حضرتك عندك اسئله كتير ؟ اصل مجاوبتش ع سؤالى اللى كنت شارحه لحضرتك فيه الامر اوله الرمز دا #
اتجاوب بالفعل :)
# ولا لو جواه كان قال ؟ ..اسفة انى طول ع حضرتك وياريت تفيدنى براى حضرتك اللي بثق فيه ووجهه نظرك
اسف على التاخير :)ايوه ممكن محدش ينطق ولا يتكلم باللى جواه .. لان اصلا اللى جواه ده ممكن يكون اعجاب عابر ! .. وايوه انتى هتبقى غلطانة لو تركتى نفسك للتعلق بالشكل ده !وايوه لازم تقللى او تمنعى التعامل مع الشخص ده تحديدا من دلوقتى .. وبلاش تعلقى نفسك بما لا تملكى .الشاب فى الفترة دى .. بيفضل ما بين التعلق .. ومابين الأمل .. وكمان بيبقى بسبب الفراغ العاطفى اللى عنده فقلبه بينجذب بسهولة لافضل مثال قدامه .. الانجذاب ده بيروح مع الوقت وبينتهى .. وبيفضل المشكلة طول الوقت بيعذب نفسه ما بين الامل والنسيان . وانتى برضه ممكن تقعى فى نفس المأزق ده .. فبلاش .. اشترى راحتك من دلوقتى .
ماهو انا قولت ليكى نقول انه بشرة خير ليكى :) بس برضه الله اعلم :)
ايه اكتر ايه بتأثر فيك ؟
القرآن .. وحاجة كمان خاصة
فسره هنا
نقول انه لعله خير ليكى ان شاء الله .. واقولك نصيحة خاصة بلاش تعلقى نفسك بحد لان الموضوع وصل عندك لدرجة انك تحلمى وحلم مطول بالشكل ده .. علشان متتعبيش بعدين لو محصلش نصيب .
انت ببساطة مش عارف تفسر او عارف التفسير بس مش مصدق ان دة ممكن يحصل ؟
دلوقتى مش بالليل
ما هو المشكله انا مش بعرف اكبر دماغي ومشكلتي اكتر ان بدقق فى كل حاجه حواليا حتي الكلام مع الناس ؟
انا مش فاهمة اي شئ من اللي انت كتبتة و الحلم بتاع النار ؟
فين دول ؟ معلش فيه كذا حد بيسألنى
معني الحديث اللي انت نزلته بتاع علماء الفلك دول .. انا اللى هيجنني انهم بيعرفو للدرجادي وكمان ع حكايه الابراج ده هما مش سيبين حاجه الا ولما يتكلمو فيها .. وعقل الواحد هيجن بسببهم
ماهما مش بيعرفوا بالدقة دى برضه .. ايوه بيطلع حاجات منها ما هو صحيح ومنها ماهو فى البلالاة لاند :D .. فيه حاجة اسمها كبر دماغك .. والله الواحد هيرتاح لو ركز فى الاولويات اللى فى حياته ويبعد عن الامور الجانبية اللى مش هتودى ولا تجيب دى :)
ببساطة موقف وعديه وانسيه .. اهلك وخايفين عليكى من اللى حصل .. ايوه هما اكيد غلطانين فى انهم يحكموا على الراجل يعنى مش هيختلفوا عن نسبة كبيرة من المصريين مخدوعين بسبب الاعلام .. فخلاص عديها انتى كمان وهما بيعملوا ده من خوفهم بس عليكى .. وبرضه انتى بلاش تدى لحد متعرفيهوش مساحة فى الكلام معاكى بدون داعى ومش عيب ابدا انك مترديش وتمشى مش عيب نهائيا :) بالعكس ده اصح الصح :) وخاصة فى بلد زى دى واجيال زى دى .. ايوه هما غلطانين فى طريقتهم الشديدة دى وغلطانين فى حكمهم .. بس المبدأ نفسه بتاع انك متديش لحد مساحة فى الكلام بالشكل ده .. ايوه صح :)
ركز معايا و جاوبني
فى البداية المعنى الواضح للمسألة دى إنك سيطرتى عليهم ! .. لو قولنا ان الكلاب دى هى الحاجات اللى بتحصلك والناس اللى بتأذيكى ايا كانت طبيعتهم " اكيد فاهمة انا اقصد ايه " كانوا بيمثلوا بالصورة دى فى عقلك ! .دلوقتى الامر اختلف .. دول مش بس بيبعدوا او بيسكتوا .. لاء دول بيخضعوا ليكى ! .. الكلاب والذئاب عندهم عرف متشابه فطرى ما بينهم الخضوع للألفا المسيطر والقوى ! .. والخضوع بيبقى انحناء وده اللى بيحصل ! ازاى والله ما اعرف ! .. بس الجزء التانى بيقولى ان الانحناء والخضوع ده ممكن يتفسر بحاجتين !1- إما إنك هتتغلبى على الأمر ده تماما ! 2- ودى انا مش عارف اكتبها ازاى بصراحة يعنى كل شوية ابص للكلام ده وارجع اقرا اللى اتبعت ! .
ي احمد .. انت قولت ل حد كان سألك هنا أن الحديث بتاع البنت اللى تموت وهى بكر تعتبر شهيده ده حديث صحيح .. مع أن شيوخ كتير قالت إنه مش صحيح نهائى ومنهم الشيخ سعيد الغامدي .. ؟؟؟؟
الحديث يقول " الشهادة سبع سوى القتل في سبيل الله ؛ المقتول في سبيل الله شهيد ، والمطعون شهيد ، والغريق شهيد ، وصاحب ذات الجنب شهيد ، والمبطون شهيد ، وصاحب الحريق شهيد ، والذي يموت تحت الهدم شهيد ، والمرأة تموت بِجَمْعٍ شهيدة . رواه الإمام أحمد وأبو داود والنسائي "وهناك 3 اقوال لاهل العلم فيه .~ قال ابن عبد البر : وأما قوله : " المرأة تموت بجمع شهيد " ففيه قولان لكل واحد منهما وجهان - أحدهما : المرأة تموت من الولادة ، وولدها في بطنها قد تم خلقه . وقد ذكرنا الشواهد بذلك في التمهيد . - وقيل : إذا ماتت من النفاس فهي شهيدة ، سواء ألْقَتْ ولدها ، أو مات وهو في بطنها .- والقول الآخر : هي المرأة تموت قبل أن تحيض وتطمث . وقيل : بل هي المرأة تموت عذراء لم يَمَسّها الرّجال . والقول الأول أشهر في اللغة ، وأكثر عند العلماء .يعنى ان هناك بالفعل من اهل العلم من قال بهذا الامر . وان كان هناك حديث اخر فى معنى الشهادة وفيه ان " النفساء شهيدة " .. فأقوى دليل فى الحديث ان المرأة النفساء .. والبعض قال العذراء .. والامر كله لله فنحن لا نحكم بالشهادة لأحد مطلقا بل نقول ان شاء الله :) .والله اعلم برضه طبعا :)
https://www.facebook.com/KaleMaTbyME/posts/10155143266630582
بقى بيحصل معايا كتيير مش عارفة امتى التوبة هتكون خالصة بقى. ذنوب معينة بتوب منها وبقرر انى معكلهاش وييجى الوقت عليا واقع فيها تانى الاسوأ من كده انى نفسى بتفضل تقولى ربنا مطلع عليكى انتى كده بترجعى فى توبتك بس بكابر برضه وبكمل مفيش حل تعبت
مفيش توبة خالصة بشكل تام :) .. كلنا بنغلط .. كلنا لنا ذنوب بنتعود عليها وبنبطلها وبنرجع لها تانى .. المهم لا نيأس من تكرار التوبة .. لان التوبة لو مينفعش تتكرر كان ربنا قال التوبة مرة واحدة بس :) .. انتى مش بترجعى انتى بتضعفى وربنا خلق التوبة علشان عارف الضعف ده .. ربنا رحيم بلاش تخوفى نفسك بدون داعى :)
من وجهه نظر حضرتك البنت المحترمه المتدينه تعمل ايه اذا شعرت بالحب تجاه شخص نتيجه شعورها بالاهتمام منه مع العلم ان الشخص ده متدين وملتزم جدا؟
والله انا صريح اليومين دول شوية .. لو هى شايفة انه مستعد للارتباط مثلا .. تخلى حد من طرفها يكلمه فى الموضوع ده بشكل بسيط جدا والامر مفيهوش موانع شرعية عموما الا الاحراج بس .لو معرفتش يبقى تكبر دماغها وتبعد عن الشخص ده والاماكن اللى بتشوفه فيها علشان متتعلقش بيه .
هو ممكن ولد مش يبين لبنت انه بيحبها مع انه كان مهتم قبل كدة وسأل عليها كمان بس حصلتله ظروف مش بقى ضامن مستفبله فى الدراسه ساعتها هونسيها ولا بيعمل كدة عشان مش يعلقها بيه ولا ايه؟
السلام عليكم انا بدور من فترة عن رسالتي
لقيتها الدعوة الي الله وبحس ان جوايا دافع لكدة كبير والمشكله اني غير مستعدة لان اصلا غير كفئ لهذه المهمة لان غير ملمة بالدين
قولي اعمل ايه ؟
وعليكم السلام .اتعلمى دينك .. عقيدتك " كتاب الايمان لمحمد نعيم - وشرح منة الرحمن لياسر برهامى " الفقه " صحيح فقه السنة لابومالك كمال سالم " وحملى من على الانترنت كتاب مالايسع المسلم جهله .. مفيد جدا .
ان شاء الله بعون الله ، دعواتك ، والمجتمع يرحمنا احنا كبنات وميفرضش علينا ام الزواج زي م يكون من غير ازواج هنمشي ع حل شعرنا او هنضيع يعني
ان شاء الله :)
انا مش فاهمه موضوع الارتباط غلط والله اطلاقا .. بس انا عارفه نفسى لما قلبى ما بيروحش للحاجه من بدايتها استحاله يندمج ويميل وده اللى مخوفنى مش اكتر .. وعموما جزاك الله كل خير وبعتذر ع التطويل .
الله المستعان .. اسف على التاخر فى الرد .. ثانيا ادى لنفسك فرصة :)
الفرسان البيض .. اسم يطلق على رابطة مشجعى نادى الزمالك
انا وماما لما كنا قاعدين بتقولي ان فى راجل عالم فلك كان قايل ان فاتن حمامه هتموت وفيه كام ممثلين بردوا .. انا عوزه اعرف هما الناس دي للدرجادي بتعرف انا بس عوزه توضيح للايه " كذب المنجمون ولو صدقوا " ؟ ربنا ليه خالق الناس دي كده ربنا هيحاسبهم ع اللى بيعملوه ده ؟ ممكن الرد لان دماغي هتنفجر ؟
هو مقالش الا فاتن حمامة وبس دى الحاجة الوحيدة اللى طلعت صح معاه .. عندنا فى الدين ان الجن بيسترقوا السمع للاخبار اللى بتنزل من السماء للملائكة او كلام الملائكة مع بعضهم وخاص من هم موكلون بالرزق للناس . واغلب الناس دى تعاملهم بيبقى مع جان وشياطين والله اعلم بطبيعة عالمهم بتبقى ازاى .. كنت لسه بقول لحد عزيز على وبتكلم معاه فى الموضوع ده والامر ده فيه تفاصيل كتيرة جدا منها طبيعة التعامل مع الزمن وقدرتنا على فهمه ورؤيته وقدرة المخلوقات الاخرى على ده .. وكذب المنجمون ولو صدقوا دى مش اية ولاحتى حديث .وشوفى الحديث ده .روى البخاري في صحيحه عن أبي هريرة أن النبي صلى الله عليه وسلم قال
بنت مامتها مش موافقة أنها تلبس الا بناطيل ولما أختها الكبيرة حاولت مع مامتها عملت خنااقة كبيرة واﻷب اتخانق مع اﻷم لدرجة كبيرة مفروض انها تعمل ايه هي عارفة أنها بتعصي ربنا بلبسها بس مش عارفة تتصرف ﻷن الموضوع لو اتفتح تاني بابها ومامتها هيتخانقوا
تصبر شوية وتحاول بعد فترة مع والدتها وتشترى بناطيل واسعة ومعرفش انتوا بتسموا ايه الحاجات اللى بتبقى طويلة دى وبتوصل للركبة وبتبقى فوق البنطلون . كحل هيبقى كويس جدا عن الجيب فى الوقت الحالى .. والشروط ان اللبس يكون واسع وفضفاض وغير مجسم للعورة .. وكمان لا يكلف الله نفسا الا وسعها ووسعك حاليا هو اللى بقولك عليه ده مع المحاولات المتكررة بس بعد فترة مش دلوقتى علشان تكون الامور أهدأ بيهم .
ساعتها هيكبر دماغه وينتبه لمستقبله المهنى والعملى على الاقل ويشوف هيتصرف ازاى فى حياته ! .. وانتى المفروض عليكى انك لا تهتمى بحد ولا تدورى وراه الا لما ييجى ليكى لحد باب البيت ! .. مش معنى انه معجب بيكى وشافك اه كويسة وكان بيفكر يتقدم مثلا انه خلاص كده بقى نصيبك الازلى زى ما بنات كتيرة بتعمل كده !فساعتها اى واحد عاقل هيعمل اللى بقولك عليه ده .. وغير كده يبقى بيستعبط ومش مدرك للمسئولية اللى اتحطت عليها بزيادة دلوقتى بعد فصله .اما بالنسبة ليكى فزى ما قولتلك .. اهتمى بحياتك وبنفسك .. وسيبك من مشاعر الاعجاب اللى اتولدت عندك الفترة دى لانها هتضرك جدا .. بلاش تنجرفى وراها علشان متتعبيش وتعيشى فى هم ونكد انتى فى غنى عنه .وربنا يصلح حاله ويوفقه للخير وانتى كمان
عندي عادة ان حد بيشكو لي عن حاجة واجعاه
بتلقائية باخد الحوار واقعد اتكلم عن نفسي واقول انا حصلتلي المشكلة دي وعملت كذا وكذا
بس مش عايزة ابين للي قدامي ان بطله او اقوله ان اقوي منه او اظهر نفسي
دي حاجة فيا وعايزة اغيرها
ببساطة متتكلميش عن نفسك بالشكل ده تانى ! .. او على الاقل بما انك قدرتى تطلعى من المشكلة احكى عن المشكلة واحكى اكثر عن ازاى طلعتى منها وقبل ما تحكى كمان شوفى طريقتك هتنفع معاه هو ولا لاء .. ببساطة امنعى نفسك انك تتكلمى وقولى لنفسك الجملة الطويلة دى وقتها .. " بلاش رخامة الناس مش ناقصة وهما محتاجين حل مش محتاجين انى احكى لهم :) "
استاذ أحمد .. هل يجوز للحائض أن تصلى صلاة الغائب .. علما بأنها ستصليها فى البيت و ليس المسجد
لا يجوز لها ان تصلى اى صلاة
حضرتك موجود
مخنوقة وعايزة اتكلم
موجود الان
انا سألت حضرتك قبل كدة وهسأل تانى وياريت ترد عشان انا مستني ردك بقالى كتير وحضرتك برده مش بترد لو فى واحد بيحب واحدة وفجاة حصلت ظروف فى دراسته وبقى مش ضامن مستقبله ساعتها يعمل ايه؟
السؤال ده موصلش لى قبل كده ! .. انا مش فاهم هو بيحبها طيب وبعدين ! .. يعنى ايه اللى كان هيحصل لو مكانش حصلت له ظروف فى دراسته ! ؟
موجود ؟
ايوه بس الكهربا بتقطع كل شوية !
معرفتش اتكلم على الفيس
ليه ؟
هل لك روح طفولية تظهر لمن حولك
ولا من الناس اللي خلاص شايفة نفسها كبرت ومالوش لزمة جو الاطفال دة
اخر سؤال وتصبحوا على خير .. كنت لسه بتكلم فى الموضوع ده قريب اننا فرضنا على نفسنا ان الكبر فى السن يعنى اننا نتخلى عن اللعب عن المرح عن حاجات كتيرة اوى بنحبها .. وده غلط جدا :)
لاء صفحة كاملة .. وفيه اكثر من طريقة علشان تحفظى بشكل افضل منها اللى بقولك عليها دى . انك تقرايها على الصبح .. وتشوفيها بصوت قارئ بتحبيه وافضلى اسمعيها يخلصها تكرريها هكذا وكررى وراه بعد شوية وهو بيقول وعيدى تانى وكررى ورا وهتغلطى او هتنسى بس كررى وراه وبعدين فى اخر اليوم سمعيها لنفسك هتلاقيها اتثبتت بمسمار :D
احفظى كل يوم صفحة واحدة بس .. اقرايها الصبح وافضلى اسمعى فيها لفترة وبعدين سمعيها لنفسك اكثر من مرة .. وهكذا .. صفحة واحدة يوميا تكفيكى والعبرة مش بالكم بس خلى نيتك انك تختمى القرآن كاملا حفظ علشان تؤجرى على النية دى :)
حضرتك رايح الحرم امتي ؟
لان عايزة توصل رساة لرسول الله
الله اعلم والله احتمال ميحصلش قريب على الاقل !
لو واحده الناس اللى حواليها دايما بيقولولها انها مصعبه نفسها فى التعامل مع الناس خاصه الشباب وتنكه ومحدش هيعحبه طبعها ده تعمل ايه وتغير نفسها ازاى ؟؟
طيب مع الشباب وحقها تعمل اللى هى عاوزاه .. غير ذلك تشوف هى ايه الانتقادات اللى عليها وتشوف هل الانتقادات دى فعلا صح ولا لاء .. لو صحيحة يبقى تعمل عكسها وتصلح من الطبع ده .. ولو تقولى بتفصيل اكثر علشان اقدر ارد بتفصيل برضه