@lovlad

AHMED Abd Elrahaman

Ask me anything Follow

Ask @lovlad

Sort by:

Latest Top

طيب جايز العكس ممكن اللى متعلق بالكلام لما يشوفك يغير رأيه :P

January 19, 2015

فيه ناس هتقولى مكنتش تجاوب على السؤال ده لانه بيستفزك مثلا وعاوزك تجاوب عليه بس انا موافق اجاوب :)

لاء اطمئن مش هيغير رأيه خالص .. بل هيزداد إصرارا هههههههه :))

بقالي كام يوم بحلم بكلاب بتجري ورايا وممكن أكلمها ونتخانق بالكلام ؟!!!

January 19, 2015

شوفى ايه المشاكل فى حياتك حاليا .. " مع اهلك او اصدقائك " شوفى ايه اللى منغص عليك ايامك الفترة دى هو اللى مأثر عليكى فى الاحلام بالشكل ده .. او مشاكل ممكن تحصل بعدين او اشخاص عندك هيسببوا ليكى ضرر فابعدى عنهم ..

او ببساطة شديدة لو بتمتحنى اليومين دول وتعبانةفى الامتحانات .. فالكلاب دى هى المواد :D

Liked by: Rania °•°•Forgotten Promises•°•°

بس انت نزلتها قبل كده ع اسك صح ؟

January 19, 2015

أيوه فى البداية خالص مكنتش منتبه للأمر ده

People you may like

Doha Ahmed

also likes

#القراءة

Mohammed Alaa™

also likes

#الطب

Hasan Mohamed

also likes

#التاريخ

ََبَليغٌ

also likes

#مقارنةالأديان

• ؏ـل ــ͜ـ͡وشہ 93┆

also likes

#دراسة

khaldfareed

also likes

#القراءة

الّسٙمْآآآنٰ

also likes

#الطب

مفسر الاحلام

also likes

#التاريخ

Rahma Eslam❤

also likes

#القراءة

محمد حمدان

also likes

#الطب

abeer emara

also likes

#التاريخ

وَقَار

also likes

#القراءة

Mairoze Tarek

also likes

#الطب

Ahmed Elherbity

also likes

#التاريخ

آلاء..⁦⁦⁦⁦❤️⁩

also likes

#القراءة

Salma Qattawy

also likes

#الطب

محمد نصر ليله

also likes

#التاريخ

Thamarat Hesham

also likes

#القراءة

Manar Atef

also likes

#الطب

Hatem El Mahdy

also likes

#التاريخ

(7amed sa3ed)

also likes

#القراءة

Alaa Ammar

also likes

#الطب

سارّة إبراهيم

also likes

#التاريخ

Hazem 2M(Хазем 2М)

also likes

#القراءة

أروىٰ عزت

also likes

#الطب

Want to make more friends? Try this: Tell us what you like and find people with the same interests. Try this:

#tamerhosny #realmadrid #ahlawy #friends #amrdiab #football #zamalek #amr_diab #zamalek #alahly

+ add more interests + add your interests

لية مبتنزلشي صورك زي الباقيين

January 19, 2015

مبحبش الشهرة :) .. ومش علشان شكلى وحش لاء .. بس ان كانت الناس بتتعلق بالكلام فما بالكم لما يكون فيه صورة مع الكلام !

Liked by: °•°•Forgotten Promises•°•°

رايك ف الحب ؟

January 19, 2015

لما خلق الله أدم خلق له أنيس فى صورة " حواء " .. فكانت هى نصف الخلق وآدم نصفه الأخرين وكلاهما لبعضهما البعض .

ممكن نحب واحد من مجرد كلامه هنا لو بيكتب يعنى ؟ وهل بيكون حب حقيقى قد يصل للعشق ؟ حدثنى بإسترسال .

January 19, 2015

الاجابة على السؤالين ممكن يحصل .

لكن .. ممكن يفضل مجرد تعلق واعجاب بس لوجود حالة من الفراغ العاطفى والكبت يوصلوك انك بتحب لدرجة العشق .

فى رأيي الحب الحقيقى هو اللى بيبقى بالتعامل المباشر .. نظرات الأعين .. همس الكلام الخاطف .. تورد الوجوه .. وما يعرف " بالعشرة " بين القلبين .. ده اللى بيولد فعلا الحب الحقيقى وبيقويه .. لكن ما قبل ذلك بيبقى درجات مختلفة من الحب زى الاعجاب وحب ايوه لكن مش قوى .

المهم .. متحبش حد من كلامه .. متحبش حد من بوستاته .. متحبش حد الا لما يتقدم لك :D

Liked by: Rania °•°•Forgotten Promises•°•°

الويندز لما بتسط و تجيب نسخة جديدة ساعات بيحتاج تدفع فلوس و بيتم بطريقة معينة بحيث متدفعش وبيبقى مسروق دى سرقة ؟

January 19, 2015

الله اعلم

اختي الغاليه بيد...♥ اتمنى من الجميع متابعته باحترام وتقدير♥وجعلو انفسكم راقين باخلاق المسلمين♥دمتم بود احبتي ♥لمن اراد تبادله في المتابعه يرسله له♥

عــــــبــــدالله_#إكتفاء⛔

January 19, 2015

اعجبنى حسابك يا عبدالله بالتوفيق

Liked by: عــــــبــــدالله_#إكتفاء⛔

هو لو انا بروح مشوار سفر طويل فبصلي الضهر والعصر الصبح قبل معادهم طبعا ورجعت البيت قبل المغرب أصليهم تاني

January 19, 2015

مينفعش تصلى الظهر والعصر جمعا وانت مسافر الا بعد وقت أذان صلاة الظهر .. وتصليهم جمعا لو انت مسافر وتخشى ان سفرك هيمنعك من صلاة العصر فى وقتها ..

ولو انت عارف انك هترجع البيت يبقى متصليش العصر بعد ما تصلى الظهر وانما صليه لما تروح .
وحاول تبقى تصلى فى اى مسجد فى طريقك لو استطعت

Liked by: salma ala'a

هل فعلا مينفعش بنت مسيحية تشوف شعرى لأنه حكمها كالرجال ؟

January 19, 2015

مين قالك ان حكمها كالرجال ! .. هى أنثى مثلك بالعكس الزمن ده العلاقات بقت عادية يعنى مش شرط مثلا تحسدك علشان انتى مسلمة بالعكس المسلمة اللى زيك ممكن هى اللى تجيبك الأرض :D .. فالموضوع مفيهوش كلام واضح مثلا او تحريم قاطع والله اعلم .. وانا شايف انك تستغلى التقارب ده اللى موجود بينكم بحيث يكون دعوة لها بحسن الخلق منك وان ده نابع من دينك والتزامك .

Liked by: °•°•Forgotten Promises•°•°

هو حرام ان افكر ف حد معين ممكن تقول اعجاب وعايزاه يبقا ابو اولادي بس عقلي رافض دة ؟

January 19, 2015

لاء مش حرام .. بس مضر ومفيهوش داعى ومتعب جدا :)

http://forums.mn66.com/imgcache/2/475183women.png هذا صوره لانواع الصليب واشكاله لمن اراد تبليغه لاهل الجهل والظلال^^♥

عــــــبــــدالله_#إكتفاء⛔

January 19, 2015

ما الناس عارفة شكل الصليب ايه الداعى لنشره !

بالاضافة إن الصليب فى حد ذاته كشكل ليه فيه أى مشكلة .. الصليب شكل قديم جدا منذ الأزل وله عدة أنواع ومسميات مختلفة ولم يتخذا أصلا شعار للمسيح من قبل الحواريين فى وقتها وانما ظهر على ايد قسطنطين لما شاف حلم وهو شايل فيه صليب ذهبى واتقال له فى الحلم " بهذا تغلب " .. فمن وقتها وهو شعار رسمى للامبراطورية البيزنطية ..

الصليب الحقيقى هو اى صليب يرفعه قدامك مسيحى بهدف الاشارة انه صليب المسيح .. لكن الشكل نفسه مثلا لو عندك أداة فى بيتك على شكل صليب او حتى اثاث بدون القصد من انها معمولة علشان المسيح فانا شايف ان الامر عادى جدا

يعنى انت مثلا فى الصورة اللى انت حاططها .. فيه صورة مرساة سفينة ! .. هو شكلها كده علشان الاستخدام بتاعها بيحتم كده ! .. والسيوف باستثناء الكاتانا اليابانى برضه شكل صليب ! .. الصليب هو شكل هندسى ومسمى لتقاطع خطين باطوال مختلفة فى مكان التقاطع وابعاد الطول ..

Liked by: عــــــبــــدالله_#إكتفاء⛔ °•°•Forgotten Promises•°•°

خايفة عليه من ذنب قطع الرحم استاذى

January 19, 2015

ادعيله :) .. ده كل اللى تملكيه له وعسى ان الله يغفر لهم ويحل الخلاف اللى بينهم ده :)

Liked by: اعمل 25 لايك ويوصلك 50 فورا

جوامع بيلا عامله ايه فى الشتا يا استاذنا .. سامعه انكم متغرقين :D :D #وحي_القلم بدأت اقرا فيه من فتره عجبني اوي بذات كلمات النص اللى فيه تشجع على الكتابه ويبقي مصدر :) يا رب تبقي دايما بخير وبصحه وعافيه :)

January 19, 2015

الجوامع بخير الحمد لله ومازلت تصدح بالأذان والصلاة مقفولهاش لسه :D .. بس الجو هنا كويس الجو عندكم اللى سئ جدا فى البرد أكيد خاصة ان مفيش اى أمطار .. أنا بخير الحمد لله ايه الاخبار فى الامتحانات ؟ والكتاب مفيد جدا وبنصح بيه أى كاتب فعلا انه يبدأ بيه رائع وبيفتح ليك أفاق عدة وعسى نشوف إبداعات قريبا منه :) .. واحنا مش متغرقين وبس ده غرق وتراب مع بعض ! .. مش هقول على بلدكم بقى فى الشتا بتبقى ازاى !

Liked by: Abdallah Al-Hiary

ممكن اكون استنبطت الكلام غلط ولا يهمك :)

January 19, 2015

حصل خير ربنا يكرمكم يارب :)

بمناسبة بوست الاباء والابناء .. انا والدى الحمد لله حنين علينا جدا وبجد بيستحمل تعب كتير اووى عشان خاطرنا خصوصا اننا كلنا بنات بس للاسف حصل مشاكل بينا وبين خالى وخالتى وبابا مقاطعهم من زمان وكل المحاولات معاه مش نافعة انا خايفة عليه اوى ومش بايدى حاجة اعملها +انه مؤيد للسيسى .. اعمل ايه ؟

January 19, 2015

خايفة عليه من ايه ! .. خلاص هو قاطعهم ومفيش حل بإيدك فإدعيله وإنتى أحرصى على برهم وزيارتهم ما أمكن والسؤال عليهم وعلى أبنائهم بالطبع وربنا يعينك على المحافظة على صلة الرحم يا اختى ويجعلك ممن وصلوها فيصلهم الرحمن :) ..

اما بالنسبة لموضوع مؤيد للمذكور .. فوالله الناس ما بين عدة أمور فى المسائل اللى زى دى ومش هقول ايه هما علشان متتاخدش انها اهانة ولا حاجة بس منهم .. المضحكوك عليه والملبس عليهم الحقائق .. فهنقول ايه ربنا يهديه وان مكانش شايف لحد دلوقتى اهو والد وعنده مسئوليات بكره هيشوف لما الدنيا تسود أكثر الجنية دلوقتى بينزل فى سعره والاسعار للأسف هترتفع أكثر وهتبقى مجزرة ربنا يستر على البلد

Liked by: °•°•Forgotten Promises•°•°

ﻋﺎﻭﺯه ﺍﻋﺮﻑ ﺗﻘﻴﻴﻤﻚ ﻟﻠﻨﻘﺎﺏ ﻭﺭﺃﻳﻚ ﻓﻴﻪ ﻋﻤﻮﻣﺎ ﻣﻦ ناحية ﺍﺳﺘﺨﺪﺍﻣﻪ ﻓﻲ ﺍﻟﺼﺢ ﺍﻭ ﻓﻲ ﺍﻟﻐﻠﻂ !! ﺟﺎﻳﺰ ﻧﺎﺱ ﻛﺘﻴﺮ ﺿﺪﻩ .. ﻓ لو ﺍنت ﻣﺄﻳﺪه ﺣﺘﺄﻳﺪه ﻟﻴﻪ ! :)

January 19, 2015

النقاب مينفعش تسأل حد عنه ان كان يحط له تقييم او ميحطش :) .. دى عبادة والتقييم اللى بيحطه هو ربنا مش احنا

- اما من ناحية استخدامه .. فى كل شئ فى ارض الله ممكن استخدامته فى الخطأ أو الصواب .
الإسلام نفسه كدين ممكن وبالفعل بيتم إستخدامه فى الخطأ إما بقصد أو عن جهل .

- لو هيأيده وبعيدا عن إنه فرض أو لاء .. أو حتى مستحب فى زمن ما .

أقولك .. أنا شاب .. وعارف الشباب كويس .. ومن أهم الحاجات اللى تحمى البنت من الشر والسوء اللى جوا الذكر هو النقاب :)

- عموما انا حاليا مع الالتزام بالشروط اللى أقرها النبى ووصفها الله فى كتابه عن شكل اللبس نفسه اما تغطية الوجه فهى محل خلاف والخلاف فيها سائغ ولا احد ينكر على الأخر فيها شئ .
- ان كان النقاب نفسه هيعمل مشاكل كثيرة كبنت فى دولة ما انتى فيها وخاصة فى مصر .. فببساطة هترفعى غطاء الوجه فقط انما باقى اللبس زى ماهو ميتغيرش فيه حاجة وقبل ما حد يتكلم " الصحابة انفسهم كانوا يخفون إسلامهم خشية الأذى "

مع ولا ضد النقاب .. برضه انا شايف ان ده مش من الاسئلة اللى ينفع تتسأل .. وأكيد أنا ضد أى إستخدام خطأ لأى شئ فى الدين .

كمثال سريع على الاستخدام والفهم الخاطئ المضر .. أتذكر حادثة للصحابة فى ليلة شديدة البرد وأفتوا أحدهم إنه لا يجوز له إنه يتيمم وفيه مياه للوضوء .. وتوضأ ومات ! .. نهرهم النبى صلى الله عليه وسلم ..

تفسير القرآن لابن كثير ام تيسير الكريم الرحمن فى تفسير كلام المنان للشيخ السعدى ؟

January 19, 2015

تفسير السعدى أبسط وأقصر .. إبن كثير بعتبره المستوى الثانى فى البسط فى الكلام ومزيد من الشرح بالاضافة ان ابن كثير مؤرخ كمان فهتلاقى تفسيره مليان افادات وبالاضافة كمان ان التفسير مش كبير تقريبا 6 اجزاء على ما اكثر وجميل جدا وابسط من غير من التفاسير الكبيرة

Liked by: Maha Hamdy

دي اجابتي ع سؤال حضرتك ع الفيس بقيت متشدد اول ما جيت ع الاسك تاني بحس ف كلامك بعصبيه ع عكس ما بتقول انك طويل البال ممكن ف غيابك حاجة اثثرت عليك ومخنوق منها او قرار حضرتك اخدته المهم انه في تغيير وكمان حضرتك تعبان نفسيا ودة ماثر عليك عضويا

January 18, 2015

صدقا انا مفيش مرة بكون متعصب فيها ولو متعصب بقول وبعتذر .. المشكلة ان لغة الكتابة باردة واوقات مش بتكون معبرة لانى بجاوب اجابات اوقات بتبقى سريعة ومختصرة على السؤال نفسه فاكيد مش هيبان منها حاجة .. اما بالنسبة للتعب النفسى فلله الحمد معنديش اى مشاكل نفسية .. العضوى ده مزمن مش اكثر :) .. لكن اللى قال على انت كنت متشدد كان يقصدنى على الفيس من البداية .. وانت بتقول الاسك .. طيب ايه هو نمط التشدد ده وكان بيظهر ازاى !

بغض النظر عن العصبية لانها مفهوم متماهى ومش واضح لانى انا بؤكد لكم انى مش بطلعها فى الكلام فعلا

Liked by: Rania

كبنت اعمل ايه لما يجيلى عريس ؟ وهل بيظهر على العريس انه موافق عل البنت ولا لاا

January 18, 2015

شوفى ده
http://ask.fm/louloaa/answer/122941490531

واكيد بتحسى وقتها فى القعدة هل فيه قبول ولا لاء من الكلام بينكم .

رايك في زواج بنت قاهريه من شاب من محافظة مختلفه

January 18, 2015

مفيهوش مشكلة لو حتى من كوريا الجنوبية .. بس فيه حاجات بتظهر زى موافقة الاهل ان بنتهم تبقى بعيدة وموافقة اهله هو انه يتزوج من خارج المحافظة .. مسألة الاقامة هيقعدوا فين .. من اللى شوفته دول أكثر مشكلتين ممكن يظهروا فى الأمر ده ودائما بيظهروا الا لو الاهل من الطرفين عندهم عقل

Liked by: Rania حط 10لايكات حيوصلك 300 لايك

لما بتقول هنا فى الاجابة الاولى افتكر انك تقصد حد معين حصل خير

January 18, 2015

خير :)

http://ask.fm/lovlad/answer/123073936738 اتفضل

January 18, 2015

اه فين المشكلة هنا :) ؟ ..

http://ask.fm/lovlad/answer/12307393 مفهمتش

January 18, 2015

هات السؤال تانى لان اللينك بايظ

حمد لله على السلامة وينك ؟

January 18, 2015

الله يسلمك .. هنا :)

عندى مشكله كبييره و مش عارقه اروح لمين و لا اقول ايه :( انا بنوته للاسف ديما عندى الشهوه عاليه جداا و بتعب اووى و مش بكون عارفه اعمل ايه غير انى بعييييييط مش مخطوبه و كل موضوع خطوبه بيتفشكل قبل ما يبتدى يعنى مفيش جواز قريب مثلا ولا !!! اعملللل ايييييه

January 18, 2015

الشهوة ده امر طبيعى بلاش تخافى منه او تفتكرى انها حاجة محرمة او عيب او تتكسفى منها بينك وبين نفسك .. ربنا خلقك بيها فمتخافيش منها ولكن اتحكمى فيها .. قوليلى ايه اللى بيحصلك بالضبط فى اسئلة وابعتلى فى الاخر سؤال من غير كلام بحيث اجاوبك فيه .

ده اولا

ثانيا بقى .. كل حاجة ولها مؤثرات بتظهرها .. او بتزودها . شوفى ايه اللى بيزودك فى الامر ده وابعدى عنه
شوفى ايه اللى بيفجر المسألة دى عندك وتجنبيه .

ان كان مشاهدة او قراءة او كلام او اى شئ .. ابعدى عنه مباشرة .
جربى تاخدى دوش بارد شوية يخليكى تتحكمى فيها وتهدئى .
جربى تتوضئ وتصلى حتى لو دماغك مش مع الصلاة .
اخرجى اقعدى مع اهلك ومتقعديش لوحدك او كلمى صديقة ليكى .
المهم .. اعملى اى شئ يبعد تفكيرك عن الامر ده ويشغلك .

والمهم انك متخليهاش توصلك لغلط ما .. اما لو المسألة عندك مجرد تفكير فقط بدون اى افعال واللى مضايقك التفكير .. فده بسهولة جدا تقدرى تتغلبى عليه بالحاجات اللى قولتلك عليها دى .. ومتخافيش

وقت التفكير .. قولى لنفسك " مش هفكر فيها .. هأذى نفسى وهتعب ليه من حاجة لسه لم مجاش وقتها "
ومنتظر ردك علي فى اللى سألته ليكى فوق ده :)

لو هتشترى روايات لدكتور ايمن انصحك تبدأ بروايه ياصاحبى السجن .. دى قصته الشخصيه واللى هتشوقك لبقية رواياته ^_^

January 18, 2015

بإذن الله :) جزاكم الله خيرا

Liked by: Suad

(دعوة للعقلاء فقط) ... سأل عبد الله بن زيد رجلاً هل انت مستعد للقاء الله ؟ قال لا، فسأله هل عزمت على التغيير ؟ قال ليس بعد، فسأله هل تأمن على نفسك من الموت ؟ قال لا، فسأله هل من توبة بعد الموت ؟ قال لا، قال والله ما رأيت عاقل على مثل حالك !!!

January 18, 2015

الله المستعان

Liked by: Rania MSHARI

ما الذي تفعله عندما لا تعرف إجابة سؤال؟

January 18, 2015

فى الاغلب بدور على اجابة لان الناس مدام وصلت لهنا وبتسأل يبقى أكيد محتاجين الاجابة دى وبشيل الامر كانه مسئولية على لازمة الوفاء ..

حضرتك ليه خلقك بقى ضيق كده ؟

January 17, 2015

لو سألت أى حد يعرفنى هيقولك ان مرارتى واسعة وصبرى طويل جدا .. بس مش مع قليلى الأدب .. واى حد بيسأل أو بيطلب مساعدة هتلاقيهم يقولوا لك انت غلطان احمد خلقه مش ضيق ! .. وبعدين يا حاج انا راجل صاحب مرض وكبرت فى السن خلاص :D

Liked by: Rania Omneya Yousof ليت الذي بيني و بينك عاآمر ♡

تنويه

AHMED Abd Elrahaman

January 17, 2015

انا معنديش مشكلة انك تنتقدنى انا .. بس انا وبس .. متجيش عندى تنتقد اى حد مهما كان الشخص ده .. متجيش عندى تغلط فى اى حد مهما كان اللى عمله .. ده مبدأ عندى .. فإحترموا أنفسكم شوية .. إتقوا ربنا فى كلامكم وخاصة الغيبة والسب .. خليكم حلوين علشان متزعلوش بعدين

Liked by: Maha Hamdy Rania منّــة عبدالرحمن بدر

قليل الادب .. او قليلة الأدب اللى بعتوا سؤال بيغلطوا فى حد من شوية :D

AHMED Abd Elrahaman

January 17, 2015

احترم نفسك وبطل تتكلم على الناس .. الواحد بيسكت لكم لكن مش دائما الواحد يكون متسامح بشكل مطلق .. اكبر غلط .. دينا يأمرنا بالشدة إن لزم الأمر .. واللى زيكم محتاجين الشدة دى .. فالاشكال اللى مش عاجبك دى لا تعلم قدرها كويس ولا انت تيجى جنبها حاجة :) .. فاتلم أحسن ما أمسح بيك الأرض :) وأجيبك .. تحياتى :D

Liked by: karimantarekk

ليه حضرتك بقيت كدا ومش عايز تكمل ف ناس بتثق ف ارائك افتكر انك بتساعدنا لوجه الله

January 17, 2015

مين قال انى مش هكمل ! .. انا بقول هكمل هنا مع اى حد سواء ولد او بنت .. بس معدش فيه على الفيس بس .. اللى محتاج الفيس من البنات فيه اخوات انا حطيتهم فى السؤال السابق افضل وانفع واجدر بالمسئولية دى :) ..

كيف كان شعورك عندما استيقظت؟

January 17, 2015

بلاش تعرف -_-

Liked by: Maegd Bin Abdullah *

أى بنت عندها مشكلة محتاجة نقاش ومتابعة وشايفة ان مشكلتك مش هتتحل بسؤال على الأسك .. إبعتى للأكونت الأولانى بتاع وعى .. والبنات الأخريات اللى هنا دول هيفيدوكى إن شاء الله .. انا معدتش بتابع حد .. شكرا لصبركم :)

AHMED Abd Elrahaman

January 17, 2015

أى بنت عندها مشكلة محتاجة نقاش ومتابعة وشايفة ان مشكلتك مش هتتحل بسؤال على الأسك .. إبعتى للأكونت الأولانى بتاع وعى .. والبنات الأخريات اللى هنا دول هيفيدوكى إن شاء الله .. انا معدتش بتابع حد ولا بدخل فى نقاش بشأن أى مشاكل .. المتابعة هنا على الأسك إن شاء الله بس اللى تسأل تكون موضحة تماما وربنا يقدم اللى فيه الخير

شكرا لمتابعتكم وأتمنى أقدر أفيد بشئ

http://ask.fm/OAwareness

http://ask.fm/louloaa

http://ask.fm/lamisloli

http://ask.fm/O7BakaRaBy

http://ask.fm/konBlsamn

http://ask.fm/MawadaMostafa

http://ask.fm/IamDentist

http://ask.fm/amirahelmy

http://ask.fm/DoaaAboSaleh

Liked by: Rania السِينْ.

لو شاب غلس شوية ع بنت وقالها وحشتيني والحاجات دي بس هي هزقته مرة واتنين بس هي مقدره مشاعره دي بس بردو المفروض يفهم ان ليها بيتها يجي يخبط عليه ايه راي حضرتك صح الموقف اللي عملته دة ؟

January 17, 2015

لاء انا شايفة انها متقدرش مشاعره دى نهائيا .. وتكبر دماغها وتديله بالجزمة على دماغه لو لزم الامر .. والمفروض ان دى حاجة هو يفهمها من نفسه يعنى هى حتى لا تبالى انها تعرفه ده .

Liked by: Rania Maegd Bin Abdullah *

استاذى.. ارجو اقتراح بعض الكتب التى استطيع اقتنائها مع العلم انى حديثة العهد بالقراءة , ولكنى اريد التوسع فى امور دينى وأبدأ كأنى حديثة العهد بالاسلام .

January 16, 2015

- كتاب الايمان لمحمد نعيم .. وكتاب المنة فى شرح اعتقاد اهل السنة لياسر برهامى .. دول فى العقيدة كويسين جدا
ورسائل محمد بن عبدالوهاب فى التوحيد .

- الملخص الفقهى للشيخ صالح الفوزان .. بس ممكن يحتاج لشرح فهاتى معاه " صحيح فقه السنة " لابومالك كمال السيد سالم .. مفيد جدا جدا جدا جدا للـ 100 سنة القادمة .

تفسير القرآن لإبن كثير .

- سلسلة كيمياء الصلاة لاحمد خيرى العمرى.. مفيدة فى العبادات وفهمها .

- سيرة خليفة قادم لاحمد خيرى العمرى .. كتاب مهم جدا فى فهم الدين والنواحى الفكرية للقرآن .

واخيرا ادخلى هنا
https://www.facebook.com/wa3e4all/posts/313256018875960

واتعلمى من البداية .. ربنا ينفع بيكى وتحت امرك

Liked by: Maha Hamdy Radwa Ali Rania ياسـميـن

مش هتتجوز ليه ؟

January 16, 2015

ايه ياعم انت صدقت مش للدرجة دى يعنى ..

عودُ أحمد استاذى ..

January 16, 2015

جزاكم الله خيرا :)

قصدك انه بيستفسر لانه محتاج حاجة معلومة او كدا ؟ انا بنت لو سألك تاني وفعلا محتاج مساعدة هبقى ابعت اكونتي :)

January 16, 2015

ايوه .. طيب ماهو سأل بالفعل من قبل .. على الاقل ادينى البيانات الخاصة بالمستشفى والطبيب المعالج للحالة والقائمين بالجراحة دى

Liked by: Rania

فعلا جادلتهم مرة واحدة بس طولنا اول وتعبت بعدها جدا بس الحمد لله على كل حال :)

January 16, 2015

شوفتى بقى .. ربنا يهديهم يارب

http://ask.fm/lovlad/answer/121527642722 هو مش المرء على دين خليله ؟ فيها إيه لو حاولت أساعدهم إلى جانب الاهتمام بنفسي ؟ :(

January 16, 2015

الجدال بيبقى مرهق وممكن يتعبك فالافضل مدام الطريق مسدود وبيلاقوا مبررات يبقى ركزى على نفسك .. ممكن لما تحاولى تساعدى حد تلاقى ان اللى بيحصل العكس وانتى اللى بتتشدى مش هو

ربنا يسهل ونتيجة العملية تكون ايجابية .. دعواتكم اجراءات العملية تخلص بسرعة جزاكم خيرا ^^

January 16, 2015

ان شاء الله بس ابعتلى الاكونت بتاعك علشان لما يسالنى تانى اخليه يكلمك على طول ويعرف منك التفاصيل يمكن يكون عنده حد محتاج

Liked by: عَشْرِي☣

حمد الله ع سلامتك ^^ أنرت يا أستاذي ^_^

January 16, 2015

ربنا يكرمكم

حمدلله ع السلامة دعواتك عندي امتحان بكرة

January 16, 2015

بالتوفيق يارب ان شاء الله :)

هحاول اشتغل تانى ان شاء الله

Rahma Roka

January 16, 2015

على بركة الله .. ربنا يوفقك ومجال التصميم مربح جدا وخاصة فى تصميم الويب واى حد بيبقى فيه بنصحه دائما انه يطور نفسه فيه وميقصرش نفسه على الفوتوشوب بس او حتى فى تصميمات الـ 2d وبس .. .. فيه مبادرة انا حطيتها عندى وهتلاقيها على الفيس بهشتاج اسمه #ديجتاليزر هتفيدك لو حابه تدخلى فى المجال ده .. بالتوفيق ان شاء الله

Liked by: Rahma Roka

زمان بس ليه ؟ عشان الأغاني حرام وبطلت ! ولا نويت متتجوزش !

January 16, 2015

الأثنين :D ههههههههههههههههههههههه

Liked by: Rania Radwa Ali

أنا اللي بعت عن ابن عمتي ومرضه فصيلة دمه O والتبرع مش دم هيبقى زرع نخاع ومش ف القاهرة شكرا لحضراتكم

January 16, 2015

طيب تمام .. شفاه الله وعافاه يارب .. ياريت تبعتلى الاكونت بتاعك ابعته للشخص اللى سأل يمكن يكون محتاج حاجة زى دى برضه ومش عارف !

Liked by: Rania

حمد الله ع السلامه :))

Rahma Roka

January 16, 2015

الله يسلمك يا رحمة .. كنتى زمان بتعملى تصميمات جميلة بطلتى ليه بس !

Liked by: مَـــــي Rahma Roka

اسعد الله قلبك بما تتمنى .....

N.H

January 16, 2015

اللهم امين واياكى يا دكتورة

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166

Language: English

4.1

1,266,418 reviews

Nothing here yet