ليا قرايبى وﻻزم ببقى مضطره اسلم عليهم بايدى اعمل ايه
من محارمك ؟ لو مش من محارمك يبقى مفيش حاجة اسمها اضطرار فيه دين تقولى لاء علشان ده دين ومتخافيش من شئ واللى مش عاوز يفهم ولا يقتنع هو حر بس طبعا لازم تفهميهم لا يجوز ليه بهدوء طبعا :)
هل تخيفك المستقبل؟
لم اعد ابالى كثيرا
أين تتمنى أن تقضي العيد ومع من؟
مع اهلى ونكون فى دمياط او راس البر مع ناس هناك قريبين جدا منى ومن اهلى
امتى بتحس إن الدنيا قفلت في وشك !!!
غالبا هى مقفلة بشكل كبير وخاصة ال 4 سنيين اللى فاتوا دول لكن دائما بفوض امرى لربنا وبنتظر فرجه يعنى طبيعة حياتى مليئة بالابتلاءت الحمد لله ومش زعلان بالعكس كله خير لى
لا أنا اقصد السلام باليد !!!!!!!
انت تبع اى سؤال ؟ ... لو السلام على المحارم فانا عنيت ما اقول مس المرأة لا ينقض الوضوء المس برضه فيه منه السلام باليد
طيب افرض مكنااش بنقراها ولسة عارفين دلوقتي !! :(
لازم نقرا الفاتحة بعد الامام في صلاة الجماعة ؟؟؟
ايوه
قبل كده الله اعلم فيه قول لبعض من اهل العلم بيقول انها لا تقرأ ويكتفى بان يقرأ عنك الامام ... لكن بالنسبة لى الله اعلم باللى مضى لكن اقرا الان الفاتحة بعد الامام ولا تتركها
يعنى فيه طلب لشئ مهم سواء فى مصلحة عمل او دراسة او غير ذلك
لازم نقرا الفاتحة بعد الامام في صلاة الجماعة ؟؟؟
ايوه
أول مابنرفع من ركووع بنقوول سمع الله لمن حمده ..ربنا ولك الحمد والشكر ولا من غير شكر دي ؟؟؟
لو بتصلى لوحدك ايوه بتقول سمع الله لمن حمده وبعدها بتقول " ربنا ولك الحمد " او " ربنا ولك الحمد حمدا كثيرا طيبا مباركا فيه "مفيش الشكر دى مش صحيحة
بشتغل ايه ف سعوديه ؟
السؤال محتاج تصحيح :) ... الحاجات دى كلها جاوبت عليها قبل كده انزل تحت فى الاسئلة وهتعرف كل اللى انت عاوزه عنى وعموما استشارى فى شركة هندسية
يعني إيه يبقى فيه سلام للحاجة ؟؟؟؟؟؟
ولو اأتمنت الفتنة عادي !!
امتى مفروض الفتنة تبقى مأموونة ؟؟؟
الفتنة لا تُاتمن أبدا :)
السلام بين المحارم ينقض الوضووء ؟؟؟
مس المرأة لا ينقض الوضوء على الصحيح والله اعلم
لو حد مش بيصلي من زمان اوي سينين يعني وفشلت كل الطرق في كلام عن صلاة ...إيه حل !!!!!!!
بقاله سنين مش بيصلى ولا صلاة ؟! ... لو كده يبقى للاسف ده كافر مش مسلم ! ايه الحل الله اعلم المفروض حد ينبه ان ترك الصلاة تماما كفر
لو فيه امتحان اتسرب وكل الناس عرفته انا اشوفه زيهم ولا لا مع العلم انه خلاص كده الكل عرفه
لا تكن مثل الناس ولا تخطأ مثلهم
مشكلتى انى بحس انى معنديش ذنوب كبيره ولما ببص حواليا بﻻقى انى كويسه بالنسبه لهم ده غلط اعمل ايه؟
يمكن كويسة بالنسبة للوسط اللى انتى فيه لكن قارنى نفسك بالعباد الزاهدين مثلا او شوفى عملك كويس هتلاقى عندك اخطاء مش شرط اخطاء ظاهرة ممكن تكون اخطاء داخلية ومش شرط ان الانسان يكون معاه غلط بيغلطه يوميا لاء الفكرة فى الاخطاء انها بتحصل مرة او اثنين انما مش على طول فيمكن فى وقت ما انتى بتبصى لنفسك فعلا تكونى وقتها ملتزمة فعلا ومعندكيش اخطاء وقتها لكن لا تحسنى الظن بنفسك بل اتهميها دائما بانها مقصرة يمكن تقصيرك فى العبادة خطأ يمكن عدم الخشوع او التكاسل عن طاعة وفريضة خطأ فراقبى اعمالك كويس وراقبى نفسك ومشاعرك مع ربنا ا
خﻻص احترت انا لو بحكى مثﻻ لامى حاجه حصلت او بقولها كلمى فﻻنه عشان زعﻻنه من كذا طيبى خاطرها دى غيبه ...ايه حدود الغيبه بالضبط عشان بقيت اشك فى نفسى وفى كل كلمه
رمضآن مُبارك ♥
كلّ عام وانتُم بِخير ~
لا إله إلا الله وحده لا شريكَ له،
له الملك وله الحمد وهو على كلّ شيءٍ قدير ,
يارب نسألك النّصر لبلاد المُسلمين ♥ ..
ربِّ اغفرلي ولوالديّ ولمن دخلَ بيتيَ مؤمناً وللمؤمنينَ والمؤمنات ♥
اللهم امين واياكم
اصرخ إزاي؟ اصلاً صوتي واطي دايما مش قاصده كده بس هو خلقة ربنا كده لوحده ومحدش بيسمعه من أول مرة وبعضهم بيزعق فيا لما ميسمعش ازاي اصرخ واعلي صوتي !
حاولى انك تلاقى رد فعل مناسب ليكى تفرغى فيه انفعالاتك ... ممكن يكون انك تمسكى حاجة تكسريها او ورق تقطعيه اكيد فيه حل لتفريغ انفعالات والافضل من كل ده انك تردى على الاساءة وتاخدى حقك فى وقتها بدل ما تكتمى جواكى
هو لما يبقى مش بيصلي من سنين للاسف :(,,وبحاول أتكلم معااه بس طبعا مفيش استجابة وبادعيله كتير بس برضه زي ماهو ...ده معناه إيه هو ممكن يكون ربنا مش عايزاه أو مش متقبله ؟؟؟...
إنك لا تهدي من احببت ولكن الله يهدي من يشاء !!,,آية بسمعها كتير وبدعي كتير ليه بس مفيش استجابة !!
ارجو الافادة
السؤال مش واضح ارجو التوضيح اكثر ؟
هو لو باسمع براامج دينية كويسة وباستفاد منها كمان بس مشكلة إن فيها اغااني بس بتبقى دينية بس اقصد إن فيها موسيقى ده حرام برضه !!!
مشكلة اصحاب البرامج دى انهم يروا ان الموسيقى حلال وابرزهم مصطفى حسنى اللى عمل حلقة كاملة عن تحليل الموسيقى في حين ان فيه اخرون ردوا عليه ردود كاملة بالادلة لكن مين بيسمع ! ... انا هقولك اختر لنفسك ما تحب ان تلقى به الله فى عملك ولا تحمل ذنب احد واكيد هتلاقى استفادة فى اماكن اخرى بدون اى شبهات فيها
هي امتى تبقى أحلام من شيطاان !! وبتبقى كلها ولا إيه ؟؟ وممكن يبقى حلم بحسه كويس جدا وبفرح بيه بس ناس بتقولي إن كل أحلام بتبقى من شيطان !!
لو حد على بيدج بيهنا برمضان ولد يعنى ارد ولا لا حرام
الافضل انك تتجنبى الرد لكن لو حدث فاظن انه لا شئ فيه ان شاء الله
هل الافراح المختلطة حرام حتى لو كانت بأناشيد من غير أغاني ؟
الاختلاط فى الافراح بين النساء والرجال لا يجوز حتى لو بيقروأ قراءن :)
أنا شوفت إن حضرتك بتعرف شوية في أحلام ....طيب حضرتك تعرف تفسير زلزال في حلم كان في مسجد ومسجد جزء منه ادمر بس من جوه كان سليم وكمان كان بيتنضف ومنور :)
ارجو افادة
لا مش اوى لكن الله اعلم بمعنى ده لعله خير ان شاء الله وانا بقول دائما لاى حد شوف واقع حياتك الحالى وحاولى تطبق الحلم عليه وتفسره بالاحداث اللى حصلت او اللى متوقع تحصل لك
هو لو عملت استخارة على حاجة وحلمت أحلام مش حلم بس كمان حلوة وكنت مرتاحة بس حاجة دي بعدت بس أنا لسة متعلقة بيها ده معناه إيه ؟؟؟؟
الله اعلم يمكن اختبار يمكن مش نصيبك يمكن وقتها لسه مجاش بس الاحلام كانت بشرى انها خير عموما استعينى بالله واصبرى واسالى الله ان يرشدك للصواب وللخير
هو في رمضان شيطاان بيبقى متسلسل فعلا !!! يعني لو عملنا ذنب ده بيبقى من نفس الضعيفة بتاعتنا وال;لا إيه !!
ايوه من النفس :)
السلام بين الراجل والمرأة ...أنا سألت قبل كده حضرتك بس عايزة استفسر عن جزء انه يجوز طالما اأتمنت الفتنة !!! ده صح ولا غلط ؟؟
السلام جائز طبعا ومفيش اى قيود عليه لكن بين الرجل والمرآة الافضل ان يبقى فيه حاجة للسلام
هو عليا وزر انى امشى مع واحده مش محجبه فى الشارع ولو انى نصحتها كذا مره بس مش بتستجيب هى سنها صغير بس مفروض طالما بلغت خﻻص وهى مش مقتنعه بكده
الله اعلم لكن ينبغى نصحها والافضل تجنب المشى معها فى الشارع فقط اما فى غير ذلك فكونى معها وانصحيها ولا تيأسى
هي الذنووب بتأخر الرزق ؟؟؟ يعني لو أنا ربنا كاتبلي حاجة في وقت معين وأنا عملت ذنب مثلا حاجة دي مش هتيجي !!!
قال رسول الله " ان العبد يحرم من الرزق بالذنب يصيبه " والله اعلم بتصاريف الله واقداره لكن لو اذنب العبد فليبارد بالتوبة ويسارع بالاستغفار ويدعو الله ان لايحرم من الرزق بسبب ذنوبه
لو فيه وساوس بتيجى لينا واحنا فى رمضان ومفروض الشياطين مسلسه دى من ايه
من النفس الامارة بالسوء
ماهو قراءن الفجر
هو القرآن اللى بيقرأ فى صلاة الفجر
ازاى اتدبر فى القراءن ياريت حضرتك تعلمنى ده. انى اتدبر فى كل ايه واحس بمعناها
من دقائق كنت لسه بفكر اكتب فى الامر ده بس انا كتبتها قبل كده وهكتبها تانى النهاردة على الصفحة ان شاء الله تابعى :)
احيانا وانا بقرأ قرءان بسرح وبعدها بحاول اركز على قد مااقدر كده يعتبر عليا ذنب ومفروض اعيد القراءه وﻻ ايه
لاء مش ذنب حاولى تركزى اكثر فى الايات وتشغلى نفسك انك تعرفى معناها يعنى متخليش القراءة قراءة عادية بدون ما تفكرى فى اللى بتقرايه هيفرق معاكى لو جربتى كده :)
أهلي بيحاولوا يخففوا علي ان الموضوع عادي ،، بس انا اصلاً مش قابلة منهم كلام عشان محدش قالي ان الموضوع بيبقى كده وانا اقسم بالله ما كنت اعرف انه كده ،، وكمان محتاجة حضرتك تقولي ازاي اخلي انفعالاتي لبرة لان كل الكلام اللي الدكتور ده قالوا انا مش قابلاه
بالنسبة لموضوع الكشف حتى لو غلط فعفى الله عما سلف مدام انتى ندمانة عليه لكن انتى بنفسك قولتى مكانش فيه حل الا كده والضرورات تبيح المحذروات فكنتى مضطرة فمتخافيش من شئ ربنا كريم ورحيم وربنا له رخص وحاجات ممكن ناخذ بها حتى فى الصلاة لدرجة انك ممكن تصلى وانتى راقدة على الفراش - عفاكى الله من هذا - لو القيام او الجلوس صعب عليكى وشاق ...موضوع انفعالاتك لبره جربى تصرخى :) ... جربى كده لما حد يستفزك تصرخى طلعى اللى جواك بصرخة فى البداية فى انك تمسكى ورقة وتقطعيها لشرائح طويلة وتحاولى تتكلمى بصوت عالى ده كبداية علشان تتعلمى تفرغى انفعالاتك لكن حاولى تمهدى لنفسك انك تردى على اللى بينرفزك تاخدى حقك ردى ومتخافيش ومتتحرجيش لان ده حقك ولو كتمتى فى نفسك هتتعبى
فيه واحده قريبتى مش بحبها وبالتالى مش بسال عليها اكلمها وﻻ ده نفاق ﻻنى هبقى بكلمها وانا مش طايقاها
اسالى عنها من باب صلة الرحم مش شرط تحبيها بس وانتى بتسالى عنها خلى نيتك انها لله علشان متبقيش قاطعة للرحم
احنا من الصعيد وعمتى معاها ابن مفروض انهم مظبطينا لبعض من احنا وصغيرين وانا مش عاوزه ده ومش بتصل بيها كصله رحم عشا الموضوع بيتفهم غلط وانى متصله عشان حاجه تانى كده عليا ذنب
بلاش تقطعى الصلة معاها اتصلى بها بس على فترات متباعدة وحاولى تاكدى وسط العائلة ومع اهلك انك رافضة الاختيار الجبرى ده
ضد او مع الاخوان وليه ولو مش عاوز تجاوب بﻻش بس انا عاوزه استفاد من الرأى ﻻنى مش عارفه اصدق مين
ضد الاخوان كتطبيقات فكرية وعملية لكن اللى بيحصل ده لهم حرام وظلم وتلبيس وراجعوا التاريخ هتلاقوا نفس السيناريو اللى حصل ايام عبدالناصر بيحصل معاهم الوقتى بالضبط ولكن للاسف هم قسموا الشعب لرغبتهم فى التفرد بالسلطة وما يحدث لهم الان عقاب