير باول شويه والباقى بيبقى زى تعود لسان وده بيرجعنى ﻻنه بذكر لسانا وقلبا ﻻ
يبقى خليه عدد اقل بس بتدبر لو حتى 10 بس ولو حتى واحد بس
انا سمعت قبل كده ان الواحد لما بيكون بيدعي دعوه بيكون فى رسائل ربانيه بتوصله صح الكلام ده ولا ولا ولو صح ازاى اعرف ان دى رساله من ربنا مش مجرد حاجة عابرة ؟
الله اعلم بتبقى ايه بالضبط ممكن تبقى راحة نفسية اكثر واحساس بالاطمئنان ناحية الحاجة دى وممكن تلاقى الطرق بيتم تيسيرها والحاجة دى بتقرب فعلا
معلش انا كمان بحس اني مش ببتسم زي زمان لاني للاسف زعلانة وللاسف مش راضية وعارف اللي مضايق اوي طبعا من الحجات اللي متحققتش وتعبت من الناس كمان وتعاملها ونواياه
ودا مأثر على نفسيتي وبصراحة مخليني مكشرة ونفسي اتقفلت اني اعمل حاجة مفيدة مثلا اشغل وقتي بيه
شوفى مجال عملك او تخصصك ممكن تعملى ايه فيه يشغلك .. حاولى تنشغلى بالقراءة سواء فى الدين او غير ذلك ... حاولى تلتحقى بالاعمال الخيرية والتطوعية .
ايه هى الرسائل الربانيه ؟
اى حاجة ترجعك لربنا تخليك تنتبه لنفسك وتصحح احوالك وعباداتك اى حاجة تخليك تلتزم بالطاعة تبعدك عن الغلط
نت خريج جامعة ايه او في كلية ايه
اداب كفر الشيخ
يااه لما بفكر فى حياتى بﻻقى انى تعبت فى حاجات كتير بس بالرغم من كده نسيت وحاسه انه الوقتى عايشه كويس بالرغم انى لسه فى نتايج اﻻبتﻻءات ده بس مش حاسه بيها عشان عارفه انه ربنا هيرزقنى باﻻحسن ده رضا وﻻ ﻻمباﻻه بقا ؟
انتى جاوبتى على نفسك لما قولتى " عشان عارفة ان ربنا هيرزقنى بالاحسن :) " ربنا يثبتك ويرزقك الاخلاص ويعوضك
مش بعرف اذكر ربنا كتير يعنى مش علطول هل معنى كده انه انا مش بحب ربنا ؟
لاء مش كده بس هى فيها جزء من التعود برضه محتاج تجاهد نفسك بس بس جرب كده مثلا تحافظ على الاذكار بعد الصلوات وبعدين خلى ليك فى اليوم مثلا 100 تسبيح و100 استغفار وحافظ عليهم ولما تتعود عليهم زود بس اهم شئ هو تدبر معنى الاستغفار والتسبيح
يعني معلش أكيد ربنا هيعوضنا عن اللي راح ؟؟ ولا ممكن لا
مش شرط يكون من نفس الحاجة اللى راحت ممكن يكون خير تانى يكون افضل واحسن وممكن تكون حاجة زيها بس احسن منها ... المهم فى كل ده علشان نقدر نشوف كرم ربنا وتعويضه لنا اننا نرضى ونسلم لامر الله ونكون على يقين انه هيرزقنا
انا تعبت اوي ونفسي اصبر الصبر الجميل على الحياة وعلى تحقيق دعواتي يارب انا نفسي فيها
يبقى التزم بالدعاء والتزم وتمسك بذكر الله واكثر من الاستغفار فى كل اوقاتك واطل من السجود فى الصلاة واحرص على قيام الليل دول حاجات بسيطة جدا مش هتاخد منك وقت لكن هتوصلك للى انت عاوزه
ينفع ندعي ربنا يرزقني السعادة في الدنيا والاخرة؟؟
اكيد :)
نفسي اكره اسمع اغاني
وهل من ترك لله شيئا عوضه الله خيرا منه
قال رسول الله صل الله عليه وسلم : إنك لن تدع شيئا لله عز و جل إلا بدّلك الله به ما هو خير لك منه.هتبعد عنها لما تخلى ربنا هو رقم واحد عندك ورضاه هو اول شئ قبل انفسنا .. لما نعرف انه مطلع وشايفنا ونفكر هل هيرضى عننا واحنا بنعمل كده ولا لاء ؟ وقتها هتبعدى
الرضا عن الاقدار وعدم السخط كلمني عنه
هو مين اللى خلقنا ؟ مش ربنا برضه .. هو اللى قدر لنا كل حاجة فى حياتنا ... طيب لما يدينا شئ او يمنع عننا شئ هنزعل ليه ماهو اللى رزقنا بيه واكيد هيرزقنا باحسن او على الاقل يعوضنا او هنعرف ان صبرنا ورضانا هيعود علينا بالنفع فى الاخرة وهيعوضنا ربنا بافضل واحسن واكثر واكبر من اللى راح ... مش الدنيا دار ابتلاء عارفين احنا الكلام ده صح ؟يبقى ليه منخليش ده ينعكس على احساسنا تجاه اللى حوالينا ... ليه منخليش معرفتنا بالحاجة دى اننا نقول الحمد لله ما احنا ربنا رزقنا نعم كثيرة جدا وقت ما يحصل لنا فقد لشئ ننظر للنعم الاخرى دىانا الوقتى وانت او انتى قاعدين بنكتب بايدينا وشايفين كويس وبنسمع كويس وممكن نقوم الوقتى نشرب ميه او ناكل بانفسنا او حتى نتمشى شوية او نشم هوا بدون اى اجهزة مساعدة فيه غيرنا مش قادر حتى يعمل اى حاجة من الحاجات دىربنا كريم والرضا بالقدر من اصول الايمان وكمان حمد ربنا وشكره سواء فى السراء والضراء من اسباب الرزق والتعويض شوف ربنا قال ايه " ولئن شكرتم لآزيدنكم "
انك تعرف انك فى الدنيا زائر او زى ما النبى قال عابر سبيل وغريب ماشى فى طريق وقعدت فى استراحة شوية وبعدين كملت طريقك الدنيا هى الاستراحة دى ان وصلت للنقطة دى واستقرت فى نفسك مش هتزعل على حاجة راحت منك لانك عارف انها كده كده هتروح ومش هتستمر وان مصيرك النهائى فى الجنة ان شاء الله برحمة الله وعملك الصالح فانت تسعى لده ولا تسعى للدنيا ... ايوه خذ حظك من الدنيا وحاول تاخد اللى نفسك فيه بس لو معرفتش اعرف انه مكانش من نصيبك وصبر نفسك بربنا انه مطلع عليك وان ربنا العظيم القوى ملك الملوك سهل توصله بكل بساطة انك تسجد مش شرط حتى فى الصلاة لاء اسجد وادعوه باللى انت عاوزه وهو قريب منك وسامعك وعارف ايه اللى جواك لما تقرب منه هترتاح لما تحس انه يقدر يغير حياتك فى اقل من الثانية من غير حتى ما انت تحس هتطمئن وتعرف انك مش هتضيع فى الدنيا ولا هتخسر لانك كسبت رضا ربنا ... بس تبقى مع ربنا بعبادتك وطاعتك والتزامك
لا ينتهى :) طالما هناك رب موجود يرزق الطير من غير حول منها ولاقوة يرزق الحشرة التى لا ترى الا بالمجهر يرزق كائن البلانكتون فى اعمق اعماق المحيط
تالثا ممن كان لهم الفضل فى حياتى فى تغيير نظرتى للبتﻻءات والمحن وعلمتنى التفاءول واﻻمل اللى كانت عﻻقتى بيهم منعدمه ومكنتش اتفاءل ابدا.ويكفى بوست الخشوع فى الصﻻه اللى عمرى ماهنساه ابدا.ودروس العقيده صراحه تابعت مع حضرتك فتره وانقطعت لظروف دراسه وسفر وكده بس هكملهم بس بحس انى الى بقراه فى العقيده بنسا
:) مش عارف اقولك ايه بجد ادخلتى على الفرح بكلامك ربنا يجزيكى خير