@mahamedmustafa7

Mahamed Mustafa

Ask me anything Follow
Ask @mahamedmustafa7

Sort by:

LatestTop

Previous

احكيلنا عن اكتر موقف حصلك محرج او مضحك و مش قادر تنساه لغايه دلوقتى ... ابدعواا???????

الفتره اللي فاتت كنت كتبت مقاله عن الالحاد وكده فحبيت اعرف اكتر عن الاحلاد لان حابب اكتب فيه كذا مقاله وكده فررحت وجبت كتاب اسمه الالحاد للمبتدئين ?? اه والله اسمه كده فكنت راجع في مواصلات والكتاب معانا فواحد بص علي الاسم وراح باصصلي كده بقرف وكنت حاسس انه عايز يموتني فكان شكلي زفت قدام الناس بالكتاب وفضلت اضحك لما روحت جدا ??

بتعمل/ى ايه لما بتحس/ى بفراغ عاطفى؟؟

بجيب كتب عادي واقرا لما بحس باي فراغ ?

Related users

Canal_do_Patinho
ahmed_Elabd99’s Profile Photo احمد رجب
Marufied
MafeshMNyTw227’s Profile Photo Mahmoud
"S❤kara"
Karem Aladly
Maged
Nado Ahmed Omar
mohamed_al_araby’s Profile Photo Mohamed AL Araby
Abu-bakr Rashwan
Mohamed A. Mehrez

عندي امتحان علوم بعد بكرة تانية اعدادي اذاكر ازاي

من واقع خبرتي هات الكتاب الخارجي واقرا الدروس وحل الاسئله اللي بعد الدرس وخلاص او هات الامتحانات وحل والسؤال اللي يقف قدامك ارجع شوفه ومع التكرار هتلاقي الدنيا بتثبت شويه اما لو عندك مسائل ضوء وكده حل واحده من كل فكره وخلاص
1
Liked by: Eskebar

بتشرب. ي حشيش. ؟

لا الحمدلله ولا حتي سجاير ولا شيشه ولا اي حاجه الحمدلله ????

كان زمانى حسيت ع دمى من زمان ?? مبحسش ع دمى واتزنق الا ع الساعة 12 كدة ? يلا هانت

واضح ان دي مشكلة جيل كامل انا سايب اسبوع وهتزنق بكره باذن الله ? .. اها باقي ساعه ونص ? بس ان شاء الله تبقي ماده سهله وتتلم بسرعه ?
1
Liked by: Eskebar

انت في كليه ايه ؟ او عايز تدخل ايه ؟ وليه ؟ ?

Philosopher☣
انا في كلية التجاره وكان نفسي ادخل اعلام لاني بحب الكتابه وكده وكنت عايز ابقي صحفي واعلامي بس ربنا مش اراد بس بقيت كاتب دلوقتي وبكتب مقالات وقصص بحاول اسعي علي هدفي من ناحية تانيه
1
Liked by: Eskebar

مرتضى منصور يطرد عضو في نادي الزمالك من المقهى بسبب ارتداؤه شورت .. والعضو يرد: خلاص هقعد على قهوة تانية

ما هو نادي ابوه للاسف ?
1
Liked by: Eskebar

الموت ملهوش لسن ولا وقت ولا زمان ولا مكان يا أيها الناس اتقوا ربكم أن زلزلة الساعة يوم عظيم

فعلا

عاوز اخد كورس انجليزي ياريت اللي خد او يعرف مكان كويس يقولي بس في الجيزه او الهرم او اكتوبر

في المركز الثقافي الروسي وريتش اوت

قد يأتيك البلاء علي هيئه اول ديسك في اللجنه ?

بس عشان انا اول ديسك في اللجنه وكمان في خيمه ???

!!!!اتفائل ازاي ؟

لو بتشجع الزمالك او ارسنال فالعلماء عجزوا
اما لو عموما بص علي النعم الكتير اللي انت فيها واللي مش عند غيرك وانت هتبدا تتفائل وتبقي احسن

المطفى

انا معايا المطفي والمطفي احسن لو هتجيب اسود وعموما انت بتخرج الموبايل كل شويه من الجراب وتنضفه حتي لو كان اي لون ولازم تنضف الجراب من جوه عشان مش يخربشه يعني انا لاقيت خربوش صغير في علامة الابل وانا مش عارف من ايه بس الحمد لله مش ظاهر اوي فانت عموما لازم تنضف الموبايل كل فتره وتخرجه من الجراب وخصوصا لو هتجيب الجراب اللي بيعمل دواريه علي الابل لان لو سبته فتره من غير ما تطلعه هتلاقي اللون المتغطي حاجه والمكشوف حاجه تانيه وهيبقي شكله وحش
1
Liked by: Mahmoud

طب هو الاسود المط بيتخدش صح حتى لو حطيته ع طول ف جراب

المط ده المطفي ولا اللامع ?

بس بيقولوا تمن ااموب السامسونج بينزل بسرعه مع الوقت و الكاميرا بتقل جودتها و بيعلق بعكس الايفون صح الكلام ده !!

بص بالنسبه لسعر الايفون هو اه سعره مش بينزل اوي زي اي نوع تاني اما حوار الكاميرا في سامسونج بيقل وكده الصراحه مش عارف لاني زي ما بقولك مش مسكت سامسونج هو اخويا معاه ٧ ايدج وعاجبه جدا بس بيفكر يشتري ايفون او نوت ٨ بيفاضل بردو زيك كده

تصدق كرهتنى ف الايفوون???? انت عايش كده ازاى بيه ?? .. هو مينفعش اغير نغمه الايفون خاالص!!

عشان تعرف المعاناه بس زي ما بقولك ممكن تحل ده بانك تنزل اغاني بس توصله بالكمبيوتر وتنزل برنامج الايفون علي الكمبيوتر وتنقل اغاني برحتك وسعتها بقي تعمل نعمات زي ما انت عايز .. ينفع طبعا تغير زي ما قولتلك انا بعمل كده ومغير نغمه عادي بس زي ما بقولك الايفون كده بس ليه ميزه انه سريع وقليل لما بيهنج شكله حلو بس s8 الميزه الاكبر ان الشكل تحفه بردو وحوار تقسيم الشاشه

انا طول عمرى سامسونج بس حاسه بالنسبالى اس 8 تقليدي ف الشكل بس الامكنيات عاليه و اعلى من الايفون كمان .. بس بميل اكتر للايفون كشكل و فخامه و 7بلس اول ايفون كاميرا مزدوجه مغيره من شكله التقليدي بس خايف منه علشان المشاكل الايام دى بسبب التحديث و كده ايه اخبار البطاريه و الكاميرا معاك

بص انا مش مسكت سامسونج قبل كده ولما مسكت اندرويد كان سوني بس انا بتكلم ان سامسونج بقت احسن كتير من زمان وانا جبت ايفون بسبب اني زهقت من الاندرويد وكده .. الايفون ٧ بلس كويس الكاميرا حلوه جدا والبطاريه حلوه بردو ما شاء الله يعني بتتشحن بسرعه وتعد معاك كتير بس لو هتحط في الشاحن وتعد مع الوقت هتقل زيها زي اي بطاريه والجهاز عموما ابن ناس الصراحه بس ممكن تزهق شويه من النظام لانك مش هتعرف تنزل اغاني الا عن طريق الكمبيوتر وتوصل وكده يا اما تسمع علي ساوند كلاود او تنزل شير ات وتبعت اغاني وتسمعها عليه او تنزل اي برنامج وتنزل منه اغاني وتسمع عليه بس في الحاله دي مش هتعرف تعمل رنات وممكن تتخنق من الاستوري شويه عشان مش زي الاندرويد تنزل كل واي حاجه وببلاش

اجدعان samsung s8 ولا iphone 7 plus بس عن تجربه ✌

بص انا معايا ٧ بلس وهو كويس بس الصراحه s8 اشيك اوي ? وفي ميزه انك تعرف تقسم الشاشه بين اليوتيوب مثلا والفيس لكن الايفون تقليدي جدا بس غالي عشان ايفون وكده اكيد فاهم ? ولو عايز تسال علي اي حاجه في ٧ بلس انا معاك

اي اكتر نصيحه استفد/ي منها

اولا محدس هيحبك قدك وان كما تدين تدان وان كلام الناس مش ليه اي فايده

استغفر ربنا و متنساش الاذكار بحاول اخد انا و انت حسنه اهو نطلع باي حاجه من الدنيا ???

استغفر الله
جزاك الله خيرا يارب ?❤️

#مشاري_العرادة_في_ذمة_الله اللهم اغفر لعبدك مشاري العرادة وأسكنه فسيح جناتك

امين يارب .. ربنا يرحمه

*بمناسبة الامتحانات* بتدرسوا ايه؟ واكتر ماده بتكرهوها؟!

في كلية التجاره
بكره الاحصا بشكل عام ?
1
Liked by: Esraa Ragab

أيهما أهم بالنسبة لك .. النوم أم الأكل؟

الاتنين والله بس الاكل اكتر ❤️??

في بنت في طنطا تخرج معايا نتمشي وناكل ايس كريم من ماك على حسابي حتى ?? انا ولد ?

للدرجه دي مش لاقي كلبه يا عيني

هو ممكن الصداقة تقلب بحب او العكس ؟

هي الصداقه اه ممكن تقلب حب لكن صعب ان الحب بعد كده يبقي صداقه بس الا لو الاتنين كانوا منفتحين شويه

لو واحد بعت مسدج لبنت وقالها انه بيحبها وهي مش بترد وسكوتها دا بالنسبالها رفض مع العلم انها ملتزمه وهو مازال بيبعتلها ممكن تعمل ايه .. والشباب بيفهموا الصمت بمعني ايه ؟؟

انا شايف انك تقولي ليه انك مش بتفكري في الموضوع ده دلوقتي عموما افضل بدل ما يفضل متعشم انك ممكن تحبيه في يوم فكده هيبقي احسن ليكي وليه .. والله علي حسب دماغ الولد ده يعني ممكن ولاد تفتكر ده تقل وولاد تانيه تفتكر انها مثلا مش شافت الرساله فهفضل ابعت تاني لحد ما ترد وهكذا علي حسب الدماغ

اهاا يعني صحبك بيركز بس و بيتامل عشان يحاول يركز وينجح حاجه انه بيولد طاقه ايجابيه لنفسه وثقه يعني

اها هو واخدها بالحاجات دي وهو اصلا مدرب تنمية بشرية بس متخصص شويه في التنويم بالايحاء ولغة الجيم والحاجات دي

ايوا طبعا ان الروح بتاعت ربنا -- انا بتكلم ان ممكن جد يحس ان جسمه عايم فعلا او ان حد جنبه بسبب الاشارات دي العلم جرب كل دا و في حاجات اكتر --- انتا مخليني اربط حاجات كتير ببعض بتفهمني اسرع

بص اللي اعرفه اه انت ممكن تخلي حد يقتنع انه عايم وهو علي السرير من كتر التركيز اللي بيبقي فيه وانت بتعد ترمي ليه كلام جمبه زي مثلا ما تفضل باصص في السقف كتير وجامد ممكن تتخيل ان السقف ده مش موجود وان السما ظاهره وممكن تتخيل كمان ان السما بتمطر الكلام ده كله عادي وممكن يحصل جدا

حوار اني شوفت الموقف دا انا قاري فيه برضو اسمه ديجا خي فو بالفرنساوي حاجه زي كده او ظاهره سبق الرؤيه و الموضوع حلو فعلا بس فعلا انتا بتتكلم صح لما افتكرت دا و ربطته ب دا لقيت فعلا ممكن الاتنين يبقا بنفس النظام اللي اتفسر بيه بتاعت سبق الرؤيه فعلا -- وايه حكايه الواحد اللي بيعمل دا

اها .. ده واحد اعرفه بيعمله لما بيكون مثلا عنده محاضره او عايز يركز شويه كده يعني هو اصلا متخصص في الحاجات اللي شبه دي

-- ممكن يبقي في تطابق بين الحقيقه والاسقاط وممكن لا مش دايما-- انا بقي بتككلم في الحته دي هل هوا هينجح من الاول ولا هصحي عادي بدون اي حاجه --- ومين اللي درس كده اول في حد درس الكلام دا ؟؟؟؟ هوا انا ممكن احسس حد انه عايم او روحه بتتطلع بجد بس بيلس حاجه علي دماغه بتلعب في اشاؤه المخ و بتخليه كده

انه ينجح ده معتمد علي الخطوات بتاعته هل عملتها صح ولا لا .. بص الاسقاط النجمي انت بتعمله وانت نايم وممدت علي السرير وانت بقي مثلا دخلت خلاص لو حد هزك بس انت فوقت خلاص لان بردو ناس كانت بتسال وبتقول افرض مش عرفت ارجع تاني مفيش حاجه اسمها مش عرفت ارجع تاني انت ممكن توقف نفسك عادي بانك تفتح عينك بس هو الحوار عايز تركيز وتامل عالي جدا .. الحاجات دي كلها مرتبطه بعلم النفس .. اه انت ممكن تحسس واحد انه عايم وهو علي السرير ولكن الروح قولتلك بتاعت ربنا بس

انا في حاجه قرتها اني ممكن احلم بشخص انا لمحته لثانيه في موصلات اظن هيبقا نفس الكلام ممكن اكون متفرج علي فيلم اجنبي اتصور منه حته في فرنسا و انا مركزتش بس عقلي ركز و وضح الحته دي و لما رحت لقيتها ما دا طبيعي عقلي اللي عمل كده مش انا اللي اتحركت (( انتا اول واحد اكلمه في الموضوع دا ومقرتش فيه حتي ))

لا بص بالنسبه للحاجات دي وبردو لما يحصل قدامك حاجه وتحس انك شوفتها قبل كده او ان المشهد اتكرر عليك قبل كده الموضوع ده بسبب اننا واحنا في بطن امنا بنشوف شريط حياتنا كله فمن الوارد لما تشوف موقف وتحس انك عشت الموقف ده قبل كده ده بيكون نابع من انك شوفت الموقف ده وانت في بطن والدتك ..انت لو جيت قريت هتلاقي اراء كتير جدا انا قريت بردو فيه بس استخدمت عقلي وسالت واحد بيعمل اسقاط نجمي لاني كنت هعمله قبل كده كذا مره بس مش عملته لحد الان الصراحه

حالتين - الحاله الاول بقصد و التانيه مش بقصد(بقصد اني عاوز اروح فرنسا التانيه لا ) - مثلا رحت حته معينه و عقلي حفظها رحت بعد كده -- لما انا كنت ناوي اروح و لقيت كل حاجه حقيقي طب ازاي طب ما انا الف العالم كده و لو مكنش في نيتي فلازم اتصدم و ممكن اتخض بس في حاجه انا قرتها --- هكمل تاني

بص مش كل الحالات هتصدق يعني لو عملت اسقاط وروحت مثلا مكان معين وجيت انت روحته بعد كده بجسمك وكلك ممكن يبقي في تطابق بين الحقيقه والاسقاط وممكن لا مش دايما

يعني تمام زي ما قولت بتدي ثقه تمام -- هل ان حد يعملها بقصد و زي ماقولت هوا كان عاوز يروح فرنسا راح في الحلم فا لما راح بعد كده لقي كل حاجه بالظبط -- يعني دي كانت نيته من الاول فا تحقتت ؟؟؟ اما لو واحد نام مثلا وحصل كل دا بس مكنش باراده يعني فا دا طبيعي بالنسبه انه غصب عنه ومش طبيعي انه لاقه حقيقي

بس انا مش فاهم قصدك الصراحه ياريت توضح بس

اكيد لازم اعملك فولو --- بس انا هستفاد ايه لما اجرب كده -- و ليه الناس بتمنع الكلام فيه -- و الكتب بتاعته بيتقال انها ممنوعه تنزل ليه الموضوع مخلينه اكبر من كده -- التجربه ليها فايده او حاجه مثلا - ليييه ممنوعه كده !!!!!!! معتبرين الموضوع زي السحر و الدجل و الخرافات دي

بص انا اعرف ناس بتعمل الموضوع ده عادي جدا والموضوع مش سر زي ما انت فاكر لا في ناس بتتكلم فيه عادي وناس بتعمله وناس فاهمه الموضوع غلط يعني في ناس بتقول ان الروح هي اللي بتطلع مش الوعي وطبعا الكلام ده غلط لان الروح دي مش بتطلع الا باذن من الله اما الوعي عادي ولكن بردو مش هقدر افتيلك هل الموضوع حلال ولا حرام ولكن وجهة نظري ان الموضوع مش حرام اطلاقا دي حاجه شبه التامل .. اما بقي موضوع هتستفيد ايه ده علي حسب انت عايز تعمل الموضوع ده ليه يعني زي ما قولتلك في ناس بتستخدمه في شغلها زي مثلا محاضر وعنده محاضره ممكن يعمل الحوار ده عشان ياخد ثقه بانه يروح بوعيه مثلا لمكان المحاضره ويدي المحاضره ويكسب ثقه في نفسه شويه وفي اللي عايز يروح لشخص معين يشوفه وفي اللي بيعملها فراغ علي امل انها هتحسن من حياته مثلا واخيرا الموضوع مش جدلي اوي زي ما بعض الناس بتقول عليه

Next

Language: English

4.1

1,266,418 reviews
© Ask.fm 2024