AHMED Abd Elrahaman

لو هتقول رساله لشخص هتكون ايه ولمين من متابعينك

January 28, 2015

اولا .. الناس اللى بتقولى متظهرش السؤال .. ليه بتقولوا وبتطلبوا كده ! .. ماهو انتوا بتسألوا بالمجهول ومحدش عارف !

---

ثانيا .. يابنات مش معنى انى برد بشكل كويس وممكن اطلب انك تيجى على الفيس فقط لمساعدتك وانا بطبيعتى هادئ جدا ومبتسم وبهتم جدا بمشكلتك خاصة هنا .. او برد عليكى رد طبيعى فى الفيس او هنا ابقى معجب بيكى او بديلك طريق انك تعجبى بى .. اتعلموا من الاجانب الفصل فى المشاعر والتعامل العادى مع الناس .

---

ثالثا .. اللى بيسأل يبطل يعتذر ويقولى أسف إنى طولت .. خلاص متبعتش حاجة لو انت شايف انها تقيلة ! .. هو انا اشتكيت لك ان كلامك طويل اومال لو مكنتش انا اللى قايل فضفض براحتك :D .. بطلوا إعتذرات .

---

رابعا .. سعيد بوجودكم جميعا هنا واتمنى اكون عند حسن ظنكم وانفع بشئ :)

---

خامسا .. أسالكم الدعاء :)

3

0

Liked by: Rania منّــة

حاجة من الرغى ده ؟ جاوب وهشوفها واحذفها :)

January 28, 2015

معرفتش اجاوب على حاجة من دى وارسلت الاسئلة لمن اثق فيهم ودى الاجابة :) اتمنى تفيدك

---

1
http://ask.fm/O7BakaRaBy/answer/124138653931
2
http://ask.fm/O7BakaRaBy/answer/124165669355

0

0

عندى كذا سؤال بعد اذن حضرتك فى ناس كده بيبقا وشهم منور وتحس براحة مش طبيعية معاهم و ان رضا ربنا عليهم باين ياترى دول بيعملو ايه مختلف عن بقيت الناس طاعة ايه بالظبط عشان يكونو كدة؟ قيام الليل مثلا؟ وازاى الواحد يتخلص من اعجابه بشخص ويبطل يحطه فى مقارنة مع غيره مع العلم ان مفيش اى اتصال نهائى من اى حت

January 28, 2015

نقاء القلب وخلوه من الكره والبغض والحسد وقربه من ربنا والنية الصالحة والخير اللى فيه والحفاظ على الطاعة ومنها قيام الليل اكيد .. والاهم ان قلبه يبقى مع ربنا دوما .. كل دى اسباب

---

اما ازاى تتخلص من شخص .. ابعد عنه وعن ذكره وعن اى مكان هو فيه واشغل نفسك وانشغل عنه .

4

0

Liked by: منّــة

People you may like

Mo7amed Elgaded

also likes

• #القراءة

Mohammed Alaa™

also likes

• #الطب

Hasan Mohamed

also likes

• #التاريخ

ََبَليغٌ

also likes

• #مقارنةالأديان

• ؏ـل ــ͜ـ͡وشہ 93┆

also likes

• #دراسة

Asmaa Ahmed (❤بدرية طلبه)

also likes

• #القراءة

الّسٙمْآآآنٰ

also likes

• #الطب

مفسر الاحلام

also likes

• #التاريخ

Dina Hashem

also likes

• #القراءة

محمد حمدان

also likes

• #الطب

abeer emara

also likes

• #التاريخ

khaldfareed

also likes

• #القراءة

Mairoze Tarek

also likes

• #الطب

Ahmed Elherbity

also likes

• #التاريخ

جهاد رزق عوض.

also likes

• #القراءة

Salma Qattawy

also likes

• #الطب

محمد نصر ليله

also likes

• #التاريخ

Rahma Eslam❤

also likes

• #القراءة

Alaa Ammar

also likes

• #الطب

Hatem El Mahdy

also likes

• #التاريخ

Kareem Ahmed Mohamed

also likes

• #القراءة

أروىٰ عزت

also likes

• #الطب

سارّة إبراهيم

also likes

• #التاريخ

ȞÄĠËŖ

also likes

• #القراءة

Shehab Alrewady {Eldoc}♡

also likes

• #الطب

Want to make more friends? Try this: Tell us what you like and find people with the same interests. Try this:

#tamerhosny #alahly #amrdiab #zamalek #ahlawy #realmadrid #amr_diab #friends #zamalek #football

+ add more interests + add your interests

مخنوقة جدا لو حضرتك موجود علشان عايزة اتكلم

January 28, 2015

اتفضلى

1

0

ربنا يزوجك بمن يحب وان تكون هي ماتحب ويرزقك بما تحب ويلبسك ثوب العافيه وييسر لك امرك

January 28, 2015

جميلة اوى الدعوة دى ربنا يكرمكم :)

3

0

Liked by: Rania

هوه اه سفراء النبى ده دورة تدريبيه , عندك علم

January 28, 2015

مش دورة تدريبية وانما صحبة صالحة ومدرسة فى العلم الشرعى والدين بشكل مبسط جدا للبنات بس

2

0

Liked by: Nour

ادعيلك بايه

January 28, 2015

بالراحة والرزق والنجاح والزوجة والجنة :)

1

0

عارف ان فيك شبه من الرجل ذى اللحية السوداء ؟ :D

January 28, 2015

مقرأتش الرواية دى

1

0

طلع مفيد اكيد :)

January 28, 2015

ادعولى بقى :)

1

0

واضح ان حضرتك عندك ثقافة كبيرة فى موضوع الافلام ده كنت بتتفرج على افلام كتيرة على كده ؟

January 28, 2015

هو انا مش شايف انى اختلف عن اى مصرى لحد سنة 2003 على الاقل لان نسبة كبيرة جدا مننا مكانتش بتتفرج إلا على الـقناة الاولى والثانية ودول بالعافية كانوا فيلم او اثنين فى الاسبوع - وده كان مفيد جدا الحقيقة بدل الزخم الحالى - لكن ممكن تقول ان ايوه انا شوفت كتير جدا بس كان لى اهتمام بمجالات معينة فقط واغلبها الافلام العلمية او الميثولوجى او التاريخية والاكشن بالطبع

3

0

سؤال اللى بيسأل الواقع ولا افلام قرأنا واحنا ساكتين اهو يا استاذنا :D بس الواقع احسن من الخيال اللى بنشوفه اكيد علشان بس مش نتصدم بالواقع المرير ... !! خلينا ع فطرتنا احسن من خيال يهدنا :)) #وحي_القلم كبير اووووووووي انت حضرتك خلصتو ازاي :D

January 28, 2015

بالضبط وده اللى بقوله :) .. ومين قال إنى خلتصوا :D بس قرأت فيه كتير .. بس طلع مفيد ولا مطلعش :) ؟

3

0

لو هتقول رسالة لشخص هنا هتكون ايه ولمين من متابعينك

January 27, 2015

انا حاليا بنام على نفسى وهقفل ومليش مزاج اقول شئ سامحنى :) تصبحوا على خير

1

0

أنا عندي مواد ممتدة وفيهم مادة عشان تتذاكر لازم هذاكر مادة امتحنتها الترم الأول وبصراحة كنت تعبت فيها أوي ومحليتش في الامتحان فمبقتش طايقة أشوف الكتاب اعمل إيه انا واخدة الاجازة من زمان أوي ولسه مفتحتش المواد الممتدة دي مش طايقة الكتب :(( إيه الحل ؟ :(

January 27, 2015

متستعجليش انك تشوفيها دلوقتى .. وحاولى تذاكريها من ورق تانى او من كتاب تانى مؤقتا .. على الاقل صورى الكتاب نفسه وقسميه اجزاء متساوية .. وذاكرى من الورق المتصور بحيث تبعدى عن مسكة الكتاب وشكله لفترة .. وربنا معاكى فيها

1

0

هى الكتب ان شاء الله هتكون اللى حضرتك قلت عليهم قبل كده مع انهم كتير برضه

January 27, 2015

مش شرط تجبيهم كلهم قسميهم على دفعات وربنا ينفعك بيهم :)

2

0

http://ask.fm/lovlad/answer/123261258082 والله كل ما افضل اكتب فى اسماء الكتب والروايات ضمير بيأنبنى ع الفلوس اللى هدفعها فيها رعم ان الروايات اللى هجيبها لكتّاب لهم طابع اسلامى وكتاباتهم مفيدة بس هحاول اوفق بين الروايات والكتب وبين اوجه الصرف الاخرى .. شكرالحضرتك ..

January 27, 2015

قراءة الكتب اهم من قراءة الروايات فى رأيي وأولى .. والاقتصار على كتب مفيدة أولى وأنفع

3

0

Liked by: رد اللايگّ ❤ !

#

January 27, 2015

دكتورة مين معلش ؟ :)

1

0

حب الأفلام ولا حب الواقع هو الأصح ؟

January 27, 2015

الواقع أفضل بالطبع لأنه مبنى على تاريخ ودوافع وتعاملات .. الأفلام بتديلك حاجة متذوقة وجميلة ومتخطط لها بعناية ومفيش فيها حياة او ضغوط فعلشان كده بتطلع رائعة .. ورغم كده فى حياتى انا أتذكر حاجتين من زمان جدا شوفت فيهم رغم انه تمثيل لمحة الحب وهما : نظرة تاكا كاتسموتو لـ نايثن ألجرين فى the last samurai .. من 12 سنة ومش قادر أنسى عمق النظرة دى والحب اللى بتحتويه فيها صحيح تمثيل لكن بعتبرها من أكثر اللقطات واقعية فى الشأن ده مع تعبيرات walk to remember فى النهاية .. ومحدش ييجى يعلق .. إقرأ وإنت ساكت :D

4

0

Liked by: Esra Ayman Maha Hamdy

http://ask.fm/lovlad/answer/123426472034 مش انا اللي بعت السؤال ولكن اشعر ما تشعر به ربنا يكرمك بالزوجة الصالحة ويصبرني واياك

January 27, 2015

الله المستعان

3

0

Liked by: Sara #WRAiTH

الحب هو انى المحه مرة واحدة فى حياتى وبعدها اموت :) الحب هو انى مكونش اغيره وعمرى يقصر واطلب من ربى انه يحققلى حلمى بانى اكونله زوجة فى الجنة بعد مالظروف حرمتنى منه فى الدنيا

January 27, 2015

وليه تعلقى نفسك بواحد فى الدنيا .. الارض فيها 6 مليار بنى أدم فيهم على الاقل 100 مليون واحد احسن منه بكتير :D .. عيشى دنياكى انتى خلقتى علشان تعيشى فيها لنهاية عمرك متنهيهاش بإيدك .

2

0

اخبار صحة حضرتك ايه ؟

January 27, 2015

الحمد لله

1

0

الحب هو ؟؟

January 27, 2015

نظرة إحتواء .. إمتلاك
ضمة دافئة بأيدى محيطة فى رفق شديد .. وقلب يخفق فرحا ويهتز طربا باللقيا .
إلتماعة عين فى حبور .. أمنية أن لا يمضى الوقت ويتجمد الزمن فى لحظة القرب وأن تدوم تلك اللحظة إلى الأبد .

---

مش قادر أكمل الاجابة .. أعتذر

9

0

Liked by: Dodo de ana Esraa Mansour Doha kamel AHMED Abd Elrahaman Rania Es karimantarekk Cri stuo (مريم )

ليه مش بتنزل مظاهرات ؟

January 27, 2015

لأنى شايف كويس إن الحل عمره ما هييجى بالمظاهرات والكلام ده .

6

0

Liked by: ROSHA Nora نور وصفي

ساعات بكون مشتاقة اسمع اغنية واحدة اوى وبسمعها مرة واحدة بس لو ضعفت اما بجاهد نفسى ومسمعهاش ايه الحكم فى كده ://

January 27, 2015

للقائلين بحرمانية الغناء فده ذنب وتتوبى منه لا أكثر .. محدش كامل ومحدش مبيضعفش فى حياته .. ده ضعف بيحصل وبتقومى منه .. حاولى انتى تبعدى نفسك عن أى مؤثرات توصلك إنك تشتاقى لسماعها .

3

0

Liked by: °•°•Forgotten Promises•°•°

ديه بتدرس في كلية ايه؟

January 27, 2015

ده عن ايه معلش ؟

1

0

عندي رغبة شديدة ان حد يتقدملي واكون اسرة جوايا حالة رومانسية غريبة بس حابسة المشاعر لصاحب نصيبه عايزة حاجة تصبرني غير الدعاء

January 27, 2015

كان الله فى عونك .. صبركى الله وإيانا على هذا الأمر .. عندك الإنشغال بالدراسة .. بالعمل .. بالقراءة .. بأنشطة مختلفة خاصة بيكى بحيث ترفعى من مستواك فى حاجات كتيرة من حياتك علشان تكونى زوجة متميزة فعلا وأم نافعة اكثر .

---

أتقنى الانجليزى وحاولى تتعلمى لغة كمان .
زودى ثقافتك العلمية والتاريخية .
إكتسبى مهارات فى الطبخ .
تعلمى عن تربية الأطفال .
تعلمى أكثر عن العلاقة بين الزوج والزوجة والتفاعل الأسرى واقرأى أكثر عن الزواج بحيث تكتسبى خبرة فى التعامل لما ييجى المواقف دى .
إتعلمى عن التكنولوجيا الحالية من برمحة وتصميم وويب وخلافه

3

0

Liked by: karimantarekk °•°•Forgotten Promises•°•°

المشكلة انه بقالى سنة الاحلام شغالة وحاجات كتير بتحصل تعلقنى بيه اكتر وكل مابنساه حاجة تفكرنى بيه تعرف انه ملامحى نفسه ملامحى لدرجة انى كنت فى مرة بخلص ورق للماجستير بتاعه فدكتور عندنا فى الكلية لاقيته بيقولى قولى لاخوكى كذا بقى عندى يقين انه نصيبى بس خايفة

January 27, 2015

اللى أنا أعرفه كويس إنه لا إتقدم تانى ولا حصل اى شئ يوحى إنكم هتبقوا زوجين .. واللى أعرفه كويس جدا إنك بترهقى نفسك يمكن تكونى بتحلمى كمان بسبب انك متعلقة بيه أصلا ودى مشكلة رهيبة لأنك كده حطيتى نفسك فى مأزق كبير ربنا يعينك على إنك تخرجى منه .. معلش على كلامى لكن انتى بتعذبى نفسك بدون داعى !

1

0

انت بتنزل مظاهرات ؟!

January 27, 2015

لاء عمرى

2

0

بقول لحضرتك صعب العتكاف قدامهم لان مش موضحة الالتزام غيير صلاة وكدة والصيام مش بيخلوني اصوم بحجة اني جسمي ضعيف وكل حاجة بعملها مش بتعجبهم

January 27, 2015

يبقى إبدائى وضحى إلتزامك مش علشان شهرة وانما خلى فيه نية صالحة وراء الاظهار ده انهم يشوفوا مثال كويس للبنت الملتزمة .. وبلاش الأفورة اللى البنات بتعملها من التشدد المطلق فى كل شئ مع الاهل .. دول أهلك إرفقى بيهم فى الدعوة وبالراحة عليهم .. اما كونهم بيمنعوكى عن الصيام فاكيد نقطة ضعفك الجسمانى مش هتيجى من فراغ .. الصيام بالفعل بيبقى مضر فى أوقات لبعض الناس بسبب صحتهم .

---

سهل تستغنى عن الإعتكاف بإنك تروحى تصلى " الظهر وباقى الصلوات لحد العشا فى المسجد وتقعدى فى المسجد بعد وقبل كل صلاة الوقت اللى تقدرى عليه ولما ترجعى البيت إختلى بنفسك لوقت الصلاة اللى بعدها .. هتقدرى وقتها تحققى خلوة كاملة مع نفسك ما بين البيت والمسجد .. جربيها هو ده المتاح حاليا ليكى :)

1

0

كان فيه مشروع خطوبة ليا ومكملش مع انى كنت مصلية استخارة ومرتاحة وبعد الموضوع ماانتهى حلمت ان الشخص ده ماسك ايدى وانا لابسة النقاب وماشى معايا فى طريق وكان نهايته الكعبة وبعدها عرفت انه كان فى عمرة ومن يومها كل مااحلم انه وقع فى مشكة بتحصل وحلمت اربع مرات انه بيرتبط والموضوع بينتهى وبيتحقق فهل ده اضغ

January 27, 2015

اى حد هيقرأ ده هيقولك إنكم هتجتمعوا تانى وتنخطبوا لبعض .. لكن انا مقدرش أفسر بالتفسير ده وأوعدك بشئ .. ولكن أقدر أقولك حاجة إن ليكى طبيعة وروح شفافة وإتصالك بيه على المستوى ده قوى علشان كده بتشوفى الحاجات دى اللى بتحصل .. ويمكن انتى كمان مش كده بس معاه هو وان الامر ده معتاد عندك انك تشوفى حاجات زى دى .. كل اللى اقدر أقوله ليكى .. إدعى ربنا يمنع عنك الحاجات الخاصة بيه إنك تشوفيها وبلاش تفكرى فى الأمر ده علشان متعلقيش نفسك بشئ محدش عارف هيحصل ولا لاء

2

0

Liked by: mr

هل تحب ارتداء الساعات؟

January 27, 2015

نهائى

1

0

هو عادي أن البناات يحطو صور الولاد اللي ماتوا (نحسبهم شهداء ) حتي لو هي نيتها كوويسة ومش قصدها حاجة؟

January 27, 2015

مفيش داعى لده

1

0

عندى مشكلة ياأستاذ أحمد ^_^ ممكن أحكى ..

January 27, 2015

اتفضلى

2

0

وفعلا الناس بقت بتقراه وبتصلي بيه ، وكان في احداث كتير ف الحلم ، بس صحيت بقى زي مابقولك مخنوقه وتعبانه وخايفه

January 27, 2015

وده فعلا اللى بيحصل دلوقتى من ناس بتقرأ كتاب الله بفهم خاطئ له .. اما بجهل أو بتعمد زى ما بنشوف ناس كثر زى المدعو البحيرى او نصر وغيرهم

3

0

Liked by: نور وصفي Saeed ✯SYR✯

السلام عليكم ،،، ازيك يااحمد ،، في حلمت حلمته هو غريب اوي بس لما صحيت كنت خايفه جدا و حاسه كان جسمي كله متكسر ، الحلم كان ان في زي كتاب كدا شبه القرآان ، الكلمات والايات بس هو مختلف عنه خالص بس الناس كانت بتصلي بيه وبتقراه ، والناس المسئوله عن نشر الكتاب ده كانت بتقنع الناس بيه بطريقه رهيبه

January 27, 2015

!

1

0

مشكلتي التسويف .. بسوف حتى في العبادات مع إني على خلق الحمد لله .. ممكن نصيحتك عشان قربت أكره نفسي :)

January 27, 2015

بعد كده صاحب السؤال يحدد ولد ولا بنت من فضلكم :)

---

- المشكلة دى حلها الواضح والاصح انك تدرب نفسك على انك تقوم وتعمل الحاجة اللى هتشوف نفسك هتسوف فيها تقوم تعملها حالا وتجبر نفسك بالشكل ده لفترة طويلة علشان تعرف تحافظ على آدائها .

---

فيه حاجات بتعينك على كده زى انك تتفق مع صديق يعينك على أى أمر بتسوف فيه .. أو أهلك " أخ - أخت - أم - أب "
إنك تفكر نفسك كويس وتقول لها " إن التسويف نتيجته الاهمال وإنك مبتعمليش حاجة من دول فليه تأجلى وإنتى عارفة إنها مش هتحصل ! .. إعملى وإلا هتندمى على ضياع الحاجة والوقت "

2

0

اه خصوصا مش موضحة اهتمامي بالالتزام قدامهم

January 26, 2015

هو تقريبا انتى بعتى اسئلة قبل ده ومفيش حاجة منها وصلت لانى مش فاهم ده ايه المراد منه ؟

1

0

انا عايزة ااعتكف وفي نفس الوقت محدش يحس ان بعمل حاجة غريبة ف البيت لان مبحبش اللي يتدخل ف خصوصياتي وكدة

January 26, 2015

طيب ليوم واحد مثلا لو طلبتى منهم ده هيبقى صعب ؟

0

0

ايه تاكيومترية ديه 0.o? ! ديه بتدرس فيين ديه ولا بيجبوها منين؟ ديه مادة عاادي كده! :D

January 26, 2015

للأسف موجودة ..مادة ملهاش ملامح وكان عندنا واحدة تانية اسمها جيوديسية :D يلا ربنا يعوض علينا

2

0

Liked by: Rania

موقف كوميدي حصل معاك ساعة الامتحانات

January 26, 2015

كان عندنا مادة اسمها تاكيومترية .. المادة دى الدكتور كان بيكتب فى اول ورقة الامتحان " حل ما تستطيع "

---

اول سؤال كان نظرى قولت اخليه للاخر لقيت نفسى عارف او نقطتين فيه كويس . والثالثة مش عارفها اوى .

---

تانى سؤال وأول مسألة .. بصيت فيها .. فكرت فيها .. دققت اوى .. معرفتش أحل حاجة !

---

قولت أقلب على اللى بعدها وأخلى دى للأخر .

---

بصيت فى اللى بعدها .. دققت أكثر .. عصرت مخى .. برضه معرفتش أحل حاجة !

---

بدأت أتوتر شوية وقولت طيب خليها للأخر وخلينى مع باقى الامتحان " المادة كانت ورقتين امتحان "

---

بصيت فى اللى بعده ... واللى بعده .. واللى بعده ..وقلبت على الصفحة التانية

---

وبرضه نفس النظام مش عارف احل حاجة .. وقتها بقى انا اتوترت بشدة .. حسيت بسخونة شديدة وعرق فى فروة رأسى " بيبقى احساس بس فى التوتر عندى "

---

وحسيت بالخوف .. ايه ده .. ده انا هسقط كده ! .. دى اول مرة فى حياتى تحصل لى !

---

معقول مش عارف احل ! .

---

قولت لاء إهدى وركز .. وسميت وروقت وبدأت أحل من أخر سؤال .. فجأة حليته ! .. اللى بعده .. حليته .. فضلت كده من تحت لفوق لحد ما خلصت كل الامتحان وفضلت معايا مسألة مش فاكرها اوى ولكن فى النهاية خلصته كله الحمد لله .

---

وانا وزميل لى " معيد دلوقتى " اللى بس جبنا فى المادة دى إمتياز :D

---

ازاى معرفش .. الموقف مش كوميدى لكن بحب افتكره كل فترة

View more

5

0

Liked by: كُن بلسماً Maha Hamdy Rania Maram Elwessimy karimantarekk

الصلاه

January 26, 2015

جزاكم الله خيرا :)

0

0

ايه الديجتالز ده ؟؟؟

January 26, 2015

https://www.facebook.com/a.samy/posts/10155161698020430

---

https://www.facebook.com/a.samy/posts/10155151519820430?fref=nf

0

0

زهقت من ضغط الامتحانات وكمان نفسي اعتكف يوم بكامل ومحدش هيرضي ف البيت عايزة اعتكف وانسي الناس حوليا

January 26, 2015

اعتكفى فى البيت لو تقدرى فى غرفتك .

0

0

/////@

January 26, 2015

مفيش داعى لده ..

1

0

ايه اللى يخلينى اصدق قصة ام بكار دى وهى بترجع من الموت بعد ماتتدفن تانى ؟

January 26, 2015

الموضوع ده حصل بالفعل كتير جدا .. ومش بيبقى موت وانما غيبيوبة بتحصل وبتنخفض معدلاتهم الحيوية لدرجة كبيرة جدا لدرجة ان ممكن متبانش فى الاجهزة وخاصة مع ضعف الامكانيات والخبرة فى الاطباء عندنا .. انما مش موت

1

0

Liked by: Rania

http://ask.fm/lovlad/answer/123374199394 ف البداية عايزة ابدا بنفسي علشان ما اكونش زي ما ربنا قال عليهم اتامرون الناس بالبر وتنسون انفسكم

January 26, 2015

شوف ده
http://ask.fm/lovlad/answer/123343173730

---

وده
http://ask.fm/lovlad/answer/123194589538

---

وابدائى بالكتب دى مهمة جدا " كعقيدة وفقه وفكر دينى "
- كتاب الايمان لمحمد نعيم .. وكتاب المنة فى شرح اعتقاد اهل السنة لياسر برهامى .. دول فى العقيدة كويسين جدا
ورسائل محمد بن عبدالوهاب فى التوحيد .
- الملخص الفقهى للشيخ صالح الفوزان .. بس ممكن يحتاج لشرح فهاتى معاه " صحيح فقه السنة " لابومالك كمال السيد سالم .. مفيد جدا جدا جدا جدا للـ 100 سنة القادمة .
- رياض الصالحين
- تفسير القرآن لإبن كثير .
- سلسلة كيمياء الصلاة لاحمد خيرى العمرى.. مفيدة فى العبادات وفهمها .
- سيرة خليفة قادم لاحمد خيرى العمرى .. كتاب مهم جدا فى فهم الدين والنواحى الفكرية للقرآن .
----------------------------
وابقى هاتى باقى الكتب اللى هنا
http://ask.fm/lovlad/answer/123190603362

1

0

Liked by: Rania

جاوب هنا &

January 26, 2015

اولا انتى مفيش شئ عليكى لانها مش مسئولة منك ده حاجة .. الحاجة التانية انها معاندة ومكابرة جدا فى الغلط .. يعنى طبيعى جدا ان اللى عملته ده اى بنت تعرف انه غلط ومينفعش .. فخلاص هى حرة فيما تفعل وانتى مفيش شئ عليكى .. واللى انتى عملتيه ده الصح .. لانك بالفعل حاولتى ومكانش فيه اى امل نهائى معاها .

---

اما حاليا فبرضه مش فاهم حاسه ليه بالذنب هو انتى كنتى أمها مثلا ! .. مينفعش تعذبى نفسك بدون داعى .
خطيبها الحالى هو حر الله اعلم عمله ايه هو كمان علشان يقع الوقعة دى .. واكيد ده لو شخص بيختار الدين مكانش وقع فيها مثلا ! .. ادعليها بالهداية لكن بلاش تشيلى الذنب ده لانك مفيش شئ عليكى نهائيا .

---

اما كونك كنتى على علم بده .. فدى ربنا سترها وانتى بس اللى شوفتيها علشان تنصحيها .. لكن مش معنى انك عارفة انك هتروحى تقولى له مثلا .. بالعكس المفروض تحفظى سرها .. الا لو الشخص ده اخوكى فاكيد فى الحالة دى بس تقدرى تقوله له لانك مسئولة عنه .

---

اما كونها اعطت ما لايجب لمن لايستحق ومن لايجوز له انه ياخده .. فده ذنبها هى ومشكلتها هى .
هو انتى لوشوفتى حد بيعمل حاجة غلط فى الشارع ومكانش عندك القدرة على النهى او المنع هل هتشيلى ذنبه مثلا .. او هيكون عليكى شئ علشان انتى ممنعتيهوش :) .. لاء

---

ربنا يصلح حالك ويحفظ عليكى قلبك يا اختى :)

View more

0

0

والجديد حاليا اني الحمدلله ربنا من عليا وانتقبت من ٣شهور وكل مااتكلم كلمه تقولي وعاملالي فيها منتقبه وملتزمه قدام الناس ده اسمه نفاق اقلعي نقابك احسن

January 26, 2015

الله يهديها يارب :) .. ادعي لها بالهداية واصبرى عليها لعل ده ابتلائك .. وبلاش بلاش تردى عليها واعملى اللى قولتلك عليه بالاتفاق مع اخواتك وربنا يصلح لك الحال ويثبتك يارب :) ..وتحت امرك فى اى وقت ومفيش ازعاج ولا شئ :)

5

0

Liked by: Rania Doha kamel ياسـميـن

طب النقاب يعنى انت بترجح انهو رأى ؟

January 26, 2015

المهم عندى شروط اللبس تكون متحققة .. ومش برجح اى أراء لان الفرق بين ده وده هو " تغطية الوجه والكفين فقط "

2

0

Liked by: ✖️. A N I N | الانيــن

الكلام ده اول مره احكيه لحد ومش عارفه ليه حضرتك بالذات بس يمكن ظهرت قدامي ف وقت مناسب مش حابه احكي لحد اعرفه اولا لان حاله الاعتراف دي مش بتجيلي كتير وثانيا لان الحمدلله بحكي ربنا كل حاجه وهو بيريحني ورضيني بحالي دايما بس هو وقت المشكله نفسه اللي يبقي كده بجد تعبت والمشكله انها امي يعني وشي ف وشها

January 26, 2015

انا مقدر جدا اللى انتى فيه خاصة انى مريت بفترة طويلة بمشاكل مع والدى وعارف الازمات دى بتبقى ازاى .. لكن كل اللى اقدر اقوله ليكى تحملك لها صبر وجزاء وأجر ان شاء الله .

2

0

Liked by: Maged Bin Abdullah *

عايزة اهتم بالدين اكتر من كدة ولان كل مسلم مسؤل ان ينشر دينه انا نفسي انشر كل حاجة عن الاسلام والسنة

January 26, 2015

الانترنت والفيس بوك مجال مفتوح للنشر .. اعمل اكونت وانشر فيه زى ما تحب وسوق له فى الصفحات بتعليقات منك فى الصفحات المميزة وابعت للناس على الاكونتات وعلى الاسك هنا وهتوصل ان شاء الله ومش شرط العدد ولا الكم المهم الاستفادة

2

0

Liked by: abdo salama (حظابط)