ناوية تعملى ايه النهادرة وبكرة عشان تفرحى الرسول ف قبره , فى ذكرى مولده ^_^
على فكرة التاريخ ده مش صحيح وفيه اختلاف فى ميعاد ميلاد النبى اساسا ... بالنسبة للاحتفال بالمولد الصحابة والنبى والتابعين والائمة الاربعة وسائر تاريخ المسلمين لم يحدث مثل هذا الحدث من قبل فان كان صحابة رسول الله لم يفعلوه يبقى احنا احسن منهم والصحابة كانوا لا يتركون اثر للنبى صلى الله عليه وسلم الا وفعلوه حتى يقال ان ابن عمر كان بيلتمس الاماكن اللى النبى كان بيصلى فيها ويصلى فيها كمان ... احنا نفرح الرسول باتباعه فى كل لحظة من حياتنا فى اتباع سنته فى اتباع الدين كما يجب وكما امر فى المحافظة على القران وعدم تركه ... فى نشر هديه والالتزام باخلاقه صلى الله عليه وسلم وبادابه وبتعاليمه ... كان صلى الله عليه وسلم خلقه القران وكان قراننا يمشى على الارض فلنكن كما كان ... كان صلى الله عليه وسلم حسن الخلق كان حسن اللسان كان طيب المعشر كان ناصحا بالادب كان كريما جوادا كان قويا ورحيما بالضعفاء ... بكثرة ذكره والصلاة عليه نحييه بيننا ... باتباع السنة
فيه بنت انا معجب بيها ولكن مش قادر احدد ان كان ده اعجاب او حب الى الان ولكن نفسى تكون من نصيبى ومش عارف اعمل ايه ؟؟
مش لازم يكون حب من اول مرة علشان يخليك تتقدم ... على الاقل إنت معجب وده كافى إنك تسعى فى الامر ده وتبادر بالخير بس اهم حاجة انك غير الاعجاب ده .. تشوف ان كانت هى فعلا مناسبة ليك وان كنت انت برضه مناسب ليها وفيه توافق بينكم ولا لاء واستخير ربنا فى الامر ده كتير ومتحاولش انك تتجاوز معاها الحدود بالكلام او تحاول ان يبقى فيه بينك وبينها علاقة ... ربنا يغضب عنها ولو انت فيه بينك وبينها كلام فى شغل او دراسة او امر ما فياريت تخليه فى الحدود الشرعية بدون خضوع فى القول او تدخل فى خصوصيات والافضل انك تبقى مقل شوية علشان انت ممكن متقدرش تملك نفسك فى الكلام ... واسعى واعمل بجهد واستخير ربنا اكثر من مرة وخلى نيتك فيها لربنا انك تتزوجها فى طاعة الله وانك تتزوجها علشان تدخل بيها الجنة وانك تتزوجها علشان تنجبوا ذرية تعلموهم القران والسنة وتربوهم تربية نافعة لنفسهم ولدينهم ولمجتمعهم .
ما البلدان التي تودَ زيارتها لو أًتيحت لك فرصة القيام بجولة حول العالم؟
نيوزيلندا ... فرنسا .. لندن .. ويلز .. ايسلندا .. ماليزيا .. جزر شمال اليابان .. جنوب امريكا الجنوبية .. كاليفورنيا نيويورك واشنطن ... واماكن كتيرة جدا
أمير الظل ومهندس القسام المجاهد : المهندس البطل المعتقل حاليا لدى سجون الاحتلال الاسرائيلى عبدالله البرغوثى فسلطينى الاصل اردنى المولد ... ورجل فى زمن عز فيه الرجال وله كتاب نشر من فترة اسمه امير الظل انصحكم بقرائته هتعرفوا اد ايه اننا معملناش حاجة فى حياتنا بنفس ماهو عمل وفيه دروس مستفادة كتيرة جدا
قال تعالى (قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ) [الزمر: 53] شوفتى ربنا بيغفر الذنوب مهما كانت واسمعى النبى قال ايه " لو لم تذنبوا لذهب الله بكم واتى بقوم يذنبون فيتوبون فيتوب الله عليهم " الموضوع هنا مش فى الذنب بأكثر من انك تتوبى دايما وتندمى على اللى عملتيه وتكثرى من الاستغفار .لا تيأسى من نفسك النفس ضعيفة قدام الدنيا ... لكن تقدرى تقويها بانك تواصلى على الاستغفار والتوبة اعملى لنفسك ورد كل ساعة تستغفرى 50 مرة مش هياخد منك وقت كبير واوعى تسمعى فى مرة صوتك نفسك اللى بيقولك مفيش فايدة هتفضلى كده ردى عليه وقوليله هفضل كده وهفضل اتوب واستغفر ... لكن علشان تقاومى الاخطاء دى تتعبى مصادرها واعرفى انتى ازاى بتقعى فى الغلط واقفلى الباب قدامه من البداية .وهذكر احد مثال عن احد الصالحين كان بيقول " عالجت قيام الليل اربعين سنة " علشان يعود نفسه يقيم الليل بخشوع قعد طول 40 سنة يحاول مع نفسه مجالوش يأس لان نيته كان لله .فيه ناس التزمت وبعدت عن الغلط بسهولة او بصعوبة بس المشترك بينهم كان الاصرار والحاجة للتغيير علشان ربنا .ربنا بيقول " إدعونى استجب لكم " ربنا بيقول برضه " ادعوه إنه هو الغفور الرحيم "ربنا بيقول فى الحديث القدسى " (يا ابن آدم إنك ما دعوتني ورجوتني غفرت لك على ما كان فيك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة) رواه الترمذي شوفتى اد ايه سعة عفو الله تعالى ومغفرته لذنوب عباده وانه بيحث على التوبة مهما حصل ومهما عملت ومهما زادت ذنوبك علشان لا تيأس ... ولا تيأس من رحمة الله ابدا ربنا بيقول " لا تقطنوا من رحمة الله " مهما عملتوا بس المهم انكم تواصلوا التوبة والاستغفار دوما
انا قولت رايي هنا فى سؤال تحت ممكن تنزل له لو حابب تعرف اكتر ... وهقول حاجة مختصرة المناخ السياسى فى مصر مناخ فاسد من كافة الاحزاب الا حزب واحد انا شايف انه كويس الى حد ما لكن باعتراف الجميع يعيبه الخبرة السياسية والمشكلة انهم علشان يقدورا يتعاملوا مع الوجه الاخر من السياسة لازم يخوضوا فى حاجات مضادة لمنهجهم واعتقادهم ... اما الباقى فكل السياسة الحالية هى برجماتية واضحة وصريحة وميكافيلية بشعة بصراحة عند الجميع الا من رحم الله ونصيحة ارمى اى حزب فى الشارع او فى اقرب سلة زبالة وخليك مع الحركات الشبابية الثورة وبرضه احذر منهم لو خرجوا عن منهج اصلاح البلد والمطالبة بالحقوق اما غير ذلك فانا لا اؤيدهم مثل الاشتراكيين الثوريين لا اؤيدهم على الاطلاق ... بالنسبة للرئيس انا شايف اننا نمشى فى التجربة للنهاية مع المحافظة على نبض الشارع الثورى بدون تهييج او احراق والمحافظة على اكتر حاجة قولنا عليها اننا اكتسبناها من وقت الثورة وهو ان الشارع بقى له كلمة وورقة ضغط واضحة وقوية على السلطة فنحافظ على دى ومنخسرش بعضنا البعض لان الدولة مش رئيس ولا حكومة ولا سلطة
ولا يهمك و تعبره ان كان واحد بيقول الكلام الزبالة ده فاعرف ان فيه ناس بيحبوك وان ربنا بيكرمك بدليل ان فيه ناس بتتغير بكلامك ونصايحك بتنفعهم ربنا يبارك فيك يا استاذ احمد
:) جزيت الفردوس وربنا يكرمك يارب ان شاء الله يا اخى وهو يمكن له وجهة نظر بس كان عنيف شوية ربنا يهدى الحال
إنت عامل فيها شيخ وبتاع ربنا وانت اساسا ولا حاجة ايه يعنى بتكتب كلمتين تلاتة اى حد ممكن يكتبهم لكن حتى الشعر اللى بتكتبه سئ وملكش فيه مش لونك ولا جوك اساسا
طب اعرف ازاى ان كرهي للشخص ده نتيجة لسحر او ما شابه ؟
الرقية الشرعية هى الحل ليكى لو كان عليكى شئ هيروح بيها ان شاء الله وكمان فكرى فى الافعال نفسها او المواقف اللى بتحصل ممكن تلاقى نفسك بعدين مكانتش مستاهلة الكره او كان فيه حاجة غريبة بتحصل وقتها
هو ممكن الشيطان او الجن عموما يتحكم في قلب الانسان..يعنى ممكن يخليه تحب حد او تكره حد؟
انا اسمع عن ما يسمى بالسحر ان يخلى حد يحب واحد او يكرهه بس غالبا الكره وخصوصا بسبب الحسد مثلا او بعض الاعمال لكن بالنسبة للحب نفسه فلا أظن ممكن يمهد الطريق للشخص انه يتعلق بحد او يفتح قدامه سبل انه يوصل للشخص ده ويزينه له ويجمله فى نظره والانسان نفسه لما بيبقى بعيد عن ربنا ويطاوع قلبه بس سهل انه يقع فى حاجة زى دى .
يعني اية النساء بس اللي من حقهم يسمعوا اغاني :D
مش فهماك يعني اية مباح للنساء بس
لاء استخدام الدف بس اما المغازف فهى ممنوعة ولو شوفتى الافراح الاسلامية هتلاقيها كده النساء بيعملوا اللى عاوزينه وفيه نوع جديد من الاغانى بدون موسيقى بيعملوه الوقتى
اكيد مدام بتعمل ايقاع لكن انا بقول الجواز فيها للنساء مش للرجال زى لبس الحرير والذهب للنساء وليس للرجال . لان ده اللى ورد ... تعرفى انا كنت فاكر انى مش هعيش من غير الاغانى انا من طفولتى كنت بسمع السيمفونية التاسعة لبيتهوفن تقريبا كنت بسمعها يوميا وخصوصا مقاطع معينة فيها وكنت من اشد المعجبين بيانى وكنت احب جدا فيجارو ومسرحيات انجليزية غنائية زى سوينى تود والبوساء وفيلم صوت الموسيقى ده كان عندى حالة خاصة مكنتش عايش من غير الاغانى لكن بحثت بنفسى وكان امر صعب على انى اعمل كده لكن لما تشوف انك هتسيب حاجة علشان ربنا ده افضل بكتير من اى حاجة فى الدنيا .
بس ايام الرسول كانوا بيقولو اناشيد وبيستخدمو حاجات يعزفوا عليها
لاء مكانش فيه عزف لو راجعتى السيرة مش هتسمعى اى حاجة عن حتى طبول الحرب ... إلا ان النساء وده مذكور كان بيسمح لهم بالضرب على الدفوف والاناشيد اللى كانت بتغنى كانت بتغنى صوتيا انا قولتلك مفيش مشكلة فى الكلمات نفسها ومن اشهر الاناشيد التى غنت كان فى غزوة الخندق فى اثناء حفر الخندق حول المدينة المنورة كان الصحابة بيغنوا اللَّهُمَّ لَوْلاَ أَنْتَ مَا اهْتَدَيْنَا وَلاَ تَصَدَّقْنَا وَلاَ صَلَّيْنَا فـأَنـْزِلـَنْ سَكـِـيـنـَةً عـَلَيْنَا وَثَبِّتِ الأَقْدَامَ إِنْ لاَقَيْنَا إِنَّ الأَعْدَاءَ قَدْ بَغَوْا عَـلَيْنَا إِذَا أَرَادُوا فـِتـْنـَةً أَبَـيْنَا فيرفع صوته -صلى الله عليه وسلم- بقوله: (أَبَـيْنَا)، ويمدها. لكن مكانوش بيستخدموا وكتب السيرة موجودة تقدرى تشوفيها وتقدرى تراجعى كلام الائمة الاربعة وكلام الصحابة عن العزف نفسه
لو احنا تخلينا عن الاغانى هل حياتنا هتبقى ظلمة او مش هنقدر نعيش ؟؟ فيه الالاف مش بيسمعوا اغانى وعايشين حياتهم المسالة فى ايجاد البديل والتعود .. اما بالنسبة للاغانى نفسها كحكم شرعى فالاشكالية هنا فى الموسيقى نفسها مش الكلمات ... الكلمات بتقع تحت المقولة المشهور ( حسنه حسن وقبيحه قبيح ) يعنى فيه حلو وفيه وحش لكن بالنسبة للموسيقى اقراى معايا الحديث ده ( يأتى زمان أقوام يستحلون الحرى والحرير والخمر والمعازف يسمونها بغير اسمها ) الاستحلال هو جعل الشئ الحرام حلال ... ويسمونها بغير اسمها يعنى يقولوا عليها حاجة تانية علشان يحاولوا يداروا ... الحديث ده بيتكلم عن حاجات محرمة بالفعل زى ( الحرى وده الزنا فيه حاليا ما يعرف بالعلاقات الخاصة ودى مش عندنا لكن اوروبا وامريكا وتقريبا كل دول العالم ماعدا دول المسلمين معترف بيها - الحرير وهو محرم على الرجال لبسه ومع ذلك فيه ناس بتلبسه الان - الخمر وبيسموها مشروبات روحية واعرف ناس كتيرة واقارب لى للاسف بيشربوها وعندها مئات التبريرات مع علمهم انها حرام - المعازف وهنا النبى جمعها كلها وكمان مذكرش آلة معينة لاء ذكر النتيجة نفسها وهو العزف على اى شئ ... من العلماء فسر قول الله تعالى ( ومن الناس من يشترى لهو الحديث ليضل به عن سبيل الله ) الصحابة منهم من اقسم ان لهو الحديث هو الغناء وليس بعد الصحابة فى الامة من فهم افضل للقراءن ... الائمة الاربعة بالاجماع على تحريم الغناء وانا اذكر الان كتاب ( الام ) للشافعى وممكن ترجعى له وهتعرفى .. مش شايفة ان بعد الناس دى ودول كانوا اقرب للنبوة والعهد الاول انهم اصح ؟
لو ده جنان اتجنن
اقعد علي رجل راجل كبير في المترو وقوله .. وحشتني اوي يا بابا .. :D
ههههههههههههه لاء انا كنت وانا صغير بقف على الطريق واى عربية معدية اعمل انى هحدف علي اللى بيسوق طوبة وواحد مرة صدقنى ونزل تحت فى العربية وهى ماشية على الطريق ههههههه
انت ملتزم كدا فعلا
ولا بتمثل علينا :D
انا انا شفت ناس كتير عاملين حاجات اصعب منك
واتصدمت فيهم في الاخر طلعوا بيمثلوا ومنافقين
#معقدة واعترف :D
انا كما انا ولله الحمد لم ادعى يوما شيئا لم اكن عليه انا انسان مسلم بسيط كتير شايفنى ملتزم على درجة عالية وانسان مش متشدد لكن انا زى زى اى حد بيخطأ وبيصيب ومفيش انسان كامل المهم ان الواحد يعرف الطريق الصحيح ويحاول انه يمشى عليه بقدر الامكان واللى بيظهر على هو اللى جوايا الحمد لله وانا ان كنت بغلط فى شئ لا يمنع انى انصح الناس انهم يتجنبوه عسى ان ربنا يمن على بانى اصحح ده وكمان الخير لا يرد ان شاء الله وحاجة اخيرة هقولها انا ليه انافق ربنا بيقول " ووجدوا ما عملوا حاضرا " عارفه يعنى ايه يعنى مش هسمع اللى عملته او هقرأه او هيتقالى لاء ده انا هشوفه قدامى موجود بالفعل ... والنفاق جزاؤه النار ومعاملة الله فى النوايا وده اكتر شئ بتكلم عنه لانه نابع الحمد لله من جوايا ومن حياتى واسال ربنا انه يثبتى ولا يجعلنى فتنة لاحد ويعصمنى من الزلل ويرزقنى واياكى حسن الخاتمة ان شاء الله واتمنى انى اكون عند حسن ظنك وظنكم جميعا
مدينة جميلة فى بعضها مش كلها يعنى فيها عشوائيات اكيد ومناطق تانية ضايعة زى هارلم وبروكلين وان كانت بروكلين كانت المفروض تبقى حاجة نضيفة زمان ... اما عن الاماكن التانية فعندك مثلا المتحف السميثونى . وحوض اكوا فى فلوريدا تقريبا ان كنت لسه فاكر المكان .. لاء فيه كتير متعدش دى محتاجة سنة لوحدها :)
لو قالولك اختار مكان تحب تعيش فيه او اماكن تختار ايه ؟
بص يا سيدى عاوز ازور برج ايفل وباريس عموما .. معظم بلدان اوروبا وخاصة القديمة زى فرانكفورت فى المانيا وميلانو فى ايطاليا ... اموت واشوف الريفيرا الفرنسية ووسط اسبانيا .... نيوزيلاندا .. جزر شمال اليابان بين اليابان وكمتشاكا . بعض المناطق فى الولايات المتحدة وخاصة نيويورك .. جنوب امريكا الجنوبية جنوب شيلى فرنسا فى منطقة اسمها راس حاجة بس نسيت باقى الاسم بس روعة
يعنى ربنا يستر على ... وانا افضح نفسى على الاستريم :) ..... والله مش قادر اطلع حاجة الوقتى انا دائما صريح مع الناس فى الحاجات العامة لكن فيه خصوصيات عند كل واحد وحاجات بتبقى بينه وبين ربه . لكن ممكن اقول انى حتى الان بفكر فى طرق او وسائل ازاى اغير فى الواقع اللى حولى وفى الناس بشكل تنموى وانى اسعى كمان انى ازيد بنفسى وبمستواى علشان احقق الراحة لاختى ولاخى بالذات مع ان والدى مكفيهم الحمد لله بس انا عاوزلهم انهم يرتاحوا تماما وبالذات اختى
:) انت لما تسال عنى اى حد يعرفنى وخاصة فى فترة الابتدائى والاعدادى يقولك احمد والده غنى جدا وانا عائلة والدتى كمان الحمد لله يعنى :) .... الفلوس عمرها ما كانت مشكلة بالنسبة لى او لاهلى الا والدى فى فترة من الزمن بسبب التجارة حصلت ازمة بس عدينها الحمد لله ... لكن فيه مليون حاجة ممكن تتعب بس المهم انك تقوم تانى وتحافظ على نفسك ومتخسرهاش .
في شخص في حياتك نفسك تقربلة ومش عارف ؟؟
اه والدى بينا اختلافات كتيرة و للاسف لانه بيرفض الاستماع لاى راى تانى مخالف له
مع انك بتحاول تبان متفائل بس تحس الحزن والهم اللي شايلة باين حتي بين حروفك
ده دليل على احساسك المرهف :) مش كل الناس بتحس بده انا نفسى بدأت اخد بالى انى مهما اتكلمت فيه مسحة من الحزن باقية فى كلامى لكن انا بتعمد ان يكون كلامى عن الحزن فى البداية بتعبيرات صريحة ولكن فى النهاية بتكلم عن الايمان بالله واليقين فيه بعمل زى معادلة بحيث انك تخرج من ده لطريق افضل اما بالنسبة للحزن فى كلامى فيمكن لانى عشت طويلا فيه فبقى جزء منى وان كان مش واضح لكن انا مؤمن ان فيه وقت فى حياتى مش هيبقى له اثر نهائى ان شاء الله واتمنى ييجى قريب
انما انت ماشاء الله ازاى كده عارف فى الدين والسياسة والتاريخ وكمان حاجات غير زى الميتافزيكس وكنت من شوية على الصفحة بتتكلم عن اللغات واصولها وكمان علم النفس ... بجد ماشاء الله انت ازاى بقيت كده ونفسى ابنى يطلع زيك ؟ وخطيبى كمان :))
الــــــــــــــله يكرمك :) - القراءة هى المفتاح وهبة الفضول نعمة من الله عز وجل انا بقرأ من وانا سنى 4 او 5 سنين والحمد لله . بالاضافة الى انى دائما بحب اطور نفسى وخدها قاعدة متتقيدش باى ظروف انا كنت بتعلم عبرى وانا فى 3 اعدادى وكان وقتها الانترنت لسه داخل مصر بقاله فترة بسيطة ومكانش فيه مصادر ومع ذلك فضلت احاول .. وفيه حاجات تانية لا تدرك الا بالسعى والمواصلة وان يكون عندك ارادة وتكون دائما شايف هدفك ونصيحة ياريت تحطى كمان نية لاى حاجة عندك لربنا وان شاء الله ربنا هيوفقكوان شاء الله ترزقى بابن افضل منى ويكون خير ونافع لدينه وامته وليكى ولوالده ان شاء الله وترزقى بخطيب من افضل من انجبت النساء باذن الله
لو قولتلك انى مرتاح هتصدقنى :) ... انا الحمد لله ربنا من على بقدرة انى أتاقلم على اى مكان بس بشرط انى ملاقيش حد يخنقنى هنا ... ظروف المكان نفسها مهما كانت بقدر اتعامل معاها لو هنام على الارض انما الاشخاص هما المشكلة . بس الحمد لله يكفى انى اقدر انى اعمل عمرة كل خميس والحمد لله وكمان بنزل براحتى احب بلاد المملكة الى قلبى بعد مكة والمدينة ... جدة العظمى :)
دايما بحس انك شايل هم كبير وان حياتك او جواك فيه كتير اوى فيه هموم عكس ما بيبان عليك فى الصفحة انك مرح ومتفائل وكمان حاسك انك مش فى مكانك انسان بمواهبك دى وباخلاقك وروحك المفروض كان يبقى فى مكان تانى اعلى من كده وبيبقى معروف فى الدنيا كلها .
محدش حياته بتخلى من التعب وانا ربنا قدرلى انى اشوف شوية من الدنيا الحمد لله فيه غيرى مشافش هناء فى حياته وانا اتعلمت من بدرى اوى ان الحياة بالحزن لن تدوم وان ده قتل للنفس انك تزعل بدون ما تخرج من ده وطريق ربنا اللى بيعرف ازاى يمشى فيه مش بيتعب الحمد لله مهما حصل له فى الدنيا ....الله يكرمك بجد على اللى انت قولت ده وانا انسان عادى جدا وفيه احسن منى بكتير ومش تواضع لاء دى الحقيقة
انا لى نشاط خاص وهو انى اكسب حسنات بقدر الامكان وفى نفس الوقت بحاول انى اكون انسان مسلم داعى لربنا او انى اغير فى حياة اى حد ولو بكلمة للافضل او اقربه من ربنا ونفسى اعمل حاجة مهمة لدينى .. اما من الناحية العملية فانا بشتغل استشارى مساحة فى شركة استشارات هندسية فى السعودية حاليا وقتى بين العمل والنت وبعض الهوايات والصفحة بتاعتى وبعض الصفحات التانية اللى انا فيها ... وحاليا بنحاول نعمل نشاط اسمه صحبة صالحة للشباب بنحاول اننا نفيد بقدر الامكان فى تعليم اساسيات الدين وحل مشاكل الشباب واصلاح النفوس والحرص على الطاعات وغيرها .
انا سمعت انك شاب موهوب وعندها وانك بتكتب قصص وخواطر وشعر وروايات وكمان دراس دراسة شرعية
ومع ذلك مش معقد ولا متشدد الكلام ده صح ؟
الله يكرمك كل ده ... الحمد لله بكتب قصص من وانا صغير والشعر على حسب ... الروايات دى عرفتها منين ؟؟ ايوه بكتب روايات بس حتى الان محدش قرا منها الا مقتطفات ... الدراسة الشرعية كانت وانا فى الكلية بدات ادرس عقيدة وفقه وحديث دراسة خاصة بنفسى طبيعى ان الواحد يتعلم دينه ويعرف عنه اكثر والحمد للهالتشدد هو المبالغة عن الحد واحنا ديننا دين السماحة واللين والشدة لا تكون الا فى مواضع معينة وانا شايف ان فى زمننا الحالى لا تجوز الشدة مطلقا على المسلمين لاننا كلنا نخطئ ونصيب والدعوة باحسان مطلوبة فى كل وقت والله امرنا بالحكمة والموعظة الحسنة ...