كلمتين مش مهمين .. انا هتكلم عن نفسي و حاجات حصلتلي انا ، انا طبيعه تربيتي ماما كانت بتخاف عليا جدا وانا صغير و بابا و كنت مدلع اووي يعني ممكن تقول فرفور ، فدا خلاني بتكسف شويه ، مش منطلق في التعامل مع الناس ، دا خلي ناس كتير يقولوا عليا مغرور و شايف نفسي و و الكلام الكتير اللي بيتقال دا . طبعا ناس كتير كرهوني من غير ما يتعاملوا اصلاا لا هو من بعيد كدا خلاص احنا مبنحبش الشخص دا طب جرب تعرفه لا خلااص انا حكمت هو وحش . ناس تانيين متعرفهومش ومن بعيد يفضلوا يدعولك وشايفينك كويس و بيحاولوا يقربوا و يعرفوا اكتر حتي لو كل اللي ظاهر ليهم كان وحش . كلنا بنغلط و بنغلط غلطات كبيره ربنا بيسترنا ساعات و بيفضحنا ساعات عشان نفوق و نرجع . طب انا غلط غلطه ممكن اتوب منها و ادعي ربنا ويكون فعلاا غفرها لي . بس انت كانسان لاا و لسه بتحاسبني عليها لحد دلوقتي طب انت ايه في ملك ربنا عشان تعمل كدا ؟ ممكن تقول كلمه وحشه لحد يفضل يومين بيفكر فيها و مش عارف يعيش حياته الطبيعيه بسبب كلمه انت قولتها في ثانيتين طب كنت ممكن تفكر فيها كان ممكن تقول كلمه حلوه تشجعه يبقي كويس حتي لو هو مش كويس . فرضا انا وحش هل لما تفضل تقولي انت وحش انت وحش انت وحش هل كدا هبقي كويس . بالعكس هبقي وحش اكتر ناس كتير بيدخلوا حياتنا خلااص بنبني كل امالنا و احلامنا عليهم و ان خلاص بقت حياتي صح ١٠٠٪ كل حاجه بقت مظبوطه بقرب من ربنا ببعد عن الغلط راضي جدا باللي ربنا قسمه . فجأه يقرر الشخص دا ان خلاص مش هينفع يفضل يشوف اصحاب و ناس تانيين . طب ماشي دا حقك بس انا حياتي كانت قايمه عليك مينفعش تمشي انت لو مشيت انا هقع فعلا هقع و مش هعرف اقوم تاني . بس هل كلامك دا له اي اهميه ؟ لا طبعا مصلحته فوق اي حاجه فيها ايه لما تقع . طب انت بس اللي كنت صاحبي معنديش غيرك فعلا طب انا حبيتك انتي بس و حياتي فعلا هتبوظ مش هعرف امشي خطوة تانيه لو بعدتي . بس هي شافت مصلحتها في مكان تاني . و امثله كتيييير وكتييير بتحصلنا او بنقابلها مع ناس تانيين . طب انت ازاي بتستحمل تدمر حياه انسان كامله بكلمه قولتها واحد شكله مش حلو و هو عارف كدا ليه تعايره بكدا هل هو اختار شكله ؟ واحد فقير بتعايره ليه بفقره ؟ لو هتحاسب حد روح حاسب ربنا هو اللي خلقه كدا مش بايده البنت التخينه عايزه تحس امبارح مش بكرة ارحموا ضعف الناس و اتقوا ربنا .