AHMED Abd Elrahaman

ممكن تحب حد من غير ما تشوفه ؟

December 31, 2012

الرؤية لا يشترط فيها وجها لوجه ... ممكن احبه من كلامه وشخصيته وافكاره وكمان روح الانسان بتبان فى كلامه خصوصا لو بتكلمه كتير او بتقرأ له ... واحنا بنحب النبى ومحدش شاف وكذلك الصحابة انا اتمنى ان ارى خالد بن الوليد وارافقه واحبه جدا جدا وكذلك عمر بن الخطاب والحسين بن على بن أبى طالب رضى الله عنهم جميعا ... فاه ممكن بس طبعا نوع الحب بيختلف .

14

0

Liked by: AHMED Abd Elrahaman mayada Esraa Mansour ᴈιooƨн Msha3llz. H Ghada♡" محمد Yo Sara.

ماذا درست ؟

December 31, 2012

دراستى فى علم المساحة من كلية الاداب

2

0

Liked by: Yo

كيف كان عام 2012 بالنسبة لك؟

December 31, 2012

أسوا عامين مروا على فى حياتى كانوا 2011 و2012 لكن 2012 يعنى بدأت تبقى كويسة فى اخرها .

2

0

Liked by: Yo

People you may like

Mo7amed Elgaded

also likes

• #القراءة

Mohammed Alaa™

also likes

• #الطب

Hasan Mohamed

also likes

• #التاريخ

ََبَليغٌ

also likes

• #مقارنةالأديان

• ؏ـل ــ͜ـ͡وشہ 93┆

also likes

• #دراسة

Asmaa Ahmed (❤بدرية طلبه)

also likes

• #القراءة

الّسٙمْآآآنٰ

also likes

• #الطب

مفسر الاحلام

also likes

• #التاريخ

Dina Hashem

also likes

• #القراءة

محمد حمدان

also likes

• #الطب

abeer emara

also likes

• #التاريخ

khaldfareed

also likes

• #القراءة

Mairoze Tarek

also likes

• #الطب

Ahmed Elherbity

also likes

• #التاريخ

جهاد رزق عوض.

also likes

• #القراءة

Salma Qattawy

also likes

• #الطب

محمد نصر ليله

also likes

• #التاريخ

Rahma Eslam❤

also likes

• #القراءة

Alaa Ammar

also likes

• #الطب

Hatem El Mahdy

also likes

• #التاريخ

Kareem Ahmed Mohamed

also likes

• #القراءة

أروىٰ عزت

also likes

• #الطب

سارّة إبراهيم

also likes

• #التاريخ

ȞÄĠËŖ

also likes

• #القراءة

Shehab Alrewady {Eldoc}♡

also likes

• #الطب

Want to make more friends? Try this: Tell us what you like and find people with the same interests. Try this:

#amrdiab #tamerhosny #football #ahlawy #realmadrid #friends #amr_diab #zamalek #alahly #zamalek

+ add more interests + add your interests

كتاب الدكتور راجى عنايات ؟ :)

December 31, 2012

http://www.goodreads.com/author/show/6609947._ هو ده بس مش لاقيه هناك هو اسمه 30 ظاهرة خارقة حيرت العلماء ولو بحثتى على جوجل باسمه هتلاقى كتب تانية ولاحمد خالد توفيق وفيه فى منتديات الديفيدى العربى
قسم للماورائيات الطبيعة والاساطير القسم ده مليان هيعجبك انا كنت فيه من سنين

1

0

Liked by: Yo

لو ليك 3 دعوات مستجابة بإذن الله هيكونوا ايه ؟

December 30, 2012

ربنا يمتع أمى وابويا واختى بالصحة والعافية ويرفع عنهم اى بلاء واى اذى واى مرض ويرزقهم الخير والسعادة دائما الى حين ياتى قدره ... ربنا يغفر لى ولهم وزوجتى المستقبلية ولاودى وكل احبائى وللمسلمين ويزرقنا حسن الخاتمة والرضا فى الدنيا والاخرة ومرافقة النبى فى الجنة ... ان ربنا يرزقنى بالزوجة الصالحة اللى تاخد بايدى للجنة واكون راضى عنها وتكون راضية عنى واعيش معاها احلامى كلها واحلامها ان شاء الله

4

0

Liked by: Yo Memo سارة العدوي ♡ Eman hassan

روايات الدكتور احمد خالد توفيق وكتب الدكتور راجى عنايات .... سميلي من فضلك كتابين ليهم كبداية معرفتى بالميتافيزيكس..

December 30, 2012

احمد خالد توفيق كل رواياته بلا استنثناء هتلاقى اسمها ( سلسلة روايات ماوراء الطبيعة ) مشهورة على فكرة ... بس هو له كتاب اسمه هادم الاساطير هو مش حلو اوى بس كبداية كويس ... الدكتور راجى عنايات انا هجيبلك من الــ good readres الوقتى بس اسالينى سؤال تانى لو سمحت عنه وانا هشوفهم لك حالا

2

0

Liked by: Yo Eman hassan

كتاب تنصح بقرايته ؟

December 30, 2012

كتاب الله طبعا :) .... كتاب السيرة النبوية للشيخ محمود المصرى وكتب الشيخ محمد حسين يعقوب زى قصة الالتزام ... وفيه كتاب اسمه البحر الرائق فى الزهد والرقائق جميل جدا وبيفيد فى ادارك متاعب النفس وكيفية مواجهتها ... انصح بكتاب رحلة الى الدار الاخرة للشيخ محمود المصرى برضه وكتاب رياض الصالحين .

1

0

Liked by: Yo

ask me :*(

December 30, 2012

عجيبة :)

1

0

Liked by: Yo

إيه أكتر حاجة نفسك تحققها ؟!!

Memo

December 30, 2012

انى انال الجنة ورضا ربنا وزوجة صالحة وذرية يكون ربنا راضى عنها وولدين وبنت خالد وعمر والبنت امها اللى تسميها :) مع انى احتمال اتزنق انا فى اسم الولد ومعرفش اسمى اللى انا عاوزه :)) ..... واننا نعيش فى سعادة ورخاء وفضل من ربنا .... وانى اساعد فى خدمة دينى ونشره فى كل مكان

9

0

Liked by: mayada Yo سارة العدوي ♡ Eman hassan Memo زوزآ ' яεεмα ♡'

ايه اخر حاجه قرأتها ؟

December 30, 2012

امير الظل لمهندس القسام المعتقل لدى الاحتلال عبدالله البرغوثى ... وكتاب لكارل مانهايم وبقرا فى رسائل النور لبديع الزمان النورسى وكتب اخرى :)

2

0

Liked by: Yo سارة العدوي ♡

شكرا بجد افدتنى كتير :)

December 30, 2012

بس برضه معرفتش مين معايا :) .... الشكر لله تحت امرك

2

0

Liked by: Yo

بتقول انك بدأت قراية من سن 4 سنين ايه اللى ساعدك ع كده ؟ او بمعنى تانى ايه اللى حببك في القراية في السن الصغير جدا ده ؟ عايز اعرف عشان ابنى يطلع يحب القراية كده :)

December 30, 2012

هو انتى عرفتى منين انى بقرا من سن 4 سنين :) الاول انا متراقب ولا ايه .... ايه الجو ده بقى ..

---

شوفى هو قدر كبداية انا افتكر انى كان فيه فضول رهيب بالفطرة واول مرة كان عندى 4 سنين شوفت كتاب لسه فاكرة كان قصة مقررة على طلبة مدرسة التجارة كانت مرمية شوفتها بالصدمة كان اسمها عمر بن عبد العزيز خامس الخلفاء الراشدين ... انا فتحتها وقرات فيها صفحة :) ... اه كنت بقرأ وانا فى السن ده برضه هبة من ربنا . وكان بيقولولى انى عبقرى :) .... المهم وقفلتها تانى بس اتغرست جوايا فكرة انى هقراها تانى اعرف فيها ايه ... وللعلم انا مشوفتهاش تانى فى حياتى

---

بس الفضول ده فضل معايا انى كنت بقرا اى حاجة تيجى قدامى حتى ورقة الجرائد اللى كانت بتغطى صينية الاكل كنت اقراها وبعدين كنت بجيب روايات مختلفة لنبيل فاروق وبدات القصة معايا كده محدش من اهلى كان بيشجعنى انا الفضول اللى عندى والخيال هما اللى شجعونى

---

لو عاوزة ابنك يبقى زى ان شاء الله هقولك تعملى ايه : املى غرفته برسومات والعاب ومن سن سنتين طبعا ابداى عوديه يشوف ويحب القصص المصورة وتقعدى تحكيها له لحد سن 4 او 5 سنين وهو بنفسه هيبدا بس المهم انها تبقى قدامه

---

وتحاولى تدخليه فى جو انه يتخيل اختبريه وقولليله من سن 4 سنين الف قصة او لو شاف كرتون والافضل انه ميشوفوش كتير انه يحكيه ليكى هتنمى عنده القدرةا لابداعية .

---

نمى فيه روح المغامرة واوعى تربى جواه الخوف ... اديله قدوة وياريت من الصحابة وانا افضل خالد بن الوليد لما تحكى له عن حياته والمعارك وتحببيه انه يعرف فى التاريخ ويقرا فيه ده عشقى الاول والاخير قراءة التاريخ .

---

اتمنى انى اكون قدمت حاجة مفيدة .... بس سؤال مين معايا :) وانا مش هقول لحد :)

View more

4

0

Liked by: Yo سارة العدوي ♡ Memo Eman hassan

كيف ستحتفل بعيد رأس السنة؟

December 30, 2012

فى البيت

1

0

Liked by: Yo

ايه هو الميتافيزيكس؟

December 30, 2012

دى علوم ما وراء الطبيعة ... علم بيختص بدراسة الخوارق زى عوالم الارواح وايضا القدرات الخاصة للبشر وعوالم الجن وكل الظواهر اللى ملهاش تفسير طبيعى زى الاساطير والخرافات ... العالم ده كبير اوى ولو حبيتى تدخلى فيه اقراى روايات الدكتور احمد خالد توفيق وكتب الدكتور راجى عنايات وهيعجبك مشوق حتى الثمالة :)

2

0

Liked by: Yo Eman hassan

ما مدى أهمية المال بالنسبة لك؟

October 13, 2012

هو وسيلة وليس غاية ... ولا يساوى شئ الحمد لله ان اتى فخير من الله ونعمة وان لم يات فراحة من الله

2

0

Liked by: Yo مَـهمإ يـقَؤلـؤن

هل تفضّل النّهار أم اللّيل؟

September 22, 2012

الليل

0

0

ما هو أهم شيء في العلاقة؟

September 11, 2012

اى علاقة كانت لابد فيها من الصدق والمصارحة والاحترام وحسن الظن وسلامة النية

1

0

Liked by: سارة العدوي ♡

ألا تعتقد أن كل شي يتغيير بشكل سريع؟

September 11, 2012

جدا

0

0

ما هو رأيك في الشرطة في بلدك؟

September 11, 2012

بلاش علشان محافظ على نظافة لسانى

0

0

ما الشخص الاكثر جنونا و الذي تعرفه؟

September 11, 2012

نفسى :)

1

0

Liked by: مجرد شابه

من هو أفضل أصدقائك؟

September 11, 2012

ابو شكر

0

0

هل تهتم بنظرة الناس إليك؟

September 11, 2012

لاء ولكن بعض الاحيان قد يكون هناك من يلاحظ فى شيئا قد يكون خطا منى او سوء فهم منه فانتبه لذلك اما محاولا توضيح الامر له او معرفة ما ينصحنى به ولكن هذا فقط مع المقربين

0

0

ما هو الحيوان الاليف الذي تريد ان تمتلكه في المستقبل؟

September 11, 2012

حصان

1

0

Liked by: sara`nfc

كم من الوقت أنت بحاجة لنومه لتكون في حالة جيدة؟

September 10, 2012

5 ساعات

2

0

Liked by: Sarah ♥ ♥ جَـنوبيـهٰٰ*!

كيف تستطيع أن تكون سعيدا دون مال؟

September 10, 2012

بالرضى والحمد لله والشكر له والقناعة والاقتناع بان ما انا فيه هو ما قدره الله لى ورغم سعيى الا انى قد وفقت لهذا قليلا كان او قصيرا

---

ان اجمع حولى من احب من اهل واصدقاء

---

والحمد لله على كل الم مريت بيه فى حياتى لانه علمنى ازاى احاول اخرج من الحزن بالسعادة

2

0

Liked by: حازم الياسي Reem.Alahmad

ما هي أفضل وجبة تناولتها في حياتك؟

September 10, 2012

لاء كتير

0

0

كم عدد الكتب التي قرأتها في حياتك؟

September 10, 2012

بدون مبالغة :)

---

كتير مش عاوز اقول الالاف انا بقرا من سن 4 او 5 سنين

1

0

Liked by: Eman hassan

أين ترغب أن تقضي فيه عطلتك؟

September 10, 2012

بما انى فى السعودية الوقتى فاقول جدة او الحرم المكى

0

0

ما هي الاشياء التي تحب أن تفعلها في الظلام؟

September 10, 2012

انا بشكرك يا اخى على السؤال الجميل ده :)) # ابو اسماعيل استايل .

---

والله بحب اقعد كتير افكر واتدبر فى امورى وحياتى وخاصة لما بكون مهموم او الالم فاق حد الاحتمال عندى

2

0

Liked by: سارة العدوي ♡ Eman hassan

كيف يمكن إنقاذ العالم من إرتفاع درجة حرارة الأرض؟

September 10, 2012

فيه حلول كتيرة زى التقليل والحد من الاستخدامات المولدة للغازات اللى بتعمل على رفع حرارة الارض لكن ده حل يقترب للمستحيل وتقريبا احنا فى طريقنا لرفع حرارة الارض بخطى او بقفزات بتقل المسافة بينها كل وقت والتانى

---

الحل التكيف مع الوضع ده وان كان ده صعب لان معنى ارتفاع درجة حرارة الارض باستمرار يعنى دمار محاصيل المناطق المدارية والاستوائية اللى هيبقى مرتاح ولاد التيت فى اوروبا وروسيا وشمال امريكا وكل من اقترب من القطب

1

0

مااللغة الأجنبية التي تود دراستها؟

September 10, 2012

حاليا الاسبانية او الالمانية

1

0

Liked by: Abdulmajeed

ما الذي ينبغي أن يكون في يوم مثالي؟

September 10, 2012

استيقاظ لصلاة الفجر واداء ركعتين قبلها مع الوتر وصلاة الفجر وباقى الصلوات فى جماعة المسجد بخشوع واطمئنان

---

الاقى العربية قدام البيت وانا رايح الشغل بدل ما اقعد استناها ربع ساعة واكتر على اول الشارع :)

---

اروح الشركة وملاقيش شغل :))

---

ارجع البيت الاقى الاكل جاهز ازاى بقى الله اعلم :)

---

انام وانا مطئمن ومرتاح وخالى البال من الهموم وسعيد وياريت اكون مع الانسانة اللى هتبقى مراتى :)

1

0

Liked by: Eman hassan

انتا مرتبط ؟؟ :)

September 10, 2012

ياريت والله هموت واعملها بس ازاى بقى ؟ لسه النصيب مجاش

1

0

Liked by: سارة العدوي ♡

إلى أي حد أنت طموح؟

September 10, 2012

حد الكون اللامتناهى فى اتساعه

2

0

Liked by: Eman hassan

ما هي الدول التي قمت بزيارتها؟

September 10, 2012

السعودية

0

0

ما هي أسعد لحظة في حياتك؟

September 10, 2012

مازلت انتظرها :)

0

0

من الذي صنع عالمنا؟

September 10, 2012

الله جل جلاله

2

0

Liked by: Eman hassan

كم العمر الذي تود عيشه و لماذا؟

September 10, 2012

مش عارف نفسى اعيش بطول عمر الدنيا بس اعيش فى صحة وسعادة
ونفسى اموت فى اللحظة دى وارتاح منها
ونفسى اعيش لحد ما اشوف اولادى واعيش دنيتى مع اللى ربنا اختارها لى واموت بعدها بثانية

2

0

Liked by: سارة العدوي ♡ Eman hassan

ما هو الفلم الذي تريد ان تعيش فيه؟

September 10, 2012

انا عايش فى فيلم من خيالى وتاليفى واخراجى فيه الصحابة فى صدر الاسلام وانا بحارب معاهم فى الغزوات وانا جنب خالد بن الوليد فى القادسية وجنب محمد الفاتح عند اسوار القسطنطينية وانا بدافع عن الارض ضد غزاة من كون اخر :) وانا بتنقل بين عوالم موازية للارض وبشوف حضارات تانية وانا حاضر لخلق الارض وعصورها الجيولوجية وانا عايش انسان وسط البرد والصقيع بين الديناصورات وانا بحكم امتى وبقودها للنصر والعزة والازدهار وانا بخطط لمصر ازاى تبقى احسن دولة فى العالم وانا بحل مشاكل بلدى وانا مع اجمل واحلى واحب انسانة لى فى الوجود مراتى وزوجتى حبيبتى - اللى لسه مجاتش :)) - وانا بربى اولادى وبعلمهم وبشوفهم وهما بيكبروا قدامى قادة ومفكرين ومسلمين على ما اراد الله ورسوله وانا بعيش كل عوالم الميتافزيكس اللى بس كنت بقرا عنها وبشوفها فى الافلام انا فيلمى اللى كنت بعيش فيه عالمى من وانا صغير لقيت لما كبرت الدكتور احمد خالد توفيق كاتب مجموعة قصص شبه العالم بتاعى وهى فانتازيا انصح بقرائتها جميلة بجد

View more

2

0

Liked by: سارة العدوي ♡ Eman hassan

ما هو أذكى شخص عرفته؟

September 10, 2012

فيه كتير كل واحد اذكى من التانية فى نقاط معينة زى ايهاب وابراهيم وابو محمود وانا برضه :))

0

0

ما الشخص الذي تتمنى أنك لم تلتق به؟

September 10, 2012

اثنين واسمهم كمان يبدا بحرف النون اتمنى لو لم التق بهم فى حياتى وبندم على كل لحظة ضيعتها معاهم

1

0

Liked by: سارة العدوي ♡

ما هو نوع السيارة المفضلة لديك؟

September 10, 2012

تويوتا فورتينر vs 40 هاجيبها ان شاء الله

1

0

هل تستطيع أن تنصح بقراءة شيء ما؟

September 10, 2012

طبعا اولا كتاب الله القران الكريم
وفيه كتب اخرى انصح بيها زى رياض الصالحين
البحر الرائق - سيرة النبى صلى الله عليه وسلم - ممكن تختار اى حاجة للدكتور مصطفى محمود ومنها اينشتاين والنسبية والاسلام السياسى وللدكتور جمال حمدان كتاب شخصية مصر - روايات شكسبير بس مش مترجمة صدقونى فيها افادة كبيرة جدا فى اللغة وحاولوا تتذوقوا جمال الشعر بلغة اخرى - ادجار الان بو قصصه رائعة بس رعب على فكرة :)) - راجى عنايات الراجل ده رائع جدا فى كتبه اللى بتدخل فى عوالم الالغاز والميتافزيكس والباراسيكولوجى - فيه بنت رائعة اسمها اسماء عبدالناصر عندها صفحة بالاسم ده على الفيس بوك كل اللى اقدر اقوله عليها هى الروعة فى سن صغيرة بكتابات رقيقة وهادئة تدخل الى القلب والوجدان بسحر غريب تجعلك لا تفكر الا فيها وكمان مفيدة جدا - كتب ابن القيم جميلة فى الرقائق واحوال القلوب - كتاب رحلة الى الدار الاخرة للشيخ محمود المصرى - وكتب الشيخ محمد حسين يعقوب جميلة بجد فى اسلوبها سيبكم من الشرايط لو مش بتحبوا تسمعوا صوته :)

---

وممكن توسع مداركك انك تقرا فى التاريخ ايضا زى ( الكامل فى التاريخ لابن الاثير والبداية والنهاية لابن كثير صحيح مجلدات لكن عن تجربة مش هتشعر بالوقت وانت بتقرا - ولو عاوز الزبد بقى روح على تاريخ الطبرى :) - فى تاريخ الحضارة عموما انصح بكتاب قصة الحضارة لويل ديورانت وده برضه مجلدات تقريبا 10 على ما اذكر بس كويس ومحايد .

---

كفاية كده :)

View more

3

0

Liked by: Esraa Mansour Eman hassan

ما التصرف الجنوني الذي قمت به في حياتك على الإطلاق؟

September 10, 2012

حاجة كده وانا فى 2 ثانوى لكن الحمد لله ربنا منعنى منها كل مرة كنت بحاول اعملها

0

0

أين ستعيش بعد خمس سنوات من الآن باعتقادك؟

September 10, 2012

معرفش انا هعيش فين بعد دقيقة من الان :)

---

لكن لو قدر لى العيش فان شاء الله اكون جنب زوجتى اللى لسه فى علم الله :) ومعايا ابنى خالد او بنتى - حسب ما تسميها امها - فى اى مكان ربنا يقدر لنا نجتمع فيه على طاعته وعلى خير ويكون فى رزق ونعمة منه سبحانه وتعالى

2

0

Liked by: Eman hassan Đeema♔

ماذا يمكنك تغييره في هذا العالم؟

September 10, 2012

نفسى اولا واحاول تغيير بيتى وما حولى الى الافضل استطيع ان اعمل على تغيير حياة من حولى عن طريق الالهام والدفع والحث على الخير وزيادة الايمان بالله استطيع ان اغير من حال اخوانى المسلمين واخواتى عن طريق الدعوة بينهم الى الالتزام اكثر واكثر بالدين
تقدر تغير امزجة الناس بالضحكة والبسمة وانك تعلمهم معنى السعادة والفرح
متفائل بس كل ده ممكن وبالتجربة :)

0

0

مع من تريد أن تعلق في المصعد؟

September 10, 2012

لاء مع نفسى ولا مع حد ربنا ما يبكتبها علينا :)

1

0

صف ما الذي يعنيه الصديق الجيد بالنسبة لك؟

September 10, 2012

انسان وفى يتمتع بالولاء اللانهائى للصداقة هو لك كاخ واقرب ما يكون لك من روحك نفسها
راجل فى وقت تحتاجه تلاقيه
انسان طيب تلاقيه فى السراء والضراء
ناصح
امين
نقى النفس
لا يحسد
لا يكره
يعلم عيوبك ولكن انت له اقرب الناس

---

والكثير والكثير والكثير

2

0

Liked by: Eman hassan

هل حدث لك أن فقزت بالباراشوت؟

September 10, 2012

لم انال هذا الشرف بعد :)) لكن اتمنى بصراحة

2

0

Liked by: Raghad

كيف يمكن أن تصبح مشهورا على شبكة الأنترنت؟

September 10, 2012

فيه اكتر من طريق :
1- قدم شئ مفيد للناس سواء كتابات قيمة او نصح ووعظ وعلم الناس شئ مفيد فى الدين او الحياة .
2- فيما حرم الله وده ابوابه كتيرة
3- اعمل لنفسك منتدى او صفحة على الفيس :)

---

- وبعدين ليه الشهرة هتاخدها معاك القبر خليك متواضع وبلاش تفتح على نفسك باب الكبر والغرور

0

0