AHMED Abd Elrahaman

#

August 14, 2015

من كل حدب وصوب وجد الدنيا تقذف عليه بكل حملها
تكبله بكل قوتها ... تؤلمه بكل ما فيها من أسنة شحذت بنيران ملتهبة

---

إنطرحت عليه أحلامه ومر شريط ذكرياته أمام عقله وهو ينظر إلى اللاشئ بأعين شاردة
إخفاقات وخسران أحلام تراكمت وإنتهت حاضر غير معلوم المدى فى تحققه ومستقبل فى علم الغيب لا يدرك !

---

وبهدوء شبك كفيه وراء رأسه ورفع بصره إلى السماء
ناظرا نحو الفضاء بلا أدنى مشاعر سوى راحة يطلبها وعقل خال خاوى !
ثم إسترخى !

0

0

#

August 14, 2015

~ الآمل هو يقينك بالله أنه كريم وأنه لن يضيعك .
هو ثقتك إن ربنا مطلع عليك وإنه قادر على كل شئ
وانه هيرزقك بالخير دايما .

---

هو ايمانك بقدرة الله هو انك تحقق عبودية ربنا فى نفسك وفى حياتك

---

الآمل ... ايمان بالله وكفى !

0

0

#

August 14, 2015

لا بأس إن لم تنل ! ... لا ضغينة فهناك ماض قد أفل !

---

لا غضاضة فى التجاوز فلم يعد تجرع الآلم بشئ يحتمل !

---

لا ضير إن لم يعد هناك أى بصيص .. فما كان لآفقك يوما من براح !

---

خَفت الضياء ولكن .. راحة ربما ... برودة وقسوة نعم هى أصبحت ريثما بلغ النصاب وإكتمل

---

بل قد إكتفى !

---

لا بأس إن وضعت فى مقارنة ظالمة ! ... لا بأس إن كان فى النهاية هو القدر !

---

كان لحنا جميلا .. أمنية رائعة ... حلما كان من الخيال بمكان .. ولانه كان خيالا فلم يكن تجسدا يصلح له بين موجودات الحياة !

---

لا عبرات فلن يجدى ولن يعيد شيئا ولن يجبر كسرا !

---

ربما لا وجود لمثل هذا النقاء فى المنحنى الزمنى الخاص بك .. ربما النهاية كما توقعت ! .. ربما تلك الرسائل كانت تؤكد حقيقة لا خلاف فيها أن الرزق لن يكون هنا ... لن يأتى هنا
ولست منهم ... لن تكون .. ربما ذلك الصوت لم يكن مخادعا فى حقيقته .. ربما كان ندائه بكل ما يحمله من قوة وفرح وسعادة وبشرى بتحقق الامنيات كان حقيقة ولكن ... لم يكن مكانه هنا

---

لم يكن يبشر بشئ على أرض البشر ! .... ربما فى النهاية كان صادقا ! ولم تعى أنت ذلك المعنى طويلا .

---

فلابأس إن لم تنل فلا ضغينة لذكرى ماض قد أفل .. ولم يعد !

View more

0

0

People you may like

جهاد رزق عوض.

also likes

• #القراءة

Nora Mostafa

also likes

• #الطب

Hasan Mohamed

also likes

• #التاريخ

Mohammed Gamal

also likes

• #مقارنةالأديان

• ؏ـل ــ͜ـ͡وشہ 93┆

also likes

• #دراسة

وَقَار

also likes

• #القراءة

Mohammed Alaa™

also likes

• #الطب

مفسر الاحلام

also likes

• #التاريخ

ََبَليغٌ

also likes

• #مقارنةالأديان

Ahmed Elherbity

also likes

• #القراءة

الّسٙمْآآآنٰ

also likes

• #الطب

abeer emara

also likes

• #التاريخ

Rokaya Abdelbaky

also likes

• #القراءة

محمد حمدان

also likes

• #الطب

محمد نصر ليله

also likes

• #التاريخ

Salsabeel Wahba

also likes

• #القراءة

Mairoze Tarek

also likes

• #الطب

Hatem El Mahdy

also likes

• #التاريخ

ن̀́د̀́ي

also likes

• #القراءة

Salma Qattawy

also likes

• #الطب

سارّة إبراهيم

also likes

• #التاريخ

(7amed sa3ed)

also likes

• #القراءة

Manar Atef

also likes

• #الطب

Amany Badwey

also likes

• #التاريخ

♥️رّحًيًّقَ اُلَّجَنَّةَ♥️⛅️

also likes

• #القراءة

Want to make more friends? Try this: Tell us what you like and find people with the same interests. Try this:

#ahlawy #alahly #football #amrdiab #zamalek #tamerhosny #realmadrid #friends #amr_diab #zamalek

+ add more interests + add your interests

مما رايت

August 14, 2015

~ كان الهمس هو الحديث .. تتعانق أعينهما بنداء الشوق
يقفان بلا أدنى حراك إلا حديث الشفاه وتورد الوجنات من الخجل وإخفاضة قليلة بالعين إلى الأرض .
كان جمعا من إثنين .. فقط إثنين .. وهل لا تغنى الدنيا عن الإثنين
فإفترقا .. من الوقفة فقط .. أما القلوب فكانت متصلة متضامة متلاحمة لا تنفك ولا تفترق .
إبتعدت هى إلى سيارتها فى خفة وهو يتابعها بنظرات حب
وسرعان ما إلتفت بسيارتها إلى الطريق ونظرت إليه .. ولم تخفض عيناها عنه ولم تبعدها عن مرآه ولا ناظريه .. حتى مع دوى أبواق السيارات الغاضبة لقطعها الطريق بهذا الاسلوب الفج .. لم تكن تسمع ولم تكن حتى تبالى بل ربما لم تشعر بهم .. كانت معه تعانقه بأعينها تحتضنه بخفقات قلبها بأعين مثبتتة عليه وهو يبادلها نفس العناق !

---

لوهلة بدت كالدهر وحقا كانت دهرا لها على الأقل ثم إستدرات بسيارتها وحدقاتها مازالت تتابعه حتى إنطلقت بأعين على الطريق وقلب محلق ينظر إلى من تركته بالخلف .

View more

1

0

#

August 14, 2015

لا اجد الا قليل يحمل فى طياته الكثير .. بوح من غزير لن يخرج بحكم القدر .. حلم تجسد فلم يكن شيئا يفعل سوى تمنيه ولا يمُلك بشأنه إلا السعى
وسعى طريقه مقطوع بلا نور أو أمل .. ضياء يلوح من بعيد ولكن لا يستطاع أن يُنال منه قبس .. ومن الله أرجو أن أكون من أنال هذا الشرف
رغم إحاطة الكثيرين له .. رغم غزارة من يجولون ويصولون آملين مريدين راغبين .. لكن لا يعلم الغيب إلا الله وتتغير الدنيا بين لحظة وأخرى

فقد ينبلج الصبح عن مسعى منير وطريق آمن أو حتى شائك لا أبالى المهم أن تكون نهاية المطاف .. عند الضياء :)
فأشتهى وصلا غير منقطعِ .. إلى كينونة بحال لا ينتهى .. من المسك كانت روحها .. فواحة كرحيق الزهر .. كالجنة فى أرض الملك تتجلى .. فى خلق من خلقه كالبدر .. إن لها لعلى حق .. وحقها أن تحفظ فى السماء كالنجم .. فلا أرض تدنسها ولا بحر .. وليس لها من خليل إلا القمر .. أما أن الأوان وإنقضى الانتظار .. ولكن لها حق الاختيار.. ولصمتها كل إحترام .

View more

0

0

#

August 14, 2015

حيرة ... تخبط .. خوف .. قلق .. بصيرة أغلقت على نفسها أبوابها !

---

وقلب ملتاع .. يكاد يخترق الجسد الذى يحتويه هربا إلى مستقر !

---

وعقل كان دوما يحكم بصواب إلا الأن أمسى عاجزا عن التدبر !

---

قلبُ يدعوك يارب .. قلبُ متعلق بالرجاء .. راغبا فى قدرا ضئيلا من السلام قلبا ليس فى الدنيا من شئ له

---

ولا حاجة تعوزه إلا طاقة دافئة معينة على إكمال ما بقى من الحياة .. فقط ذلك النور الذى يضيئ بنسيمه ظلمة الوحدة ووحشتها .

---

فالنور يارب ... النور يارب

1

0

Liked by: مغلق

مما رأيت ؟

August 14, 2015

يمشى وحيدا ثابت الخطى ماض لا يتردد
قلب اجوف خلا من كل دفء فأمشى مظلما باردا كئيبا كأقسى ليالى الشتاء
تلمح عيناه كل مار بنظرات سريعة غير آبهة لشئ إﻻ مما قد يعلق فى القلب من أمل خبت ظﻻله ولكن بقى أصلا له جذرا ممتد

---

ومن وسط الزخم ومتاهة مختلطة وتخبط فى الامنيات بلغ حد السئم
كان نورا قد ظهر ... كان لمحة من أمل

---

فى حياء إقترب وبكل خجل أشاح وإبتعد
بهفوة قلب تابعه بنظرات حملت أخيرا معنى للدفء معنى للراحة وإستنجادا باﻷمل

---

نظرات تبادلت بين ثبات وموارة بين تركيز وهرب

---

نظرات حملت فى كل لمحة منها شفاءا لكل نائبة من نوائب الدهر كان قلب الفتى بها قد إمتلأ
أمل أتى من السرور وكان من المسرة نصيبا فى إسمه
بدرا طامحا يرفرف كطيور الجنة لاشبيه له وﻻ مثل

---

رقة تتهادى على أرض الخالق وإبتسامة من حسن خلق
ورحمة من نفحات المولى
فأنى للشكر ان يوفى حق الدعاء المستجب

0

0

#

August 14, 2015

إليكى .. ربما تلك هى المرة الأولى التى أحدثكى فيها مباشرة هنا وأوجه شيئا لكى خصيصا .
ويكفينى ان اشير هنا الى ما جمعنى بكى فى السابق عندما حذرتكى ممن أراد الإيذاء لكى .. كنتى ومازلت ودوما ستكونين فخرا خاص لى بكل ما أنتى عليه وما ستكونين بإذن الله .. سعدت دوما باللقب الذى منحتينى إياه .. فرحت دوما عندما يصلنى أنكى تريينى بصورة ما وأننى أحتل مكانة تأتى بعد والديكى ومقرونة بالعديد من الأفاضل الذين أتشرف بأن أنسب معهم عندكى فى نفس المقام .. كنتى دوما نورا متفردا وسط هذا الزخم وستكونين ضياءا للأخرين إن واصلتى ان شاء الله .. أخبركى هنا أننى لم أعد أستطيع أن أكمل .. ويكفينى ما أخبرتينى يوما أنك قد تعلمتى الكثير فلربما كان ذلك قدرى فقدرى دوما لم يكن أن أكمل شيئا قد بدأته .. فهنا الوصية .. أكملى فأنتى قادرة على ما لم أستطع أنا فعله .. لم يكن قدرى أن أفعل فقط أنا راحل وعابر أفيد وأمضى ولا أبقى أبدا . أكملى حتى يكتمل القضاء ويأتى الأمر .

View more

1

0

Liked by: Nesma Mohamed

احكى ^_^

August 14, 2015

عادة ما أمحو تلك الأسئلة ففى وقتها لا أجد الفراغ المناسب لمراعاة تراهات البعض ! .. ولكنى إستبقيت البعض ! لا أدرى لما ! .. ربما تظهر حاجة لها .. وربما لا ! وها قد حان الوقت !
رأيتها منذ زمن يبدو لى سحيق ! .. روحا جميلة تغدو تائهة تحت المطر .. برودة تحتاج كل شئ وتعصف الريح بكل حد .. روحا تائهة عديمة الإتجاه تملك طاقات من نور تجرها خلفها بلا إدراك لقيمة ما تحمل .. وسعى حثيث إلى مستقر أملا فى حرارة لأنقضاء تلك البرودة ورغبا فى الدفء لإحتواء لأمل ريثما تنقضى الحياة .. فلم تجد ولن تجد فما كان فى ضيق الأرض حيز للراحة إلا فى رحب السماء وجد ! .. فأصبحت الكلمات أجنحة صنعتها لتحلق طافية بعيدا عن أسقام الحياة .
بعيدا عن ضوضاء الناس أضحى العدم هو المراد .. مراد فرض نفسه بقوة على ابعاد حيز الرؤية فأضحى هو الرؤية وهو المكان ! .. دنيا لا ضوء فيها ولا حياة .. ولم يكن فى السماء إلا سراب أمسى إلى لا شئ كأنه لم يكن الا بصيص أمل لاح فى الأفق وإنتهى ! لحظة مضيئة فى قلب الظلام .. أملا إلى الحياة عاد .. فى أوقات تضع لك الدنيا أرواح متشابهة .. أراوح مكملة لا تتلاقى بنفسها ولكن بتوفيق فكل منها بقبع فى ظلامه ولكن بتلاقيها ينبثق النور ماحيا كل ظلام ومبددا كل غشاوة .. تتلاقى الأراوح بحملها عبر سير الدنيا ويتبدد الظلام بوقت المرور كشاحنات قطار متلاقية على قبضان معاكسة لا تلبث إلا أن تذوى وتبتعد .. وتقبع الروح كامنة فى ظلامها لا شئ يعوزها ولا رحب يحوطها ولا نور يبصرها .
تلك الأراوح التى وضعت فى محك إختبار فى الدنيا تلك الأراوح التى وضعت فى مكان خاطئ فى وقت خاطئ فى ظروف خاطئة وكان الأختبار أن تقاوم وتبنى وتحارب كى تصنع الكيان الملائم واللائق .. كى تغير كى تبنى كى تكون كما أريد لعظمتها أن توجد وقدر لها أن تعلو .. تلك الأراوح التى يفشل أغلب سكانها فى العبور ! .. تلك الأراوح التى إن حيت فستجد أنها لم تكن لتحتاج لنور أو ضياء .. لأنها هى النور

View more

2

0

Liked by: Zeinab Farrag EL-alfi karimantarekk

احكى

August 12, 2015

قرب ما كان ليوجد وراحة ما كانت لتتصور ! .. آملا فى إنقطاع الضباب لبرهة من الزمن
شيئا فى الأفق لاح فكان بين دفتيه مستراح ما بين ضيق وكرب إلى سعة وبراح .. إنتقال أشبه من حيز الأرض إلى براح الكون بمجراته .. بوح لا يختصر المعانى ولا يحد من القدر ولا يوصف الكم .. روحا لا تملك إلا أن تشكر وتستغرق وتطفو
قلب .. روح .. طيف .. شغف .. تفاعل .. حرية .. لا شئ يصف حقا ذلك الكيان !
كيان ربما لأن البشر لم يوجد فيهم بعد مثله .. كيان ليس من قدره أن يحل فى جسد فان . كيان نسال الدوام حوله والبقاء بقربه والاحتواء بداخله والعلو معه والإرتقاء به .. فأمانه معنا وإطمئنانا معه .. فهو النعمة بتجسديها حقيقة رأى العين وهو عين يقين القلب :)

8

0

Liked by: Maha Hamdy mohab ahmed Hadeer Ghattas منّــة karimantarekk Radwa Ali

هل الله كما يقولون يحمل لنا الشر كما يحمل لنا الخير ؟

July 31, 2015

إن عاقبت إبنك أو أخ لك .. لخطأ ما فعله .. أو أدرجته فى إختبار لتقويه أو لتعرف معدنه لمصلحته .. فهل ذلك يعد شرا ؟

---

المنظور يا إخوة :) .. إختلاف المنظور والبعد الأوسع فى رؤية الكون والايمان بحكمة الله .

---

ما تراه خيرا قد أراه شرا والعكس .. ما تراه صوابا قد أخالفك فيه .. إلا ما ورد التصريح بشأنه فى الدين .

---

الله قد يفعل شيئا أو يقدر أمرا قد تراه شرا وقد يراه غيرك ابتلاء ويراه أخر عقاب وكلا على حسب ايمانه ونظرته لأمر نفسه وتدبره .

---

إنظر إلى كل ما حولك والى الارض وكل شئ فى الكون .. فهل خالق كل ذلك يمكن أن تُدرك حكمته بكل ما فيها :)

---

لا يوجد خير او شر فى قدر الله بل تقدير لأمور يعلمها الله فى عباده وبحكمته .

---

وفكر فى الصورة دى .. وفكر فى ربنا وحكمته .

18

0

Liked by: سارة العدوي ♡ أسماء Rania شجن. Ansam Qutmiera ✨ 7ano. شويّة رَغد: ــْ وآبلُ الغَيث "عَمرو" Hanan Motawea

نفسك فى ايه ؟

July 31, 2015

وكوخ على القمة

5

0

Liked by: Rofida Osama Hadeer Ghattas Maha Hamdy وآبلُ الغَيث "عَمرو" Rania

صلي علي النبي وتبسم^___^

July 31, 2015

صلى الله عليه وسلم :))

2

0

Liked by: وآبلُ الغَيث "عَمرو" Rania

الله عليك بجد :) أنا غير اللي بيسألوا بس عايزة أقول كلام حضرتك مفروض يُدرس ف المدارس والله :)) ربنا يبارك فيك ويحققلك اللي بتتمناه ويجعلك الخير فيه :)

July 31, 2015

انتى ممكن تقولى نفس الكلام ده :) .. ربنا يكرمك ويعفو عنا .. اللهم امين ولكى بمثله :]

2

0

Liked by: نور وصفي Rania

يعنى ايه (لمن هو قريب من قلبى انا اسف ) وليه حضرتك كررت الجمله الأخيره كتيير كدا ؟!

July 31, 2015

كررتها لانها الحل السحرى للموضوع ده :)

0

0

انا غير اللى سالت )))) أنساها ازاى يا أستاذى وهى كانت كل ما لى ومش شايف الا غيرها انا مقتنع ان العلاقة كانت غلط لكن اعمل ايه فى قلبى :(( انصحنى

July 31, 2015

بص يا ريس .. عمرو دياب كان بيقول ايه " فات اد ايه ولا يوم قدرت انساك وليه الدنيا ليه يا حبيبى بعيد وخداك انا مش قادر على نسيانك حبيبى .. مين فى الدنيا هيملى مكانك حبيبى .. والله بحبه وهفضل بحبه حبيبى .. ارجع لى خلاص مش قادر " محدش يضحك الكلام هنا مهم .

---

كل الهرى اللى فوق ده دماغنا اتملت بيه وخاصة جيلنا .. الكلام حلو والتراك كان رائع الحقيقة .

---

بس الكلام ده كله بيمثل صورة واضحة من النموذج اللى اتفرض على النفوس انها مينفعش تنسى ومينفعش تعيش من غير شئ كان اساسى فى فترة من الحياة .

---

الموضوع له ابعاد كتيرة جدا منها :-

---

- اولا : انت عشت كتير فى حياتك وشوفت كتير ونسيت برضه كتير من ابسط الامثلة لاكبرها على حسب طبيعة حياتك .. يعنى مريت بضغط امتحانات وكنت فاكر ان دى نهاية الدنيا .. يمكن انضربت من ابوك علقة وكنت فاكر ان زعله منك هيدوم .. يمكن عكيت فى مرة وكسرت حاجة فى البيت ووالدتك " كالعادة " قالتلك لما ابوك ييجى هيطين عيشتك وقضيت اليوم فى رعب ودخلت نمت بدرى علشان " قال ايه ميهونش عليك يصحيك " فى الغالب مش بيصحوا فعلا :D
متستهونش بكده دى امثلة بسيطة على قدرتك على المواجهة .. بس المشكلة هنا انك مش مدرك انك تقدر تواجه نفسك وتنسى .. وانك مش عاوز تنسى :)

---

اول حاجة _ ابعد عن الاغانى وخاصة الخاصة بالفراق والحب والكلام ده وابعد عن اى مؤثر يثير مشاعرك _

---

- ثانيا :العلاقة كانت غلط وانتهت .. ده يعرفك إن الامر انتهى بمزاجك او غصب عنك فده بيبقى من جميل تدارك الله لك ومساعدتك فى نقصك وتقصيرك .. اللى هو انت بتبقى وحش ومقصر ومع ذلك تلاقيه بيخليك تنجح مثلا فى شغلك او دراستك او فى حاجات انت بتعملها رغم انك مقصر .. يعنى علشان تحس :) .. وفى نفس الوقت تعرف ان ربنا لم ينساك :)

---

- ثالثا : انت وقعت ازاى .. بالفكرة .. وتعلقت ازاى .. بالانشغال بالفكرة والخوض فيها والتفاعل معاها .. انت فكرت فيها واتعلقت بيها اكثر لما اتعاملت معاها وزدت اكثر فى التعلق بالتفاعل معاها .

---

~ مشكلة المشاعر اللى زى دى انها مش بتروح بسهولة لكن فى نهاية المطاف بتروح .. بتروح ازاى ؟!

---

- بالفكرة برضه .. انك تبعد عن وجع القلب ده .

---

- بالانشغال .. تلبخ نفسك او تبنى نفسك من جديد بشكل سليم فى كافة نواحى حياتك ومتديش لنفسك فرصة انك تفتكر .

---

- بانك تفهم نفسك صح .. يعنى انت هييجى عليك اوقات بسبب الفراغ العاطفى او الفراغ الوقتى او حتى لما تشوف اتنين بيحبوا بعض او متزوجين او صاحبك بيخطب وتلاقى فى حلقك غصة كده مؤلمة وتلاقى دماغك بدات تقلب عليك
الوقت ده انت مشاعرك هى اللى بتهاجمك لكن فى العادى انت كويس مدام مشغول فى حياتك الخاصة بيك .
الوقت ده لازم تفكر فيه من منطلق " رزق ربنا ليك - الصبر على ماهو آت - اليقين فى كرم ربنا "
~ واهم حاجة .. بطل تفكر فى البنت دى .. ابعد عن اى طريق بينك وبينها .. بطل تفكر فى البنت دى .. ابعد عن اى طريق بينك وبينها .. بطل تفكر فى البنت دى .. ابعد عن اى طريق بينك وبينها .. بطل تفكر فى البنت دى .. ابعد عن اى طريق بينك وبينها .. بطل تفكر فى البنت دى .. ابعد عن اى طريق بينك وبينها .. بطل تفكر فى البنت دى .. ابعد عن اى طريق بينك وبينها .. بطل تفكر فى البنت دى .. ابعد عن اى طريق بينك وبينها .. بطل تفكر فى البنت دى .. ابعد عن اى طريق بينك وبينها .. بطل تفكر فى البنت دى .. ابعد عن اى طريق بينك وبينها .. بطل تفكر فى البنت دى .. ابعد عن اى طريق بينك وبينها .. بطل تفكر فى البنت دى .. ابعد عن اى طريق بينك وبينها .. بطل تفكر فى البنت دى .. ابعد عن اى طريق بينك وبينها .

View more

8

0

Liked by: AHMED Abd Elrahaman نور وصفي Rahma أسماء منّــة

هو معلش انا عندى سؤال هو لما كل واحد بيحب واحدة ويقرر ينساها طب وبالنسبة ليها هى شعورها ايه طز ليه كله بيستسهل محدش بيحاول ويتعب عشان يحافظ على اللى بيحبها وفى نفس الوقت يتقى الله فيها ويدعى ربنا انها لو خير لى تكون من نصيبه الحب الحقيقي ده رزق وممكن نعيش طول حياتنا ومنلقيهوش ويوم ما نلاقى نسيه

July 31, 2015

الموضوع مش بالسهولة دى وكل حاجة محتاجة تتشرح لوحدها .. عموما احنا عندنا كعرب وكمصريين خصوصا مشاكل نفسية كثيرة فى فهم الارتباط والحب والتعامل معهم وخاصة ان كل مظاهر الحب الفترة الحالية بقت الكترونية فقط !

0

0

نفسيتى تعبانة جدا ومخنوق ومش عارف اضحك وطول الوقت بفكر فيها مش قادر أنساها ومش شايف بنات غيرها ومش متخيل حياتي من غيرها وبستغفر ربنا طول الوقت علشان أنساها ومش عارف اعمل اية انا تعبت اوى

July 31, 2015

احكيلى اللى حصل بالضبط .. وخد نصيحة من أخوك .. لو فضلت بالحال ده فهتقضى سنتين من حياتك ضايع لحد ما تتعلم الدرس وتعرف انك خسرت سنتين فى لاشئ .. لو قسيت على نفسك وروضتها بالعافية اخرك عدة شهور فى التعب والفقد ده وهتبقى كويس .

---

احكى بقى ايه اللى حصل ؟ :)

3

0

Liked by: نور وصفي ♣️♥️اجمعنى مع احبتى بالفردوس♥️ tahataha

الفجر ﻻزم يتأخر تلت ساعة فى الصلاة حتى دخول الوقت ؟ صح ده

July 30, 2015

الافضل ايوه علشان تبقى فى الوقت الصحيح وتبعد عن الشك

1

0

حضرتك ليه مش بتجاوب ؟

July 28, 2015

ياريت الناس تسالنى تانى بس اى اسئلة قديمة لهم وانا من النهاردة هجاوب حاضر

0

0

ما هو أطول حوار خضته مع شخص مؤخرًا، وماذا كان موضوعه؟

July 28, 2015

عجيب السؤال ده الحقيقة فى التوقيت ده :D .. أخدت بالك يا حاج :))

2

0

Liked by: haneen khaled Radwa Ali

ما هي أطول فترة قضيتها دون نوم؟

July 27, 2015

ممكن 4 أيام

0

0

أه تعرفنى و لا تسأل من :)

July 25, 2015

لنزداد شرفا :)

1

0

Liked by: محمد خالد✔

مش أنا اللى كتبت الكلام و معرفش مين كتبه عارفة إنك مسعيتش لكل دا لو سعيت كنت هتكون أشهر و مش بعيد مليونير :D و لذا وجدت الكلمات هذه تشبهك عرفتك هكذا و لو كنت مخطئة فاسع لتكون زيها

July 24, 2015

ربنا يكرمك شكرا ليكى انتى قلبك طيب فحافظى عليه كده بس احذرى من شياطين البشر .. وممكن اسال هل انا اعرف حضرتك ؟

0

0

ﻋﺮﻓﺘﻚ ﺧﻴﺮﺍً ﺑﺤﺮﺍً ﻣﻦ ﺍﻵﺩﺁﺏ ِ ﻭﺍﻟﺤﻜﻢ ِ ﻋﺮﻓﺘﻚ ﻳﺎ ﺃﺧﻲ ﺻﻔﺮﺍً ﻣﻦ ﺍﻷﺣﻘﺎﺩ ِ ﻭﺍﻟﻔﺘﻦ ِ ﻋﺮﻓﺘﻚ ﻳﺎ ﺃﺧﻲ ﻣﺴﻜﺎً ﻳﻔﻮﺡ ﺷﺬﺍﻩُ ﻓﻲ ﺃﻧﻔﻲ ﻋﺮﻓﺘﻚ ﻳﺎ ﺍﺧﻲ ﻟﺤﻨﺎً ﻧﺪﻳﺎً ﺧﺎﺭﻗﺎً ﺳﻤﻌﻲ مش كلماتى ، لكن كل كلمة قرأتها لم أجدها سوى فيك أستاذى و أخى الفاضل :) أنار الله قلبك و بصيرتك و أراح بالك

July 24, 2015

بداية انا شاكر لك حسن ظنك وكلامك الجميل وبلاغتك دى .. وشاكر ليك جدا مجهودك انك كتبت الكلام ده لى

---

بس متزعلش منى خلينى اتقل عليك شوية وانت هتستحملنى علشان بتعزنى .

---

الكلام ده غلط .. انا مش كده .. انا فعلا مش كده ولا اى حاجة من اللى انت قولتها !

---

ممكن تقول انا محطوط هنا علشان يبقى لى دور ولو بسيط .. لكن صدقا انا مسعيتش للدور ده ولو اقدر اسيبه كنت سيبته .. اما باقى الكلام فانا مفيش حاجة فى من اى من دول بدون مبالغة

---

ربنا يكرمك

1

0

Liked by: نور وصفي

ﻋﺮﻓﺘﻚ ﺩﺍﻋﻴﺎً ﻟﻠﻪ ﻋﺮﻓﺘﻚ ﺷُﻌﻠﺔ ً ﺗﻘﺪ ِ ﻋﺮﻓﺘﻚ ﻗﺪﻭﺓ ً ﻟﻠﻨﺎﺱ ﻭﺷﻬﻤﺎً ﻓﺎﺛﺒﺘﻦ ﺃﺣﺪ ِ ﻋﺮﻓﺘﻚ ﻫﻤﺔ ﻓﺎﻗﺖ ﻋُﻼ ﺍﻟﻨﺠﻤﺎﺕ ِ ﻭﺍﻟﺴُﺤﺐ ِ ﻋﺮﻓﺘﻚ ﺑﺴﻤﺔ ً ﻓﻲ ﺍﻟﻨﺎﺱ ﻋﻨﺪ ﺍﻟﻤﻮﻗﻒ ﺍﻟﺼﻌﺐ ِ ﻋﺮﻓﺘﻚ ﻳﺎ ﺃﺧﻲ ﻭﺳﻄﺎً ﻋﻠﻰ ﺍﻷﻃﺮﺍﻑ ﻻ ﺗﻤﻞ ِ ﻋﺮﻓﺘﻚ ﺗﻨﻴﺮ ﺍﻟﺪﺭﺏ ﻭﺍﻟﻈُﻠﻢ ِ ﻋﺮﻓﺘﻚ ﻳﺎ ﺃﺧﻲ ﺟﺒﻼً ﻳﺼﺪُ ﺍﻟﺮﻳﺢ ﻻ ﻳﻬﺐ ِ ﻋﺮﻓﺘﻚ ﺻﺎﻣﺪﺍً ﺃﻗﻮﻯ ﻣﻦ الإعصار و الشهب

July 24, 2015

الكلام ده لمين بالضبط ؟

0

0

نفسك فى ايه ؟

July 24, 2015

انا نفسى بس ارتاح فى الدنيا ولو نسبيا ولما اموت حد يفكرتنى بذكرى طيبة مش طالب اكتر من كده

3

0

Liked by: نور وصفي Rania

هتوافق على شغل زوجتك وانها تساعدك ف مصروفات المنزل ؟

July 24, 2015

لما ابقى اعرف الاول انا هتجوز مين وهل هتبقى عاوز تشتغل وشغلها هيكون ايه :D

0

0

إذا كنت في جزيرة معزولة، فكيف ستقضي وقتك؟

July 23, 2015

سباحة .. صيد .. بناء بيت مقوى فى باطن الارض ومعزول عن المياه علشان المطر واماكن تخزين الميه وتخزين الاكل .. ولف بقى فى الجزيرة ودراسة لها .. واستمتاع بالشاطئ والاحياء البحرية لو وجدت فيه .. انعزال تام مينفعش لاننا متعودناش على كده ولعل cast away خير مثال على كده .. الموضوع يبقى لطيف لو 4 شهور تقريبا بالنسبة لى انا :)

3

0

Liked by: SaMaa Mahmoud ~°•asmaa dentista•°~ منّــة

والديّ ليهم فضل كبير عليا. وأنا ببقى نفسي أظهر مشاعر الامتنان والشكر بس بتكسف جدا ومش متعودة ع الموضوع دا. مابعرفش أعتذر ولا أشكر ولا أظهر تعاملي مع الناس لو كان جادّ قدامهم. أعمل إيه

July 23, 2015

إبدائى بالشكر والود :) .. وهتتعودى مع الوقت بس تعالى على نفسك

0

0

هتسيب/ي موبايلك مع مين يوم فرحك ؟ ♡

July 23, 2015

سؤال بايخ الحقيقة :D .. يعنى الدنيا خلاص خلصت وكل حاجة بقت تماما وهتجوز بقى وكل حاجة متظبطة وهقعد افكر هشيل موبايلى فين ومع مين .. مشكلة عويصة الحقيقة

2

0

Liked by: نور وصفي ~°•asmaa dentista•°~

ماذا لو بقيت جماد لمدة يوم ! هتبقي ايه و ليه ؟

July 23, 2015

هبقى بؤرة عواصف برقية ثلجية محملة بالأعاصير وهلف لفة على الكوكب !

3

0

Liked by: SaMaa Mahmoud ~°•asmaa dentista•°~

رساله لشخص ..!

July 23, 2015

إحذر انت بتتعامل مع واحد دماغه متركبة من الـ 3 اللى تحت دول :D

---

وقد أعذر من أنذر :D

4

0

Liked by: ~°•asmaa dentista•°~ سارة صابر ♥️

يا حامل هما إن الهم الهم لايدوم مثلما تفني السعادة هكذا تفني الهموم :) إن بعد العسر يسر ..

July 23, 2015

الله المستعان .. شكرا لك :)

1

0

Liked by: ~°•asmaa dentista•°~

ساعة النرفزة الواحد بيقول كلام مش قاصده ولا بيقول كلام فعلا جواه؟

July 23, 2015

مش دائما .. فيه ناس بتبقى مخنوقة وعاوزة تفضى الخنقة دى وخلاص فى اى حاجة
فيه ناس بتحس انها مهزومة فبتعك فى الكلام علشان تحقق لنفسها نصر ايا كان نوع الخنقة والخناقة
فيه ناس فعلا بتقول اللى جواها بس برضه ممكن يقولك على عيوب مثلا او حاجات شايلها منك لكن مش مأثره على علاقته بيك .

---

يعنى خدها قاعدة بشكل عام مفيش ثوابت مثلا فى اى انواع علاقات الا حاجة واحدة اساسية " انها متبقاش علاقة متعبة وانك تبقى مرتاح بشكل كبير " غير كده اى مشاكل او اى حالة بتتوقف على حسب الاحداث والحيثيات اللى حواليها وبتاخد قرارك بشكل منفصل حسب كل حالة منهم

---

فحاول تفهم الاول هو ليه قال كده وراجع الموقف بحيادية

2

0

Liked by: SaMaa Mahmoud ~°•asmaa dentista•°~

رايك ايه في كلمه مرتبط/ه ؟ برغم عدم وجود خطوبه او زواج ؟

July 23, 2015

مرتبطة وامى عارفة والكلام ده :) .. استعباط يابنى بعيد عنك

1

0

Liked by: ~°•asmaa dentista•°~

لعل غيابك خير :)

July 22, 2015

لاء للاسف

0

0

ازيك استاذ احمد ان شاء الله تكون بخير حال

July 22, 2015

ازيك انت لعلك انت اللى بخير حال

0

0

تحدث عن ضوابط فترة الخطوبة :)

July 22, 2015

انا بنام على نفسى فاستحملنى

---

بلاش شغل المحن اللى بيطلع من الشباب وبيحاول يمسك ايدك وممكن يجرب يقرب منك واوقات بيتطوروا الى بوس واحضان .. بيحصل !

---

بلاش السهوكة والدلع منك معاه .. الا قبل فرحكم بفترة يعنى من باب تقريب القلوب .

---

اتكلموا فى كل شئ بس بلاش الرغى اليومى .. بلاش يمارس سلطاته عليكى كزوج وهو لسه خاطبك .

---

متتكلموش يوميا .. متتكلموش يوميا .. متتكلموش يوميا ومتخلصوش كل الكلام بينكم فى الخطوبة علشان متزقهوش من بعض بعد الزواج

---

لموا نفسكم :) .. انتوا مش متجوزين لسه .

---

خليكم صريحين مع بعضكم البعض وناقشوا اى مشكلة واقعدوا سوا بعقل ومنطق فكروا فى حياتكم الجاية بالورقة والقلم من كل النواحى " مادية - ثقافية - شخصية - مشاعر - افعال - بتحبوا ايه - بتكرهوا ايه - عاوزين ايه من بعض - شايفين الحياة هتبقى ازاى .. هتتعاملوا مع المشاكل ازاى - هتتعاملوا مع الخلافات ازاى بينكم " كل شئ

---

والسلام ختام

9

0

Liked by: ayasoliman507 Esraa Mansour SaMaa Mahmoud ~°•asmaa dentista•°~ رضــوى Heba Adlyl Rofyda Saad karimantarekk

اقطع اتصالك بالخلق واتصل مع الخالق

July 22, 2015

انا قاطع مع الخلق من زمان

1

0

Liked by: karimantarekk

كيف تصف شخصيتك في 5 كلمات؟

July 22, 2015

لاء انا بلا فخر متوصفش فى 5 كلمات بس :D عيب عليك مش اقل من تزكية رئيس مجلس مدينة

1

0

Liked by: Radwa Ali

ما هو المُستحيل الذي يبحث عنه الإنسان ولن يجده في الدنيا ؟

July 22, 2015

الراحة بمعناها الحقيقى والحب بكل ما فيه

5

0

Liked by: هاجر سعيد Rahma ~°•asmaa dentista•°~ karimantarekk Radwa Ali

هل تقبل ان يكون شريك حياتك بنفس اخلاقك؟

July 20, 2015

من نواحى كتيرة عندى ايوه ياريت يكون فى النواحى دى :)

3

0

Liked by: ~°•asmaa dentista•°~ mayar ramadan محمد خالد✔

ماذا تدرس أو درست في مرحلتك الجامعية ؟

July 17, 2015

علوم المساحة بشتى أنواعها

1

0

Liked by: Radwa Ali

بنت منتقبة هتنزل تصلي ف ساحة المسجد هتصلي من غير ما ترفع النقاب صح ؟

July 17, 2015

ايوه مدام هى مؤمنة انه لا يجوز ان يرى وجهها رجل أجنبى عنها فهنا فيه ضرورة فتصلى بدون رفعه والله اعلم

3

0

Liked by: hager gogo Nada Atef

إذا كان بإمكانك أن تعيش على كوكب آخر، فأي كوكب ستختار؟

July 15, 2015

كوكب الارض برضه فى كون موازى اخر ميكونش فيه الا الف انسان بس عايشين عليه

1

0

Liked by: Radwa Ali

لا مش كلمتك قبل كده فى الموضوع ده :)

July 14, 2015

طيب :)

2

0

Liked by: Muna Muhammed ⚡

ممكن اﻻنسان يعيش من غير ناس نهائى ماعدا أهله فترة معينة عشان ينجز بعض اهدافه و يصلح قلبه ؟

July 14, 2015

ممكن بس يفهم المقربين له من غير اهله انه محتاج الفترة دى بس وهتبقى مؤقتة :) .. ميعملش كده هروب وغالبا لو انا اعرفك ياللى بتسأل واتكلمنا قبل كده فى الموضوع ده فأنا الموضوع ده كل واحد بيكلمنى فيه بقوله راي مختلف على حسب حالته اللى حكاها لى :)

4

0

Liked by: Rania Nada Atef

واضح ان اغلب لو مكنش كل اللي بيسألك بنات تفتكر بعد ماتتزوج زوجتك هتقبل ده ولو اعترضت هتعمل ايه ؟ معش تطفل شويه :P

July 14, 2015

ده ان اتجوزت .. بس مش عارف الحقيقة يعنى انا مش شايف الامر مؤذى او مسبب لغيرة ما !

1

0

مش ناوى تتجوز بقى وتخلصنا ؟

July 14, 2015

سلامة بيدورلى ابقوا شوفوه وساعدوه فى الموضوع ده D; وهو عارف انا طلباتى ايه :))

2

0

Liked by: Radwa Ali