غزل البنات وعيال فـ حوش المدرسه وعنيكي وكلام إتنسى لكن فضل على كل دكّه فـ تالته تاني مفكّرك إيه غيّرك؟ يمكن عشان الحب بيخلي اللى بيحبك غبي يمكن عشان فـ عنيكي مليون معجزه وانا مش نبي! #محمد_ابراهيم
رغم وجوده ف ارض الحزن ورغم ال اه خلق الفرحة لحد ما عاش اقصد مات بس الموت ف بلدنا حياه عمره يا سيدى مرحش بلاش عاش فرحان مستنى اليوم اللى يعيشه من غير هم و بس ياعم قضى كل حياته مستنى اجمل يوم وبرضه ماجاش #عبدالرحمن_حميدة
مشكلتك انك مش حوّا مشكلتى ان انا عامل آدم منكرش اننا كنا فـ يوم حلم والحلم فـ لحظة الخوف سرقوا انا وانتى اتنين مهما يحاولوا يفضلو مع بعض هيتفارقوا! #محمد_ابراهيم
فاكرة لما كنتي حلوة قوي ؟ وكنت باحب أصوّرك .. وانتى بتضحكي .. وانتى بتبصي لفوق بعيييييد كأنك بتنادي عـ السما تنزلّنا .. وأقولك انك أجمل حد هايعدي قدام الكاميرا دي طول عمري .. وانتى مكسوفة وعينيكي مش راضية تثبت على عينيا .. طب فاكرة لما كنا لسه حيرانين وبنداري ؟ كانوا حوالينا وبيحاولوا يصحصحوا الحكاية أكتر .. كل حاجة كانت بتشجعنا .. بتقول ياللا .. كملوا .. التفاصيل .. الرسايل اللى من فوق .. الصُدَف كل شيء مظبوط بالمللي علينا أغنيتي أخت أغنيتك .. ضحكتي بنت ضحكتك .. لهفتي منحوتة من لهفتك كنتي حقيقية قوي .. وموجودة قوي .. لما كنت باتتبع خطواتك اللي ماشية ورا حكايتي بكسوف ..طب فاكرة حواديتي اللي كنت باحب أألفهالك ؟ وكنتي ماترضيش تنامي من غير ماحكيها .. لما كنت باقولك انك بقيتي معايا في كل حاجة .. جوه عينيا وانا باصور .. في قلمي وانا باكتب .. معايا قوي .. فاكرة لما قولتلك انى باحتاجلك قوي ؟ واني لما باحتاج حاجة قوي بخاف منها .. انك ماتعرفيش معنى الفقد زيي .. وإني أخاف عليكي تجربيه ..فاكرة كام مرة قولتلك: اوعي تبقى موجودة ومش موجودة .. ومافهمتنيش .. ؟ فاكرة لما كنت باغلس عليكي بأغنية منير : بتبعديني عن حياتك بالملل وكانت بتضايقك قوي ؟ ........... بصي .. مش عارف ليه مش مستنى رد منك .. يمكن اتعودت على سكوتك .. لكن انا فاكر كل ده .. كل ده محفور في دماغي قوي .. بس اللى بحاول افتكره ........ أول مرة تدخلي تنامي من غير ما تطلبي مني حدوتة كمان .. أول مرة ادخل انام من غير ما أدور على اسمك على الموبايل .. أول مرة أسمع تهاني أو مواساة على حاجة .. وانا مش مستني اسمعها منك .. أول مرة أحس انى لوحدي .. قوي .. أول مرة أحس ان الرسايل دي .. بتهزر .. أول مرة أحس اني معرفش عنك حاجة .. أول مرة أسأل نفسي: هي حلوة فعلا ؟ أول مرة أمسك كاميرتي / أمسك قلمي / أشتغل ..من غير ما اسمع صوتك في عقلي .. أول مرة امشي على البحر وايديا في جيوبي .. من غير ماحس بإيد ماسكة ايدي جوه جيبي .. أول مرة تكوني قدامي عاوز اقولك كلام كتييييييير وماقولش ولا كلمة .. أول مرة أحس انك مش موجودة .. خالص .. ! تصدقي مش فاكر ؟
الحُب الأول - و شارعها .. و دروس الثانوي و مراجعها .. و السهرة تقَلِّب مواجعها .. و أتفاجئ بالدمعه فـ عيني ..... فينك دلوقتي و أنا فيني ..... #نبيل_عبد_الحميد
ربنا بيحبك علي فكره ,, لو مبيحبكش مكنش اٍبتلاك او زِعلت علشان تِفتكره وقت محنتك .. ربنا لما بيكره عبد و العبد دا بيكون بعيد عنه ربنا بيديله ويرزقه ويديله ويسعده وميزعلوش ابدا لانه مش عايز يسمع منه كِلمة يارب ,, اٍحمد ربنا اٍنك مش من الناس دي #الحمد لله ^_^