هو لو انا تايهة بعد التخرج وحاسه اننا فاااشلة ف كل حاجه ومش ناجحه ولا ليا هدف وانا فعلا كده حياتي واقفه بمعنى الكلمه وحاليا ف اكتئاب حاد حتى علاقتى بربنا فاشلة فيها ومش عارفه اتفائل خالص ممكن اتفائل لوقت بسيط وارجع اكتئب تاني ويوميا بكااء وبفكر كتير فى الموت وبدعي بكده انا فعلا مش عارفه اعمل اي حاجه
تكملة السؤال : بقيت اضيع وقتي في اي حاجه ورايا حاجات كتيره جدا ومش بعمل فيها اي حاجه مس عارفه انا ليه بقيت كده مع اني مكنتش كده خالص حتى في عباداتي مكنتش زي الاولبحس اني بعملها تأديه واجب وخلاص. نفسيتي تعبت اوي بس الايام الاخيره بقيت مكبره الاخر ومش هاممني حاجه ومش بندم حتىكل يوم اقول هبدأ ومش بعمل حاجه ممكن تساعدني
====================================================
- خلينا نتفق ان مشكلتك هى مشكلة عامة ومستمرة من زمان مع اى مصرى وحاليا الوضع بقى أصعب فى الظروف اللى احنا فيها .. بل ان فيه ناس بالفعل اتخرجت واشتغلت وطلع عينيها ومع ذلك بعد كام سنة من الشغل كل حاجة توقفت واضطروا يعملوا shift career علشان يعرفوا ياكلوا عيش !
فإنتى مش لوحدك - كلنا معاكى - وكلنا تعبنا فى الطريق ده وقدرنا نخرج وبقولك ده علشان تعرفى انك هتخرجى بس مسألة وقت :)
- انتى مش فاشلة وانما عدم تحديد المصير قدامك الفترة دى مسبب ليكى ده .. انا نفسى مريت بده فى بداية 2015 وكدت انى ادخل فى نوبة هلع شديد واكتئاب جديد .. لكن بفضل الله بدأت فى اللى هقولك عليه دلوقتى !
انا محتاج انك تقوليلى دلوقتى ( تخصصك ايه - ايه هى مهاراتك المختلفة فى الحياة اللى ممكن تنفعك كشغل او حتى هوايات ممكن نشوف لها تخصص تشتغلى فيه ) او تحبى تشتغلى فى ايه عموما !
- ومن هنا هنلاقة طرف خيط نبدأ بيه إننا نعرف هنوظف قدراتك فين وازاى :)
- اما علاقتك بربنا فالاكتئاب او حالة الخنقة اللى انتى فيها والخوف هى اللى مسببه ليكى ده .. اهم حاجة تعرفيها وأساس مهم لازم يكون مستقر عندك إن الدنيا فترات متعاقبة ما بين النجاح والإستقرار والهدوء والاخفاق والصحوة والنجاح وهكذا بشكل متتابع فإعرفى ان حالك مش هيدوم أبدا :)
- دلوقتى خلينا نمسك العبادات ونقول انك مش بتقصرى فيها ( انتى بتعمليها بس من غير احساس ) ماشى ده كويس نخلى فكرة الاحساس دى لبعدين لما نستقر أولا ونعالج مشكلتنا الأساسية اللى سببت ليكى كل ده
- محتاجك بس تركزى على حاجة واحدة بس : إتكلمى مع ربنا براحتك .. إتمسكى بالدعاء والشكوى لربنا كأنها القشة اللى الغريق بيتعلق بيها ! ومتفكريش فى اى حاجة تانية .. واعرفى انه سامع ومطلع .. فده لوحده كافى
وتبطلى من اللحظة دى تفكرى فى تقصيرك وتأنبى نفسك عليه علشان كل اللى هيعمله هيزود همك وبس .
- فتعملى اللى فوق ده بالنسبة لنقطة ربنا والعبادات .
ونكمل فى نقطة الشغل والمستقبل .. فانا منتظرك تقوليلى انت ايه ومين وتخصصك وهواياتك وحياتك ! ومتقلقيش هتعدى زى ما عدت على وعدت على آخرين .. ولو انتى شايفانى حد تثقى انك تاخدى رايه ويساعدك فافتكرى كويس انى بالضبط كنت فى مكانك الحالى من قبل :) فان شاء الله هتخرجى .
====================================================
- خلينا نتفق ان مشكلتك هى مشكلة عامة ومستمرة من زمان مع اى مصرى وحاليا الوضع بقى أصعب فى الظروف اللى احنا فيها .. بل ان فيه ناس بالفعل اتخرجت واشتغلت وطلع عينيها ومع ذلك بعد كام سنة من الشغل كل حاجة توقفت واضطروا يعملوا shift career علشان يعرفوا ياكلوا عيش !
فإنتى مش لوحدك - كلنا معاكى - وكلنا تعبنا فى الطريق ده وقدرنا نخرج وبقولك ده علشان تعرفى انك هتخرجى بس مسألة وقت :)
- انتى مش فاشلة وانما عدم تحديد المصير قدامك الفترة دى مسبب ليكى ده .. انا نفسى مريت بده فى بداية 2015 وكدت انى ادخل فى نوبة هلع شديد واكتئاب جديد .. لكن بفضل الله بدأت فى اللى هقولك عليه دلوقتى !
انا محتاج انك تقوليلى دلوقتى ( تخصصك ايه - ايه هى مهاراتك المختلفة فى الحياة اللى ممكن تنفعك كشغل او حتى هوايات ممكن نشوف لها تخصص تشتغلى فيه ) او تحبى تشتغلى فى ايه عموما !
- ومن هنا هنلاقة طرف خيط نبدأ بيه إننا نعرف هنوظف قدراتك فين وازاى :)
- اما علاقتك بربنا فالاكتئاب او حالة الخنقة اللى انتى فيها والخوف هى اللى مسببه ليكى ده .. اهم حاجة تعرفيها وأساس مهم لازم يكون مستقر عندك إن الدنيا فترات متعاقبة ما بين النجاح والإستقرار والهدوء والاخفاق والصحوة والنجاح وهكذا بشكل متتابع فإعرفى ان حالك مش هيدوم أبدا :)
- دلوقتى خلينا نمسك العبادات ونقول انك مش بتقصرى فيها ( انتى بتعمليها بس من غير احساس ) ماشى ده كويس نخلى فكرة الاحساس دى لبعدين لما نستقر أولا ونعالج مشكلتنا الأساسية اللى سببت ليكى كل ده
- محتاجك بس تركزى على حاجة واحدة بس : إتكلمى مع ربنا براحتك .. إتمسكى بالدعاء والشكوى لربنا كأنها القشة اللى الغريق بيتعلق بيها ! ومتفكريش فى اى حاجة تانية .. واعرفى انه سامع ومطلع .. فده لوحده كافى
وتبطلى من اللحظة دى تفكرى فى تقصيرك وتأنبى نفسك عليه علشان كل اللى هيعمله هيزود همك وبس .
- فتعملى اللى فوق ده بالنسبة لنقطة ربنا والعبادات .
ونكمل فى نقطة الشغل والمستقبل .. فانا منتظرك تقوليلى انت ايه ومين وتخصصك وهواياتك وحياتك ! ومتقلقيش هتعدى زى ما عدت على وعدت على آخرين .. ولو انتى شايفانى حد تثقى انك تاخدى رايه ويساعدك فافتكرى كويس انى بالضبط كنت فى مكانك الحالى من قبل :) فان شاء الله هتخرجى .
