فاكر لما زعلت عشان ..
حاجه عايزها وضاعت منك
كنت بتبكى يوميها إكمنك
قلبك كان متعلق بيها
ونفسك فيها ..
عدى الوقت عليك ونسيتها
زى حجات عوزتها قبليها
إوعاك تحزن ..
عمر ما ربنا ياخد حاجه
الا عشان يديك الأحسن!
الدنيا غريبه بشكل غريب ..
ماشيه بترتيب ملهوش ترتيب
بتقرب ناس من ناس بالوقت
وبتبعد ناس عن ناس وتغيب
حاصل ضرب الأيام فـ الناس
على قسمة ربك يبقى نصيب
تعريف الخوف إنك تبقى
خايف تتساب أصلا فـ تسيب
يا هتندم على شيئ لو سبته
يا هتفرح بعد ما هتسيبه
ربك قسمها بحيث إنك ..
تتوقع شيئ يحصل غيره
وتسيبها فـ تمشى بت